聖誕除夕唔想嚟嚟去去都係鋸扒，不如試吓喺靚靚宮廷風環境下，食一餐精緻印度菜啦！呢間外籍大廚主理嘅「CHUTNEY」堅持只用外國高質食材，並用多種香料煮製，還完印度料理風味。我哋用餐當晚仲見到好多打扮精緻嘅印度人，完全係受當地人認證呀(笑)。
而且好鍾意呢度環境好典雅，一入門口已經係懸垂金色綢絹，用餐區就係奢華金色半拱形天花，仲有落地玻璃見到廚房兩大個Tandoori窯爐，望住大廚即場炭烤肉扒、海鮮、印度烤餅等食，特別有Feel!!
門口懸垂金色綢絹好唯美。
用餐區係奢華金色半拱形天花。
梳化卡位有隱私度。
Tandoori窯爐新鮮出爐印度烤餅，特別酥脆。
今年「CHUTNEY」為聖誕除夕推出限定料理「CHUTNEY CHRISTMAS & NEW YEAR EVE MENU」，每款只係$148起。有印度街頭小食豆蓉餡咖哩角(Samosa Chaat)、皇室炸球(Raj Kachori)，又有香口嘅炸布拉塔芝士(Burrata Manchurian)、炭火烤八爪魚(Tandoori Octopus)等等。
當然不得不提，200年前御廚為北印度勒克瑙(Lucknow) 國王煮製嘅煙燻羊肉餅(Lucknow Galauti Kebab)。真心未食過羊肉餅會好似棉花糖咁軟到化開，呢種獨特口感一定要試!!
而今次限定料理，亦有Tandoori窯爐新鮮出爐嘅蜂蜜烤醃製羊肋排(Tandoori Lamb Ribs)、香草烤雞半隻(Kothmari Tandoori Chicken)等，全部都精緻大碟幾有節日氣氛。
即刻睇吓有咩食啦🔥～
【CHAATS & STARTERS】
豆蓉餡咖喱角(Samosa Chaat) $148
好可愛嘅酥皮筒咖喱角!! 酥皮筒偏硬脆，幾平衡到內餡嘅鹹香。而且餡料係綿密嘅薯蓉、青豆、腰果碎、鷹嘴豆，加埋乳酪薄荷醬同羅望子醬，令餘韻有少少酸甜味道。
皇室炸球(Raj Kachori) $158
扑開炸球瞬間幾有儀式感，入面係鮮果同Savory Chaat，鹹鹹甜甜幾過癮。食嗰陣撈埋薄荷醬、羅望子醬、乳酪一齊食，又脆又綿密，無論口感同味道都好豐富。
炸布拉塔芝士(Burrata Manchurian)
完全係芝士控福音!! 原個布拉塔芝士炸到金黃色，一切開爆出濃郁奶油芝士，又脆又軟好正。食嗰陣可以撈埋酸酸辣辣Manchurian醬，濃味控一定要試。
煙燻羊肉餅(Lucknow Galauti Kebab) $198
源自18世紀北印度勒克瑙(Lucknow) 國王Wajid Ali Shah 嘅一道羊肉料理。據說當年國王年紀老邁、牙齒全無，但佢又好鍾意食羊肉，所以下令御廚煮出一道「無牙嘅人都食到嘅羊肉餅」，於是就誕生咗呢道Lucknow Galauti Kebab 啦。
主廚要將羊肉、多種香料絞至軟綿，最後用慢火煎至微焦。用叉輕輕拮開已經感覺到羊肉獨特軟感，就好似…巴斯克芝士蛋糕咁!! 入口完全唔使咬就化開，肉味、香料味會慢慢滲出嚟。呢種口感同味道，對香港人嚟講真係好有新鮮感，好推薦大家嚟到試吓咁有故事嘅羊肉餅。
牛油果脆米沙律(Avocado Bhel Chaat) $158
如果想前菜清爽啲，亦可以揀呢道牛油果脆米沙律。相信大家對牛油果一啲都唔陌生，但印度廚師就加咗薄荷、羅望子、乳酪同印度綜合香料。對比平時食嘅牛油果，多咗好豐富嘅香料層次，幾有異國風味。
【FROM OUR TANDOOR】
「CHUTNEY」有經典Tandoori窯爐，全部窯爐料理都係即叫即焗、新鮮出爐，真係做到正宗印度風味，好值得試吓㗎。
香草烤雞半隻(Kothmari Tandoori Chicken) $218
好似呢道高溫烤製春雞，本身用咗多種香草、乳酪醃製，所以咬開好有濃郁奶香同香草暖香。全靠Tandoori窯爐夠高溫，瞬間鎖住肉汁，一咬開雞肉嗰時仲好Juicy!!
蜂蜜烤羊肋排(Tandoori Lamb Ribs) $268
用蜜糖糖漿醃製嘅羊架，肉味香甜，平時唔食羊嘅話都可以一試。而且特別跟配煙燻馬薩拉醬、奇異果輕辣醬，混合甜酸辣味道好上癮!!
【SEAFOOD】
今次限定料理都有海鮮選擇～
香煎帶子(Palaki Scallops) $238
香煎帶子(Palaki Scallops) $238
用蜜糖糖漿醃製嘅羊架，肉味香甜，平時唔食羊嘅話都可以一試。而且特別跟配煙燻馬薩拉醬、奇異果輕辣醬，混合甜酸辣味道好上癮!!
CHUTNEY
地址: 中環雲咸街75-77號嘉兆商業大廈4樓
電話: 23300027