一碗車仔麵 (Closed)

一碗車仔麵作為我最喜愛的車仔麵店之一，原因除了因為距離屋企較近，還因為食物的美味。店內裝修簡單，墻上貼了不少舊時風格的海報，似乎比較隨意地想營造復古氣氛。店舖正面是一塊大餐牌，方便客人觀看，而檯面也放置了餐單供客人下單。車仔麵的配料款式不算少，還有一些小食可以點，飲品亦是常見的那些。五香牛筋墨魚頭米粉（辣汁少辣）過年後第一次來吃，最大的分別就是配料的分量變少了，也明白店家需要維持收益，但減少得有點太明顯。但是味道的確很好，尤其是墨魚頭，十分爽脆。豬手牛腩墨魚頭豬紅瀨粉（辣汁大辣）是的，仍然有墨魚頭，因為真心好味。豬紅入味嫩滑，牛腩也不柴。但豬手雖然味道尚可，可惜前期對豬毛的處理仍然有待改善，一呈上見到豬毛特別礙眼。總結雖然分量變少但價錢也可以接受，食物味道的確不錯。…Read More

上星期收到柯打去觀塘開兩日工，到了食飯時間又唔知食咩好，又唔算好肚餓，所以唔想食飯，行左一陣俾我見到間車仔麵，啱哂，諗都唔洗諗就入左去，簡單蘿蔔、豬腸兩個餸加個粗麵，汽水已經好滿足，雖然味道就一般，其實車仔麵都係一種好方便食品…Read More

觀塘區這條街有兩家車仔麵 ，這間車仔麵店我食了兩次感覺都不錯，由於有競爭者在隔離舖，所以價錢上絕對要保持競爭力， 兩個餸加一麵26蚊，三個餸一個麵就31蚊，再加餸每個七蚊。其實價錢都唔會太貴，另外加杯熱/凍飲都係加多七蚊 ，今次我叫了一個豬手＋ 酸齋＋河粉， 外表並不吸引，最深印像是那些辣醬，辣得幾有層次同風味，偏向有少少沙嗲再加辣油嘅感覺，豬手有兩隻，肉爽帶微軟，不錯，酸齋中和了辣味，酸酸辣辣十分有趣，加杯凍o水更是絕配。…Read More

其實都唔係好好食 我食咗百幾次咁上下姐..............................康寧道有間<來多一碗車仔麵>協和街有間<一碗車仔麵>毓華里有間<兩三碗車仔麵>而家係咪興咁樣改店名？…Read More

一個人晚餐，打算草草了事。走到附近有車仔麵，點知滿座，就行到隔離嘅一碗試試，反正新開至現在都未食過。坐低第一個感覺，係光猛乾淨，無一般車子麵檔常有嘅豬大腸羶味，十分舒服。員工亦禮貌招待。點左牛筋豬大腸魚皮餃米線。十分欣賞腩汁湯底，濃郁唔油膩。豬大腸滷得夠透, 冧滑，無嗰種倒胃口嘅羶臭味，一就有滷水香走出黎，讚! 牛筋亦入味，不過嫌有點太冧欠咬口。魚皮餃爽身亦不錯。連凍飲先卅零蚊，有咁嘅食物質素同環境招待，係超值了。…Read More

一向都好鍾意食車仔麵，但真係唔容易搵。大型商場唔會有（我家附近間匯麵都執埋），通常都要去舊區先會搵到。觀塘協和街這間值得推介，新店內懷舊裝潢，食物質素好，環境衛生。對於我嚟講，豬皮豬紅好唔好食，對一碗車仔麵好緊要。我叫了豬紅、咖喱豬皮、陳皮魚蛋、酸齋、油麵。它們都是我喜歡的味道。這間店沒有令我失望。隔離都係車仔麵，我在門口猶豫咗一陣。原本係入另外一間，但入到去之後覺得環境麻麻，地下又濕又唔乾淨，終於轉去隔離這間。…Read More

我在牛頭角附近上班，雖然也經常行去觀塘搵食，但多數去工廈區那邊，比較少行去協和街那條斜路。這天偶然去到，便發現這間奇貌不揚但水準不俗的「一碗車仔麵」。都係填紙仔選東西的車仔麵店運作模式。最難得的所有車仔餸都同一價錢，貪心的我便叫了瑞士雞中翼、牛腩及豬手三款在其他車仔麵店通常價格較高的「貴嘢」，配搭米粉 ，呢個三餸一麵組合收$31。車仔麵上來了，湯頭正正常常，總算喝完不會太口喝。叫了小辣，但辣度只有外邊的微辣。至於車仔餸倒是不俗。豬手軟硬適中，吃來有一種屬相對易咬的靭勁，不會太淋。牛腩偏瘦但鹵得入味。瑞士雞中翼亦弄得鹹甜適宜。呢個價錢呢個水準，性價比算高了。叫多個$28的沙嗲三寶，在六樣東西中選了魷魚鬚、牛柏葉及豬腸。魷魚鬆有煎炒過，變得更為脆身。牛柏葉算爽口，豬腸洗得乾淨而且尚有咬口，難得個沙嗲汁唔辣，但帶甜下仍頗惹味，撈起這幾樣東西更是相得益彰。加多碟菜心同凍檸茶，最後埋單都係八草野，吃得心滿意足離去。…Read More

在協和街大路的一旁，有兩間車仔麵店相連開在一起。這一間，是近來才開業的....論人流，旁邊的一間似乎較旺，這可能是其價位相對上較相亷吧。不過事實上，這裡一碗麵的價錢也不算太貴的。但街坊們總是十分精打細算，對他們來講，車仔麵處處的水準可能也差不多，但價錢差一蚊就是一蚊，這卻是鐵一般的現實....來個三餸一麵，都只是盛惠三十一大洋。對我來講，簡直是窮人恩物。既是如此，小弟也就老實不客氣地怒點餸，索性來個五餸油麵....一大碗、沉甸甸的麵送上來，份量嚇人。湯、料與麵皆足以讓人飽腹....餸的味道整體上是可以的 ---- 豬軟骨非常軟淰，對我而言脆卜卜的軟骨的魅力遠大於淰淰的肉；甜酸齋是一貫正常之味，令人越食越開胃；牛筋炆得入味軟熟，有豐富的骨膠原；菜芯比想像中甜與爽；後追加的蝦雲吞就較普通，始終所謂的全蝦雲吞，對我來講的吸引力實在有限....食完一大碗麵，跟在茶記吃碟飯的飽腹程度可謂不相伯仲....…Read More

小編係星期日大概六點幾鐘去到， 鋪入面無乜人。小編同友人叫左兩碗麵 ：一碗四餸、一碗三餸 ，都係外賣， 大概等左五分鐘左右就有。拎左外賣之後都行左十五分鐘到先番到去食，小編叫左油麵，番到去都無浸到腍晒或者吸晒啲湯。小編點左秘製辣汁 ，食左第一啖真係好辣。初嚐可以試下小辣先。 麵既分量都好多，唔會因為係外賣而減少左份量，以一個正常女生既食量黎講份量可能多左啲，可以揀番少麵。餸方面：小編叫左三餸，31蚊。不過通常要加錢既牛腩 豬軟骨哥啲餸係呢到都係唔洗加錢 。 小編點左魚皮餃、咖喱豬皮同埋秘製豬軟骨。 魚皮餃都係正正常常，咖喱豬皮份量都好多有七八塊，唔係就禁淋啲咖喱醬上去 而係浸到變晒色，不過豬皮可以再入味啲。秘製豬軟骨真係驚喜 一黎份量多 二黎真係好入味。 下次可以再叫豬軟骨…Read More

lunch時候搵野食， 同個friend一齊試下呢間「一碗車仔麵」。 lunch時候都幾多人，個場full左，不過喺門口等咗幾分鐘就有位。間舖嘅裝修都幾簡樸，白色為主，牆上掛咗一啲復古嘅畫。唔好講咁多，好肚餓，即刻試下啲嘢食先。我叫咗菜心、雞翼、豬手、餛飩米線。 個雞翼醃得好夠味， 甜甜地。 個豬手就係鹵水嘅， 都幾好味。 個雲吞係佢哋自己整包，都唔錯。 整體嚟講， 38蚊有咁嘅質素都唔錯。而我個friend就叫咗勁多餸， 有芝士腸、廚師腸、蘿蔔、雞翼、紫菜、響鈴。 個蘿蔔軟硬適中， 又醃得好夠味。 嘩！ 原來車仔麵加響鈴係咁好味㗎， 將個湯底啲精華滲入個響鈴到，正！簡單一句， 係一間有水準嘅車仔麵…Read More

呢間野同格離個間車仔麵都一樣叫外賣就千其唔好叫五餸，因為成日都會俾漏一樣餸！整體既野食係好過格離個間，但係俾漏餸而且價錢又貴過格離個間，到底食唔食就自己諗啦.....…Read More

晏就同屋企人行街，發現協和街最近開左間車仔麵，有好多餸簡，間鋪雖然唔係好大，但望落去都幾光猛，決定一試。坐低自己拎紙仔寫野落單，嗌左3個餸，等左一陣就有得食。雞翼醃得好夠味，唔會太淋岩岩好。豬軟骨好有口感啲軟骨超正試左小小辣汁，除左辣之外重好香口。屋企人食豬腸同牛筋，佢地都話好夠味，下次可以再食過食緊既時候愈來愈多人，重有啲人等緊外賣。員工好好笑容，有啲公公婆婆黎食都會主動幫佢地落單，咁既質素都只係$31好抵食。…Read More

新一年即將來臨，這段時間最是忙碌。能早一點下班已是萬幸。晚上九點半，想吃一磅麵。這店早陣子開張，店名簡單直接，室內也沒什麼裝潢，希望把實力都放到食物上就好。未到十點，客量一半，兩位樓面負責點餐收銀。餐單大路形式，也不花巧。麵點了油麵，餸點牛腩冬菇豬軟骨，湯底加辣汁。貪心多點了沙嗲三寶蘿蔔魷魚牛栢葉。未夠五分鐘上桌，合理的速度。蘿蔔淋身清甜，魷魚爽脆，牛栢葉也到位就可惜兩者都不夠入味。沙嗲帶泰式風味，味道夠也有濃花生味，惟獨欠香味。麵夠熱辣，油麵也見穩陣。牛腩軟淋出色，甚或優於一些牛腩舖。豬軟骨入味夠身，冬菇三片大塊厚肉也見誠意。附上的辣汁辣度夠，有心之作，可惜稍欠深度。整體而言，物有所值。之前路過，致贈的花牌下款有半島酒店的名號，想必店主為有聯繫的人，也希望此店能長久經營下去。…Read More

踢完波同班朋友打算食碗兩溝碗仔翅就算，去到物華街，可惜街邊檔無檯又無位坐，所以行黎行去最後又去翻協和街。協和街139號仁富大廈地下，門口店名我完全睇唔清楚，不過店內白光燈夠光猛，叫’食送’食麵紙非常清晰，圈咗陳皮魚蛋+牛筋+肥牛+幼麵+腩汁。另一個朋友圈油麵+少辣，結果食唔到辣就食唔晒。#湯底都幾好味·聽到隔離檯條女話好飲#成碗麵+［食送］都好好味#🤩🤩🤩🤩咁好味又抵食點會唔分享門口有花牌「一碗車仔麵」原來鋪頭乃新開張。腩汁濃郁好惹味［最穩陣］好過少辣［朋友覺得似中辣］…Read More