串燒兄妹 (華景大廈)

Open Now

Now Closed

今日要去土瓜灣同事家拎野，佢又懶得煮飯，咁我地附近搵啲嘢食下就算，行行下見到門面閃亮既串燒店，睇左下餐牌都幾抵食,。有一部份既串燒1串$12, 5串$55同10串$100。小店唔算好多座位，入去坐低叫左10串再加左一份蒜蓉金菇花甲。辣度就全部揀左小辣，仲叫左$10杯既白桃冷泡茶，杯茶大大杯，超抵。10串入面揀左牛肉，牛舌, 雞肉，雞中翼，羊肉，豬頸肉，菠蘿，日本麻吉燒，花枝丸，魷魚鬚串，最後再追加左條司華力腸同椒鹽燒賣。上菜都算燒得快，每串都食到有孜然粉同辣粉既味道，小辣唔算太辣，好惹味。串燒熱辣辣上枱，而且火喉掌握得幾好，食物唔會太燶同乾身。蒜蓉金菇花甲好好食，好鮮甜，用小窩上幾特別。大量香濃既蒜蓉係入面，配上金菇放底，吸哂蒜蓉同埋花甲嘅鮮味，推介一定要試下。

第一次試呢間串燒好味串燒，外賣好快有，5分鐘就有價錢合理，去拎外賣先知佢有堂食位秋刀魚好味，10蚊好抵食下次想食串燒都會叫返佢。美中不足係外賣返到屋企先發現漏咗一串🥲

自選串燒$100蚊有十串，平民價，即叫即燒 👍🏻串燒種類除咗肉，仲有海鮮類、丸/腸類、蔬菜類通通有，種類頗多；辣度由唔辣，小中大辣，至最高級別嘅魔鬼辣，嗜辣一族應該去挑戰下🌶️🌶️🌶️🌶️🌶️🔥🔥😎今次叫咗十串串燒($100) 外賣，🐂牛舌爽口油香重，牛肉牛香味重，唔乾身，食落仲有肉汁；🐑羊肉口感紮實，夠騷，羊肉愛好者表示喜歡！🐽豬腩肉半肥瘦，有油脂感但唔會太油膩，🦐大蝦夠新鮮，最怕食到霉蝦🫢；🍍燒菠蘿表面微焦，入口多汁酸甜；🐟燒秋刀魚燒至皮脆香口；🐔雞翼皮脆肉滑；另外點咗串🐡燒白鱔($38) 新鮮，肉爽有咬口；串燒整體熟度拿捏得非常剛好，香料味道唔會太鹹，孜然粉用得恰到好處💪🏻試過去其他串燒店串燒落過多孜然粉，根本食唔到肉味🤨小店地方細細，但乾淨企理，佈置簡單樸實，每晚營業至凌晨2點，啱晒街坊夜鬼宵夜🌝另話說抽住坐車返屋企時，放工時間車箱擠迫，聽見企後面位女仕同朋友講「我聞到陣好香嘅燒肉味！」🤣🤣🤣

平時去開街市買餸，見最近新開左間餐廳🍴行過啲香味已經傳曬出嚟9條街🤣🤣🤣 #為食蟲又出現😰#燒白鱔 $38/1一間串燒店好唔好食就睇海鮮掂唔掂！因為買外賣🥡雖然翻到屋企已經唔係熱辣辣，但完全無腥味，肉質好爽口☺️#雞腎 價錢忘記了😂好爽口又彈牙，最鐘意食雞腎，早知嗌多串，意猶未盡🥲#海蝦夠新鮮啲肉彈牙，唔係霉既，食海鮮唔新鮮真係唔掂，加埋個調味粉好好味，連殻都食得，不過一串得一隻，有多隻就fit啦🦞仲嗌左 #雞肉 #雞翼 #翠肉瓜 #韮菜 #牛舌，逐款講要一千字先講得完🤣整體唔錯，最欣賞係調味粉，可以叫辣/走辣，重點唔會死咸，好香又惹味，令到啲串燒更出色😎

今晚嚟到「串燒兄妹」，街坊小店，試咗好多唔同嘅燒烤🍢$100有成十串咁多🤩整體都感覺好抵食💰，性價比高🌟首先講下啲羊肉🐑，豬腩肉🐖同五花腩片🥓串燒，味道都好香濃，質感都好好，啲調味料都好入味😋烤煙鴨胸🦆都唔差，帶好濃郁嘅煙燻味，再加上少少辣椒粉，好惹味。雞髀菇、秋葵、菠蘿、燒秋刀魚、燒白鱔同雞皮都係好嘅小食，味道都好鮮美，特別係燒秋刀魚，原條上，仲要長過我隻手，有口感之餘，揸住成條魚嚟食都別有一番風味吖😍最後，我一定要推介蒜蓉燒即開生蠔🦪同蒜蓉燒元貝，個人覺得味道非常突出，蠔大粒而且爆滿，同元貝都好新鮮，加上蒜蓉同辣椒粉突出香味同鮮味，簡直係一流🤤呢度仲有自家製冷泡白桃茶，食住熱辣辣嘅串燒，飲返啖冷泡茶，心理感覺都無咁熱氣😜總括而言，「串燒兄妹」係一個非常抵食同好嘅燒烤店，味道好，價格平價，值得一試！👍🍢題外話，如果唔夠辣，仲有自助辣椒粉可以加，食得辣嘅可以試下佢地嘅魔鬼辣，夠曬刺激😈👅推薦指數：

網上見到呢間串燒店$100就食到10串勁抵，就決定去試下🤪佢位於土瓜灣站附近，都容易搵，餐廳細細地，大約坐到10個人🙌🏻野食方面我就叫左10串串燒加個牛仔骨😮我覺得整體黎講個調味都幾足同幾入味，燒得岩岩好，D肉類都唔會話覺得太軔🙌🏻肉類入面我覺得最好食係個豬頸肉，夠爽口😮個菇一咬就爆水，好正🤪特別想提埋個麻吉燒，口感好軟糯好好食😬呢間餐廳我覺得係幾抵食，想喪食多款串燒既話可以考慮下😂

選擇多👍即叫即燒🔥串燒兄妹👍 $100/10 串好抵食！好多選擇，都唔知點揀好選擇困難症又發作🙈🙈肉類我地揀左牛肉+牛舌+羊肉+五花腩片+雞肉+雞軟骨我地最鍾意牛舌同埋雞軟骨😋牛舌好有咬口，味道亦不錯❤️雞軟骨燒得好香，又脆！👍我地揀左唔辣👌但都好夠香，味道好夠！不過我見佢有魔鬼辣呢個選擇下次都想挑戰下😆😆✨✨海鮮類揀左 魷魚🦑鬚串+燒秋刀魚+大蝦🦐本身好鍾意食魷魚🦑燒得幾香，我鍾意！大蝦🦐都幾新鮮 彈牙！燒秋刀魚都幾驚喜估唔到咁既價錢 有咁大條魚😂🐟另外仲叫左 菠蘿🍍串燒得都好香 好甜！正😄另外小食都有好多選擇其實都好多想試不過怕眼闊肚窄所以最後只揀左一樣 - 汁燒牛仔骨味道幾好，燒得都幾香總括黎講選擇好多，好味 抵食！而且佢開到2am 食宵夜都唔錯😂🫢🫢

收工無時間煮飯, 諗住是但買外賣返屋企食, 行返屋企途中見到依間新開既串燒店, 睇左餐牌都幾抵食, 所以落左單外賣拎返屋企食基本串燒種類款式都有, 大部份都係統一價錢, 分左1串$12, 5串$55同10串$100, 索性叫左10串再加左一份菜, 一份海鮮, 辣度就揀左小辣, 原來都可以預先打電話或Whatsapp落定單, 咁就唔洗去到等咁耐, 幾方便!10串揀左五花腩片, 豬頸肉, 豬大腸, 雞肉, 雞中翼, 雞軟骨, 雞腎, 日本麻吉燒同台灣原味腸, 每串都撒左少許孜然粉同辣粉, 小辣唔算太辣, 辣度剛剛好, 當中我比較喜歡豬大腸, 醃得幾入味, 食落爽脆又唔會太肥, 雞腎爽口唔會過份老, 燒腎配啤酒真係一流, 其他串燒都正常水準, 整體調味做得幾好另外再叫左大腸包小腸, 我以為係台灣個種, 原來係真係大腸包住腸仔咁, 食落外皮脆口帶煙刃口感, 幾得意蒜蓉金菇花甲隻隻都大隻厚肉, 無沙之餘好鮮甜, 蒜味夠哂香濃, 金菇吸哂蒜香汁食好正食串燒點少得燒原條茄子, 面頭撒滿調味粉, 夾起一條條拉絲茄肉, 夠哂淋身超入味呢!

串燒兄妹 (華景大廈)土瓜灣下鄉道38-54號華景大廈地下G2號舖最近都鍾意食串燒，咁啱朋友介紹有一間位於土瓜灣<串燒兄妹>佢話呢間地道平民抵食，而且味道好正宗，咁一於跟佢搵食啦！咁我本身好少去開呢頭 因為覺得交通好唔方便，不過而家屯馬綫開通咗之後人流好似多咗好多，我哋大概7:45左右去到，當時一台客人都冇我見到咁嘅情況，都有少少擔心，到底係咩原因？食飯時間都冇客人嘅？當我哋入咗去坐低之後，客人即刻陸續有黎，咁我都放心啲啦串燒 $100/10串 ，價錢相當親民！我哋兩個人一共叫咗20串（大部份重複 )，唔逐一介紹 簡單介紹幾款值得點嘅，呢幾款都係我認為孜然粉+辣粉配合埋係特別出色蒜蓉燒茄子 🍆 蒜蓉量十分之多 又香又入味 推介蒜蓉燒生蠔蒜蓉好香本身我唔鍾意食蠔，因為好怕會有腥味，但係呢個完全冇食落仲好鮮甜蒜蓉花甲分量超多，花甲下面有三至四件金菇墊底，花甲冇沙，食落仲好甜雞肉好香口，非常嫩滑五花腩肉有口感有油脂味，而且食落絕對唔會膩燒雞翼一串有兩隻幾夠味，加埋啲辣粉，正！麻吉燒 好煙靭燒得啱啱好，可以一試雞髀菇 中間介開咗令到更加入味，超級juicy!我覺得呢間串燒店做宵

收工經過土瓜灣忽然見到之前試過嘅串燒兄妹，原來呢度開咗間分店。舖頭位置在地鐵站附近，店內坐位雖然不多，應該是專門做外賣的。所有串燒都係即時即叫即燒。價錢平均都係$10就有，性價比高，款式都好多～串燒大部份都重口味，本身調味夠之外，仲有好重嘅孜然味，每款都好鍾意❤️🍡牛肉：燒完仲夠嫩🍡牛舌：夠爽口🍡豬脷：彈口🍡雞中翼：燒到剛剛好🍡雞軟骨：脆口得黎易咬🌟燒原條茄子：印象最深！唔係平時燒到外皮黑晒，一絲絲茄子肉可以夾出嚟食果種，反而係燒到茄子肉，剛剛元素外皮又未變黑加埋蒜頭辣粉調味，可以連幾多支皮整條食晒

這裏的串燒是即點即燒的，串燒當然是熱辣辣剛燒好最好吃，不過這次我們決定買回去一邊看電視一邊享受美食，所以買了外賣回去吃，食物雖然冷了一點，雖則不及堂食好吃，不過食物味道依然不錯啊！串燒種類選擇很多啊！多達三十多款串燒食物供選擇，我們點了十款串燒，可自選不同辣度，價錢很吸引呢～平均只需$10一串，超級划算啊！$12 一串$55 五串$100 十串價錢重要，味道同樣都很重要呢～雖然價錢划算，但是食物質素都很不錯啊👍串燒不是只在表面灑上調味粉，味道入味，感覺是經醃製過的，而且吃完不會覺得口渴。肉類方面，不會有雪藏味，也沒有厚厚的濃味味精調味粉，吃得到肉類自身的味道，我特別喜歡牛肉，牛味濃郁，肉質不會過韌。特別推介✨️✨️韭菜 ✨️雞中翼 ✨️煙燻鴨胸✨️五花腩片 ✨️豬頸肉 ✨️牛肉✨️日本麻吉燒 內裡是煙煙韌韌的，應該是年糕吧？除串燒外，還有其他的食物，我們另外點了一個蒜蓉金菇花甲。♡蒜蓉金菇花甲$48 🥢必點🥢醬料非常出色啊😋我和朋友都大讚好吃！有大量的蒜蓉，蒜蓉味十分濃郁，花甲金茹很掛汁，浸在蒜蓉醬汁裏，吸收了醬汁的味道，吃下去口腔就是滿滿的蒜蓉風味呢～

2023.02.06去左土瓜灣搵完朋友之後睇吓有咩好食無意中見到有間串燒店🍢超多款式：肉類🐃🐖🐐🐓蔬菜類🍍🫑丸/腸類、海鮮類🦐而且價錢好吸引😍有多款串燒只係$12/1串，$55/5串 ，$100/10串🤩🤩🤩而辣度分五種程度由唔辣去到魔鬼辣🥵飲品方面暫時只得可樂🥤同白桃冷泡茶🍑今次係$100/10串揀左牛肉、羊肉、五花腩片、豬大腸、雞肉、台灣原味腸、大蝦、多春魚、菠蘿、四季豆🙌🏻因為要準備週日比賽關係選擇左唔辣❌串燒份量多，火喉剛剛好而且新鮮香口惹味！食極唔停口👍🏻另外揀多左一款廚師推介🧑🏻‍🍳蒜蓉金菇花甲 $48✌🏻同樣份量十足，花甲無沙鮮甜，蒜香味重🧄金菇彈牙🦷飲品方面揀左白桃冷泡茶🍑$10大大杯，清甜既白桃味解油膩一流👍🏻大家經開附近都可以堂食/外賣享受串燒既快樂😁

無意中發現到這間燒烤店，看到餐牌100元10串就被吸引了，這麼便宜會不會份量好少或不好吃，但吃完以後真的改觀了，只想說為什麼沒開在我家附近！自選串燒10串（100元）非常划算的一個套餐，如果是換作一些串燒店的話，那就可以貴1倍以上了！而且這裡還是即叫即燒的，很快就可以上桌，好評！我選了羊肉，牛舌，豬大腸，豬腩肉，雞腳筋，日本麻吉燒，牛丸，台灣原味腸，燒秋刀魚和大蝦，辣度選了中辣，感覺還是有點低，建議愛吃辣的叫辣點，味道是孜然味，每串的火喉都控制得很不錯，吃起來外焦裡嫩的！其中如雞腳筋在日式串燒店算是稀有品，在這也是10元一串，吃起來爽爽脆脆的！秋刀魚更是全條上，認真超值！燒白鱔（38元）白鱔燒得表面焦香，內裡嫩滑彈牙，入口有油香，調味香濃！

唔知點解 自前排開始 一直就心思思好想食串燒🤤前日放假終於真係入咗一間串燒店坐低呢間係一間主打外賣嘅小店 只有小量堂食座位串燒款式頗多 肉類、海鮮同蔬菜應有盡有價格亦非常實惠 除返開平均10蚊就有一串串燒我哋揀咗10串串燒同埋一啲廚師推介嘅小食醫下肚******************************食物s:自選串燒 ($100 /十串)$100 十串真係超級抵食❣️可以自選辣度 我哋揀咗小辣所有串燒都係即叫即燒 熱辣辣上枱而且火喉掌握得幾好 食物唔會太燶同乾晒食落冇咁熱氣 食完都唔會好口乾 值得一讚係呢度嘅串燒係自己特別調味醃製 每一款食物嘅調味都會有唔同唔係好似其他店剩係單一落孜然粉調味 感覺較有心思 ✨牛舌腍得嚟有少少咬口 幾好味✨五花腩片食落有油脂香味 ✨雞脾菇由中間片開 調味淡啲留返菇香味 食落仲幾juicy✨翠肉瓜食落有肉汁 燒得夠淋身 味道啱啱好✨韭菜一大片上枱好澎湃 有少少淮鹽喺面上 食落有咸香味 仲逼出韭菜嘅香味 ✨雞肉調味幾好唔會太鹹 香口得嚟肉質亦唔會嚡✨雞軟骨唔會太硬 好有咬口✨花枝丸配搭椒鹽同七味粉 好有台式風味✨日本麻吉燒大大嚿 燒得啱啱好 入面嘅麻薯

今次係土瓜灣發現咗一間好抵食嘅串燒店，係餐廳可以whatsapp落單自取，亦都見到好多附近住嘅居民去食/拎外賣！而且價錢仲好抵食，$12一串、$55五串、$100十串！$100有十串串燒，種類亦都有好多，有不少肉及海鮮選擇，呢part我哋揀咗雞肉、牛舌、雞腎、雞皮、豬頸肉、豬脷、冬菇、菠蘿、燒秋刀魚、大蝦。另外再點咗汁燒牛仔骨、蒜蓉燒即開生蠔、燒白鱔、蒜蓉金菇花甲、燒原條茄子、風琴腐皮，仲有$10大大杯嘅白桃冷泡茶，好抵！！！拎出嚟大大份，好滿足！串燒燒得好夠火喉，肉類都燒到剛剛好，燒得不韌又有咬口，火孜然味道突出！燒秋刀魚都係原條上，而且一啲腥味都冇，仲好香口！最值得推薦嘅係蒜蓉燒即開生蠔、燒白鱔、蒜蓉金菇花甲等等嘅海鮮類，食落去仲好鮮甜入味！有蒜蓉燒製嘅食物，特別香又入味，而且份量都好多！大家如果晚上會經開，都可以去試下呢間串燒店食，感受下食串燒嘅樂趣，同朋友一齊點到成枱都係野食！