三悅冰室

Open Now

Now Closed

同鄰居打完波之後費事返去煮午餐，索性同佢哋去分開嘅茶餐廳食。其實呢間茶餐廳喺馬鞍山嗰邊啲分店已經食過好幾次，不過呢間就真係第一次。已經到午餐時候不過鄰居就嗌咗個全日早餐，我就嗌咗個芝士肉醬雞扒焗意粉。鄰居share咗啲魚柳同埋香腸嚟食，香腸就係常溫，魚柳就熱辣辣，如果啲埋沙律醬應該會幾開心。午餐焗意粉有個例湯，合掌瓜都幾清甜，至少飲完無口渴。不過個芝士肉醬雞扒個意粉就比較濕啲，啲雞扒就切成四小件。唔係原塊雞扒就冇咁開心。另外個柑桔蜜就淡咗啲加多一茶匙就應該會正常甜度。不過始終呢一區嚟講之前係得一間冇人食嘅酒樓，突然間開咗間平民茶餐廳，係踩旺左嗰場。不過就唔希望佢唔好覺得自已獨市，keep到同其他分店水準已經完勝呢個d餐廳。