七喜粥麵小廚

Open Now

Now Closed

約了朋友拎野, 順便去左呢度食鮮牛肉湯河($16) - 每次食都會叫呢樣, 多蔥多牛肉, 好味九菜雞紅(下午茶時段$8) - 雞紅幾滑, 份量都幾多錦老雲吞($16) - 微熱, 很香脆加多支汽水盛惠$47, 食到飽飽算唔錯

店內好多人, 晚上好多人食海鮮, 但我係粥王, 所以第一時間已叫了一碗窩蛋牛肉粥, 朋友就叫了北菇滑雞粥加一碟芥蘭. 呢排唔係成日食加蛋的粥, 因為有d地方加一隻蛋貴好幾蚊, 最離譜的加$6都試過(九龍灣某差勁粥麵)! 呢度一碗牛肉粥加埋蛋($2)都係$19, 仲要好味, 掂!朋友睇到菜牌想叫一味生汁芝麻蝦球. 跟阿姐落單, 阿姐先說呢個好菜好少人叫, 比較一般, 不如食蒜茸開邊蝦或醬爆蝦球. 咁我地就叫左一客醬爆蝦球. 蝦球熱辣辣來到, 蝦很大隻, 伴韮菜炒, 很有鑊氣, 不過略嫌多油. 我第一時間放隻蝦入口, 不過太熱又有d辣, 所以當時感覺係超辣, 朋友見狀便叫阿姐比碗熱茶我浸一浸d辣味. 阿姐最初拿了細碗比我, 跟手又比個大碗, 佢地怕浸左茶味會怪, 拿了滾水給我. 老細見到就拿拿臨拿了一大碗麵湯給我, 話唔使浸左咁淡. 其實朋友話唔覺得辣, 怕且都係我心急之故, 不過咪當浸下少少油lor.老板同伙計一來細心, 二來又要睇住自己個靚招牌, 對客好d, 大家都著數. 是夜阿姐們忙到團團轉, 但一樣好招呼. 抵讚!

今日lunch 去左食, 叫左鮮牛肉粗麵, 9菜豬紅, 兩支汽水水準依然咁好味, 服務也不錯

今日晏晝食左"豬潤粥","炆枝竹"仲有"油菜"豬潤粥-豬潤好滑,好好味.炆枝竹-好好食,但係又唔知點形容,食家要自己去試.油菜-普通.

七喜粥麵小廚上個星期食咗2次, 因為實在太好食啦!平時如果去會展睇演唱會我就多數食灣仔個間"七喜", 點知比我發現原來新蒲江呢間先至係至好味. 佢唔只粥麵好食, 最正係d小炒, 又大碟, 又好食!心水推介:炒聖子蒜容蒸鮮魷蒸魚頭帶子豬肚粥西芹炒帶子豬腰豬手河蝦子撈麵鵝腸芝麻魚皮蜆介一流......食物有很多選擇, 亦超水準, 比好多大酒樓好, 服務好,係我近來的推介. 唔怪得知有咁多人專登揸車入去食啦!

蒲左呢區咁多年都無食過呢間一試之下粥麵都好味小炒碟頭大,招呼又好,唔怪得之晚晚都咁多人

ｄ粥好味呀～黎樹．．．仲有ｄ炸雲吞呀～超好味呀～不過～係ｌｕｎｃｈ　ｔｉｍｅ　既時候～唔好去～因為有勁多學生去食ｇａ

這間好正的啊,食物又好味又多選擇,價錢又大眾化,而且服務又好,我成日去架,因為好好味,好旺的啊!

新蒲崗都係舊區, 呢度七喜好旺架, 夜晚去有時要坐出街, 不過, 都無所謂啦! 必選有樽裝可樂, 油菜, 水餃冬菇麵或豬潤粥同埋灼鵝腸或炸魚球, 開胃就多一個小菜, 總之樣樣都岩口味, 又係百零蚊食到捧住個肚, 仲未夠既話, 杏花樓同翠華就係對面.