三悅冰室

Open Now

Now Closed

之前食個lunch真係有啲普通。不過食過其他分店嘅小菜係好食，所以都要叫番小菜比較返先可以評。諗住放工求其返屋企煮少少野食，但咁啱鄰居話去附近食，咁就索性去呢間試吓。本身鄰居都唔係咁想食，因為之前佢哋食個餐都係唔ok。個例湯正常但無乜湯渣，亦無口乾。先黎左個牛仔骨，冇拿得好犀利亦有鑊氣，菇亦都好爽脆入曬味。跟住嚟到個西檸雞，個雞扒冇底味，但係個檸檬汁夠酸甜超醒胃。另外個肚有蒸肉餅都唔係，份量又足，食落去都好厚實。若果小菜真係同其他分店有得比下。

可能因為白石角真係食物嘅沙漠，難得開咗間茶餐廳，雖然味道一般。但長期排長龍。錯單，漏單，服務差已經唔係第一次，但之都廢事寫食評。但今次買外賣，又錯單，明明order 蜜椒雞中翼，個袋貼住都係寫蜜椒雞中翼，但係返到屋企打開竟然係西蘭花帶子，救命。唔怪得見宜家人潮已退，呢間嘢如果做唔住都係自己攞嚟。

最近少食冰室茶記😗今日就黎試下啲小炒😛個蜜椒薯仔牛柳粒幾野味🤣鋪滿左啲芝麻☺️食落去唔算話好辣😛所以相對會咸啲😗用黎餸飯一流豆豉鯪魚油麥菜就比較特別😜平時係出面少啲見🧐但係食落去又幾夾☺️小小咸🤓但唔會話太油膩既整體黎講😊茶記野食好難話做到雕花咁出色😌但係上菜黎講佢地都算快😝而且伙記們都好好👍價錢黎講都算係正正常常🙂今次就無機會試下佢地既常餐😛希望下次有機會試吓茶記其他特色啦😋

這間無論早餐還是晚飯我都日日光顧。開係依到價格通常都偏高，反而偏低，早餐三十几有得食，晚飯小菜最平70.碟頭仲平d添，網上好多人話依到服務差，，我反而五覺得，由早忙到夜晚，長期光顧這間都知，多客人時候樓面人手小，可用手機落單仲会教你，廚房同水吧多食物未送客人手上，都会大叫埋野d野凍，佢地都想我們食熱辣辣的食物，食物質素都几好，五會話好難食，所以我見到有人因為排隊時間長同等食物長而post上網講依間野五得，如果换着你在這間做，你可能脾氣仲差d，我不希望這間冰室因為咁而流失客人，所以我先為這裏員工發聲，我並不是這間相關同事

這間餐廳的午餐與下午茶體驗，可謂「兩極化」的災難——**咖哩牛腩飯淡而無味**，牛腩雖燜得軟爛，但咖哩香氣近乎零，醬汁稀薄如湯，連最基本的辛香層次也欠奉，吃兩口便興致全無。反觀下午茶時段的**鰻魚汁生炒牛肉飯**，卻走向另一個極端：醬油與鰻魚汁下手極重，每粒飯都裹滿死鹹的醬色，牛肉炒得過老之餘，鹹度更是直逼「洗腎級」，得狂灌水才能勉強吃完半碟。 兩道主食的失手，反映廚房對調味的失控——不是淡如白開水，就是鹹到掩蓋所有食材本味。若說咖哩飯是敷衍，鰻魚汁炒飯便是粗暴，價錢雖屬茶記水平，但品質連合格線也達不到。除非廚師重新審視醬料配比，否則實在難以推薦。

同鄰居打完波之後費事返去煮午餐，索性同佢哋去分開嘅茶餐廳食。其實呢間茶餐廳喺馬鞍山嗰邊啲分店已經食過好幾次，不過呢間就真係第一次。已經到午餐時候不過鄰居就嗌咗個全日早餐，我就嗌咗個芝士肉醬雞扒焗意粉。鄰居share咗啲魚柳同埋香腸嚟食，香腸就係常溫，魚柳就熱辣辣，如果啲埋沙律醬應該會幾開心。午餐焗意粉有個例湯，合掌瓜都幾清甜，至少飲完無口渴。不過個芝士肉醬雞扒個意粉就比較濕啲，啲雞扒就切成四小件。唔係原塊雞扒就冇咁開心。另外個柑桔蜜就淡咗啲加多一茶匙就應該會正常甜度。不過始終呢一區嚟講之前係得一間冇人食嘅酒樓，突然間開咗間平民茶餐廳，係踩旺左嗰場。不過就唔希望佢唔好覺得自已獨市，keep到同其他分店水準已經完勝呢個d餐廳。

買個外賣，等足一個鐘，仲要比收銀阿姐怨催佢做乜，佢淨係收錢。另一個伙記就好嬲咁話已經幫我同廚房講咗，咁即係點？我錯哂？等左半個幾鐘先開始問都比人鬧。希望下間會好啲啦

已食過幾次唔同時間，都要在門口排長龍，每次望清楚裡面，都是有枱無人招呼，問經理點解唔讓客人入坐，佢話做唔設，咁樣做生意手法，員工都係有好大問題，入坐十分鍾都無人招呼，真失望😞

等左咁耐白石角屋苑終於開左間茶餐廳，唔洗行去科學園先有野食。可能白石角居民餓得太耐既關係，都要等左幾分鐘先入得。餐廳食物種類都算多，價錢亦都親民，但食物質素真係差到一個點。下午茶叫左個豬頸肉炒烏冬，首先個烏冬係唔熱嘅，其次成個烏冬得一舊豬頸肉，簡直不能相信，餐牌圖片亦都非常照騙，當我想問吓個店員係咪得咁少豬頸肉個陣，佢答我呢嚿係豬頸肉，完全不能溝通。講完，建議大家都係唔好偷懶行多兩步去科學園食好過。

白石角荒漠新張開餐廳 見咁多人排隊就試下佢但餐廳唔夠人手 原來場內即使好多位 都要求客人門口排長龍 多人排隊係假象入到餐廳張枱仲係勁污糟又麵碎又飯粒，員工求其掃落人張櫈 只係開左冇一星期就殘殘舊舊污污糟糟咁叫左午餐有例湯 飲左一啖就發現有舊古怪野以為係蝦米 但例湯落蝦米咁古怪 睇真原來係蟲 有d 腳仔 係黑色左既蛆蟲仔🤮歡迎大家放大黎睇 唔止一隻 我都廢是再影冇眼睇之後黎既粉面都冇乜食慾 公仔面冇味又炒得油淋淋 豬頸肉係粉紅色半生熟 唔掂呀

難得有一間平嘅冰室新開張可能第一天幫襯早餐和午餐野食一般有待改進，晚飯就一星期後幫襯嘢食就太咸太濃味可以淡少少就非常好喇，環境都幾好嘅服務員就都可以係收銀嗰個麻麻地可能新開張好多嘢都未熟習，希望嚟緊嘅嘢食會好返一啲呀，如果唔係又要走出去外邊食好唔方便

住係白石角既居民都知道搵間茶餐廳好難，要行去科學園，所以一聽到開茶餐廳，相當興奮。開張的第二日就急不及待去試。可能好多人同我一樣，所以堂食要等位，我仲見到好多人叫外賣添🫨今日我就叫左常餐沙嗲牛肉麵配丹麥多士炒蛋加熱奶茶，另一個冬陰功海鮮炒飯加熱奶茶🤭沙嗲牛肉麵味道正常，但熱奶茶出奇地好飲，茶味濃，又滑👍🏻冬陰功海鮮炒飯份量非常之足夠，熱辣辣👍🏻我見到有很多都食唔晒要外賣拎走😗我希望水準可以keep住👍🏻埋單$109，相當之抵食😃

今日十一點半去到，雖然午餐11點開始，但係見到早餐做到12點，所以試一試份早餐先味道不過不失，不過豬膶米的豬潤感覺比較老，而且是薄切，可以不用試………………..