上海老家 (Closed)

最近瘋狂係大角咀食晚飯，但發現大角咀唔多上海舖，所以我地就揀左依間試。坐位好闊又夠冷氣，舒服😛。食物選擇唔少，有好多人嗌外賣，可能因為有優惠😌。茶位$20/2人燻蛋 $15/隻嗌一隻兩個人分岩岩好，有煙燻味，可以再重！都做到少少流心蛋黃🤪。蛋上面既鹽唔多，唔會太鹹，有需要再自己加🥰。萵荀涼拌海蜇 $55有啲淡味。萵荀好爽，好清新，做頭盤一流！都幾抵，平時買海蜇都幾貴下，依家$55就有😌。四川擔擔麵 $50好食，好鍾意佢少少辣得黎好惹味。比起其他上海舖好食，單單比個湯底都濃好多🤟🏻。個湯底杰杰地，食麵時都做到掛麵效果😎。份量唔少，相對價錢好抵😍。鮮茄蝦仁鍋巴 $138店員話佢地即整即炸，好熱好脆好好食。我好怕食鍋巴因為驚佢會好痴牙，原來即炸既鍋巴係唔痴牙架😛。當我地淋啲汁落去既時候，個鍋巴炸炸聲，誇張🤣！不過有啲唔明點解咁大碗汁，根本食唔晒。蝦仁要改善，其他一切都好滿意💗。埋單$306（包加一）

大角咀一向有好多隱世小店 上海老家係一間主打京滬菜式嘅餐廳 成日行過都見到門面裝修古色古香 今日終於一試🔸套餐 $288叫咗個套餐 可以自選一款湯羹 一款冷盤 一樣主菜 仲送一碟炒菜🔸茶位 $20🔸白飯 $15🐟宋嫂魚羹湯羹揀咗宋嫂魚羹 超大碗 兩個人食每人有3碗 材料好豐富 有魚肉、蛋白、冬菇、芹菜、芫荽 好滑滑到好似完全唔使咬咁 🐂五香牛展涼菜揀咗五香牛展 都好多 牛展滷得好入味 但又唔會太咸🐓醬爆雞丁主菜就係醬爆雞丁 超級惹味 好好送飯 翠玉瓜雞粒雞髀菇全部切晒粒粒 唔覺唔覺就成碟食晒🥬蒜蓉炒白菜 清清地都唔錯👀雖然只係星期四 但係估唔到都滿座 食飯之後見到好多台都有食炸饅頭做甜品 下次我哋都要 今次太飽就冇叫lu

環境都好乾淨，唔逼，坐得都舒服嘅。見到每台都有回鍋肉，應該係招牌菜，所以點左，大大碟先$88，我好怕食肥豬肉，頂唔順陣豬騷味，但呢個五花腩冇壓味，又唔會太膩，豆瓣醬炒得好惹味但唔會太鹹，少少🤏辣，唔太食得辣嘅人都食到，椰菜都炒得好脆好爽口，高分！紅油抄手超大碟，8粒大大粒先$65，真係好抵，醬汁偏甜，好多蒜蓉加分，我超鍾意蒜蓉。粒粒都好飽滿，推介！菜飯阿姐話係即叫即撈嘅，好多菜。未食過燻蛋，見人叫我又試左一隻，$15，其實就係淮鹽味嘅糖心蛋，未食過嘅可以一試，都幾得意。炸饅頭係重頭戲，好期待！外皮脆入面鬆軟，一定要點煉奶啦梗，$25/3隻，我食左2隻，其實冇人搶我可以啪晒3隻㗎。$10茶錢再加一，咁多野都係食先$270，呢個質素好過連鎖上海餐廳多多聲，值得一試。

大角咀真係一個覓食好地方，行過見到有間平民價上海菜館，好吸引，即刻試試佢。上海老家老闆兼大廚係老師傅，多年經驗。非常非常多菜式選擇，多人嚟食會好啲，可以叫多幾味餸，試到大碟嘅菜式，例如酸菜魚、等等棒棒雞 $60，對我嚟講辣度係中級，啱啱好，非常開胃！而家大熱天時冇乜胃口真係啱晒。肉末炒粉絲 $78，炒得幾好，乾濕度適中，我覺得係唔辣嘅。粉絲吸哂啲汁，唔會太油====================鄰近奧運地鐵站，門口都可以泊車上海老家 (大角咀)>> 大角咀中滙街61號地下

《上海古雅小館🏡》———————————————-#上海老家 🇨🇳-好耐無食上海菜，今次專登嚟到大角咀舊區食呢間街坊私房菜，唔好睇佢裝修好似好普通，但原來內藏乾坤☺️-小菜先嚟一個脆皮素鵝，外皮炸到脆卜卜，餡料豐富，相當值得一讚👍🏻另外叫咗個奶油津白中和下，清甜爽口，奶油汁啱哂撈飯😋-主菜就叫咗蝦醬魷魚炒飯，即叫即炒，夠哂鑊氣，炒得都幾入味，辣度適中😆小店整體感覺好warm，好適合同屋企人嚟食～-⭐ 參考價錢︰（另外茶芥加一）脆皮素鵝： $58奶油津白：$88蝦醬魷魚炒飯： $78🍌 抵deal 指數：7/10💰 人均消費：$150

一開業個陣幫襯過，個陣仲要排左好耐食佢個優惠價酸菜魚。事隔年幾，同男朋友再黎呢到食飯。雖然無人龍，但生意都唔錯！一坐低職員就推薦佢地呢排做緊promotion既花膠雲吞雞湯同羊排，叫左個湯。但我唔食羊就無點lu。員工話我地呢盅係最後一盅😆✌🏻，8點未到就賣哂🤪。CP值都幾高，幾足料。$58 脆皮素餓，好酥脆！$198 無錫脆鱔上到枱有D愕然😂細碟到以為係前菜。鱔肉去哂骨，香脆可口，配住酸酸甜甜嘅香醋食落幾開胃！$188 奇味雞煲（半隻）上枱「吱吱」聲，好香，唔辣，鍋底鋪滿芽菜。店內既員工好健談，同客人有傾有講。我諗呢到D客人都係黎食呢入人情味😊。

大角咀D小店真係多到食唔哂，今日同男朋友放工係呢到食晚餐。見到每枱都有呢盅野，原來做緊優惠，唔執輸即刻嗌埋一份😆。$38 花膠雲吞雞湯有雞腳，雲吞，咸肉，好足料！$38真係蝕本價😂飲落有淡淡既雞湯味。真係有一大條花膠！白色皮既上海雲吞入面包住既係白菜🥬。脆皮素鵝真。脆皮！食落唔油膩，香口😋。奶油津白好creamy，有d似西式既白汁，D菜索哂個汁食落極度邪惡😈。8點鐘都仲幾多客，支持小店👍。

約咗朋友嚟到大角咀食晚飯，路經見到呢間傳統裝修嘅中式食店，睇睇門面係食上海菜，由於紅雨關係，見店入邊都唔算多人就入去試下。店入邊嘅裝修都幾靚，以水松板同埋木枱木凳為主色調嘅一間上海店。店員首先推介左花膠雲吞雞湯，雲吞雞湯上碟是夠晒熱，燉湯嘅時間足夠，令雞嘅精華慘入晒個湯，而雲吞嘅烹調時間都啱啱好唔會煮到太爛。之後叫咗上海嘅傳統必食 — 獅子頭，賣相唔錯，獅子頭用醬汁同埋唔同配菜煮成十分入味，大大舊獅子頭食得出有種去咗上海嘅感覺。最後叫左個欖角炒飯，炒得夠乾爽，賣相唔錯同埋份量好足，夠晒飽肚。所以整體來講，店員都好好態度會推介下當日新鮮嘅食材，而價錢就以同區黎比較略嫌少貴，但又帶點質素咗樣。

📍上海老家自從發現原來去大角咀找吃的也蠻方便，現在新工作剛好近柯士甸那邊，用走的可以去到九龍站就更方便了~（我不會說去那天我在發呆...明明有看指示牌，但還是搭了相反方向去了香港站，我自己也傻眼😂😂）🐷黑醋骨哎哎哎，本來我是點椒鹽骨的，突然看到這個比較少見的，馬上舉手找了店員說想換，然後回頭就被稱讚很會點菜，這個廚師說可能快不做了，因為工序太多。（然後我就抱著滿滿的期待等上菜）應該是用弄薑醋的去燉煮豬軟骨，肉非常非常入味而且煮得軟爛，很好吃耶，希望這道菜不要停Rrrrrrr🐏京蔥爆羊肉喜歡這種火喉很夠，就是很惹味的下酒菜，必須來兩瓶啤酒，夏天這種配搭就是爽。🌶️回鍋肉炒粗麵當然要點個有辣的主菜，是帶骨的五花肉，調味剛好，唯一是油多了丁點。➡️右滑有餐單💲約200@人🏡香港大角咀中滙街61號地下🕐11:00 - 22：15📞9162 3308

約咗舊同事食晚飯，就佢新公司喺大角咀，佢話帶我食一間舊式上海菜館！好耐冇食上海菜真係太合我心意！唔熟大角咀嘅我原來咁近奧運站，有大鄉里出城嘅感覺！遠處已經見倒大大個招牌，餐廳係傳統嘅上海菜館風格，坐位濶落坐得舒適，店員熱情有禮仲仲主動推介社交平台like and share優惠，好有人情味嘅小店！ 🥣花膠雲吞雞湯 一盅 $38 只限晚市堂食店員話每個月都會喺社交平台推介一款限時晚市優惠，今個月就係做緊原價$128，特價$38嘅花膠雲吞雞湯！ 👍👍👍  性價比極高嘅足料靚湯，有一大片爽滑花膠，好香嘅金華火腿，大大粒雲吞，仲有雞腳、雞腿同菜！成個湯清甜而不肥膩🥣材料足，唔馬虎！推介！ 🍳燻蛋 $15隻 - 淡淡嘅煙燻味，配上香口嘅味椒鹽，半流心蛋，蛋味香濃好抵又好食！ 🧅京蔥爆牛肉🥩 $96  鮮嫩京蔥來爆炒牛肉，夠哂獲氣同蔥花香味，牛肉軟軟綿綿肉味香，醬汁濃，份量好足，冇得彈！🥬雪菜肉絲炒年糕🍡 $78  雪菜同肉絲份量足，炒年糕軟硬適中，煙煙韌韌，口感唔錯。

大角咀有間私房菜，煮得都不錯，今日同老公在次去光顧嘗試其他餸。今日嗌左份涼拌萵筍，小小辣，小小咸，冰冰涼涼好開胃。主食係京蔥爆牛肉，分量足，牛肉好大塊，牛肉味濃，彈牙有咬勁。京蔥甜又爽口，加埋牛肉，菇和醬汁爆炒，好香，好味，慫飯超級正。嗌左一份湯：油豆腐粉絲湯，配料不少，有白菜仔、粉絲、肉條、香菇、木耳、蝦米、筍和油豆腐。油豆腐嫩又滑又吸收湯啲甜味，好吃。粉絲分量好多。因為分量都大，3餸已經吃得好飽。今日收穫都大。

好耐冇食過上海菜啦，呢日就去咗屋企附近嘅上海老家食晚餐。花膠雲吞雞湯(特價$38)花膠雲吞雞湯原價$120一盅，而家做緊特價$38真係好抵，所以索性一人一客！每碗湯都有一大塊厚身花膠，骨膠原滿滿。雞湯真材實料，味道鮮甜滋補，仲有大大粒雲吞，皮薄餡靚，實在超值！來到值得一試！紅燒獅子頭($128)獅子頭外表紅亮，燉煮得入味鬆化，肉味香濃。底下嘅白菜吸收醬汁嘅味道，同樣滋味。呢道菜式絕對要點飯，醬汁惹味，好易送飯！上海炒年糕($78)年糕煙煙靱靱，不過略嫌較為多油同埋調味較重，加多D肉絲味道亦會冇咁單寡。

今日去到大角咀呢一間上海菜度食晚餐，係一間街坊私房菜小店，環境企理，位置闊落，六點幾嚟都唔算好多人，剛好有位。店員介紹左呢期做緊嘅優惠同菜式，特別推介我哋叫而家優惠$38花膠雲吞雞湯。每蛊湯十分足料， 而且味道濃郁，雲吞大大粒，花膠爽滑，雞湯唔太油膩。之後叫左四個菜式上海回鍋肉回鍋肉有上海定四川兩種口味，上海呢種會無咁辣，剛炒出黎上檯已經好香，陣陣鑊氣，雖然唔太辣，但勝在夠惹味，椰菜唔會炒得太乾身，入口爽脆。奶油津白食濃味嘅菜時點都要叫返碟清菜中和下，一般餐廳都好少見有奶油津白，唔係經常可以食到，所以特意叫呢個菜，呢個奶油津白娃娃菜清甜，奶油汁剛剛好，不稠不稀，啱晒送飯！例牌口水雞雞嘅肉質肉多又頗為嫩滑，辣度適中，味道不錯！欖角肉碎炒飯即叫即炒，炒飯粒粒分明，炒得入味，份量都好多！

身處於大角咀舊區呢間有名嘅上海私房菜，佢門面已經好有中國特色，裏面嘅裝修都有中國嘅味道。最近做緊推廣， $38有碗花膠雲吞雞湯盅，味道非常之濃，花膠竟然有兩舊咁多，而且非常淋，雖然味道有啲偏鹹，但係飲完都唔會口乾，相信唔係味精。主食叫咗個水煮牛肉，牛肉份量非常多，而且好嫩滑。入邊仲有好多薯粉同配菜，好入味。岩晒啲唔食魚但又鐘意食辣既朋友。小菜叫咗個脆皮素鵝，個皮揸到脆卜卜，入面餡料又多，大人細路都啱食。

擔擔面$50食唔到辣，個湯比較器，唔似一般擔擔麵可以掛到上去，但係味道係可以嘅。紅油抄手$65甜味為主，相對地唔算太辣，都適合啲唔食得辣嘅人食。肉末炒粉絲$78呢個炒得幾好食，個辣度都幾適中，粉絲夠彈牙又入味，食落都唔覺得好油。酸菜魚38呢一個勝在夠抵食，魚肉都夠滑，如果口感都彈牙嘅，可以在酸d，配料比較少，不過呢個價錢算係咁。燻蛋$45個蛋黃係靚嘅，但係上面沈得太多鹽，唔撥走佢真係鹹到食唔到，唔沈咁多鹽應該係幾好食嘅。