三多

Open Now

Now Closed

三多生炸雞髀出名滑嫩多汁🤤周不時都會想去食下今日又黎回味。出餐都等得比較耐，可能因為外賣單都多，見佢已經密密做，都多人黎拎外賣。跟飯有得揀汁，揀左咖喱，係個種甜甜地、唔辣、偏日式個種。飯同汁都夠多，汁有少少薯仔，味道唔差。不過最出色都係隻髀！隻髀一出，攞上手係熱辣辣到揸唔到。一咬，肉汁多到滴出黎！同朋友一人一隻，我個隻唔辣，佢嗌小辣 。小辣係撒左辣椒粉，辣椒粉同炸髀嘅脆皮有combo，特別香脆過癮。

喺秀茂坪商場食午飯，點咗三多嘅咖喱溫泉蛋炸雞髀飯，真是一個邪惡享受！炸雞髀外皮金黃香脆，內裡多汁嫩滑，肉汁爆出真好食！咖喱汁濃郁，入面有薯仔、蘿蔔同洋蔥，配溫泉蛋撈飯，香滑又惹味。仲叫咗咖喱溫泉蛋炸豬扒飯，豬扒超大塊，炸得脆卜卜，肉質軟嫩，咖喱汁同樣出色，食到停唔落口。炸雞軟骨粒正常發揮，咬落爽脆，當小食好正。餐廳環境簡單乾淨，適合快餐式午餐，店員服務態度 OK，上菜快。雖然唔係高級餐廳，但炸物質素高，份量夠多，食完好滿足。完全係炸物控嘅好選擇

邪惡嘅炸物有邊個唔鐘意食丫🤭今日經過秀茂坪商場 #三多 緊係要入去朝聖下啦🤣🍱咖喱溫泉蛋炸雞髀飯👉🏻日式咖喱配溫泉蛋飯應該冇人可以抗拒👉🏻炸雞髀皮脆內嫩,勁多肉汁🤤🍱咖喱溫泉蛋炸豬扒飯 👉🏻咖喱汁有齊薯仔蘿蔔洋蔥,一啲都唔馬虎👉🏻炸豬扒超大塊,好香脆🍱炸雞軟骨粒👉🏻正常發揮📍三多 (觀塘)觀塘秀明道101號秀茂坪商場3樓303號舖#探店 #小食 #炸物 #炸雞髀 #吃喝玩樂 #香港媽媽 #blogger