上海飯店 (Closed)

呢排POKEMON熱潮, 令我去到荔枝角公園搵車厘龜. 肚餓就入村搵下野食啦, 見到一間比較舊式既上海餐廳, 就入去試試. 居然俾我搵到一間好好味, 又唔太貴上海菜館. 就好似一間未被包裝過既翡X小籠包一樣, 食物相比之下更加好味添!醉雞花雕濃, 非常入味; 炸銀絲卷皮脆內熱, 好吃! 小籠包亦皮薄, 肉新鮮, 值得一試.平日食完大約七點幾, 出面仲要排隊等位啊!

與朋友相聚的上海店，地方大都多人食，他們的豆沙鍋餅，炸銀絲卷和雞絲粉皮都唔錯。豆沙鍋餅他們都是即叫即整，所以都需要時間，但出來是新鮮熱辣，豆沙份量都不小。炸銀絲卷不是好多地方有，而他們會給煉奶和新鮮熱辣，外脆內軟。雞絲粉皮份量不多，夠凍和醬的份量足夠，小食都不差。

因為正日當天有家人突然病了，所以改了今天才慶祝母親節，就來了這間店了。環境比較濟逼，而且較嘈，但還算可以接受。我們叫了四道菜—賽螃蟹（$68）、花雕醉雞（$65）、糖醋骨（$62）和奶油津白（$55）。賽螃蟹很普通，多了一隻生雞蛋而已，其他跟一般賽螃蟹沒分別，但因為有豉油，所以較咸了一點；糖醋骨很好味，少酸少甜，但不算油膩，花雕醉雞不太入味，但還是有點花雕味，酒香淡淡的，還算不錯；最後是奶油津白，這個很好味！奶油不會太甜，而且拿來送飯一流！另外津白煮得剛剛好，不會太硬又不會太淋，絕對會令人想再試！整體感覺還好，而因為價錢比較便宜，所以應該值得再去。

由細到大都好鐘意食上海菜，而呢間老公屋企附近既上海店絕對係抵食之選佢既位置都算接近地鐵站，住美孚既一定識佢，所以晚飯時間都幾多人排隊，好彩今次有朋友幫手搵位，所以我一去到就有得食座位都算寬敞，一般餐廳既空間啦今次6個人點佐8樣菜，第一樣係醉雞，做得好入味，食完有酒醉既感覺，同埋都算幾大碟上海炒年糕，大大碟，肉比較少，而年糕同菜既比例大約7:3之比，炒得幾好味，醬汁不會太多，剛剛好菜肉雲吞，有大約8-9粒，每一粒都好大粒，食得出應該係即包雲吞，正生煎包，包皮我覺得比較厚，個底煎得好香，食落裡面仲有肉汁，不錯小籠包，一籠4隻，皮都係比較厚，但係厚皮就冇咁容易破，同埋佢地既小籠包比一般大雞煨麵，雞湯好香濃，但係麵就比較少，做唔到好傑那種感覺糖醋黃魚，似一般餐廳既松子魚，但係我覺得佢做得比較酸，魚質唔夠硬以屋村食店來說，呢間上海飯店絕對做到超水，難怪可以在美孚站穩陣腳，一直生意興隆

店名：上海飯店光顧日期:多次地點：美孚美孚新邨第三期百老匯街45號平台151C舖，電話：2370 0805(1) 大鹵麵，$38；(2) 上海湯年糕，$42；(3) 鹹肉煨麵，$40；(4) 紅燒排骨麵，$38； (5) 生煎包4隻$30； (6) 三鮮粗麵，$38；食物的色香味如何：現在坊間上海膳食的店舖不少，看看是否正宗的其中一個方法就是它的麵湯底。此店的湯底是傳統，濃味而深色；排骨軟而彈牙，其他的選料如大鹵、嫩雞、鹹肉和蝦碌等也美味。不過值得非議的地方，就是經營手法不夠靈活，如果叫大鹵麵就一定不能轉粗麵，宜改善。環境：裝修中式格局皇，配以玻璃牆壁，而且整潔舒適。服 務：很有水準，茶水不另收費，而且可添。衛生：良好。抵食：價錢合理，所以經常光顧。

此間餐廳開了好一段時間，專食上海菜式。整個環境帶給我老上海味道，因為除裝潢外，員工也有此感覺。上海菜式當然少不了小籠包，但皮略嫌厚，包內湯汁不多，認真麻麻，鱔糊OK, 口感嫩滑，配九王好清香，菜旁蟹就好滑溜，撈飯一流，算水準之作，最後上海粗炒這味就很普通，麵質太林，配料又少又過鹹。整體感覺不差，算不上頂級上海店，價錢上如果街坊一點較好。

上海同香港的關係，我可以說，沒有當日的上海，就沒有今日的香港。當年的上海人，把資金帶來到香港，令香港發展起來，同時，注重傳統的他們，也把他們的美食帶來香港，所以，在香港地，高級以及平民化的上海館子，基本上每一區至少都有一間。說上海人，同潮州人一樣，是喜歡同聲同氣，住在附近的。不過，上海人聚居的，當年的上海街一帶，土爪灣某些地方，灣仔某些地方，總之，若是在該區內找到一間有客飯食的老牌或舊式上海館子，那就證明，該區多上海人。在我父母兄姊所住的美孚新邨，就有一間地點隱蔽，隱藏在住宅區平台，服務對像只是區內街坊的上海館子，前身，的《上海小館》光榮結業後，事隔好幾年，人繼承了這一間老店的名稱，在差不多相同的位置，以《上海飯店》，再之後《新上海飯店》，延續《上海小館》的故事。平日的晚上，也是很難找位的，全場 full house，而這就是美孚居民的生活寫照，因為太多工作忙碌的家庭住在這屋苑內，而且大部份都是 "無飯" 家庭，所以樓下的食店，星期一至日都咁旺。本想拍拍環境，可是我要照顧小朋友，全場亦太多人，所以場內的環境就不說了。直接說食物，就又由前菜點心說起，為太太點了一個脆皮素鵝，這其實亦是我想

曾經住美孚的我，睇住 上海飯店 「大」對上一次來幫襯差不多是7年前了今次跟家人來食晚飯，重拾下那些年的回憶蒜拍青瓜   酸酸甜甜的味道配埋蒜的香味，十分醒胃*份量也幾多的雞絲粉皮  麻醬很香，所以呢碟一上枱就成為焦點。 醬汁的份量岩岩好  撈渾後不會出現醬太少的情況粉皮的口感亦頗清爽~醉雞(例牌)   成碟雞一件雞胸都無(是幸運還是餐廳刻意唔出就不知道la)，所以肉質算滑可惜個人認為酒的味道不夠濃，可以重手少少。黑醋骨   呢味餸一直是我和家人的最愛上枱時大家都有點驚訝，因賣相跟從前的很不同整道菜的顏色淺了很多(從前是深色很多的)當然~ 外觀不是最重要! 試下味先!!!味道酸酸甜甜，但以甜味較為重一點，很有「糖醋骨」的感覺如果可以再多一點酸味就會好一點三鮮炒年糕   味道很淡，唯一的味道就是一味的咸味而且年糕十分大和厚身，口感偏硬，真的有待改善回鍋肉   味道偏咸，也是一味的咸味整體來說，食物的味道真是大不如前，服務也一般餐廳真係要努力努力!

星期六LUNCH都有套餐, 未加一前$38~$42/SET其實算抵食第一次食獅子頭, 好怪, 有少少酸味, 之前係第2間食過唔係咁既texture, 但侍應堅持係咁(仲講左2分鐘係點整), 所以冇換, 食哂D配菜剩返粒肉, 食唔落口...次次都會叫既回鍋肉, 好味其實上次食過鱔糊都係酸酸地, 不過上次佢肯換, 今次唔肯包既例湯(可揀酸辣湯不過我唔食豬紅所以冇叫)都OK, 唔算好味精, 仲有湯渣食菜飯好大碗, 包食得飽散叫鍋貼, 好好味! 又係次次都叫其實成餐飯最大問題係好嘈, D侍應好似同D碗碟同埋枱櫈有仇咁, 執枱時會出哂力掉落, 次次都驚會打爛野....雖然係咁, 應該會再去XD

上海飯店在美孚的地位就似二三線性格演員，祇有不太多懂欣賞他實力的粉絲，似乎註定此生不會奪星奪獎，衹可為小撮百樂默默耕耘。店的裝修擺設有舊式東江飯店的況味，加上黑褲白衫的樓面伙計，令我想兒時吃客家菜的快樂回憶，而且他有別的廉價上海菜館沒有的菜式，所以我隔一陣子也來吃。今天吃的薺菜魚羮($80), 一小鍋冒着煙送上，魚多薺菜少，湯滿是魚的濃鮮，雖然薺菜味不濃，但這一碗灑了胡椒粉熱辣辣的魚羹，仍是很窩心。再來的銀芽炒鱔，仍是熱辣辣，有鑊氣，鱔條銀芽爽脆，伴菜飯吃，很是美味。另點的三絲會乾絲($52)，上次吃午飯時點，等了四十五分鐘也未見踪影，結局緣慳，今次也苦候一場，百般期待，送上是令人有點失望的，乾絲是雲腿肉絲鷄絲高湯會煑，墊着白菜，味道可以，但主角乾絲卻祇有三數箸，不痛快。每次來必吃的春卷從不失準，鮮炸，春卷皮脆卜卜，熱辣辣椰菜肉絲，用手拿着點醋吃，十分滋味。來美孚吃飯的人多是選友樂亭Mia，上海飯店其實是禾桿冚珍珠，價廉物美，總令我想起花橋榮記的食堂，工作一整天，很睏和如常的氣餒時，這裡的熱湯熱飯足令人體味生活其實不止苦澀。

前日(5-4-2014 Sat)清明節,男友約o左業主晏晝兩點幾到美孚傾o野,我o地又好晏王食早餐,咁就o岩啦,晏一晏去食住o野等佢就好.我o地諗住再去磯陣(http://www.openrice.com/restaurant/sr2.htm?shopid=50387&tc=sr1),點知男友話佢朋友同佢講已經執o左. 執o左?咁美孚都重重幾間日本o野食o既,我o地去到百老匯街平台,發現冇.就只有一家大啲o既上海飯店同細啲o既上海麵舖,男友就決定食上海飯店.當時接近兩點,裡面啲客都開始走,一個著恤衫o既高佻男職員問男友幾多位,男友答兩位.佢就拉開一架放污糟餐具o既車仔,叫我o地坐o個張二人枱.男友話一陣有個朋友o黎坐低傾o野,問可唔可以坐四人枱?佢話佢一陣o黎到我拉多張枱o黎.男友講多一次,佢仍堅決.我同男友都覺得唔係幾開心,男友話咁唔該晒,唔使喇.轉身走人.終於佢都肯俾我o地坐一張四人枱.其實我o地入到去,都見到有兩枱人係兩人坐四人枱,點解係都要迫我o地坐二人枱?如果你話人客多,好o既,我o地接受亦唔阻你做生意,但唔係囉.坐低後開o左茶,我o地睇食咩野,睇吓menu,啲o野唔平,而被

今日夜晚9点幾甘岩係美孚收工，正準備揾野食果陣，見間上海飯店外面有寫住有蟹粉野食咪膽粗粗入去試下。入去時老板見食客吾多就叫我地坐張大枱(令我地可以非常舒適甘食飯，值得一讚 )跟住當然要試下主打蟹粉小籠包只係14蚊一隻。結果係……超正&超大隻(比起鼎xx正好多＆平)之後我地仲有叫左雞絲粉皮:粉皮爽滑配埋老板話特制麻酱簡直係一流。另外仲有雲吞雞、黄金蝦仁、咸肉津白、高力豆沙。e幾樣都係水準之作。加埋啤酒、汽水都只係480蚊。真係堅抵＆好食！下次我會帶埋d朋友再黎支持你……

常經過這上海食店，眼見裝潢不太吸引，從未試過光顧。 但今天突然很想吃炒鱔糊，一想就想到這裡。上午11時左右，客人不多，但到中午12時後，竟然全店滿座。  相信是午市經濟客飯的原故吧！ 看看Menu，價錢適中、選擇也不少、菜式雖然是一般的上海菜款式，但已包括我所喜愛的。一個人，卻order了兩個客飯套餐，皆因菜式吸引，樣樣也想試，最後還是點了我喜愛的炒鱔糊和醉雞。  炒鱔糊$40，鱔糊份量足料，鱔和芽菜比例相約，鱔亦爽口，味道適中，送飯一流。  醉雞$38，約有4份1隻雞的雞件，酒味濃、雪凍了的醉雞特別好吃，有點美中不足是有些雞件過熟，沒有了滑滑的口感。  至於酸辣湯足料，味道卻一般，酸而不辣。但總括而言，這價錢的午餐，實在物有所值的。

對於美孚這個地方，通常都是「過門不入」，一向都視為回家路上的轉車站。今天跟王子在附近的公園行了半日，影下日落西九龍，腳也有點累，不想再搭車去其他地方食飯，所以便選擇了這間在美孚新邨的上海飯店。幸運地我們入去時剛好有一張二人枱，之後的人就要等位了。由於只有本喵和王子兩人，所以都沒有點太多的餸菜。經過在炒年糕和小籠包中的一番掙扎，我們最後點了回鍋肉、嫩雞煨麵和小籠包。打頭炮的是回鍋肉，看到侍應一次過拿十多碟出來，店家大概是集齊order才開鑊炒的吧？同時也可看到回鍋肉是受歡迎的選擇。回鍋肉內有椰菜和豬肉，一貫上海菜的濃油赤醬，豬肉不算肥，味道並不辣，但總好像印象不深，普普通通啦﹗再來的嫩雞煨麵比想像中大碗呢，我跟王子每人都可以分到兩碗多一點。碗中其實有頗多雞肉，不過被麵蓋住了。雞和菜的比例也好算平均，只是雞肉浸得耐有點老。奶白湯底不知道是雞還是豬，有一點火腿的香味，整體來說是可以的。最後來的是我本喵最期待的小籠包，侍應說是新鮮蒸起，因為廚房中的蒸爐只有兩個，所以蒸品點心就要等上一點時間。這裡的小籠包水準不俗，表皮不厚，夾起也沒有穿，咬開湯汁也有一湯匙呢﹗吃罷口乾的情況不算嚴重，不知道是味精

這天要到美孚剪頭髮，順道到此久違了的飯店重温。五年前曾在附近工作，因公司不許出外午膳，很多時都幫襯這店的外賣。這天點了最愛的XO醬蝦仁炒飯，飯炒得乾身無油，飯沾了XO醬，非當惹味，加上彈牙的蝦仁，my favourite!