一本冰室

Open Now

Now Closed

唔係一本打手😝只係佢係樓下太方便，攰攰地唔想行就食佢。⭐尖椒爆炒豬爽肉豬頸肉仲多過椒，尖椒唔辣幾脆口。⭐腐乳通菜炒牛肉無腐乳味，勝在大碟牛肉嫩。⭐熱奶茶 & ⭐熱檸茶次次黎都係飲呢兩樣。⭐辣子雞唔夠辣椒唔夠辣椒唔夠辣椒！完全唔辣！！⭐黑椒茄子牛仔骨呢碟抵食喎，勁多牛仔骨，個黑椒汁香口。⭐熱奶茶 & ⭐熱檸茶又係佢地。⭐例湯呢晚早左少少黎終於飲到例湯，成日都無晒🥲⭐xo醬韭菜花炒豬爽肉幾碟一齊出細碟左好多😭炒得香口嘅，味道唔差。⭐荔芋臘味排骨煲唔夠味好淡，但勁多芋頭超飽，臘味切片香口，飽肚之選。⭐熱奶茶 & ⭐熱檸茶一樣啦😆$70小菜抵食嘅，但最近味道同份量下降，唔想無左個飯堂。

好少去呢一區，呢次試咗個常餐，真係失望。我叫咗個雪菜肉絲米，竟然完全無味，完全唔知自己食緊咩嘢。再講多士同蛋，都係冷冰冰又硬，冇心機做咁。店內環境一般，服務態度麻麻，結果都係失望。下次都唔會再去呢間茶餐廳。

見佢晚飯幾好，咪黎試埋佢下午茶餐，價位係一般茶記價錢，四十幾蚊起，有輕食、炒粉麵飯等。⭐沙嗲牛肉潛艇伴薯條叫左份輕食，份量都唔算少，個熱狗包吸左沙嗲汁幾香口，牛肉嫩滑，薯條即炸熱辣辣，仲要係曲曲薯條真係太好了，呢款薯條特别好食😋⭐乾炒豬扒公仔麵朋友嘅炒公仔麵就好一般，公仔麵太乾身有啲硬，雖然係乾，但其實都唔少油，豬扒無乜醃過無味的，呢碟野賣相唔差但味道唔得。跟餐有餐飲，要左熱檸茶同熱奶茶，忘了影相…味道正常嘅。好似晚餐有驚喜啲，搵日又去食先。

心血來潮約朋友食晚飯，揀左佢樓下嘅一本，之前做日本餐唔多掂，試下重身轉做茶餐廳嘅佢先。晚市特價小菜$68，已經有例湯，餐飲同白飯，好抵食喎。點左兩樣野一齊食，諗住唔飽嘅話就去食埋糖水😆🥢例湯紅青蘿蔔豬骨湯，有陣燒豬骨嘅味道，幾甜，最正係佢熱辣辣。🥢啫啫芥蘭肥牛煲鐵鍋上仲意外地大煲，芥蘭同肥牛都份量多，有鑊氣味道濃，有大排檔feel，正😍🥢椒絲腐乳通菜炒牛肉同樣係菜加牛肉，但風味不同🤪呢碟係滑牛，個人就鍾意肥牛多啲嘅。通菜都大碟，個腐乳味唔夠，偏淡啲，都唔差嘅。🥢白飯一大碗，飯香欠奉但至少夠熱，軟硬適中。🥢奶茶紅豆冰 & 熱檸水紅豆幾綿唔過甜，熱檸水正常。特飲好似加$8，無其他雜費，抵食啦。

【九龍城區】【一本冰室】何文田站位置其實係老龍坑嚟，你知我知單眼佬知。喺其中一邊出口出去係漆咸道北同蕪湖街嗰頭，有一排我狂寫呢頭啲嘢食，唔知大家有冇印象，所以我都睇吓仲有冇邊間未寫就寫埋佢。點知真係有，仲要唔少喎。喺天橋嘅其中一邊一落去就會見到呢間餐廳，以前好似係咪一間老牌日本嘢嚟，我都冇乜印象，總之而家就係呢間感覺親民啲嘅一本冰室。入去發現門可羅雀，不過我係下晝去，未必有太多人都合情合理吧，等我叫嘢食先。諗唔到食乜之下叫咗個 $60 嘅「全日美式早餐」，有炒蛋、煙肉、薯餅、牛油酥、茄汁豆，配埋雞扒仲有凍奶茶。質素只係正常啦，茶餐廳而家都愈嚟愈識玩呢啲炒埋一碟嘅嘢。呢個唔算話好好，純粹係支持吓咁解。咁始終都想食返佢哋啲茶記嘢，要咗份 $50 嘅「一本常餐」，係「火腿炒日本滑蛋厚多士」配「沙嗲牛肉米粉」，成個餐冇亮點，所謂嘅日本滑蛋都係平庸之至，冇咩好講，飲嗰杯「凍檸茶」走甜亦係普通茶記嘢，不過不失。過咗一排我先三訪佢哋，係呀食咗三次。今次食返 $60 嘅「全日美式早餐」，炒蛋、煙肉、薯餅、牛油酥、茄汁豆配豬扒嘅組合，因為得返豬扒所以侷住食。飲夠晒肥仔嘅凍奶茶又點，成件事冇進步過，冇乜機

5月9號試業期間，第一次試早餐，正常茶餐廳價錢，要了碗榨菜肉絲米粉，但碗麵食了兩啖後，發現米粉間有堆紙碎，融為一體，而紙上仲要係簡體字！ 质同检字！祝各位有緣人用餐愉快！