一記 (Closed)

踏入呢間小店，先會被佢地簡單而有feel嘅裝潢吸引住。冇咩花哨裝飾，但個氣氛好似返到屋企咁，好有親切感。菜單上嘅選擇唔多，但每一款菜都經過用心煮，絕對可以帶你食到嚟嫲嫲嘅味道。我揀咗佢地嘅茄牛腩湯飯，一上枱就飄出一陣好香嘅湯味。湯底濃稠，牛腩嘅鮮味同茄子嘅酸甜味組合得好恰到好處。咬一口牛腩，肉質好juicy，入口即溶，真係好似係嫲嫲懷抱入面享受呢份家的溫暖。湯飯嘅口感好綿密，每一口都可以感受到飯同湯汁嘅絕佳組合，真係令人欲罷不能。除咗茄牛腩湯飯，呢度仲有其他款正宗家常小菜，例如煎蛋同炒青菜。每道菜都保留咗食材嘅原汁原味，經過用心煮，令人回味無窮。雖然菜單上嘅選擇唔多，但每一款菜都足以滿足你對正宗家常風味嘅渴望。呢間小店嘅服務態度超友善同親切，真係好似返到自己屋企咁舒服。店內嘅環境唔花哨，但好整潔，令人感到舒服同放鬆。無論你係一個人食飯定係同班朋友聚餐，呢度都係一個好舒適嘅地方，適合食飯同閒坐下傾下計。…Read More

外賣乾炒牛河熱奶茶。。牛河超難食，河粉質地超差。。咬落去散。。貨不對相。。。奶茶勁難飲，涼茶味。。仲講好一百都唔準備好找。。要數散銀。。從來無試過咁差既外賣。。。不知所謂…Read More

路過這小店，被放在門外的餐牌吸引，價錢真便宜！往店內一望，擠滿了人，決定一試。點了花雕醉雞湯飯，只售$35。食物很快送上，花雕雞放在大碗內，份量很多，除了雞，還有冬菇、紅棗、杞子等食材。先喝一口湯，味道比較淡，只有微微的花雕味。再吃雞肉，絕大部份是雞髀肉，因為是雪藏雞髀肉，當然沒有雞的鮮味，但味道也算不錯，而且肉質嫩滑。米飯放在另一個碗中，同樣份量驚人。這花雕雞雖然花雕味不足，但以$35來說，已是合格有餘。…Read More

平時係荔枝角呢頭番工，就一定唔可以錯過呢間好抵食又平既外賣！基本上佢啲飯都係$35內，叫2個就有得送上門，全部都係住家飯既味道😍，每日都有唔同住家靚湯，不過佢就要預早幾個鐘叫外賣！…Read More

轉左新工之後聽同事講一記既腸粉好好食，終於的起心肝早幾分鐘出門去買一記試下🙈。一記既價錢真係好良心價。10蚊4條腸粉，9蚊3粒自家製手打牛肉球，8蚊5粒燒賣，食到勁飽都只係$25。下次叫腸粉+牛肉球就好了，食太多太飽啦真係🤣。講返腸粉，非常滑溜，圓條型比較幼身，中間位有小小空心，所以d醬汁可以完美依附係腸粉度🤤，不得不讚佢既甜醬麻醬，濃味得黎厚落度岩岩好，食落無厚重既感覺，直得一讚👍。手打牛肉球非常出色，馬蹄爽口，牛肉軟滑帶有小小彈牙，食落好似酒樓個種，唔係一pat粉/死實實既。細細粒好易食，一啖一粒超過癮。😚至於燒賣亦都好好食，似係金龍個類，但由於腸粉&牛肉球實在太出色，燒賣就變得普通左小小啦。🙈…Read More

早幾日荔枝角嗰邊睇戲，發現有間充滿傳統懷舊嘅小店，店舖淨係買幾款嘅飯同小食，不過就多咗一份人情味😌，顧客都係舊街坊，香港就係少咗呢啲咁嘅舖頭，懷舊+人情味😋今次就叫咗個燒賣腸粉同埋牛肉球再加蘿蔔糕老細話蘿蔔糕係佢哋自家製，一條條嘅蘿蔔絲問完再配上自家製嘅麻辣醬，真心好好味😋，麻辣醬唔會太辣，麻味重啲，另外，腸粉同燒賣配上佢哋店舖自家製嘅豉油，麻醬同甜醬,食唔停口，腸粉都好滑，而且好吸嗰啲醬😄由於就快lunch time ，所以我哋都叫埋滑蛋蝦仁飯同蕃茄牛腩湯飯，味道不錯👍🏻，性價比都高，另外蕃茄牛腩湯飯，牛腩炆得好淋好入味，蕃茄湯個味道都好濃郁，再有薯仔粒同埋紅蘿蔔陪襯，有少少似羅宋湯味道😗老闆仲話平日會有唔同嘅糖水，喺荔枝角或者長沙灣返工嘅朋友都可以試吓買早餐或者lunch，小編覺得性價比都好高💪🏻😃…Read More

➖ 滑蛋蝦仁飯蝦仁有四粒中size咁上下肉質爽口，炒蛋嫩滑半生熟既蛋汁滲哂落去個飯到，而佢用既呢款蛋味道較濃，所以有蛋汁既飯就咁食已經充滿濃濃既蛋香，另外醬汁佢淋左類似甜豉油既野去蛋上面，唔太甜亦唔鹹撈飯岩哂🪧 今時今日仲可以係邊到搵到碗飯$32即叫即煮仲要可以堂食既餐廳，最緊要係仲要幾好食…Read More

呢間野我多數都係叫外賣，未試過堂食。有一日我係公司門口見到張一記既leaflet就試下啦，斷斷續續都叫過10次8次。基本上每次都遲起碼20分鐘先送到，有時仲會送漏送錯添。咁遲送到都咁唔緊要啦，食急小小啦。但今次真係忍冇可忍，11點左右叫左兩個飯兩個湯1點鍾送（用WhatsApp落單，白紙黑字寫明）。點知1:30pm黎到得一個飯兩個湯，咁即刻打去鋪頭交涉，個職員仲要好鬼串話要等d外賣仔番黎先可以再補番個飯畀我地，起碼等多30分鐘。大佬呀lunch hour得1個鐘，你遲30分鐘送黎仲要再等多30分鐘先送齊，咁等D野食到齊我都要收工先食得啦。…Read More

平靚正又飽肚嘅餐廳，喺呢個通脹無前嘅世界，越嚟越少見但跟住街坊嘅人潮smell吓，就會有料到呢間有幾抵？睇佢碗飯賣相咁吸引，又大碗，真係好難相信佢只係$32:)滑蛋絕對食唔出頹感，好嫩滑，蝦仁又大粒爽口肉餅飯都係大件夾抵食，肉餅好厚身，咬落有馬蹄帶嚟嘅爽口質感同時肉香滿腔，仲有自熬嘅豉油，更添味道蘿蔔糕都係自家製，唔係出面嘅現成貨，用筷子夾嗰吓，已經feel到個彈性，食落冇乜澱粉感，反而係蘿蔔絲嘅鮮感出啲，所以冇咁膩，食完即刻同佢買一底返屋企壓年牛肉球價錢好平，估唔到都係自家製親自手打，粒粒具口感同鮮嫩，味道樸實滋味點埋秘製麻辣醬，另有一番好味燒賣都可以點辣醬㗎，但佢本身已經加咗秘製辣油，係唔同嘅辣香，當然打孖嚟更加有趣腸粉亦好有誠意，多醬多芝麻，食落口感滑溜，同深水埗間合X泰有得揮，而且呢間好似抵食啲𠻹跟餐有送湯水，日日都唔同款，睇色水以為係羅宋湯，但原來係蕃茄薯仔洋蔥紅蘿蔔豬骨湯，可以煲到咁紅，唔使大胃講，都知幾足料幾夠味，維他命非常旺盛…Read More

今次畀我發現到呢間小店，雖然冇咩豪華裝修，但係啲嘢幾好食😋，好有住家飯嘅味道。滑蛋蝦仁飯（$3️⃣2️⃣）呢個滑蛋蝦仁飯真係又平又正！啲蛋又唔會過熟，吵得有夠滑，仲有少少蛋汁可以撈飯。佢仲有四粒大蝦🍤，本身以為係普通冰鮮蝦，估唔到又幾爽口，呢個飯絕對有驚喜！蕃茄牛腩湯飯（$3️⃣2️⃣）呢個湯飯我都好鍾意❤️，佢牛腩份量好多，仲有蕃茄同薯仔。我鍾意佢個湯底夠清甜冇味精，好有住家飯嘅味道。菜乾豬骨粥（$1️⃣4️⃣）呢個粥煮得好綿好入味，一啲都唔稀，見佢顏色都知佢煲咗好耐。霸王花南北杏羅漢果豬骨湯（$1️⃣0️⃣）其實$10一碗湯真係好平，佢仲要好足料好夠味，平時喺屋企真係煲唔到呢啲湯。佢仲有其他小食，例如佢手打既牛肉球，燒賣腸粉同埋蘿蔔糕，每樣嘢都係幾蚊雞，好抵食。順帶一提，我幾鍾意佢哋自家製嘅豉油，特別香配腸粉好好食😋！我覺得呢間店都算得上窮人恩物，32蚊一個飯我覺得真係夠飽，而且我仲叫咗佢少飯🤣，味道又好食，呢兩個飯我都好推薦！住喺附近嘅話真係可以去試吓～…Read More

今日去左長沙灣果頭探👶同兩個朋友係附近食個tea先一齊上去👶屋企～我地誤打誤撞黎左呢間做街坊生意既小店😊❤️腸粉 (評分: 4.5/5) 💰9️⃣入口超級滑！😮😮 因為比較幼身所以特別容易黏附醬汁👍豉油好香八角同陳皮味，幾特別！我自己好中意😍言談之間先知原來係舖頭自己煮😱 小小既店舖仲要自煮醬汁，太有誠意了吧？！👏💯⭐香煎蘿蔔糕 (評分: 4/5) 💰1️⃣1️⃣蘿蔔落得好重手😁 食到一絲絲，好有口感😋⭐燒賣 (評分: 4.5/5) 💰8️⃣都幾彈牙，但麻辣油係重點！超惹味超好食！！😱原來又係店家自家製🙈🙊❤️牛肉球 (評分: 4.5/5) 💰1️⃣2️⃣同平時食開既有啲唔同🤔呢度多咗陣牛油香，唔肥但係口感非常彈牙👍❤️蕃茄牛腩湯飯 (評分: 5/5) 💰3️⃣2️⃣咁大碗嘅蕃茄牛腩湯飯先$32！！！😱😱湯底充滿住媽媽既住家味道，好清甜😊牛腩肉既部位好夠淋，筋位超爽口！😮 食完係完全無痴牙，好難得😂😂❤️滑蛋蝦仁飯 (評分: 4.5/5) 💰3️⃣2️⃣又係32蚊🙈🙈有四大粒爽口蝦仁同滿滿既雞蛋，雞蛋偏深色，蛋味香濃👍只係單純加咗少少豉油調味已經好好送飯😋❤️每日靚粥 (評分: 4.5/5) 💰1️⃣4️⃣今日係菜乾排骨粥，唔會太稀食到好綿嘅米粒，味道剛好唔會太鹹，十幾蚊一碗但超足料😅❤️每日靚湯 (評分: 4.5/5) 💰1️⃣0️⃣今日係霸王花南北杏羅漢果甘筍豬骨湯，超有火喉，同樣勁足料😅😅其實呢個價錢但咁足料，老闆到底有無錢賺架呢？！😅😅😅如果我屋企或者公司附近都有呢啲咁抵食又高質嘅小店，我諗我呢啲外食一族一定係佢既常客😂…Read More

喺荔枝角行完D2 Place再去埋附近商場睇戲之後發現對面間迴轉壽司實在太多人排隊, 要等成二百張飛🤥 呢個時候發覺右手邊對面街都有幾間小店🤨其中一間無咩裝修, 但啲嘢食時光倒流價, 食落又無咩味精, 感覺好似返咗屋企煮咁🍚🍤滑蛋蝦仁飯蝦仁用31/40級別, 蛋同佐敦澳x/大坑順x同樣用湖北蛋, 炒出嚟色澤金黃同滑😋飯嘅份量多, 撈埋由洋蔥/乾蔥/八角/果皮/頂天蠔油/日清麻油製成嘅醬汁一齊食, 轉個頭就清哂✨🍅鮮茄牛腩湯飯本身麻麻地湯飯, 因為比較清淡. 但呢碗湯飯嘅蕃茄同牛腩份量都幾多, 牛腩炆得幾入味. 加埋個好足料嘅薯仔紅蘿蔔湯底, 吸引到我食哂成碗😋🥜腸粉同合x泰同樣用潘記幼身腸粉, 食落好軟滑, 而且醬汁好香, 全靠啲生蔥, 炒過嘅芝麻同skippy花生醬✨🌶燒賣味道正常, 重點係個越辣越想食嘅自家製辣椒油同麻辣油✨🧆牛肉球牛肉全部手打, 一口size, 每粒入面都混咗少少牛油同花奶, 點少少喼汁已經好好食✨🥕蘿蔔糕自家製, 蘿蔔全人手切條, 粉嘅比例唔高, 食到啖啖都有蘿蔔條, 點甜醬/ 腸粉花生醬都好好食✨🍲每日靚粥呢度啲粥唔係用粥粉開, 亦都唔係煲出嚟, 而係蒸出嚟嘅⚠️將啲飯加水, 好似其他點心咁一齊放入蒸櫃度蒸, 蒸蒸下就變粥. 今次食嘅皮蛋瘦肉粥口感軟綿綿好飽肚, 推介早餐食✨🍵每日靚湯一至七都唔同款, 今日就係蘋果雪梨南北杏羅漢果豬骨湯. 老細每朝四點起身煲☀️足料無味精👏🏻聽老細講, 平日一至五lunch都多人用WhatsApp 落單, 如果想lunch去食嘅話記得用WhatsApp嗌定先咁就唔使等😉返食指數: 🥑🥑🥑🥑 (5🥑滿分)#滑蛋蝦仁飯 ($30)#蕃茄牛腩湯飯 ($30)#腸粉 ($11/6條)#燒賣 ($7/5粒)#牛肉球 ($7/3粒)#蘿蔔糕 ($10/2件)#每日靚粥 ($13)#每日靚湯 ($9)💛個人必食推介: 滑蛋蝦仁飯, 腸粉, 蘿蔔糕, 牛肉球…Read More

一間價錢超級親民的食店，性價比極高。番茄牛腩湯飯（$30）我好喜歡💕係住家飯的感覺，有番茄、薯仔、甘荀，全部都切到細細粒，好易入口，蕃茄味香甜和醒胃，牛腩燜得軟腍，牛味濃郁，而且牛腩份量幾多，才$30？？真係有營養又超值。蘿蔔糕（$10）$10有咁的質素，過年還要自己整？想食過黎買外賣好過！蘿蔔糕的質地我好喜歡，唔會好厚粉又唔會太軟身，原來係加左馬蹄糕。雖然入面冇好多的配料，但每一口都食到蘿蔔絲的原味，必試！腸粉（$8）叫左四條，$8真係好平🥺，腸粉比一般的幼身，口感軟、滑，醬汁豐富但不會好厚重，好吃！牛肉球（$11）有5粒，朋友最愛，係自家製出品，比起酒樓的鮮牛肉球實淨同細粒少少，性價比極高！滑蛋蝦仁（$30）滑蛋賣相吸引，蛋色好靚，大大件的蝦仁有四隻，彈牙爽口，送飯一流。燒賣（$7/5粒）就係金龍燒賣，比起其他自家製的小食，呢份沒太大的驚艷。不過店家都特調左麻辣醬（唔算好辣），燒賣控可以試下個醬。沙蔘玉竹粟米豬骨湯（$9）冇味精，仲有好足料的湯渣看到，清甜，好有家的味道。太抵，下次要再黎過。…Read More

週末同朋友嚟撐喺疫情下，本港用心經營 小店，老板好好人，為我地介紹佐佢哋幾道美食。《一記》 ：我哋未必係服務或環境最好嘅店舖， 但就一定是價錢味道十分高性價比的，希望價錢親民些，大家都食得開心D。😁～～～～～～～～～～～～～～～～～～～～～💫腸粉，係同合益泰同一間廠造既。 腸粉比較幼身， 中間嘅窿空間比較多， 所以食落比較軟、滑、 而且醬汁嘅味道比較豐富。💫豉油係用洋蔥、乾蔥、肉蔥、八角、果皮、蠔油等等自己煮既。 而麻醬就加咗花生醬，所以會香一D. 🙂💫燒賣嘅辣椒油同埋另一碗 麻辣油 都係小店自家製的，用咗好多唔同香料煮，味道好特別, 好喜歡。💫蘿蔔糕係用手切既蘿蔔條整既， 食落去食到一條條既蘿蔔。 蘿蔔落得比較多，唔會有好重粉嘅質感。💫牛肉球係自家製手打既～ 做既過程落咗少少牛油同埋花奶， 希望可以帶出另一種香味。而且size造得比較細粒， 可以一口一粒。(one bite beef ball)😋😋💫滑蛋蝦仁，跟澳洲牛奶公司或者大坑嘅順興一樣，都係用湖北蛋炒既， 蛋色夠金黃，蛋香亦較重， 配上自家製煮嘅鼓油，おいしい 😋😋而且只係賣30蚊一碗！👍💫番茄牛腩湯飯就落咗薯仔同埋紅蘿蔔去煮， 希望食落口味 豐富啲 ，有一種屋企煲薯仔洋蔥湯嘅味道。 同埋牛腩會盡量炆淋啲。😁💫皮蛋瘦肉粥。只係賣$13 😱 點解可以賣咁平呢既？ 原來《一記》 唔係「煲」粥，係「蒸」既。 因為賣蒸飯， 廚房有個人咁高嘅蒸櫃， 平時會將飯加水放喺蒸櫃入面， 慢慢「煮」粥。 咁就唔怕 煲燶粥， 慳番人手睇火， 粥會冇咁綿， 但係好有家常便飯既感覺。💫五指毛桃 土伏苓赤小豆扁豆豬骨湯，功效 去濕健脾 ，正Ok👍👍👍《一記》每日一款用心煮既靚湯，超級好賣架。 因為真係真材實料。 有時會賣杏汁豬肺湯， 椰子煲雞， 日日都會賣曬好受歡迎。…Read More

12:15落order叫外賣， 1:45先收到期間話係外賣仔問題所以未送到然後，我收到嘅叉燒，肥到嚇死人，可能大家鍾意食半肥瘦叉燒，咁無辦法我落嘅蝦仁炒蛋飯，需要走青，因為本人對青特別敏感，食完會有紅又腫，結果打開個盒，布滿晒青，同返佢講，佢話佢有走到，只係廚房出嗰張紙冇走。。。咁即係點呢？食物質素並非如OpenRice入邊評價得咁好，只係一般，但係如果一般嘅食物質素要我等一個半鐘，真心累🙏🏻奉勸各位如果嗌外賣，請提早兩個鐘…Read More