串燒兄妹 (華景大廈)

Open Now

Now Closed

夜晚突然想食個宵夜，見之前有朋友推介過，就黎到土瓜灣依間串燒店，依到串燒選擇挺多，而且價格不貴，自選類的，十串也只是$100，而且，當中亦有部分海鮮類。或者宵夜就岩食串燒，見佢堂食坐滿了，外賣的也一直有落單，看來，這個挺受附近的歡迎呢，野食未到已經開始期待了😋雖然見佢單多，但也不用等多久，串燒也陸續黎到。串燒選左小辣，微微辣剛好，點了豬/羊肉/牛舌/菠羅/廚師腸跟台灣腸/魷魚鬚/八爪魚，每樣都不錯，燒得岩岩好。而當中比較小有的雞腳筋，也挺好，脆骨爽口。而秋刀魚味道亦一樣不差，性價比高，另外，又加多份燒茄子，原條茄子，再埋鋪上滿滿既蒜蓉 - 超正👍🏻😋

去完朋友家探BB，見到下鄉道有新串燒店。$100有十串串燒，而且有不少肉及海鮮選擇，好抵食！串燒可以選不辣，不食辣的朋友都食得到。店內有堂食位置，但見大部分客人都是外賣。餐廳可以whatsapp 落單再自取，減卻等侯時間，好方便。自選串燒 $100/十串牛肉串牛肉大約有兩塊，燒得不韌，帶些醬汁的酸味。雞軟骨串 (2串)雞軟骨連些雞肉，孜然味道突出。花枝丸彈牙爽口日本麻吉燒魚蛋內有煙韌麻吉，一串兩舊。豆卜豆卜細細粒，燒得乾爽充滿了孜然粉香味。豆角未試過燒豆角，叫了一串試試，豆角爽甜，有好多條可以與朋友分享。菠蘿食串燒不少得菠蘿，每串有兩塊，點了兩串，菠蘿有汁。翠肉瓜清甜仍然留有水份，不會燒得太乾。蒜蓉燒即開生蠔 $28/隻生蠔大隻，燒得好香，口感豐富，蠔香味濃。蒜蓉燒元貝 $28/隻兩隻元貝洗得乾淨，有蔥花及蒜蓉作調味，元貝都大粒。錫紙蒜蓉花甲 $48/份花甲份量好多，這個價錢絕對超值！而且有金菇，花甲充滿了蒜蓉味，朋友都吃不停口。燒原條茄子 $38/條一整條茄子鋪滿了蒜蓉，聞起來好香，茄子肉軟淋淋，配上蒜蓉味道濃郁。

見到張點單紙，真係俾佢嘅$100十串吸引到👍🏻沒有特別期望, 卻帶來驚喜。😂😂絕對唔係將貨就價, 我見其他舖嘅串燒, 每一串肉都好似粒骰仔一樣大, 但串燒兄妹完全交到貨, 大大串之餘, 仲要唔會串串都係一隻味, 抵讚。👍🏻👍🏻牛肉串可以燒到嫩滑, 沒有勁重嘅醃味,但又做到一D雪味都冇, 好犀利。🤔多春魚同雞中翼好抵食, 一串兩條/隻, 都只係$10咋, 最估唔到$10都可以食到一隻大蝦, 仲係食到鮮甜味喎。再點嘅羊架, 雞泡魚干, 白鱔, 每樣都係$38, 有魚有肉有香口, 買回家送啤酒，一流喇。😍😍記得WhatsApp 落單先，去到唔使等，即刻有得攞！哈哈, 一路寫食評, 美味嘅回憶返哂黎添, 一定一定有回頭!

天氣漸漸寒冷，有時真係想食下啲串燒🍡🍢朋友講話土瓜灣有一間新開張小店，基本上$100 有十枝串燒🔥任揀，仲有其他額外小食～🤪今晚放工一於睇吓！串燒兄妹位於土瓜灣地鐵站附近，一出地鐵幾分鐘就到👍店舖用上霓虹燈，非常容易見到！$100 十串可以選擇蔬菜、海鮮、肉類或者丸/腸 都好多選擇！揀咗10串之後再額外叫咗燒茄子🍆 等咗一陣就OK了！用上黃色錫紙透明袋 非常易拿取～茄子用上辣椒同蒜蓉 非常惹味😋十串串燒 水準甚高 最鍾意孜然味道 但有少少辣其中最欣賞韭菜同牛舌～好香 ❤️

見好耐無食串燒就搵下有邊間好食，突然搵到呢間串燒兄妹，一見到100蚊10串已經覺得好抵😂😂佢入面環境唔算好大，4張台左右，好彩早1分鐘入去坐到最後一張，見之後嘅人已經要等位或者叫外賣了。開頭叫咗20串試試佢先，燒大腸一食就返唔到轉頭，真係好正！仲有其他雞皮 五花腩肉都好出色，之後另外再叫尖椒蝦滑都好特別，平時都無咩地方食到，兩個人食咗20幾串都唔夠皮，唯有又叫多10串，食完之後其實仲想食，不過太夜了已經，唯一就係覺得飲品太少選擇，其他都唔錯👍🏻

土瓜灣有間超抵食嘅串燒店，最誇張係佢哋$100有10串串燒❗️蔬菜、肉類，連海鮮都可以揀，真係抵😆。菠蘿、豬頸肉串、雞中翼串（2隻）、花枝丸魷魚鬚串、原條司華力腸 $18/條、大蝦、冬菇本身以為會份量好少，結果又唔係😍。雞中翼又脆又多肉汁。豬頸肉好爽脆，調味都好啱。魷魚鬚好彈牙。菠蘿清甜又多汁。大腸包小腸$18/條、雞軟骨串（2串）、秋葵佢哋嘅大腸包小腸原來唔係台灣嗰種，而係豬大腸包住雞肉腸。估唔到都幾好食，豬大腸少少韌韌地，加埋雞肉腸嘅鹹香幾得意。燒干魷魚$38 燒雞泡魚干$38 蒜蓉雜菇$28菇菌嘅份量好多，啱晒鍾意重蒜香嘅口味。白桃冷泡茶$10清香消暑，解渴一流。📍串燒兄妹 (土瓜灣)土瓜灣下鄉道38-54號華景大廈地下G2號舖

今晚睇波買外賣飲啤酒😆呢間片燒兄妹真係又平又好食👍🏼仲要開到凌晨1點，岩晒我呢啲夜鬼食宵夜。。有勁多種類串燒只係賣$100/10串，平均只係$10/串，真心抵到爛。串燒外賣仲有錫紙保溫袋保暖，返到屋企都熱辣辣🤗。好似牛肉、羊肉、豬腩肉、豬頸肉、豬腸、雞翼、雞軟骨…呢啲全部都係$10/串，買既時候可以擇辣度，串燒都燒得好快，大約等15分鐘左右就拎得，咁多野食我最欣賞豬頸肉、雞翼咁，因為大大串又多又好食，重點佢個孜然香味唔係好重，食落無咩味精。。除左$100/10串抵食，另外都叫左「蒜蓉雜菇$28」好多蒜蓉夠晒惹味，「汁燒牛仔骨 $38」大大份抵食夾大件。「原條司華力腸 $18」同「尖椒釀蝦滑$18」。。總結黎講，性價比極高既串燒，宵夜食真係一流💯💯

👧🏻😋👅🍽✨充滿人情味串燒小店👍🏻-串燒兄妹🇭🇰 土瓜灣下鄉道38-54號華景大廈地下G2號舖 🇭🇰-❣️等外賣時見到堂食食客同老細講俾多左, 老細既回覆係: 最緊要冇俾少, 你地食得開心就得❣️拎到返去數數枝籤, 我地又多左幾枝, 老細真慷慨 (不保證會俾多, 自己去試試運氣🤣)❣️因為佢勁抵食, 叫左好多款, 冇逐串影, 所以以下特別講下深刻D既款式😍-🧑🏻‍🍳廚師推介🧑🏻‍🍳✨燒原條茄子 $38 呢個係爆到皮都黑所以只可食茄子肉, 但咁燒法就更香口, 收水後肉質更實淨, 個蒜勁重口味🤭👅✨汁燒牛仔骨 $38 兩大舊單獨盒裝, 個汁好入味, 牛肉嫩滑唔會韌, 少少筋有咬口✨原條司華力腸 $18 界左少少斜紋, 燒到皮脆肉嫩-🍢串燒🍢 $100 / 十串💯雞腎串 勁爽口好好味, 雞腎又飽滿💯日本麻吉燒 好少串燒店特登賣呢個😍 魚蛋質地既外皮包住煙韌年糕咁既麻吉💯台灣原味腸 燒到焦焦地, 台灣腸較甜, 咬落多汁💯豬頸肉串 油脂燒到逼晒出黎勁香口, 亦keep到爽口質地-

土瓜灣串燒兄妹，位處舊區小店無華麗裝修，但絕對有平民化價錢100蚊10串串燒即叫即燒款式多，牛雞豬丸蔬菜咩都有雞軟骨爽脆口感過癮，燒得唔錯，陣陣香氣雞翼燒到皮脆肉juicy仲有蝦膠釀虎椒，呢個彈牙好食墨丸多春魚都唔錯。秋葵就簡簡單單燒香，咬落脆口，簡單健康。菠蘿本身都好自然清新，食得多濃味串燒，又食番啲清甜平衡吓另外仲有即開即燒生蠔清酒煮蜆同燒羊架等等即開即燒生蠔滿滿蒜蓉香勁爆汁燒羊架都好大舊，食落羊脂香滿滿清酒煮蜆金菇超多，無論係同朋友吹水定happyhour, 呢到都係唔錯的選擇啊～

《 #62飲飲食食 》 💁🏻‍♀️ 新開地道串燒店，開到凌晨2點，今晚半夜瞓唔著好口癢就黎左呢到食串燒😋，裝修相當有香港時代風味，門口有醒目的霓虹燈牌好易搵，串燒係即叫即燒，唔係等左好耐就食得。►🍢自選串燒 $12/串，$55/五串 $100/十串我揀左翠玉瓜、冬菇🍄、豬頸肉串、豬腩肉串、燒秋刀魚、魷魚鬚串🦑同大蝦，蔬菜類🍃都保存到啲汁👍🏻，唔會乾爭爭咁，味道方面我揀左小辣（可以揀辣度，最辣係地獄辣），全部串燒都好入味，但又唔會過咸，食咁多款都無伏。►🐣秘製燒雞全翼 $18/隻燒到金黃色，好大隻好高性價比✨💕►🌭大腸包小腸 $18/條估唔到大腸係豬大腸😂，小腸係廚師腸，呢個配搭又唔錯wo😋►🦪蒜蓉燒即開生蠔 $28/隻蒜蓉好多，生蠔🦪好新鮮🫶🏼►🐟燒白鱔 $38/串魚肉爽口彈牙，不過有小小骨，怕魚骨的人要小心啲►🥤白桃冷泡茶 $10食串燒一定要配番杯茶😋♡⋯⋯總結⋯⋯♡ ☻ 4.9/5 味道真係有驚喜，比想像中好食，呢個價錢性價比好高，黎食下串燒飲下啤酒chill下都幾開心🥳

黎到土瓜灣呢間真係好抵食既串燒餐廳，$100十串任揀(海鮮及部分食品除外)，而且食材新鮮，牛肉串好juicy，白鱔串肉質好嫩滑好厚肉，牛舌勁厚身，燒蠔加入蒜香新鮮，蠔肉大大粒，日本年糕軟熟，飲品白桃烏龍茶大大杯茶味香濃唔會好甜，羊架真係好正唔會好羶熟到岩岩好唔會好韌，燒花甲無沙仲好入味，秋葵串健康，食品種類款式多有菜又有肉，價錢比起出面其他串燒店抵食，沙嗲醬汁醬汁都可以自己按鐘意程度去加入，叔叔用心燒制作需時，要耐心等候啊。

💕串燒兄妹身邊有周圍覓食嘅朋友確係好，我地又發掘到一間高質小店喇🤭串燒店距離地鐵站5分鐘左右就到，雖然位於內街但其實都唔難搵餐牌選擇有海鮮類、肉類、蔬菜等，平時食串燒必食嘅食材都有齊，串燒大大串燒，以$100/10串呢個價錢性價比唔錯除咗串燒，廚師推介嘅燒生蠔、燒白鱔都好吸引，仲有燒羊架添🤤🔸羊架 蒜蓉燒生蠔 燒白鱔羊架賣相吸引，肉質柔軟，燒過之後更有油香，香草味調得恰到好處，同羊肉本身味道好夾生蠔夠新鮮🦪而且好肥美，配埋蒜蓉食超夾白鱔口感爽彈，燒得微微金黃，火喉控制啱啱好🔸五花腩片 豬頸肉 雞皮切得厚厚嘅五花腩，充滿油脂香豬頸肉保持到原有爽彈口感，加上辣椒粉加持，越食越香雞皮燒得乾身唔油膩，食落脆卜卜🔸大腸包小腸大腸原來真係講緊豬大腸🤣包住廚師腸，呢個配搭好新鮮🔸燒原條茄子🍆茄子鋪上蒜蓉超級惹味，金金黃黃賣相一流，食落juicy一啲都唔會乾，必點🔸冬菇 翠肉瓜 韮菜蔬菜類選擇都唔少，冬菇同翠肉瓜夠厚身，食落超有滿足感燒韮菜亦係驚喜地好大串，吸收晒辣粉嘅味道超正🔥🔸白桃冷泡茶 $10無加糖嘅冷泡茶夠解渴，有淡淡既白桃香，$10一杯妹抵飲🤗

今次嚟咗離土瓜灣a出口唔遠嘅串燒小店，價錢非常抵食！！$12一串， $55五串， $100十串，同出面比嘅串燒店真係超抵食！！😍😍今次外賣買咗好多唔同種類嘅串燒！推介秘製燒雞全翼，味道好特別，雞翼多汁，加埋香料好正。日本麻吉燒好特別，煙煙韌韌咁，可以試吓😆蒜蓉燒生蠔同埋蒜蓉燒元貝都係$28 1隻，蒜蓉分量超足料，超滿足！牛仔骨肉質好淋，可以放心嗌🤣🤣串燒兄妹開到凌晨兩點，老闆好好人，嘢食又平又好食，下次會再嚟🥰🥰

早兩日去土瓜灣朋友屋企玩, 佢推介佢屋企附近一間新開嘅串燒店,我對一般串燒店嘅印象係每次叫都要等好耐, 但今次唔同, 因為呢間可以whatsapp 落定單, 唔使等, 好方便我見到$100/10串, 完全比我幫襯過嘅串燒店都抵食。直接用whatsapp落單, 講好取食物時間, 就可以輕輕鬆鬆拎去朋友屋企食。我同朋友點了炸雞皮, 五花腩片, 雞中翼, 麻吉燒, 翠肉瓜, 韭菜。另外點咗汁燒牛仔骨, 蒜蓉燒生蠔, 蒜蓉燒元貝, 蒜蓉花甲。老闆幫我入好兩款醬汁, 泰式汁及辣汁。仲送咗杯凍茶俾我地我地拎返屋企, 所有食物仲好熱辣辣, 蒜蓉味, 串燒香味充斥全間屋全部串燒都是小辣, 好香口。五花腩片: 好入味, 薄薄的, 肉+肥膏平均雞中翼:  雞皮燒到卜卜脆炸雞皮: 朋友滿意, 燒得香脆, 只是份量太少麻吉燒: 入面嘅年糕好煙韌翠肉瓜: 好多汁, 中和返食咁多肉嘅罪疚感蒜蓉花甲: 份量唔少, 而且花甲鮮甜, 仲有金菇襯底, 吸晒蒜蓉+花甲嘅鮮甜, 好正蒜蓉燒元貝及燒生蠔: 味道不錯

每次一開土瓜灣OpenRice，就見到土瓜灣附近有好多嘢食，今次搵到呢間串燒兄妹，成日都見到門口好多人等外賣，又好多人送外賣。我地今次堂食，堂食可以趁熱食，我地叫左十串吾同種類，再加必點茄子同蒜蓉花甲，茄子超大條，而且煮到好淋好入味，再加啲蒜蓉，食幾條都食得落。而蒜蓉花甲入邊有金菇配菜，金菇嘅味道都係一流，花甲份量都幾多，不過有五六隻都未開殼，服務員都好好咁樣幫我哋拎返入去再煮一煮，蒜蓉同花甲真係好搭，送埋啤酒冇得彈。