中環法國餐廳“L'AMOUR”推出「Oyster Buffet 12cm蠔王放題」,KKday優惠價$898買一送一，呢個價錢包白酒/紅油1杯；再任食3款生蠔—日本宮城生蠔(Maruyoshi)、法國諾曼第生蠔(Normandie N000size)、澳洲哥芬灣(Coffin Bay)。
除咗瘋狂食生蠔，套餐再包埋前菜、餐湯、意粉、主菜同甜品，當中有法國傳統鵝肝牛柳、威靈頓牛柳、西班牙黑毛豬等選擇，精緻法國料理絕對值回票價啊。
「Oyster Buffet 12cm蠔王放題」優惠價$4xx，套餐送白酒或紅酒1杯。
【另送法國酒莊紅/白酒】生日/週年紀念優惠！
凡惠顧「Oyster Buffet 12cm蠔王放題」套餐，並於訂座時說明生日/週年紀念，將獲送“L'AMOUR”自家法國酒莊釀製白酒/紅酒1支。
|
「Oyster Buffet 12cm蠔王放題」可任食3款生蠔，並包括前菜、餐湯、意粉、主菜、甜品及紅/白酒1杯。
“L'AMOUR”座位好有法國氣氛。
餐廳內有多個打卡靚位。
駐場調酒師，即調多款雞尾酒。
【12cm蠔王放題】即睇有咩生蠔食～
-日本宮城生蠔(Maruyoshi) 係日本宮城縣高質生蠔，蠔肉結實爽脆。出名有豐富海水味，並有輕微甜味同礦物風味。
- 法國諾曼第生蠔(Normandie N000size) 超大隻size!! 蠔肉軟滑、入口化出明顯鹹鮮味，並有淡淡果仁同礦物味。
-澳洲哥芬灣(Coffin Bay) 出自澳洲頂級生蠔產區之一，以自然養殖環境聞名。生蠔肥美creamy，又有微微堅果同海藻香氣，餘韻則有天然鹹味。
任食3款生蠔嚟自日本、法國、澳洲，各有風味。
STARTER(2選1)
是日沙律
每日都唔同嘅是日沙律，今次有巴馬火腿火箭菜卷，鹹香有雙重口感，好啱飲酒。
巴馬火腿火箭菜卷，有雙重口感。
白松露蟹肉沙律+$38
拎起脆餅，抹上小鐵盒入面嘅魚子醬、白松露同蟹肉，好有儀式感。
手拎脆餅抹上魚子醬，好有儀式感。
SOUP(2選1)
是日餐湯 / 法式澳洲活龍蝦湯 +$48
“L'AMOUR”料理由法國團隊主理，單係餐湯都好精緻。是日餐湯都係每日唔同，私心鍾意今次飲到嘅法式洋蔥忌廉湯，傳統嘅焦糖洋蔥做法好濃郁!! 當然，如果你係龍蝦迷就值得升級龍蝦湯。真係用龍蝦殼、龍蝦頭等熬出鮮味，呢種鮮味同平時得鹹味嘅龍蝦湯好唔同。
兩款熱湯都好精緻。
PASTA(2選1)
廚師精選手工意粉
今次個套餐真係好抵食，主菜之前仲有意粉食。今次食到嘅手工意粉係人氣大熱波浪意粉，好有驚喜!! 意粉Q彈掛汁，香草番茄汁酸甜開胃，同刺身級大蝦好夾。
人氣大熱波澴意粉，配上刺身級大蝦。
招牌龍蝦帶子薏米飯+$68
另一款意大利飯就有龍蝦食！龍蝦大隻厚肉，配埋帶子、魚籽好鮮甜。大廚特別引入薏米飯代替一般意大利飯，口感更煙韌Q彈，值得一試。
龍蝦配上帶子、魚籽，相當矜貴。
MAIN(7選1)
主菜足足7個選擇，真心有啲選擇困難。私心好鍾意呢度嘅牛料理，無論法國傳統鵝肝牛柳、威靈頓牛柳、香煎鵝肝配日本A5和牛肉眼都好高質。唔食牛嘅話，可以考慮手工料理—西班牙黑毛豬，慢煮咗36小時勁軟腍入味。
法國傳統鵝肝牛柳
牛柳真係極厚切!! 但肉質一啲都唔韌，仲幾軟嫩juicy。鵝肝就煎到外脆內綿，連埋牛柳一齊食幾豐富。
超厚切牛柳，出乎意料地軟嫩juicy。
香煎鵝肝配日本A5和牛肉眼+$198
如果你好鍾意牛+鵝肝呢個組合，幾值得升級日本A5和牛版本。和牛好厚切，肉色粉嫩又有好靚雲石紋。和牛同鵝肝嘅油香加埋一齊，真係好正。
日本A5和牛有好靚雲石紋。
和牛加鵝肝油香，絕對值得一試。
威靈頓牛柳+$98(不設選擇成數)
自家用酥皮包嘅威靈頓牛柳，入面有牛柳、鵝肝、黑松露等。即叫即焗，所以酥皮好脆又有牛油香，餡料都幾足兼啖啖肉。如果想一啖過將酥皮連餡一齊食都幾考技巧，但真心高質好食。
自家包製威靈頓牛柳，即叫即焗好有牛油香。
西班牙黑毛豬
雖然好多人鍾意食牛扒，但呢個黑毛豬好值得大家轉一次會。黑毛豬面肉慢煮36小時，煮到好軟嫩。個醬汁就用柱侯醬中西fusion煮製，食落又軟又甜好特別。
黑毛豬面肉慢煮36小時，加埋中西fusion醬汁好特別。
寶雲酥澳洲紐西蘭羊架
羊架超級大件!! 外層嘅寶雲酥仲加咗5種香料再焗到金黃酥脆，脆得嚟好有層次，同羊肉味幾襯。
寶雲酥加咗5種香料，焗到金黃酥脆。
香煎比目魚扒配香草忌廉檸檬汁
比目魚用紙包魚煮法令魚肉keep到好軟嫩，同時吸滿白酒牛油汁，夠晒鮮甜。
紙包魚煮法，魚肉軟嫩又吸滿白酒牛油汁。
DESSERT(2選1)
是日甜品
套餐任食生蠔、又食法國菜，仲飲埋送嘅紅/白酒真係超滿足!! 最後食埋甜品幾圓滿。
食埋甜品好圓滿。
原隻海膽雪糕+$48
雪糕用新鮮海膽打製，加埋雪糕上面件海膽一齊食，有種獨特嘅鹹鹹甜甜味。
真係用海膽製作嘅雪糕，有種獨特鹹鹹甜甜味。
L'AMOUR(中環店)
地址: 香港中環蘭桂坊德己立街58-62號協興大廈地下A&B號舖
電話: +852 44143313
