有時好想食和牛，但諗起幾百蚊可能只食到幾片就卻步。終於!! 喺尖沙咀搵到間新開嘅和牛烤肉店「鞍下熟成肉」，由日本カミチク農場引入最高級原隻A5薩摩牛～
好少餐廳會引入原隻和牛，吧枱會見到師傅主理。
因為「鞍下熟成肉」係原隻和牛嚟，所以食到好多稀有肉位外，最重要價錢平一截！夜晚$580/位就食到9款和牛肉位，包埋和牛甜蝦大葉、魷魚沙律、8品野菜盛合、丼飯、甜品，香港好少和牛專門店CP值咁高。
香港好少見CP值咁高嘅和牛專門店，每枱都有日本燒肉爐畀你自己燒。
A5之外仲有分級數？必食最頂級A5和牛
唔知你有無發現，每次食A5和牛質素都有落差？其實和牛除咗分A1-A5外，仲有脂肪紋理分佈BMS等級共12級。所以有時食A5和牛唔會入口融化，可能就係BMS等級唔高喇。而「鞍下熟成肉」只用BMS 12級嘅薩摩A5和牛，係和牛最頂級㗎。
包9款和牛肉位！赤身食到去霜降
BMS 12級有滿滿雲石紋，但完全唔使驚太膩。因為9款和牛中，師傅會安排好4款赤身+4款霜降+日本爆紅蔥縛和牛舌芯，你可以好似日本人咁由肉味濃嘅赤身，食到去爆油花嘅霜降；又可以兩款隔住嚟食，咁就唔會好膩喇。呢9款和牛每日都會依時令改變，就好似食和牛omakase咁，次次都有驚喜。
和牛晚市套餐有齊9款和牛肉位，勁豐富。
「鞍下熟成肉」和牛晚市套餐詳情
前菜及沙律(各1客) 48小時慢烤A5和牛甜蝦大葉 柚子魷魚沙律
九品「日本一」燒肉盛合 蔥縛和牛舌芯 薄切 | 赤身和牛(2款)+霜降和牛(2款) 厚切 | 赤身和牛(2款)+霜降和牛(2款)
八品野菜盛合 綠珊瑚生菜、杏鮑菇、冬菇、秋葵 粟米、紅燈籠椒、翠玉瓜、露筍
飯(任選1項) 米飯／香蔥溫泉玉子紫菜飯／香蔥紫菜飯／和牛味噌煮丼
是日甜品 |
和牛脂開爐 專人教燒和牛
今次我哋食到嘅9款和牛，有以下呢幾款～
- 薄切: A5薩摩牛三筋配柚子蘿蔔蓉、A5黑毛和牛前腿肉、A5薩摩牛龜之子、A5薩摩牛壽喜燒西冷片
- 厚切: A5薩摩牛後腰臀肉、A5薩摩牛貝身、A5薩摩牛後腰臀肉蓋、A5薩摩牛羽下
- 蔥縛和牛舌芯
【牛脂開爐】
一開始會有專人用和牛油脂幫我哋開爐，然後用一款薄切和牛教點樣燒，所以唔使擔心燒得唔好呀。
薄切和牛勁大塊！雪花紋好靚呀。
員工教我哋和牛唔使太熟，薄切和牛只要燒到有肉汁滲出，就可以捲起食㗎喇。
近期日本女生最鍾意嘅A5薩摩牛三筋，肉味香甜又有油花。
4款厚切和牛均各有1件，份量好多。
近年日本高級燒肉店爆紅嘅蔥縛和牛舌芯，完全係不計成本咁將原條牛舌橫切，再包入麻油、胡椒、蜜糖等調製嘅蔥醬，比平時常見嘅直切圓形牛舌大塊好多。入口勁彈牙，再爆出鹹鹹甜甜熱汁好特別。
每件牛舌都係師傅人手包，好考手藝。
【清清味蕾】熱湯燙和牛
之後會奉上倒入熱湯燙熟嘅A5薩摩牛龜之子，因為呢個位好滿油花又軟腍，所以用茉莉花茶熱湯中和膩感，算係和牛同和牛之間嘅過渡料理。
龜之子有好勁雲石紋，用茉莉花茶熱湯中和膩感。
【最香濃】A5薩摩牛壽喜燒西冷片
最後就有濃郁嘅和牛壽喜燒啦～西冷位勁濃肉味，配個蘭王蛋壽喜燒汁。員工教我哋唔使將隻蛋攪得太勻，咁先可以令西冷沾滿蛋漿更加滑嫩，輕甜壽喜燒汁又解膩。
【午市套餐入門價】
呢度午市同晚市都係用最高級薩摩A5和牛，所以唔會話午市質素就差啲。和牛仲勁大件足料，每個set都包白飯1碗(除丼飯外)、味噌湯、漬物2客、柚子醋沙律。
私心大推！鞍下燒肉套餐$199
無諗過lunch都有咁大塊和牛呀！細心望吓呢塊鞍下就知，其實總共有2個肉位㗎，上面係羽下；下面就係肩胛肉。
呢塊鞍下有2個肉位，一次過食兩種感覺。
睇吓幾大塊！平時員工會切好晒畀你方便食。
其他午市套餐都好豐富
純．薩摩牛Set S燒肉拼盤$249
三品燒肉套餐$149
Chimichurri 牛扒定食
(左)48小時慢烤A5日本和牛丼$149、(右)日本和牛味噌煮丼$88
鞍下熟成肉
地址: 尖沙咀金馬倫道29A號地下
電話: 65426897