Shanghai Chun Chun Restaurant (Closed)

2019年10月11日（星期五）經典茶餐廳，懷舊風味十足，第一次幫襯，梗係要試吓佢嘅招牌。炸排骨上海麵($45)另加炸豆腐/魚肉卷(每款$8)+凍飲又係$8不愧為鎮店之寶，炸排骨香、酥、脆、肉汁豐腴，又唔油膩，黐著骨的邊邊肉微微焦燶最好味排骨另上，唔怕被D麵浸到淋晒跟住嘅炸豆腐同魚肉卷都係炸功一流不得不提辣椒粉，加咗之後，鮮味無窮已經飽到不得了，不過為食，想試埋紫菜魚肉卷。原來追加要成份上（$27）無得淺嚐輒止！呢個故事教訓我哋：落單一次過，追單制唔過！…Read More

每次番工放lunch都會食呢間雖然唔知出唔出名 但就真係好好味一開始都係抱住求其食個lunch嘅心態但又估唔到個湯又做得幾出色 多油就一定但覺得味精唔多 只少唔會食完好想肉水啲肉分開上就夠細心 而且肉汁豐厚 幾惹味…Read More

依間上海野係華都好多年 好難諗到咁既出品 咁既價錢 點會依然係度下午茶時段15:30 抱住好餓既狀態 入黎幫襯 閒日一個客都無 以為正常 點左作為上海野既招牌例牌—上海粗炒加排骨 店員服務態度正常:)好快上枱醬汁唔夠味排骨—炸到乾身唔油 可惜完全無味 食左半碟 食唔落啦 唯有上樓上掃街盛惠 $48+$9 （凍檸茶）屯門市中心都算多野食 真係唔會再考慮依度#我係以尖沙咀亞士厘道美味廚 同深水埗福榮街 上海一品香 一同比較出評論係想店家改進 不喜勿插…Read More

態度極差，服務勁衰，生餃子，生豬扒，同侍應講: d嘢生，佢話d食物係有染左紅色，係全熟，豬肉生到黐埋一舊舊 😡死口唔應不得止，仲有好多烏蠅飛嚟飛去，我杯凍檸茶支飲管， 黐咗幾隻烏蠅好幾隻，勁嚇人😡😡😡😡😡😡…Read More

今天晚上在屯門市中心逛街，眾所周知市中心大部份餐廳都十分昂貴，所以我們只好來到華都吃晚飯男友想試吃上海菜，所以我們便來到這間上海麵館餐廳環境方面，好老實說真的比較一般，沒有什麼卡位，大部份都只是一張圓枱+幾張沒有座椅的圓櫈而已，座位與座位之間亦比較擠迫，侍應的態度也有點惡劣，不過價錢戰勝一切，最重要是食物便宜得來又美味便足矣！No.1【雪菜肉絲雲吞麵】$46雖然是雙拼麵，不過亦有三粒大大的雲吞，雪菜的份量亦十分足夠雲吞的皮都算薄，而內裡的餡料卻非常多，餡料包含了豬肉和蔬菜，蔬菜幾甘脆爽口，口感十分清新，可惜豬肉卻含有比較多的脂肪，令到滿口都有一些油膩的感覺至於麵條方面，我們則選了上海麵，大家都知道上海麵並沒有什麼味道，和清湯寡水一樣都是淡而無味的不過這份上海麵的味道卻十分出色，由於麵條比較幼身一些，所以口感煙韌得來又有些彈牙，另外它更完全滲透了湯底的精華，令到每一口都變得十分有滋有味，讓人回味無窮，美味久久縈繞美中不足的是，雪菜肉絲中的肉絲份量只有非常少，大部份都只是雪菜而已雖然我點雪菜肉絲只是想調味而已，不過如果肉絲份量可以多一點的話，便可以令到整份上海麵更上一層樓了No.2【酥炸排骨雞球飯】$46雖然排骨的份量看起來十分多，可惜全部都只是炸皮而已，真正的肉根本少之又少而且由於炸皮非常多，令到我們滿口都充滿著油膩的感覺，吃了幾口後，肚子已經很漲和飽，撐腸拄腹，飽飽滯滯，根本不想再繼續吃了幸好，雞球並不是酥炸，而是照燒雞腿肉來雞肉除了十分豐腴肥美，肉嫩可口外，肉質更非常彈牙和緊緻，並且鮮嫩多汁，在小口品嚐的時候，鮮甜無比的雞汁迴轉在口中，肉汁四溢，香甜可口，口感豐富而飽滿，我們都吃得津津有味，齒頰生香， 吮指回味No.3【豆漿】$6剛剛那兩份主菜都是不包括飲品的，所以男友額外加$6點了豆漿由於豆漿已事先調製，所以除了不能叫少甜/無糖外，更只有冰凍的豆漿而已幸好的是，豆漿只是室溫，而且味道更不太甜，豆味亦算濃郁，味道都算不錯的No.4【凍檸茶】$6至於其他凍飲都是額外加$6，那我當然點了我至愛的凍檸茶(走甜少冰)雖然走了甜，不過紅茶卻沒有苦澀味，反而嚐到一種清香的回甘，至於檸檬的味道亦不會太酸澀，證明紅茶和檸檬的質素都算不錯，解渴一流喔總結來說，這間餐廳的環境，服務雖然真的比較一般，但是食物的味道卻真心不錯，而且價錢都算便宜，都可以算是市中心晚餐的好選擇…Read More

呢間上海珍珍排骨麵已經乞立咗喺屯門華都好多年了！我耐唔耐都會食下佢，貪佢價錢實惠，同埋餸嘅份量都好多！雖然呢到叫「上海珍珍排骨麵」，但其實都有飯食架！不過排骨上海麵就出名啲！本人覺得上海排骨同豬扒好似差唔多！呢到整得都唔錯，炸粉唔算厚，夠晒煙韌同埋鬆化！食落好香口！菜肉雲吞都好值得推介，聽講係即日包架，所以餡料夠新鮮！3餸都有4粒雲吞!!!!2餸係$44，3餸麵係$47，所以我次次嚟都係食3餸！感覺上好似抵啲咁~~…Read More

今天行完山落到置樂附近，想找粉麵吃，但一直行也找不到心水的餐廳，再繼續行至華都商場看到這間上海雲吞麵看起來不錯，又已開始肚餓了，就決定一試。選擇好後就落單，但負責落單的侍應態度很差很沒禮貌，我們跟menu讀出餐名，她每次都不耐煩地更正，讀出不同於menu上的，但又不是簡稱，那我們就疑惑她到底是不是落我們要的，我們就再向她説明，她就很沒禮貌即是一樣囉😑我點了一個菜膽菜肉雲吞麵$44，雲吞很大粒，皮薄餡靚，足料又好味，麵質亦很好，雖未致彈牙，但腍度剛好，口感不錯。加$7有熱檸水。朋友點了菜膽柱候牛腩飯$44就沒什麼特別，不過不失。點凍檸樂要加$12。…Read More

榨菜雲吞排骨上海麵，食食下覺得啲味唔妥，以為係啲面，原來啲湯有有油溢味，俾完錢細細聲同個收銀（事頭婆？）講，大大聲同我講做咗10幾年都冇試過咁，質疑我吹水，我話我呃你做乜，我淨係好心叫你留意一下衛生問題，唔係食壞人就好大鑊，你啲嘢幾好食都無用，咁佢嘅態度就即係希望我幫佢宣傳一下啦，我成全佢😘…Read More

我見到招牌是排骨麵，便叫了一碗，以為排骨麵一定會有一定水準。點知排骨又乾,又'鞋',又無味。麵雖然都夠大碗，排骨都算大件及熱，麵都夠飽，但麵質，湯味一般，叫做算清淡，叫好咁高期望。難得這排骨麵仲係主打，點都諗唔明白?話明招牌係排骨麵，排骨麵點都要有D水準,咁樣仲點令客人對其他款式有信心?四十幾蚊一碗排骨麵，食完令人覺得好失望。唔明點解有食評會話這排骨麵好食阿姐又面黑黑,好似人地得罪佢。服務認真麻麻，真係想趕客。…Read More

華都呢邊近年進駐好多小食店，呢日黎到呢間老牌上海麵店打算食個普通上海麵，點知竟然有驚喜。我叫左個豬扒紫菜腐皮卷上海麵，上到黎發現都幾大碗，材料鋪滿碗麵。腐皮卷好爽口鬆脆，豬扒煙韌鬆化，配上清湯上海麵口感十分豐富。此外，佢份量十足，價錢實惠，性價比極高，食完飽肚，又唔多味精，乾淨企理。自從發現左呢間舖之後就成日黎食，除左譚仔同其他雲南米線之外，呢間上海麵店不失為一個驚喜之選，行下屯市不坊過黎幫襯下。…Read More

又喺屯門搵經典美食！細細個已經食珍珍，細細個已經咁好食。咁多年有加價但加完都係抵，因為大大份又好食！睇個門口已經知係經典歷史尤久之作。其實呢度有飯食，但次次嚟都食麵，因為覺得麵同排骨先係絕配。與朋友每人點了個三餸麵-紫菜付皮排骨雲吞麵與魚付排骨牛腩麵，再加多個餃子！這裡的排骨必食，其實就係炸豬扒，仲要係正宗上海嘅（即係唔係日本嗰隻有厚厚炸粉的），雖然唔係同麵分開上，但濕咗都依然咁好食！餃子又係另一必食之物，餡料新鮮，如果下晝嚟食的確會見到店員親手在包雲吞。紫菜付皮與魚付同樣好食，但排骨同雲吞太太太好食了，所以對比之下失色。餃子的皮有點厚，下次不會encore餃子，但排骨雲吞絕對會不斷encore!…Read More

今天同老婆去屯門吉之島行完街有點肚餓，於是幫襯一間位於吉之島對面的華都花園商場地舖的上海麵舖頭叫 ''上海珍珍排骨麵''。因為之前曾經食過呢間舖頭的元朗分店十分滿意，於是今天就來試下呢間正店。門口大大隻字寫住 ''上海珍珍排骨麵'' 好搶眼店入面環境光猛，座位舒適。我同老婆叫左一碗魚肉腐皮雲吞麵($44)、一碗排骨雲吞麵($44)、另外再叫多兩杯凍咖啡(每杯$8)，合共盛惠$104。雲吞麵的湯底是清湯底，味道調較得好好，無味精，熱辣辣好好味。麵底是上海麵，口感適中，唔太硬又唔太軟。👏👏👏雲吞餡料豐富，肉汁夠但是雲吞皮散散地，可能煮得太耐。魚肉腐皮的魚肉好新鮮，魚肉味十足但是腐皮不脆口，可能被湯浸淋了，如果分開另上就更加好，可惜！😔😔排骨味道不錯，因為厚切所以份量十足但是也不脆口，同樣是被湯浸淋了，真可惜！😔😔凍咖啡就味道一般，咖啡味不夠，奶太少。總結，兩碗麵分量十足，食完一定夠飽排骨和魚肉腐皮的餡料和味道原本是非常好如果可以同麵分開另上就可以更高分，有進步空間💪💪…Read More

呢日同老公嚟到呢間位於屯門華都花園嘅上海珍珍排骨麵食Bunch, 我叫左一個排骨菜肉雲吞麵($44)配凍咖啡(跟餐$8)，老公就叫魚肉腐皮卷菜肉雲吞麵($44)亦係配凍咖啡(跟餐$8)。首先講講個麵，排骨食落好香口，味道好好，不過肉質實左少少，一共有四粒大大粒菜肉雲吞大大粒餡料足，食落好好食，比排骨出色。湯底味道都唔錯，麵身亦滑溜，唔錯！凍咖啡就普通，略帶少許微酸不過總括呢度嘅嘢都算好食，可以再嚟幫襯！…Read More

-以前喺附近返工，間唔中都會過黎呢到食lunch，早幾日睇戲前搵地方開飯，諗起呢到嘅排骨，咁就同朋友過黎呢到晚飯。-我叫左排骨菜肉雲吞粉絲，其實炸排骨係咪應該分開上呢，原本排骨都算幾鬆化，但浸左落湯到排骨淋左，真係唔係咁好食。雲吞係菜肉雲吞，普普通通，粉絲都算淋，幾好食。-朋友叫左牛腩榨菜肉絲飯，牛腩夠淋，啖啖肉，榨菜肉絲送飯都幾惹味-粉絲47蚊，飯就44蚊，呢個價錢呢個質素,我諗唔會再有下次囉。…Read More

好多年無食, 一入去見WEEKEND夜晚都咁少人, 就知奶野...叫左排骨粗炒, 個粗炒本身無咩問題, 係唔太夠熱, 唔會太油, 味道唔咸, OK GE, 但塊炸豬扒....唔脆都算, 邊位係林GE....究竟佢炸起幾耐? 不過都幾大塊豬扒GE, 啖啖肉。煎餃子又係伏, 睇落已經好油, 一食, 林GE..... 入兩係白菜豬肉餡, 味道OK GE... 但煎餃唔可以係林架LAW....BTW, D 阿姐黑口黑面...…Read More