一品麵家

舖頭係傳統雲吞麵牛腩麵格局，好有香港feel係買少見少既崩沙腩😍😍😍一品麵家原來係好出名食崩沙腩入口軟淋，牛香味十足上下層夾住筋+脂肪超級香口🤌🏻🤌🏻🤌🏻絕對會食上癮辣椒油好香，唔會勁辣，完全係牛腩麵精髓>$60就有得食😋😋😋must try💪🏻💪🏻…Read More

星期日嘅旺角，食飯時間度度都人頭湧湧，間間都要等等等...，行行行行到朗豪坊後面，有間門口細細，叫 「一品麵家」嘅小店，𥊙一𥊙見佢個地下幾乾淨，一於入去幫襯！其實我都算幾鐘意食牛腩麵魚蛋河，但佢個自家製《手打墨魚丸》好似幾吸引，加上我又好耐冇食過墨魚丸，決定嗌喱樣，多蔥。只係6分鐘，墨魚丸河已經送到，冇失望，首先多蔥真係多蔥！而且湯底清甜，墨魚丸新鮮冇雪味，仲撈埋少少蟹籽添，咬落幾得意，加埋杯《凍檸茶少甜》都係$50，旺角鬧市算係抵。最後，我真心幾欣賞一品麵家嘅 「乾淨」，保持店舖整潔好似好簡單，可惜，隨口噏得出嘅幾家連鎖式麵店都未能做到。…Read More

成日都好忙連早午餐都矛時間食，夜晚又要見客，見客前攝到二十分鐘食飯，經驗所知D燒味店麵檔上菜最快，見客地點過少少有間叫一品麵店，於是沖入去，叫碗牛筋魚蛋河多蔥再加油菜一碟! 快快食完快快閃.優點:1, 首先上菜速度快.2, 牛筋夠冧.3, 要求多蔥，真係俾多蔥.4, 碗河粉同油菜份量足，由其係油菜，好多麵檔D油菜得少少幾條仔.缺點:1, 店內D買圓枱，我唔太欣賞.2, 香港D麵檔分港式同潮式，睇D蔥就知! 港式嘅係蔥花，潮式總係加D芹菜，芹菜味唔欣賞，個人喜好.3, 牛筋過鹹.4, 魚蛋彈牙但唔夠鬆軟，口感有少少實，當然果種實唔係咬唔開果種啦!個人喜好，都係港式麵檔夾自已口味，大地魚湯底同五香牛腩先係我杯茶，食完快快找數去見客!最後都趕得切時間! 又傾成生意，感恩！…Read More