串Grill 自助燒烤專門店 (廣華街) (Closed)

本身係網上睇到推介話呢間自助燒烤3小時任食好似幾正就去book位試下，一入去個侍應已經好冇禮貌，係咁吹你落單，之後第一轉d野食晒佢就吹我地要keep住落單，後來d friend 黎到我地落第二轉，之後我個friend 寫都未寫完佢就已經收咗，仲話：我幫你收咗呢張先啦，我個friend話：但係我地未寫完，佢就話：你地寫過第二張啦，之後我地根本估唔到原來佢一直冇比過我地張order入廚房，佢個刻除圍身出咗去，我地就咁等咗超過半個鐘，根本冇人理我地，之後個friend 舉手問另一位侍應第二轉d order黎，個侍應入廚房check發現根本冇地張order，叫我地重新寫過張，好啦之後頭先個第一位返黎喇，原來佢去咗買外賣返黎🙄之後佢返到黎冇耐d野食都黎哂，我地仲燒緊，個第一個侍應就無啦啦拎住張單走過黎話：你地已經夠咗兩個鐘喇，麻煩埋一埋單先啦，之後我地就討論唔係3個鐘任食咩，個振佢執緊其他野佢根本就係聽到我地既對話，之後佢就走埋黎話：因為其實你地已經夠咗2個鐘架喇，d野你地都燒唔晒架喇，我幫你收咗去先啦。之後我地比咗錢仲一直食緊淨低d食物，條友就係咁行過黎我地附近，係咁比壓逼感我地。真係估唔到呢

見平時門口都有人等下, 所以book左慶祝朋友生日。間鋪好細, 無論幾多個人都係咁大張檯. 一部串燒機. 6個人坐埋一齊有小小迫. 中間個位頂腳放題2個半鐘。但個爐燒得好慢.. 個電爐最大火10度. 但鋪唔比我地較到10度. 話會跳制..咁就大鑊啦..燒串雞翼..張紙話14分鐘..事實燒半個鐘😑仲要一寸得一隻(半隻+半隻).. 6個人2個鐘都食得果小小野..無乜點食過野就last order...最好笑係last order到左...燒緊都未食得就話夠鐘交檯..仲要收走返d串燒..果下心諗: 點解要收走? 係咪會重用比下一張檯?我地無奈到最後連蛋糕都未切就走左.唯一比較滿意,就係有哈根大師食.有朱古力/曲奇/士多啤梨味但$230/位..真係完全唔值.

今日5個人（3男2女）食生日飯見佢之前既post 幾得意，去試下點知中哂伏，好失望👿👿👿手寫落單，野食好快到，200幾蚊放題都唔會諗住食物有幾高質個爐最高10度，但店員唔比開，只可以開7度話會跳制，搞到d 野食淨係燒魚蛋都要15分鐘，但餐廳寫得120分鐘時間一直無停過燒，但係夠鐘既時候連我一個算細食既女仔都未有飽既感覺，店員示意落多一轉last order, 爐太慢我地連本身叫既野都未燒完，因為未夠飽都落埋last order, 食物有送到枱上， 但我地燒多15分鐘左右，店員將我地未燒既野食全部收走，真係呆左，你會收走又點解會叫我落last order 呢. 之後叫我地交枱，店員不斷在旁監視，感覺唔舒服，最後我地連蛋糕都無切就走了. 🤬🤬🤬🤬🤬

本身很有期待，空間太少位置很迫，最重要最重要係個爐唔熱，所謂10分鐘就食得嘅串燒，要20分鐘，服務人員態度超級差，當係我地面前打開發現沒有貼士的時候，就立即出聲話我地夠鐘要叫我地走！ 如果要食得飽肚我諗要坐四五個鐘！最離譜係當叫我地差唔多時間要走嘅時候，竟然收走咗我地last order係枱面未燒的野食！

#串grill自助燒烤專門店全自動串燒餐廳，又好玩又好食‼️懶人必去，仲要唔使擔心野食會燒焦好似多春魚、棉花糖、雞翼果d只要擺係爐上面，由佢地自轉大部分野食5-10分鐘已經燒熟每一轉仲可以擺夠12串，真係超方便☺️小編推介：和牛串，波蘿同多春魚食材有差唔多50款基本既雞、牛、豬、羊、丸、菜都會有既不過要記得落調味料燒汁、醬油、海鹽，孜然粉，辣粉等等鍾意邊樣就自己落🤣P.S. 餐廳座位有限，記得早d預約評分：7.8 / 10

終於搵到一間又好食又好玩既串燒店。每枱都有一個識自動旋轉嘅燒烤爐，只要將串燒放上去就識自動轉，可以根據唔同食物參考返燒烤時間。食物選擇都幾多元化，有肉類、海鮮、蔬菜、丸等等。其中M5和牛同雞蛋仔係必食。所有串燒都未經醃制，係由自己調味，有孜然粉、味椒鹽、海鹽、辣粉選揀。而醬汁有韓式梨汁燒烤醬、泰式燒雞醬，個人推介孜然粉。同時亦有多款飲品汽水豆漿任飲。最後仲可以like埋Facebook有一杯Häagen-Dazs雪糕送。分時段入座，每個時段也可以任食120分鐘。

今日終於嚟左呢間想試好耐嘅串Grill，因為見佢嘅賣點好有趣，串燒擺上個爐會自轉，好似好方便！一坐底 店員就會俾一大碗沙律，同埋一set精選嘅串燒等你可以試幾樣先，同時都會教埋我地點用個爐同介紹調味料、醬料。串燒種類好多，我地最中意嘅係牛類嘅串燒，牛味好重，肉質都好淋。食得太多肉同丸覺得膩都唔洗驚，因為有好多蔬菜嘅選擇，我地試左菇、翠玉瓜，我最中意就係菠蘿，酸酸甜甜解肥膩又解口渴。提起口渴，鋪頭提供任幾款飲品俾大家任飲。唔好以為食串燒會無甜品，呢度仲有得食燒棉花糖同雞蛋仔，唔夠喉嘅話like facebook仲有雪糕一杯送！

-位於旺角偏小小既內街，有一間自助燒烤既餐廳，餐內環境雖較為狹窄，但勝在可以自助燒下串燒，感覺都幾得意。-串Grill 自助燒烤120分鐘任飲任食 $198星期一至四 Happy Hour時段(17:00-19:30)-每樣食物在餐牌上都印有最適當的燒烤時間，方便客人參考。食物方面，有超過40款串燒比你揀，有澳洲A5和牛，紐西蘭牛西冷，黑毛豬頸肉，羊卷肉，冬蔭公魚塊。每款串燒既質素都唔差，不過幾住唔好一尾燒，要落下醬同粉先會入味，如果唔係就會好乾。調味方面都有好多選擇有海鹽、孜然粉、辣粉、椒鹽粉。醬汁方式又有沙嗲醬、泰式燒雞醬、韓式梨汁燒烤醬。 我推薦係燒既時候落孜然粉，食既時候就點韓式燒烤醬。-我最鐘意係佢既牛舌！😍 腸類既香辣感亦不錯，丸類都好彈牙香口。日本甜薯，雞蛋仔亦唔錯。雞翼仲要係單骨，非常方便食。不過佢有樣唔好就係個爐係下面，較頂腳。而且燒既時候長期控住個臉，會好熱。-最後like 埋lfacebook page，就送哈根大師雪糕！唔錯呢! -👅味道: 6.5/10🍽賣相: 7/10🏰環境：6.5/10🙇🏻‍♂️服務: 7/10

一直都好想試下呢間串燒任食，今晚終於約了爸爸去試一試了餐廳由5點開始營業。任食分為3個不同收費，根據不同時間入座進食而定。店內座位不算好多，不過服務好好，一下單，食物好快會送上，所以不怕等太耐而阻了燒烤時間。餐廳好窩心，不但提供食物紙點餐，仲要係任食，可以寫上自己想食的串數。而且仲有張燒烤時間參考表，可以作一個參考不同食物大約可燒烤多久，免得烤焦了。餐廳仲有大量飲品任飲，自己到雪櫃取便可了。一坐下，店員會講解及示範如何運作燒烤爐，其實都十分簡單，只需把串上了食物的食物串放到燒烤爐一個個的洞上，食物便會不停自轉，下面有發熱線，而燒烤度數亦可自己調較。所以可以好安心地點餐，等個爐幫手燒，之後就可以狂食了。所以真的可以食到不少食物串。餐廳仲有個沙律送上。桌上仲放了不同的調味料及醬汁，自己想吃什麼味道的食物都可以自己一一調較。可以製作不同口味的食物。十分特別。當下單後，不用怕下單太多而食物沒有位置放，因為有個層架可一層層放置待燒的食物，另外在爐中烤熟了的食物又可放到烤爐上的鐵架，一邊溫著，那食物便不會吹涼了，這座設計十分窩心。食物的種類都不少，有澳洲牛、美國牛、豬、雞、海鮮、八爪魚、蔬菜類⋯⋯

呢間野新開左冇幾耐 星期五$268 120分鐘任食 又見唔洗排隊就即管試下 野食款式唔太多...乜都叫d野食黎到 職員會教你點燒 只要將串串燒掛上爐入面個勾到 串串燒就會自己轉 等地就咁坐係到等食野食方面 印象深刻有台灣腸 蝦卷 棉花糖 雞皮 出面比較少見海鮮 有蝦揀 似係泰式生蝦果種蝦 食落冇蝦味整體黎講幾有報...多左時間同朋友傾計

食燒烤最大樂趣而又係最麻煩嘅地方就係要自己拎住嚟燒，如果食串燒可以自己嚟燒，又啦使「親自落手」，望住佢轉、睇住佢熟就可以食，都係一個幾得意嘅概念。旺角開咗呢間《串grill自助燒專門店》放題，食物拮好哂，以放題劃單方式送上枱，款式算正正常常，牛羊雞豬海鮮樣樣有，對啱個位放係特製嘅烤爐佢就會自己轉。由於食材係無醃過，所以調味都係自已嚟，孜然粉係我最愛，雖然略嫌肉類嘅肉味唔算突出，但一有孜然粉嘅加持就咩都好味哂。(如果有韭菜肯定好正)講起菜，呢度蔬菜類都算幾新鮮，特別係翠肉瓜都係爽口多汁！講到今晚食到最好味嘅係多春魚，佢同呢度嘅燒烤汁都夾，睇住時間燒到條魚稍為乾身就可以食；而最得意呢就一定係雞蛋仔，但其實一啲都唔似平時食嘅港式雞蛋仔，反而似麵包舖嘅雞蛋糕，但可以燒到外皮脆身，雞蛋香特別突出！價錢嚟講唔算貴，唔同時段唔同收費，基本$200左右，比平時嘅日式放題仲要平少少，汽水飲品選擇相若，但講真就一定好玩過食放題🤤 (以新鮮感嚟講...👈)

今晚跟朋友試食串Grille ，他是大半個月前訂位，相當受食客歡迎。一枱又一枱的客人不絕 ，walk in 跟預訂都有 ，串燒市場相當大。先講餐廳環境 ，旺角地鋪細少 放了5枱客，地方很窄，腳的確是頂到枱下爐身，肥一點的朋友要留意一下空間很少。另外，餐廳的抽氣水平差，我跟朋友的衫都是燒烤味。罐裝飲品任飲，怎想到沒有烏龍茶，又怎想到原來是有的，朋友都到對面711買津路，最後侍應哥哥說雪櫃有烏龍茶 ，大家都哀嘆!原來餐廳真係有供應 ，隱藏在雪櫃較低較入的位置。侍應哥哥知我朋友明天再來 ，主動幫忙存津路於雪櫃方便朋友明晚再來享用，抵讚!食物質素，餐廳都是一串串的燒物 ，款式多 牛都有幾款，以牛舌最搶味道，M5牛都好吃。雞蛋仔是粉一堆而成 ，菠蘿味道可以，多春魚都好吃，最特別是燒烤機火力不強大，慢慢燒串燒，可以保持食物熱度及口感。味粉，調味料都齊全，最後有哈根大師雪糕，硬硬的。120分鐘串燒，時間會過得好快 ，手腳都有點繁忙，一邊放串燒入爐 ，另一邊就收成，總之未停過。價錢是261元一位(連加1) 本人覺得性價比合理，超水平餐廳就不是了，普普通通啦！

店鋪的員工說話大聲，一邊工作一邊大聲唱歌，完全比唔到一個舒適環境客人！員工談話大聲仲要夾雜住粗口，令人食得好煩躁，冷氣不足，選擇不多，坐位好窄，腳位有爐，好易整到腳，無保護設施。差！

伏到一個點，比幾多錢宣傳都冇用好少寫食評 但真係不吐不快🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️坐位非常之迫 食物質素好似差所有肉類無調味 無口感服務態度非常之bad 最重要係燒烤爐係非常非常之慢慢到好似用爐烘乾食物 完完全全無樂趣可言食物+環境+服務+位置都完完全全冇質素 埋嘩$260 每位計價錢同質素路成正比性價比奇差 差到負分今生都唔會再黎可比美 漢陽院 + 名將壽司😤😤😤😤😤😤😤😤😤😤😤😤

之前上網無意中見到呢間自轉燒烤，一直都好想黎食不過每次經過想食都好多人，今次醒目了打黎book左位就實有得食啦店主好貼心，每樣食物都印有最適當的燒烤時間調味方面都有好多選擇可以迎合到唔同口味既人鍾意食味粉的，有海鹽、孜然粉、辣粉、椒鹽粉而鍾意食醬汁的，有沙嗲醬、泰式燒雞醬、韓式梨汁燒烤醬我個人鍾意食味粉多啲，椒鹽粉成為我主要既調味粉自轉燒烤果然係唔同啲燒得好均勻，又唔駛怕會燒loan燒菠蘿、燒豬肉眼、燒和牛肉眼、燒魚肉豆腐都忍唔住要encore再encore我地都食左好多串只要like facebook page，有可以送哈根大師