Video
Introduction
The restaurant specializes in Cantonese dim sums that are made to order, and offers different Cantonese congee and steamed rice. It provides all you can eat chicken hot pot with dim sum together at dinner time. It is suitable for family and friends gathering.
continue reading
Above information is for reference only. Please check details with the restaurant.
流沙包係我既飲茶至愛之一，但係以前經常食到唔流既流沙包，令我好失望。今日同媽咪終於試咗尼間東哥點心，佢地既點心紙寫住流沙包唔流包換，令我對佢好有信心！所以我地都異口同聲決定要點籠流沙包試吓。咬開流沙包，即刻聞到好香既咸蛋黃味！再咬，即刻見到好多流心既餡。對於我尼個食盡唔流既流沙包既人嚟講，係自己住嗰區終於搵到流心既流沙包真係好感動😂流沙包總括嚟講好好味，達到期望👍👍我地另外再叫咗多湯小籠包真係包如其名，未食已經見到佢入面的確好多湯👍。小籠包好好食，但係比較起我食過既小籠包，佢甜少少，不過無傷大雅😌除咗尼兩樣，我地重叫咗個鳯爪鳯爪就同平時食開既無咩分別，唔錯既。媽咪話佢好似細碟過一般酒樓既鳯爪，不過我覺得差不多。因為我同媽咪都怕肥，所以兩個人叫得三樣嘢。唔覺飽，不過又唔覺得需要再叫。茶錢3蚊位，埋單56蚊免加一，平到嚇親😅。講開茶，我地叫咗壺香片。。我第一次飲到咁苦既香片，真心唔好飲😞另外我睇過其他食家既食評都有講到服務欠佳，等待時間長既問題。我同媽咪好好彩，唔係話等咗好耐就有流沙包食，食完再等咗一陣就上埋另外嗰兩樣。其實我諗大家抱住去飲茶既心態既話就唔會覺得要等太耐架啦😊至於服務方面，大家要注意一樣嘢，就係店員認為佢地應該安排客人坐邊度。喺我地食緊嘢既時候，有一個女人自己行咗入嚟自己搵位坐。之後店員好反感，同嗰位女士嘈起嚟，之後嗰位女士發脾氣走咗。係尼件事上睇到店員心理質素好好。雖然嗰位女士好惡，反應好大，但係佢地都無好惡咁鬧番轉頭。事後佢地亦對其他客人保持良好服務態度，無燥底，的確專業👍
continue reading
昨晚星期日去到東哥點心，八點左右去到，等咗一陣有位(我們五人要坐四人位)，因超肚餓所以即點即落order，先來北菇蒸雞飯好好食，因飯很有雞味，另外排骨飯也是，接著其他陸陸續續也來到，令我驚喜的是蝦餃，皮薄蝦有juice,有大師傅水準，超！和我上次食保持一貫水準！但最後來的牛肉蒸飯就差一點點，牛肉有點(梅)，飯有點干！但是一貫水準的還有服務水準，不執枱、無禮貌、唔願做，對客呼喝……最有印象是隔離枱那個後生女，可能她很不滿，她將那些點心紙怒抛在枱上，服務員還說:後生女，唔駛咁呀！在這地方食野，食物0K以上，服務水準以下很多！
continue reading
同老婆大前晚到荃灣店食晚飯， 入到去見到有位坐低， 點知比個侍應大大聲隔住半間鋪指揮我哋坐第二張枱， 好啦就坐咗過去， 茶都未開侍應攞住個蒸飯過來問啱唔啱食， 好明顯係有人等得太耐走咗所以週圍問有無人要！我哋落單叫咗七樣嘢， 有北菇雞蒸飯、蝦餃、山竹生肉、鶉鵪蛋燒賣、潮洲粉粿、鮮蝦腐皮卷同魚肚滑雞扎。個蒸飯唔駛三分鐘就來， 點知啲飯應該係蒸咗好耐無人要， 見我呢儍佬叫就第一時間攞出嚟， 成個飯蒸到個邊啲飯乾哂， 中間心啲飯爛哂好似糊仔咁， 我哋食咗一半無就唔想再食， 之後蝦餃、鶉鵪蛋燒賣、潮洲粉粿都來咗， 應該係落單先蒸都幾好味！到個鮮蝦腐皮卷上枱， 點知個侍應阿姐一放低就即刻攞起同我講要比第二枱食先等陣出過碟比你！ 點知就一去無回頭， 一路食住等， 等咗差唔多大半個鐘有多山竹生肉、鮮蝦腐皮卷、魚肚滑雞扎三樣都未嚟起身比錢走人！出到收銀處又係嗰個侍應阿姐收錢， 同佢講話有三樣嘢未到， 點知佢仲要話返我轉頭蒸點心要時間， 係要等耐啲！係要迫我發火， 我同佢講我哋前後等咗差唔多九個字， 放低碟嘢係張枱就驚我無錢比咁即刻攞咗去第二枱， 我問佢係咪日日來啲熟客先有得食！因為佢哋啲侍應唔係第一次咁做， 熟客就一定快手有位坐， 將其他人落單啲嘢食比咗熟客先， 其他人就等極都無得食！一間食物出品質數唔錯的餐廳服務再咁落去的話， 下場大家應該心中有數， 當然不能用酒樓來比較， 但係都唔好差得咁離譜！
continue reading
第三次黎幫襯，水準依然保持得好好。鹹魚肉餅飯：肉餅好肥，但因為肥而好香口！！移走肥糕就食得好過癮！炸倆腸：好味！油炸鬼是網面，脆口好吃燉湯：足料好味流沙奶皇包：餡流，夠熱，正！總括黎講好值得去食！！！！晚餐幾十蚊食到飽，抵！
continue reading
同男朋友買外賣返屋企食。叫左北菇雞蒸飯，鳳瓜排骨。鴨腳扎，棉花雞。咁個丫姐買個時都同我地講等20分鐘。咁知即蒸咁耐都可以等下。行開左3個字諗住返餐廳等。點知個丫姐先話冇北菇雞。咁緊係問佢邊樣最快。其實佢都好好心行左幾轉去廚房睇。咁之後叫左個香芋牛肚蒸飯。又要等多5-8分鐘先有。。。。其實d點心真係幾好食同幾足料。可惜係個蒸飯略嫌太乾，仲好似有d生米既感覺。但有心既係都真係有荷葉既香味。唔似其他舖。求其放塊葉係底就話荷葉蒸飯。
continue reading