Gulu Gulu

其實平時都中意去尖沙咀，吾知點解有種情意結。‪今晚‬難得去間平時好少去既酒吧類餐廳。 一去到己經比個粉紅色既鳥籠同花花影相框吸引住，最衰係夜晚啦，影得唔夠清楚如果係早上我一定同佢合照一張添！一嚟到店員就俾左d咖喱味蝦條我哋食咁都幾脆口同埋個咖喱味夠辣👍其實本身諗住叫飯同埋意粉點知去到睇餐牌完全都冇同埋店員都淨係話而家係happy hour，叫我地叫串燒為主同埋野飲。咁我哋都有啲嚇一嚇。咁我都問一問店員係咪冇其他嘢食，佢都話而家暫停供應左，應該要下個星期先有。咁就唯有叫串燒啦😟我哋叫咗一個組合先嘅，可以揀四款同一杯飲料，我地要左tropical island 🌴。我哋叫咗大蒽豬腩肉、大蒽鴨胸肉雞翼同埋牛舌。之後再散叫其他，要多三串雞脾茹、、燒丸子、大蒽雞肉、炸豆腐等同兩個叉燒拉麵。咁食物都算來得快，最中意係牛舌、雞肉串同雞翼。因為個雞肉好juice，夾埋個大蔥好正！咁因為個豬肉冇，所以我地改多個雞翼。個雞翼份量算比較多，同埋燒得幾香，夾埋餐廳個類似椒鹽咁既調味，仲惹味。個牛舌就好重牛味，質感好，又夠味，正！仲有個甜既燒丸子，入面有d甜甜地既餡，不過就可以再有咬口d就更好。個雞脾菇我就有d詫異，真係細得濟。飲埋個tropical island就爽哂，解膩。個拉麵就遜色咗啲，因為冇得選擇其他主食，所以我地叫左叉燒拉麵。初時睇個拉麵係呈半透明顏色，以為會好有咬口，但實際係好軟身，同埋個味係澗水味。不太像拉麵。不過我都理解，呢到吾係專做呢方面。同埋提醒番大家，個蝦條小食原來每次要20蚊，我可以為店員自己幫我地免費添加，所以要比成40蚊，呢個提醒番大家。其實佢呢度環境幾好幾適合消遣同埋同班朋友嚟到享受時光。又有嗰啲乒乓波俾人玩，環境夠大。但係真係食物嘅份量係happy hour已經平左但係都係偏細。真係可能去食完野之後黎或者淨係飲杯野咁就比較適合。…查看更多

星期四“happy hour”時段，上咗去尖沙咀諾士佛臺嘅咕嚕咕嚕，該處燈光暗淡，裝飾獨特，環境氣氛非常適合 hea住嘆酒，仲見到有外國人喺度拋乒乓波娛樂， 其他人客都係傾計居多。侍應好禮貌，招呼周到，有蝦條供應，不過係要收費㗎， 每碟20蚊。適逢餐廳當日只供應串燒及拉麵， 其他泰式食品及飯類欠奉，令到我哋想醫肚嘅人有啲不知所措。惟有叫串燒，點咗雞髀菇、鹽燒雞翼、鹽燒牛舌、牛肉串、大蔥鴨胸串 、大蔥雞肉串、日本蠔肉、日式炸豆腐及燒丸子 ，款式尚可，奈何份量偏少再叫咗兩碗札幌叉燒拉麵，味道一般，但可以裹腹，如果拉麵稍為煙韌會理想啲。點咗一杯飲品Tropical Island，味道清新解渴。始終這個地方係適合飲酒Chill 吓，對於食物就要降低少少要求吧！…查看更多

平日約朋友食飯，上網搵到呢間食日式野決定試一試，之後打電話book定枱去試新野。比book嘅時間早左好多去到尖沙咀，同朋友決定上去睇下可唔可以早d比枱我地。上到去發現唔係剩得日本野食，仲係酒吧，地方好寬倘，職員好友善比我地隨便揀位坐因為早去到仲有happy hour, 我地叫左4串串燒連飲品combo 同埋吞拿魚蓉丼 share 食等食物來之前職員送上咖哩味薯片比我地食住等跟住我地order 嘅 mocktail tropical island 好快就到, 係橙加檸榢汁好正常既配撘所以好好飲我地叫左8種串燒，以為好少份量點知好夠飽，個人覺得燒豆腐，雞腎同牛舌好好味。本身以為雞腎會燒到好乾，但原來唔係，一d都唔難咬開同埋醃得好入味,之後吞拿魚蓉丼好有驚喜。味道一流，超正仲要冇魚腥味，好新鮮。兩個人食咗大概$260，好夠飽,絕對可以再黎食過~…查看更多