Ebisoba Ichigen

係附近做完野, 想食拉麵咁岩又見到呢間慶祝6周年做買一送一優惠!! 同男朋友見到咁岩大家又要食過, 所以就試下。雖然做緊買一送一, 但係當日現場都唔係好多人等。等左10分鐘左右就入得去!慶限定套餐每份套餐包括自選拉麵一碗、龍蝦沙律一客、綠茶或烏龍茶一罐。入到餐廳聞到濃濃的蝦湯味, 於是我簡左日本蕃茄蝦湯拉麵及綠茶!! 等左一陣先上左龍蝦沙律及綠茶，龍蝦沙律入面雖然唔知係咪真係龍蝦, 不過食落D肉都少少彈的。可惜要減肥只可以淺嘗一下...日本蕃茄蝦湯拉麵湯底都食到濃濃的蝦味! 蕃茄味就少少啦, 不過唔算濃, 但係叉燒得一塊勁薄, 味道一般啦(可能係太薄搞到我試唔到D咩味)我覺得其實可以多少少既…. 溏心蛋就正常的, 都有流心但唔係好食到味林的香味…另外我加左個木耳絲, 但份量偏少, 味道都係正常無特別……查看更多

一直以為自己已經寫咗食評…原來未寫…補番先…之前見到海老牛乳蝦湯拉麵做買一送一屋企又無飯食～就約左細佬一齊嚟試雖然係買一送一，但係佢佢都會收兩次加一嘅錢埋單$166…平均都要$83一碗，諗諗吓其實都唔係平好多…湯底偏淡，麵條比較淋，蝦食得出幾新鮮中間乾嗰塊係芝士😂就咁樣食好麻麻，整溶佢嚟食會好啲…雞肉普普通通…唔係咁鍾意佢pat南瓜蓉…整體嚟講食完嘅感想係….下次再食都係叫返佢哋嘅蝦湯拉麵好啲……查看更多

想食拉麵，朋友見到訂座平台有訂座優惠，有折就即刻訂左，真係好多餐廳有折。🍴涼拌木耳 $15 (7/10)比較酸酸地，有少少麻油芝麻去撈，比較開胃。🍴醬油味筍 $15 (7/10) 個筍係份量好足，好爽口甜甜地。🍴胡麻汁脆辣雞拌青瓜 $38 (8/10)青瓜同雞肉個份量都好多，青瓜好爽口，雞肉都正常唔會太乾身，用咗少少麻醬同辣油去撈香濃，好香口開胃。🥟原味餃子 $35 (7/10)餃子有五隻大大隻，皮薄厚肉，食落去係比較偏甜嘅白菜豬肉餃？🍜味噌蝦湯拉麵 $88 (7.8/10)份量好多，原味蝦湯個蝦味好香濃，唔會太油膩，個幼麵係比較軟身好滑，有少少鹼水味，叉燒係薄切，食落去好軟腍腍，一啲都唔油膩有肉嘅香味🍜辛辣味噌蝦湯拉麵 $88 (7.5/10)辣味噌係真係有小辣嘅程度，辣辣地非常之開胃啱晒想食辣，但又唔食得太辣嘅人！🍜特濃蝦汁叉燒拌麵 $88 (8/10)入邊有紫菜叉燒粒明太子同埋蔥花，撈起上嚟食落去係比較咸香又有太子嘅香味，叉燒係正常比較偏瘦，個面係粗身有口感，都幾唔錯，如果唔想食湯麵呢個都係唔錯選擇！推薦指數: 7.5/10份量好足個麵好似有1.5個麵咁多，坐得舒服，味道ok重蝦味，想蝦湯可以一試！見到有買一送一拉麵添，真係抵到🥹…查看更多

今日去世貿行街而家好似叫WWWTC咁岩見到廣告牌寫買一送一對上果次都好似三個月前喇上次優惠我好似食左有五次今次係牛乳蝦湯拉麵之後會送一碗同款/普通拉麵我驚媽咪唔鍾意牛乳湯所以叫左各一如果兩碗都係牛乳蝦湯拉麵係最抵的黎到個牛乳湯好香蝦味隻蝦仲要好大隻湯底唔會好奶/好漏最重要係熱辣辣麵條又彈牙買一送一真係冇得輸今次優惠我又唔知會幫襯幾多次🤭埋單好似$14x 兩碗👍🏼…查看更多

一幻拉麵創立於2009年，並於2019年4月正式登陸香港，憑著香稠濃郁的甜蝦湯底，俘虜了不少食客的心。早前到銅鑼灣一幻吃午餐，看見這個「二人拉麵套餐」非常低食，內容包括自選拉麵2碗、凱撒大蝦蟹棒沙律1客、餃子5隻 及 自選飲品2款，比單獨散叫更加優惠。首先來的是兩罐飲品，第一罐係帶有少許威士忌味道的梳打水，第二罐係帶有濃郁水果香味的北海道梳打水。之後係大蝦蟹棒凱撒沙律，內有幾條肉質結實有韌性的蟹棒及爽口彈牙的大蝦，沙津菜加入凱撒沙律汁，更覺滋味。😊外脆肉鮮的餃子，正在做特價，只要堂食任何一碗拉麵（下午茶餐除外），即可以優惠價$1享用一隻餃子。😙主角拉麵終於上場，我選了以北海道牛乳結合招牌蝦湯底製成的「海老•牛乳 蝦湯拉麵」，以濃郁的蝦湯配上牛乳香滑的口感、虎蝦爽彈、配上肉嫩滑溜的慢煮雞胸肉；幼麵爽口彈牙兼且有咬口，雖然掛湯力沒有粗麵好，但我更喜歡這滋味；湯底配上鮮甜的日本南瓜蓉、爽嫩的日本水菜、芝士脆片及炸麵酥，吃得很是滿意！😋老婆選了這款「蕃茄蝦湯拉麵」，帶甜的蕃番配上一幻的特色蝦湯底，味道鮮甜香滑，附上半隻溏心蛋、日本叉燒、切片番茄 及 粟米粒，配上掛湯能力極強的粗麵，麵酥及青蔥，也是很不錯的。未有時間去日本，來這裡填補一下心靈的空虛！🤭#一幻拉麵地址: 銅鑼灣告士打道280號世貿中心3樓L3-07號舖電話: 2789379…查看更多

一幻最出名就係佢個蝦湯🦐期間限定：海老牛乳蝦湯拉麵🥛🦐🍜(原價) $138，網上訂位有8折後$110有8折我地就試左佢個期間限定嘅海老牛乳蝦湯拉麵🍜湯底好濃嘅蝦味🦐，材料方面就有一隻大蝦🦐，兩件雞胸🐔，仲有塊以為係蝦片，但食落似有芝士味嘅一塊野😂😂，湯底仲有啲南瓜蓉係面🎃，隻大蝦好爽，但唔知點解要加雞胸😂雞肉唔算鞋，但放落拉麵都有啲唔太夾🤣飲完第一淡湯後，再搞散啲南瓜蓉一齊飲，令到個湯更加甜😃👍…查看更多

星期日嘅下午book咗5:30買一送一拉麵🦐原味蝦湯拉麵平時唔鍾意濃味加辣嘅人，原汁原味啱晒啲人會搞錯龍蝦同蝦湯，龍蝦味係會好衝會有人係想食蝦味，但太濃會頂唔順🦐🌶️辛辣蝦湯拉麵中意辛辣又想試蝦味，唔會失望因為係湯面都見到蝦煮既蓉，飲湯都唔會食到後面覺得咸得濟一幻既麵質係幼麵，不過不失🥟餃子 都係叫左辣味 味道幾特別主要係個醬唔同味道，其他都係一樣 …查看更多

趁住一幻拉麵既屯門、荃灣、銅鑼灣分店做緊第二碗拉麵半價，就同屋企人搵咗個Happy Friday放工去銅鑼灣食。銅鑼灣呢間分店仲有海傍景睇添架，不過夜晚去睇唔到景就揀番卡座坐得舒服啲。佢其實有二人拉麵套餐，可以自選兩碗拉麵再加沙律同餃子小食，包餐飲都幾抵食，但今次第二碗半價既優惠就只適用單點產品，下次先試佢個套餐啦唯有🥹平時黎親都係食佢既蝦湯拉麵，今次就揀咗期間限定既牛乳蝦湯拉麵，味道有驚喜！蝦湯既海鮮味原來同牛乳好夾，海蝦都好大隻又鮮甜，唯一美中不足既係雞肉我覺得偏咸。…查看更多

聖誕節諗住嚟個偽日本遊，諗住食返碗拉麵，點知中咗大伏。湯冇蝦味又勁油，面淋到一個點，似日式超市拉面質素但煮咗超級耐。餃子脆都唔脆。唯一可取係前菜，算係咁。我都唔想花太多時間寫，以免浪費人生。…查看更多

今次叫咗兩碗拉麵一碗係濃厚豚骨蝦湯拉麵（幼麵）另一碗係粗麵今個月有買一送一優惠所以已經係第二次嚟食喇今次呢個湯底非常之濃郁好重蝦味但係濃得黎唔會好重味精食完唔會好口渴粗麵同幼麵分別唔會好大個人喜歡粗麵好有咬口，麵質好彈牙男士們可以加麵底$15又或者加個白飯撈湯都不錯另外服務同環境非常之好今日星期四見12:45 開始爆場但等位唔耐的會再黎食呀👍🏼…查看更多

平時食碗拉麵都要百幾蚊襯佢買一送一試試佢除左季節限定個d貴d外基本拉麵都係一律$88加一計正價 除番一碗$53！我哋兩碗都係蝦湯拉麵湯底一碗原味+鹽味 一碗濃厚豚骨+醬油(有葱個碗)睇落個濃度唔算太大分別始終個蝦湯太重味 蓋過晒個口味絕對係重口味人士之選😂麵條有得揀粗同幼 我哋都係各選一粗麵好有口感 似平時沾麵嗰種 好食！至於幼麵佢又唔係好幼嗰隻都有少少口感不過如果係食開平時幼拉麵就會唔鍾意每款都有兩塊叉燒同埋半隻蛋味道都正常 索哂個湯底嘅味都係嗰句 重口味😂整體又唔會食到勁口渴 好食又抵食趁佢仲係買一送一就去試吓啦～…查看更多

在銅鑼灣閑遊之前，先到一幻拉麵祭五臟廟。二人套餐有自選拉麵、沙律、餃子以及果汁梳打，正合朕意！雞胸沙律的沙律汁調得好好味，少少麻少少酸；雞肉是慢煮的，所以即使是雞胸也不粗糙，只是稍嫌細碎。煎餃子的餃皮上腍底脆，肉餡還透有肉汁。小人還發現一種美味的食法：把餃子蘸點餃子醋之後再加些拉麵胡椒，能即時令餃子昇華起來！北海道咖哩蝦湯拉麵的咖哩蝦湯底實在太溫和了，一點都不夠濃郁，不管是咖哩或蝦的香氣均不夠突出。幼麵條很滑口，湯麵裡沒有叉燒，只有一些半肥瘦的豚肉粒，帶點脂香。反觀特濃蝦汁拌麵就美妙得多！粗麵條每條都滲出蝦油的香味，配著豚肉粒、香蔥、紫菜和炸蝦酥，再加上蝦油是由面穿透到底，因此從第一啖食到最尾一啖都可口不已！在蜜桃與蜜柑的果汁梳打之間，小人會推介蜜柑味，感覺較為鮮香！需要特別一提的是店方供應的蒜蓉是小人吃過的拉麵店之中最香最蓉的，給讚！…查看更多

銅鑼灣世易中心一幻推出左唔同嘅飲食優惠，除咗有一人套餐買一送一之外，仲有全單八折。見咁抵玩，即刻入去睇吓佢咩料。日本蕃茄濃湯拉麵 🤩🤩🤩🤩落order嘅時候有幾樣嘢可以自選嘅，包括麵底，包括粗幼麵，我個人推介就用幻麵，因為可以盡量索晒湯面嘅汁。除咗麵之外，仲可以選擇味噌還是醬油底而呢次我就選擇咗味噌。落單之後唔使等好耐， 拉麵已經送上。配料唔算特別多。有一片叉燒，兩塊蕃茄，同埋半隻流心蛋。不過湯底俾人感覺就好足料啦，本身我怕蝦湯味道太濃郁，會覺得好鹹，但啲碗蕃茄底啱啱好可以中和蝦湯味嘅喊道，既有蝦湯味嘅香，亦有蕃茄嘅酸甜。平時我食湯麵通常都淨係食麵先，好少會連湯一齊飲，呢次我就建議麵同湯同時食。配料選用嘅叉燒唔算特別肥，食起身唔會覺得好油膩。唯一嘅不足呢，就真係得一片，唔係好夠口。至於流心蛋嘅火候控制得唔錯，用蛋汁同湯再加麵一齊食，個味道都係唔錯既。值得一提嘅係呢間位於世貿中心嘅分店座落喺遊艇會附近，咁啱我就坐咗喺窗邊嘅位置，可以見到遊艇會同埋灣仔避風塘嘅風景，食嘅時候岩岩好係日落黃昏，可以邊欣賞美景邊享受美食，都真係一件賞心樂事。…查看更多

好耐都冇食過一幻拉麵，對上一次應該係差唔多一年了。 世貿最近翻新完，整體望落去變化不大。 一幻拉麵於世貿三樓，都相當搶眼入到內裡， 第一張睇到就係個海景位 真心超靚 野食價錢都冇加過，因為係用某Apps預訂享有折扣優惠， 所以折埋唔洗$50 ， 咁嘅價錢同咁嘅景黎享用lunch，真心超值🤣🤣Menu方面除咗一般嘅拉麵，最近仲有新嘅優惠係買一送一，岩哂兩個人黎食。 聽到職員同後面嘅客人介紹買一送一仲可以嗌唔同嘅食物。 不過由於只有自己一個就叫番「日本蕃茄蝦湯拉麵」（$78） 可能因為啱啱開門冇乜人， 所以好快就有得食。 都係果句唔好以為有折扣所以半夜會細碗左 ，其實份量都係一模一樣。 感覺而家湯冇以前咁咸， 蕃茄味略淡。 麵條軟硬適中，但叉燒得一塊仲要有小小溶溶爛爛咁😅。 糖心蛋味道一般。 質素感覺略比其他分店差一點點。 …查看更多

去完SOGO買野就過咗世貿揾野食，之前因為皮膚敏感一路都唔食得蝦🥲而家好返終於可以試吓「一幻拉麵」最出名嘅蝦湯拉麵，而家仲做緊8月限定優惠，一人前套餐$172買一送一，套餐包咗一碗自選拉麵、小蝦沙律、餃子同飲品，勁抵食👍🏻我地再加咗個薯仔沙律同叉燒飯，total 只係$292😛濃厚豚骨蝦湯味噌、幼麵食拉麵前飲啖湯先，香濃嘅豬骨湯入口充滿蝦油香，麵質軟硬適中，幼麵亦能掛上湯汁，兩大片嘅叉燒切得好薄身，亦比湯底嘅味道搶晒，變得較為普通辛辣味噌蝦湯幼麵建議唔食得辣嘅人唔好點呢個湯底，我試咗幾啖都真係有啲辣😛本身係食大辣之人😛辛辣味反而令蝦油味冇咁突出，兩款湯底各有特色小蝦沙律個人覺得幾好食，爽脆嘅椰菜絲加上芝麻醬同埋甜甜地嘅蝦乾仔，不錯的前菜餃子餃子正正常常，餡料多即煎皮脆薯仔沙律份量真係比較少，味道一般叉燒飯角切叉燒肉質比較乾，醬汁唔太夠，變咗碗飯有啲乾，普普通通，建議都係食返拉麵算😆📍一幻拉麵 (銅鑼灣)銅鑼灣告士打道280號世貿中心3樓L3-07號舖人均消費：$150食物：⭐️⭐️⭐️⭐️環境：⭐️⭐️⭐️⭐️⭐️回頭率：⭐️⭐️⭐️⭐⭐…查看更多