上海一家 (Moved) New Location

二月廿五‧晴這裡賣的食物非常之廣泛，由各式上海點心，到蒸飯及小吃，又或是煎堆蛋球，都一應俱全。是日架著單車經過，見門外放著一盤蛋球，是剛炸起的，圓漲漲的很吸引，就買了一個來吃。蛋球外脆內鬆軟，面頭灑糖，甜甜的有蛋香，對辦。但多吃兩口，發現喇喉的感覺，是發粉吧，情況都幾嚴重的，如何多點糖，會易吃完一點；隔離的煎堆也很似樣子，不過趕著去找東西，下次再吃。蛋球7蚊3件，每件兩元半，很經濟的。

今日約左朋友去大埔食野, 因朋友遲到所以周圍影下相. 去到呢間見有好多飽點, 想影番一兩張, 點知有個男人大叫"你影乜野?", 我望一望佢冇埋佢, 點知佢沖出黎大叫"你影乜野呀?",我就話"冇...影下飽者, 唔俾影架?", 跟住佢用背脊頂住我一路大叫"呢度係做生意架, 唔好影, 走啦!", 好似想打人咁.影下相都唔得, 有冇搞錯. 而家咩年代, 有人免費幫你賣廣告都咁惡, 咪駛指意我會幫襯!

路過這裏，還記得以前有個中學同學在這裏做過～看見飽點，不滿想食一個～之後買了一個煎牛肉飽～不太熱～食一啖～皮比較凍～看到有牛肉和洋蔥，餡都ＯＫ～但是食不出有煎的感覺～可能放凍了～煎的那部份變了硬～不過見她煎這麼多～。～凍了的機會很高～４元一個不貴～但不太好食～天氣熱還是速速回家吧

哇,金日買左個盅頭飯同粉果黎食算把啦"好難食囉係到跟新明發-0-人地十幾年老字號嫁啦!!人地好咪咁多!!真係呀,,平少少我下次都唔黎買呀!

今晚返屋企時經過買左一碟粉果同炸魷魚，其實之前有買過窩貼同蒸包，都不錯，但今日嘅野就太失所望，粉果塊皮實在太厚啦，依且又唔太熱，相比之下，隔冇幾遠新明發嘅粉果就出色好多。仲有炸魷魚就仲誇張，果層粉厚到係食左兩件就唔食啦，真係o徒左我啲錢。

星期日吃完lunch 路過，見佢在賣盅頭飯的店外擺了一盤盤蛋球和煎堆，新鮮炸起，望落去極為及引，見又有咁多人排隊，走上前問下點買，阿姐回答︰「$3個、$5 2個、$6 3 個。」心諗都好平，於是要了2 個煎堆，個煎堆鋪滿黑白芝麻，一咬下原來係麻蓉餡，真係第一次食，不過唔係咁夠芝麻香，而且偏甜，但都算抵食。

曾經以為她的蔥油餅跌watt，好久沒嚐，某日經過看到新鮮弄起，心癢癢再試。除了偏甜和過於厚身，煎得不錯，尤其是邊位勁香口，又鋪滿芝麻，蔥也不欺場，閒時買來過口癮也不錯，至少飽肚

成日經過見到D包好吸引，但自從上年試過一次食盅頭飯D肉餅係生之後唔敢食....直至前幾日見到臘腸卷太吸引，於是買左。好底食，$3.5一隻臘腸卷，個包熱熱地甜甜地好軟，臘腸咸咸地有少少燙，好豐富的口感，夾堆黎真係超正，人間極品=3=其他包都又大件又底食!!值得光顧............................包ONLY!

住咗大埔都幾十年，排骨飯一向都食開老字号新明發，但噚日早了收工，經過上海一家，外面大排長龍，好似做戲咁！咁耐都未試他們的嘢食，就引起我的好奇...結果，排了3分鍾買咗盒鳳爪排骨飯，仲有菜送，一盅只需$12蚊，比隔離新明發平$1。返屋企打開食，便聞到飯香撲鼻，排骨肥瘦均勻、肉質很有口感、肉汁亦很豐富，鳳爪亦唔錯，質素比食開的老字号還要高。值得推介比喜歡盅頭飯的朋友。下次要試下他們的菜肉飽和點心先得，然後再報告....

以前讀果間學校係依度附近間唔中都會黎幫襯以前d蘿蔔糕好好味，又夠熱又食到有蘿蔔絲都只係賣＄２．５（定好似＄３）但係愈食愈覺得水準下降ｄ菜肉包都ｏｋ又平又大大個，菜肉勁大好足料點知有次買完正諗住咬落口既時候見到包面有隻螞蟻即刻嚇到唔敢食細看之下仲見到唔只一隻仲有多幾隻自此以後都唔敢再幫襯！其實佢ｄ鵪鶉蛋燒賣同鮮蝦燒賣都ｏｋ但係因為以上果件事就以後都唔敢再食

今晚買咗幾件返屋企食，之前都食過呢到嘅鍋貼，皮好硬，唔係咁好食，但今日嘅鍋貼另我有意外驚喜，同以往嘅好唔同，皮較以前薄，而鍋貼底煎得好脆口，餡料亦幾新鮮，真係唔錯！P.S. 價錢情報：@$2.5，但3件就$6

麥饅頭好好味，好大隻好飽肚!!好香好熱，好鐘意食架!!又唔係算貴囉~春蛋燒賣都唔錯，e+唔係周圍有得食，好難得啊~不過盅頭飯，我個fd話d肉餅唔熟，紅紅地，唔知喇....不過幾抵食~食1粒春蛋燒賣+1個飯+1個饅頭，好好好好飽!!

饅頭縮左水1/3。上排縮水我仲以為師傅唔覺意整細左,或者係麥饅頭先有咁的情況,話晒麥饅頭的成本高些ma。但我今晚買白饅頭都係縮水的,我同個呀姐話饅頭好似細左gei,佢冷冷拋下一句,係咩~態度勁差!!!!!唔駛旨意我再去你地度買野!!!!!重有呀,d饅頭硬屈屈,一睇就知唔新鮮~呢間野其實幾dirty,有次我見佢的staff將steam饅頭的盤放在地上,好嘔心~

呢間野最初都仲好地地，最鍾意食佢既饅頭、菜肉餃同馬拉燈盞！菜肉餃日日都食架，但中過幾次招！煎到個底根本濃到無得再濃都仲拎出黎賣！後尾咪轉買饅頭囉，無錯係好抵好大個...但你食真d有一陣鐵打酒味，初初我以為自己食錯，第二日食又唔覺有，於是又幫襯左一排，近住又黎啦！咬一口已經吐返出黎，好噁心！再被一次機會佢啦！又轉買馬拉盞，今日突然留意下個盞，竟然係一邊係未熟！返轉頭換，佢話「係咁！其他都係咁」我心裡面諗「其他人就會信你講，日日幫襯都唔未見過係咁既，我自己都係整野食既人，d面粉未發起先會咁樣」，所以大家小心D！雖然唔可以話會食死人，但賣野都俾返D良心出黎丫！

今日路經見到有款麥皮饅頭賣,諗0下有0的餓,又唔想食太濃味0既野,咪買0左個試0羅,五蚊就四個,但係果0的就係細0既,我寧願買二個半果0的~就買0左個,單買果0的就有手掌心撐大咁0既size,都幾熱架,食好耐都有暖暖0地,哎落口第一啖~有饅頭甜味,好食呀,仲有平均0既麥皮舖滿個饅頭~真係食到唔停口~因為我鐘意食清清0地0既野,所以好0岩我啊~下次經過一定要買0黎食~~