一新車仔麵 (Moved)

想食麵食既話一新車仔麵係一值得一試，首先價錢夠平，自選三個餸同一杯野飲都只係三十二蚊，超級抵食。而且份量適中，唔會食淨一大碗。每次幫襯都會揀一大輪，因為選料配搭十分多。但午市都係要等位，因為鋪面唔係特別大，不過上菜速度快，唔洗五分鐘就食到，取長補短後都方便lunch time較短既學生同上班人士去食。 …查看更多

以前讀書年代，LUNCH最愛既就係同朋友仔食車麵!今日經過宜間餐廳決定入去食下懷緬過去!下午下午餐時段平多幾蚊雞，$28三餸一麵仲有野飲，份量又多，絕對係平價好味之選!!茶香奶滑，每啖飲完口腔都充滿濃烈既奶茶香味!!配菜有好多得揀，真係令人花多眼亂!最後揀左觸粉包、泰式魚餅同韭菜餃!韭菜餃皮唁會太厚而且入面餡料充足，飲好口感豐富泰式魚餅更加係我的最愛!!!雖然放左落D湯度，但絕對無減低當中既酸辣味，值得一吃再吃!!!!蟹粉包入面蟹子大足，食落D蟹子"爽爽"聲好過癮唷!!!…查看更多

喱間野係新蒲崗好多年，車仔麵已經一早做到出哂名。以前食過，份量大，價錢平，味道好。今次就試左佢嘅碟頭飯。配料都係一般嘅茶記碟頭飯，豬牛雞扒腸仔火腿嗰啲，汁就有黑椒、蒜蓉等等，我就點左蒜蓉牛扒腸蛋飯。keep住一向嘅風格，大件夾抵食。蒜蓉汁嘅調味唔錯，都幾香。另外，牛扒都煎得幾好，腸蛋就一般貨色無咩特別。三十幾蚊，包凍熱飲品，仲係邊度搵喎？…查看更多

受朋友推介特登黎左呢間車仔麵鋪食野叫左個清湯走蔥走蒜米線雖然走曬d配料 不過聞落幾香食落都有味既本身想叫魚蛋,可惜無曬最後叫左雲吞,芝士腸同芝士包(或者有人叫芝心丸啦)雲吞幾好食,d餡幾正,食落似係豬肉黎芝士腸就普通啦,無乜特別ok咁芝士包令我有d失望,入面既芝士無個種一咬就流出黎既感覺要自己咬先食到入面既芝士餡,只能夠話係還可以既程度啦米線都幾好食成碗份量都唔錯,餸既雲吞得2粒,芝士腸2條(1條有2舊仔),芝心丸有3粒不過米線份量多 食落幾飽肚30蚊就有3餸同埋份量幾足既米線,其實都幾抵食既朋友就叫左碟肉燥飯,佢都話覺得好食既而且份量超足,飽肚到食完幾個鐘都仲好飽價錢亦都唔算太貴至於服務方面呢, D野黎得都好快下最令我印象深刻佢地叫野食既方法將D可以叫既粉麵飯餸寫落張紙到,每張台都放呢D紙客人可以自己睇有咩簡 自己圈 之後就可以直接俾伙記可能有人鍾意自己講食咩啦不過我就覺得 總有D人唔鍾意講野鍾意自己睇食咩跟住圈完直接遞紙我覺得都係一種新奇方便既點餐方式黎既…查看更多

放學唔想食咁飽,去食車仔面,紙上明明寫住6蚊一樣送,唔知點解3送面加汽水要收29蚊,仲要米粉出左米線 送叫左腩肉大腸牛腩, 腩肉切方形,有D似係大陸快餐店食既東坡肉,一般;大腸好薄,冇肉;牛腩OK而且多新蒲崗又平又好味既地方好多,收得咁貴既車仔面應該唔會再去…查看更多

以前0係附近返工,間中都會去食,好食又抵食依家好小去新蒲出崗...難得今日過開呢邊,心思思又去食.望住張落單紙,好多野都想食...最後叫左4餸米粉牛腩湯+檸蜜=$34豬紅:好食雞亦尖:夠入味不過未夠淋韮菜餃:好食鮮竹八爪魚卷:好食湯底好味,餸夠足料又好食,冷熱飲品大大杯又足料(唔會好似其實餐廳淡謬謬,凍飲都不加$)…查看更多

今日同老婆係新蒲崗行街...經過一新車仔麵門口見到好多相原來係劇集【愛回家】D演員合照...仲有黃子華合照...心諗唔通真係咁好食? 記得上次係大角咀又係明星效應...結果中伏了....呢次會點呢??同老婆未到6點就入去坐食下午茶... 25蚊 3餸粗麵一杯凍飲呢個價錢..車仔麵黎講算幾平...係咪真係咁抵食呢??比完張紙待應...碗麵唔洗3分鐘就搞掂擺係面前...飲品仲未到....果然係車仔麵...即時望住廚房...點解個阿嬸要【咩】住個袋黎煮車仔麵呢?嘩...我見佢煮車仔麵真係快到呢...照單執藥....果然係勁!!跟住我同老婆諗住試食...飲品終於到了....先飲一啖凍奶茶..E...幾好飲~唔差!!老婆杯凍好立克 味道幾好,唔錯!!心諗碗麵應該冇90分都80分掛....先用筷子夾下D麵...E...點解D麵仲係痴住一塊塊既...再睇下碗麵...點解冇煙出....其實我真係好想換個一碗...車仔麵一定要熱先好食...不過...我見入面個阿嬸咁趕時間煮野....換個碗我真係驚佢加料....唯有硬食啦...羅白 牛腩 普通車仔麵檔既水準..夠哂冧!!其他食物質素就真係一般...最差係豬皮...碗麵唔熱,豬皮仲要岩岩煮熟放落碗麵度,好硬身囉~點搞?老婆同我都食得辣...諗住用辣椒油 溝 醋 食埋碗車仔麵算啦...點知辣椒油完全唔辣...仲唔係好掂果隻...我同老婆出街食野...點都盡量會食哂佢...結果食剩好多野...唉呢餐真係貼錢買難受...一定冇下次了!! 到走果時見到廚房阿嬸原來要收工...所以食物先咁差....事實話比我知...就算舖面貼左幾多合照都好...都唔會好食去邊有實力既餐廳 開係窄巷一樣好好生意!!唯一可取之處就係食物款式多..不過碗麵唔熱...再多款式都係冇用!…查看更多

以前在新蒲岗工作经常光顾感觉一新的车仔面算是不错料足，汤味道也不错，还送冷/热饮品。昨日因想念那个时光再度光顾:)有所失望:(本人点的是：牛腩汤底，油面，八爪鱼卷，牛百叶，豆卜（有附少少菜），冻柠水。整体感觉略失望汤底杂质多淡而无味，油面少之又少，八爪鱼卷无味，牛百叶与豆卜尚可。而冻柠水，不知是杯子洗不干净还是饮品有问题，喝了一口全是洗洁精味道，所以没再喝，浪费了。:(结账时走到柜台本想与收银员提议，谁知收银员一直顾着与同事聊天，收了钱扔进柜桶里看都没看顾客一眼，嘴巴还在不停地与同事说笑，这种态度也无谓提议了，以后不再光顾。…查看更多

真係未試過食車仔面要等成20分鍾.雖然食呢一餐唔係好貴$24如果比我選擇多一次,我真係唔會再去舖面大,位又多,坐低都係叫左平時食開個d餸,雞翼,生菜,牛腩點知,叫左最普通ge柱候牛腩都會出事,一d都唔熱,只有微微的暖,失望la:(叫米粉就黎左米線,攪咩野ar~野食唔好講,杯野飲更得人驚,難怪要寫明((凍飲恕不走冰))但係真係估佢唔到,杯可樂黎到.我先知道點解佢要咁寫lo~因為d冰真係多過d可樂好多lo~以3分之2冰配3分之1可樂!!唔通呢個就係絕配....最後成碗面食左2隻雞翼同生菜,連d面都無食到就走左la~難怪,人地話,d野好唔好食,要試過先知,haha~~我試完la~係以後都唔會再去多一次.…查看更多

昨天又要上堂,我地又係附近搵食,一路行一路睇下邊間吸引,記得這裏openrice有介紹過都ok的,見都幾大間,所以就入嚟食啦,有車仔麵,仲話有100款選擇的餸呀,有冇咁誇張呀?還有碟頭飯,仲有小食,都幾多選擇的喎,價錢又平,我地叫左車仔麵同埋炸雞脾,仲有菜芯.車仔麵我冇數過有冇100款咁多,不過都真係好多選擇的,菜都好幾款,三餸一麵加熱飲都係24元,淨餸就可以選四款,我點左煎太陽蛋,紫菜,牛腩及牛肚跟腩汁,飲熱檸水,朋友叫左牛腩,蘿蔔,生菜油麵,飲熱檸茶,另一個朋友則叫左一隻炸雞脾及菜芯.我的太陽蛋賣相都幾靚,個蛋黃係流出嚟架,紫菜,牛腩及牛肚都幾多喎,可以走蔥及走蒜,我走左蔥,有些香蒜又幾香喎,牛腩及牛肚都好入味及淋身,個湯底係腩汁,我覺得好濃味,好味呀.朋友話唔夠味,佢話d蘿蔔唔夠入味,同埋唔夠淋,其餘的都ok的,雞脾好大隻又香又好味.…查看更多

肚餓到死，突然間想食車仔麵，就走去試呢間，印象中好似食過一次，不過太耐唔記得啦。叫咗蟹粉包、咖喱魚蛋、牛腩同蘿白油麵，加沙嗲汁。嘢飲要咗凍檸茶，然賣加$1。蟹粉包: 一般市面買到嗰啲，冇乜特別。咖喱魚蛋: 又腍又粉，唔彈牙，唔好食。冇乜咖喱味牛腩: 甜甜地，夠腍，好味。蘿白: OK，因為唔當造，所以唔可以要求太多，唔苦已經收貨。佢煮得唔夠入味就扣少少分。油麵: 比較幼身，但喺佢比得好夠分量，煮得幾好，唔會一PAT嘢咁。唔錯。凍檸茶: 好正，佢啲檸茶喺難得舊式茶餐廳嗰仲，好味。服務: 啲阿姐好好服務，好好禮貌，值得一讚，但喺佢坐櫃枱嗰個老闆娘……塊面黑過鑊撈，雖然喺老細，問你嘢都可以答吓人掛？使唔使黑起塊面先？…查看更多

某天要到此區辦點事，又非常之趕急要去辦，經過此店看見有個三餸車仔麵的下午茶餐，十九元還包杯飲料，真的是抵到爛，本來真的很想走入去吃的，但雖然那時已經是很肚餓了，但都要努力的撐下去，到個多小時後，辦過點事後，就來吃這個非常抵吃的下午茶。車仔麵選了油麵，個汁底要了腩汁及咖哩汁，兩者的味道不算非常濃，但絕對是已經能感受到到其味道，看那湯色都幾深就知道味道有多濃，吃車仔麵這款東西，湯底當然不會說要求什麼清甜什麼什麼的了，味道夠濃夠熱燙就成。麵都是選了慣性的油麵底，入口順滑而不油膩，麵身腍了一點，都算收貨。三餸選了香芋魚餅、五花腩豬肉及蘿蔔，對那魚餅有着萬分的好奇，皆因本人真的是第一次聽過有芋頭的魚餅，怎知一吃入口，是一陣頗為濃郁的香茅味，啊！係香茅而不是香芋，原來是店家打錯字罷了。五花腩肉色水很深，入口果然鹵得入味，加上那五層的肥瘦相間，真的是五花腩來的，肥膏的部份都能入口軟腍，鬆化不實入口一陣豐腴之感，實在美妙，不過就是稍嫌瘦肉部份真的是太瘦韌了。至於那白蘿蔔吃起來沒渣又夠腍，但就是腍得來非常奇怪，吃入口有點粉粉的感覺，好像有點似煮熟了的沙梨肉一樣，不過又實在是太過腍了，而且又一點也不澀，所以其實也算不錯，三兩口很快就已經吃光它們。喝的要了杯熱奶茶，茶用了厚身汀瓷杯盛着，可是不見得其茶身太夠熱，嗅起來不甚有茶香，奶的香甜也是不足，不過看來店家都下得夠多淡奶的，茶身夠滑夠挺，不過就不見得有奶香，只有一點點的奶甜，不知是否因為店家用的飛鷹牌淡奶之故了，然而最重要的一環茶味也是不太夠強，入口茶味來得淡淡然的，真的不快！不過十九元還可要求什麼呢？在中環那些大牌茶記喝杯茶也要十四五元啦！…查看更多

全港最抵最正車仔面..送夠多..面夠大碗又抵食..學生: 4 送一湯 一飲品..$20非學生:3 送一湯一飲品...$22每個送最少有兩隻..真係好正..要菜會比勁多你d 湯底又正..有沙嗲,腩汁.咖哩同清湯.坐出面可免費加大飲品送超過30 種..可能有40 -50 種大讚雞串, 粉包, 8 爪魚圈,炸魚皮,雞翼(3 隻)飯類..好大碟..好多送.! 炸雞翼好好味...其他ok la真係又抵又大碗...堅正..!!!!!…查看更多

由於同事力薦呢間車仔麵對車仔麵都有興趣既我一於試下呢間~的確當我睇到張外賣紙既時候...見到林林總總既配料...仿如在火鍋店點菜一樣最後叫了:$24豬頸肉從來未食過咁難食既豬頸肉!!!點難食?禁不住給新來的同事也試一口..同事形容為一堆爛的雜肉我覺得自己好似食緊D超難食既3絲咁...牛柏葉不過不失啦...算多..魚腐又係勁難食.....唔知食緊果舊係咩黎米粉如圖見到...米粉碎???又唔爽又發脹!!!注意我係湯另上的!!!沙嗲湯底又唔辣又唔SATAY...冇咩味..稠稠地D蔥大大粒...唉....成碗野都想掉左佢!連凍飲 CREAM SODA估唔到佢係紙杯上,勁多冰...................以為一罐上嫁嘛...平又唔算好平...但食物真係頂級難食!而且明明寫3餸麵+飲品+外賣1蚊先過22蚊..唔知點解收左我地24蚊??…查看更多

首天上班，同事推介依間平價車仔麵，$21三餸仲送飲品，抵!要左冬茹、蘿蔔、白菜仔、菜心，:要清湯，飲品要凍檸茶走甜因為我唔要粉麵，所以要四餸唔洗加$$$$食品方面，一般啦，清湯都好多油囉！蘿蔔最好味，千祈唔好要菜心，大大條又唔切細喎！D菜好老，好難咬，唔好食！:(都係杯凍檸茶喺炎炎夏日最爽！…查看更多