想食港式鑊氣海鮮，旺角、銅鑼灣都有分店嘅「明廚」真係有驚喜!! 佢哋開店初心就係傳承香港風味，所以好講究香港出名嘅鑊氣同生猛海鮮，仲特別引入澳洲Sher家族得獎和牛、香港自家農場黑毛豬、本地品牌豆品等，優質食材同手藝好受本地食家同海外遊客歡迎㗎。佢哋招牌菜有三重芝士焗南澳龍蝦炒飯、火焰奄仔蟹、琥珀醉瀨尿蝦等，如果你仲搵緊邊度有明碼實價靚海鮮食，真係好值得嚟試吓。
秋冬季限定「明廚秋季海鮮四人套餐」$3,750(原價$4,172)
踏入秋冬，「明廚」仲推出咗8款秋季限定菜式～ 一定要嚟食個嗨爆魚翅撈飯、烏金蜜餞蠔暖胃好意頭！
選擇困難唔知點揀好，可以直接嗌「明廚秋季海鮮四人套餐」已經包咗5款秋冬季限定—涼拌藤椒蟶子王、海鮮葡萄、嗨爆魚翅撈飯、豉奶煎黃魚、可遇不可求(杞子竹笙雞湯浸冰菜)，套餐仲要有埋佢哋最招牌嘅三重芝士焗南澳龍蝦炒飯、火焰奄仔蟹、琥珀醉瀨尿蝦，全部靚食材真係好抵食。
即刻睇吓「明廚秋冬季海鮮四人套餐」有咩食～
【前菜】
涼拌藤椒蟶子王
一開始就由藤椒香蔥油同川式燒椒醬，拌勻杏鮑菇薄片同鮮嫩蟶子王，麻辣清新又Q彈嘅涼拌口感，好有獨特風味。
海鮮葡萄
另一道前菜好清新自然～ 本地海葡萄配新鮮海蝦同焦香帶子，海葡萄粒粒卜脆，撞上軟滑豆腐雙重口感。最後淋上日式豆腐味噌醬，清新得嚟又好豐富。
【海鮮主菜】
油鹽焗香港火焰奄仔蟹(兩隻)
選用菲律賓進⼝嘅A級野⽣奄仔蟹，蟹膏好似軟雪糕咁綿滑。每隻約10兩重，比香港奄仔蟹⼤一倍。
「明廚」用油鹽烤焗奄仔蟹，上枱嗰陣員工會喺粗鹽淋上秘製調酒再點火，火焰強勁好似睇表演(笑)，係「明廚」原創菜式嚟。猛火唔只為視覺效果，更為逼出蟹鮮香味㗎。
琥珀醉瀨尿蝦(一隻)
嚴選印尼野⽣斑⾺瀨尿蝦，好似⼿臂咁長，隻隻爆膏厚肉勁滿⾜！瀨尿蝦蒸到恰道好處，蝦膏好似蛋黃咁軟綿，又有淡淡酒香好特別。
三重芝士焗澳洲龍蝦炒飯(一隻)
「明廚」特別喺海外聘請專人引入各國野生海鮮，每日新鮮到店。好似呢道菜就選用澳洲龍蝦，龍蝦肉特別飽滿鮮甜!! 再用三重瑞⼠芝⼠—巴⾺⾂芝⼠、⾞打芝⼠、莫薩⾥拉芝⼠烤焗，芝⼠拉絲效果澎湃，撈埋惹味炒飯底，上枱無耐就瞬間清碟喇。
【其它主菜】
嗨爆魚翅撈飯
清酒陳年醬油奶油醬融合鮑魚肝醬，配意大利米型麵粒，佐松葉蟹肉、鮑魚粒同魚翅，口感層次豐富，鮑魚肝醬仲好濃郁!!
豉奶煎黃花魚
「明廚」為咗傳承香港風味，食材同配料方面都花咗唔少心思。好似呢道黃花魚就用咗本地豆豉爆香，配埋奶油乾蔥醬汁，襯托黃花魚柳釀百花蝦膠，鮮香微辣。
24小時慢煮牛肋骨
和牛肋條秘製慢煮24小時，肉質煮到好軟嫩。再淋上醬油脆脆、解油膩秘醬，食落肉味濃郁仲好有油香。
【蔬菜】
可遇不可求
竹笙嗰種爆汁感真係好正!! 廚師團隊更進一步將貴州竹笙包住爽滑冰菜，加埋液態氮鎖鮮杞子，一啖入口脆甜又爆出湯汁，真係會瞬間清碟。
【秋季限定單點】
除咗嗌套餐食，秋季限定有3款菜式係單點㗎～
烏金蜜餞蠔(四件)
金蠔Fans一定要食嘅烏金蜜餞蠔，將蜜餞蠔、烏金子、青蘋果夾埋一齊食，鹹香輕甜、綿密爽脆勁有層次!!
川式西蠔
幾估唔到有一道菜咁Fusion～ 外國幾常見用嚟整沙律嘅西瓜，嚟到中菜師傅手上就加埋麻辣醬、蠔肉。蠔肉同西瓜都好Juicy，後續又滲啲麻辣味幾上癮。
日本青椒M9和牛
食中菜都可以食埋靚和牛，「明廚」特別引入澳洲Sher家族飼養嘅得獎和牛。牛隻18個月前會草飼養殖，跟住400日以上就轉用穀飼飼養，係和牛咁鮮嫩嘅秘訣!!
「明廚」紮根旺⾓14年，去年銅鑼灣都有分店，鍾鎮濤都有嚟支持㗎～
銅鑼灣店將4間地舖打通，座位寬敞並能以金色垂幕分隔鄰桌，優雅地享受私人用餐時光。嚟緊年尾飯局不絕，呢度都有3間包廂供預訂，同親朋好友盡享「Asahi生啤札幌惠比壽⽣啤」及海鮮最佳搭檔—Lemon Sour、日本清酒、香檳、紅⽩酒等，齊齊飲飽食醉。
明廚 (銅鑼灣)
地址: 香港銅鑼灣堅拿道西15號永德大廈地下G8-11號舖
電話: +852 63138806