Yagihashi (Moved)

## 食評：放工後的A4和牛放題放工後，我同老婆決定去試下A4和牛放題，呢間餐廳真係好有質素，值得一試！### 環境與服務首先，餐廳環境幾好，氣氛輕鬆，適合放鬆心情。服務員態度友善，幫助我們解釋菜單，對於選擇不同肉類和醬汁都有詳細介紹，令人感覺貼心。### 食物評價1. **肉類**： - 今次我哋選擇咗「雨」餐。佢哋先嚟咗個拼盤。有A5和牛西冷，仲有各種部位的A4和牛，每一片肉都切厚薄適中，燒肉時幾乎瞬間就熟，口感滑嫩。特別推薦韓風瓷壺牛肋肉，味道好入味，香氣四溢，仲有和牛啲油花，食落去真係好幸福。各款牛舌同燒雞軟骨都係大推之選。好，唔該2. **小食**： - 小食方面，炸物表現亦相當好。我特別鍾意佢嘅香芋丸同蟹肉可樂餅，炸得外脆內軟，味道相當好。燒比目魚、白鱔同埋雞泡魚乾都好美味，鮮味十足，配埋醬油食，簡直無法抵擋。3. **海鮮**： - 蠔和鮑魚的鮮味都非常足，食落去彈牙，令人一口接一口，真係好開心。4. **醬汁**： - 餐廳提供多款醬汁，可以混合搭配，增加食物風味，真係為肉類增添唔少風味，建議大家多試幾款。5. **甜品**： - 不過，美中不足嘅係當天冇雪糕或者雪條，我哋只能點佢嘅忌廉泡芙同蕨餅。泡芙香滑可口，蕨餅則係清新口感，都算唔錯。### 總體評價總結嚟講，呢間A4和牛放題真係質素高，價錢合理，仲有半價優惠，食物選擇豐富，令我哋十分滿足。…查看更多

昨日放工, 約左朋友去旺角食日式燒肉放題, 同佢慶祝生日。餐廳位於旺角T.O.P.商場, 位置好方便，食完仲可以行街。我哋今次試左[雨餐], 依家做緊半價優惠，可以任食日本A4和牛。A5和牛西冷，油脂分佈均勻，入口即溶。仲有和牛燒肉盛, 有4款A4和牛，其中最推薦係和牛肩胛肉，肉質厚實卻又軟嫩，牛味濃郁。海鮮也有多款選擇，鮑魚爽口彈牙，比目魚外皮燒到焦脆香口，魚肉嫩滑，食落有魚油香味。味淋魚干燒得香脆有咬口，用黎送酒一流。最後食完雪糕先走，十分滿足。…查看更多

好多次喺T.O.P行街都見到呢間餐廳，見依加做緊優惠霞套餐買一送一同雨餐半價，即刻心動入去試下！我哋揀咗最貴嗰個套餐(平日原價 $1108)，除咗A5和牛西冷只提供一次之外可以120分鐘任食A4和牛等百幾款食物！🍽️肉類入座之後好快就嚟咗份頭盤，當中最吸睛嘅就係塊A5和牛西冷！和牛西冷霜降分佈細緻均勻，充滿濃郁嘅牛肉香氣，肉質嫩而多汁，簡單配上鹽同黑椒已經滿分。接住嘅和牛燒肉盛有五類唔同部位嘅A4和牛，全部油花都好靚。牛肩柔嫩多汁，有濃厚嘅牛香及恰到好處嘅口感。三角腩肉質較有彈力，每一啖都擁有濃郁嘅牛肉香氣。最有驚喜竟然係和尚頭！和尚頭係牛後腿内側位置，雖然脂肪較少但肉味香濃，相對有咬勁，咀嚼時和牛肉香喺口腔內爆發。仲有羊架、雞肉同豚肉，青檸汁燒豚拖羅幾清新特別。🍽️海鮮比目魚西京燒甜甜哋，入口滑溜甘香。生蠔、鮑魚、虎蝦等海鮮都新鮮爽口。🍽️揚物/天婦羅天婦羅炸得幾鬆脆，同時亦唔油膩。香芋丸味道濃郁，帶少少煙靭口感，唔錯。🍽️野菜有洋蔥、秋葵、牛油粟米、菇類等，當中最愛嘅係黑糖番薯燒。一口番薯本身已經好甜，配上黑糖香氣食落有啲似食緊棉花糖嘅味道，幾得意~依加有優惠真係好抵！🥹…查看更多

朋友嘅推薦我去試下旺角T.O.P的八木橋日式燒肉，今日行下行下街就順便嚟食下嘢，要食梗係食最好嘅 - 佢地嘅RAIN Series!頭盤一上到嚟就有我哋今日嘅主角，A5和牛西冷， 真係好大舊！燒完真係超級香，入口即溶，好正！四品和牛燒肉盛，有不同部位的和牛，佢地仲提供生蛋和壽喜燒汁，你哋睇吓幾正！有啲特別嘅係佢哋嘅 韓風瓷壺醬油牛肋肉特，裝喺個壺入邊，側邊有instruction教我哋點樣燒，放喺側邊慢火燒15分鐘，然後再次切成一粒粒，將佢燒香，燒烤後外脆內嫩，幾特別幾好食。好得意嘅係 味淋魚干都係DIY自己燒，由佢透明嘅時候燒到佢變咗實色。 再剪成一條條，熱辣辣，正除此之外，因為我好大食，所以我就仲嗌咗好多海鮮蔬菜肉類同小食，而海鮮的鮮味也讓我驚喜，我食咗勁多扇貝嘻嘻除了主菜，仲有無限任食的哈根達斯雪糕同甜品推薦俾所有肉食動物，期待下次再來😋…查看更多

好耐都冇食過和牛燒肉放題🤤旺角近近地行完街就去食地點位置好方便😎其實佢都有四款選擇咁我哋就揀咗雨呢個set 因為就係想食靚嘅和牛呀嘛🤓可能我哋book得早啦，所以當日去都唔多人一去到就即刻可以安排位置俾我哋坐都係掃code落單好方便，值得一提嘅我覺得係佢哋嘅服務，真心超好👍🏼又會主動過嚟幫我哋換鐵板，可能見我哋傻吓傻吓😂又提我地d野熟啦講返食物，一嚟就放低咗個A5和牛西冷，真係嘩左出聲😂超大塊，入口超正🥹跟住陸續就上埋四品和牛盛，我自己個人就比較鍾意A4黑毛和牛和尚頭，不過其實佢每一嚿都好好食🥹另外佢仲有鮑魚啦，比目魚，雞泡魚乾，同埋牛肋肉，呢啲都係一嚟嘅時候就會上齊晒先嘅，我個人就好鍾意嗰個比目魚真係好滑，牛肋肉呢可能係因為我哋真係唔太識燒啦，所以都燒得有啲失敗🥲唔太食到，好可惜。佢飲品種類都多嘅，同埋都有雪糕雪條可以任拎任，食物款式我覺得都好多，而且質素亦都唔差，不過佢嘅海鮮款式就比較濃味，如果唔鍾意食太鹹嘅話呢可能就唔太適合啦。整體嚟講食兩個鐘真係可以慢慢燒慢慢食仲傾埋偈都已經食到好飽😂唔錯，可以再去🤓…查看更多

今晚帶了爸爸去食日式燒肉，爸爸一直都超愛吃和牛，呢間八木橋燒肉地點相當方便，而且我貪呢度比一個價錢就可以任食高質靚肉餐廳有四款不同價格同食材的燒肉套餐點選。今次我哋豪一下，點了最頂級個款。雖然價錢不便宜，但能夠任食到高質的和牛、海鮮，其實都足以回本呀。仲可以任食兩小時，時間鬆動，一邊食一邊品嘗，唔洗飛去日本都食到靚肉，A5和牛西冷扒，肉質超好，嫩紅，肉跟脂肪比例完全恰到好處。和牛燒烤很易操控，很易就熟了。吃起來入口即融，油花岩岩好，肉質又香又惹味，牛肉味濃，真係超吸引超好味呀。其他的A4和牛都相當出色，有和牛三角腩、和牛肩胛肉、和牛和尚頭、和牛後腰肉等等，相當多不同的部位，每一款吃起來的肉質、煙韌度、油份都有所不同，每款都相當好味。而且所有A4和牛都是可以任點任食，岩曬是食肉獸的我倆。除了牛肉多款式，海鮮類都相當之出色。鮑魚、鰻魚、味淋魚乾、比目魚西京燒、生蠔等等，全部都鮮味無比。想不到海鮮類都有咁多不同選擇，而且食材都是超新鮮超足料的。海鮮類來講，鮑魚相當不錯，經過加熱後，鮑魚彈牙無比，既鮮甜又好咬口，相當吸引。另外生蠔都超鮮甜肉厚，超愛。我們仲點了多春魚、鯖魚、扇貝、清酒煮蜆等等，都是超美味的。除了和牛牛肉出色，餐廳的豚肉跟雞肉都不錯的。有款芝士雞肉都相當特別，先把芝士加熱，再加烤熟了的雞肉拌勻芝士，造成拉絲口感，既芝味又嫩滑～正。套餐內有太多太多不同食材可任食了，超豐富超飽肚。食飽飽仲食埋甜品呢。大滿足。…查看更多

同朋友去旺角TOP商場行街，行到好肚餓想燒肉放題一吓，就直接上四樓「八木橋日式燒肉」，我哋揀咗最貴嘅「雨餐」，因為而家二人以上就可以半價食到，最緊要係like埋社交平台專頁就可以升級食足四個鐘，勁抵食！► 頭盤我哋選好餐後，店員就會先上頭盤，除咗A5和牛西冷係一次性提供之外，其他都係可以無限追加。❀A5和牛西冷都好大塊而且唔薄身，油脂似降霜紋理分佈，燒熟後入口柔軟有即化嘅口感。一開始就食到A5和牛，都感到「雨餐」嘅高質。⦿四品和牛燒肉盛全部都係無限追加，呢個價錢淨係食A4和牛都抵晒。❀A4黑毛和牛和尚頭牛後腿内側位置，脂肪較少，牛肉香味濃，有少許咬口。❀A4黑毛和牛三角腩牛前腳對上腩位，充滿油香，入口軟滑溶化。❀A4黑毛和牛後腰肉大理石花紋脂肪分佈平均，我單邊燒10秒，入口感到脂肪溶化，柔軟juice，encore咗好多轉。❀A4黑毛和牛牛肩牛肩比例上有較多筋絡同油花，肉質較其他位置有嚼勁。❀香蔥薄切和牛用三種調味：蔥花、炸蒜、燒肉汁捲住嚟燒，燒熟後蘸蛋汁食無得頂。❀鮑魚鮑魚新鮮，洗得乾淨又切走埋內臟，餐廳提供咗燒烤小貼士，唔好直接燒個殼，只燒鮑魚肉嘅一面七分鐘，生熟度剛好，爽口彈牙。❀比目魚西京燒比目魚塗滿醃料，燒前鐵板上加油，唔好反嚟反去，一面大約燒三分鐘，味道甘香帶甜，肉質嫩滑。❀味淋魚干雞泡魚乾兩邊慢慢燒到變實色，剪開一條一條食，風味十足。燒到咁上下塊鐵板開始燶燶哋，就會影響燒烤質素，餐廳細心提供白蘿蔔絲俾客人自己可以清一清鐵板上邊嘅燶漬，店員更會幫忙換上新鐵板，咁就可以再重新開始燒靚和牛。► QR code落單「雨餐」多至110款食品選擇，好豐富，根本無可能試得晒。⦿ 肉類韓風瓷壺醬油牛肋條，A4岩手和牛肩胛肉、眼蓋肉、五花腩燒肉，Mozzarella芝士雞腿肉、米澤三元豚肉⋯⋯ M5和牛西冷同牛舌必點之選。⦿海鮮虎蝦、沙嗲燒廣島蠔、半殼扇貝、清酒煮蜆⋯⋯ 全部任食。⦿揚物、燒物多款天婦羅、炸物同燒物：蝦天婦羅、炸蝦多士、忌廉蟹肉薯餅⋯⋯⦿酒の肴食得燒肉咁上下，食吓泡菜同麻辣青瓜，都幾解到肉嘅油膩，仲有中華沙律、味付螺肉⋯⋯⦿野菜黑松露牛油雜菌、秋葵、南瓜、冬菇⋯⋯⦿沙律胡麻番茄、胡麻豆腐⋯⋯⦿米事、麵食赤坂魚蛋烏冬、冷素麵⋯⋯► 自助區⦿醬料有醬料同調味粉選擇：七味粉、山葵汁、酸汁、燒肉汁。⦿飲品雪櫃放滿汽水同茶類，最正係有玻璃樽裝汽水，仲要唔係得可樂，有埋zero、雪碧、忌廉，襯晒食燒肉。⦿甜品「雨餐」Häagen-Dazs雪糕係任食，仲有雪糕、韓國雪條無限供應。#八木橋日式燒肉地址：旺角彌敦道700號T.O.P. This is Our Place 4樓409A & 409 B號舖…查看更多

天氣開始轉冷，最想吃一些熱騰騰的食物，前幾日食完火鍋，今次就不如來個燒肉放題啦！我們去了八木橋日式燒肉食 "雨" 餐嘅日本和牛燒肉放題，全有超過110款放題任食，高質又滋味。餐牌上有4款餐選擇，分別是 "雨" 餐、 "霞" 餐、 "雲" 餐 及 "雪" 餐，價錢由 $198-$1088。以下有這些優惠，入座食 "雨" 餐日本和牛燒肉放題餐廳有優惠，可享以下訂座優惠 : 午市天天可使用，晚市只限星期一至四，1. 可享二人同行一人免費，2. 早三日前訂座可享鮑魚及刺身任食。成人價錢 : 星期一至四 $1088，星期五六日公眾假期及其前夕 $1108，小童價錢(高度90cm-130cm) : 星期一至四 $248/位，星期五六日公眾假期及其前夕 $268/位，訂座時，必須說明使用買一送一優惠，此優惠只限成人，小童並不道適用買一送一優惠，必須至少預早一日前訂座，並於訂枱時註明使用(和牛買一送一)，方可享此優惠，因每個時段座枱數量有限，必須取得社交平台 優惠短訊及經餐廳 WhatsApp +852 61448242 訂座方可享此優惠，每天名額有限，先到先得。每人另收加一服務費，餐廳將保留此優惠的最終決定權。我們點了 "雨" 餐 及另加 $300 的 A5和牛西冷，雨 Set menu 包括 : A4黑毛和牛系列、鮑魚、刺身、濕式熟成M5和牛、Mozzarella 芝士雞、米澤三元豚肉、韓風瓷壺牛肋肉、味淋魚干、比目魚西京燒、海鮮 (廣島蠔，蜆，青口，鰻魚)、和牛薄切、A4日本佐賀和牛。脂肪分布平均的 A5和牛西冷，牛肉軟稔不韌，牛味特別濃郁，燒烤完香脆可口，肉質細嫩，覺得是高級牛扒。同樣都是好好味的A4黑毛和牛肉系列及和牛薄切，牛肉香濃，肉汁和油花很集中，食起上嚟更嫩滑多汁。刺身每塊都切得幾厚，新鮮肥美，肉質爽滑，鮮甜美味。海鮮是我必吃的，鮑魚口感鮮爽，廣島蠔超大隻和虎蝦都好鮮嫩，蜆肉、扇貝和青口都一樣鮮甜，鰻魚啖啖肉，魚味濃不會有腥味。比目魚西京燒燒烤完特別惹味，魚肉嫩滑，以味噌醃製過，帶少少咸香味。Mozzarella 芝士雞口感黏黏的，因為有好多芝士，雞肉嫩滑，沾滿芝士的雞好惹味，真的要食多幾次。韓風瓷壺牛肋肉，醬油味濃厚，牛肋肉軟淋而不韌，牛味豐郁，醃料特製，完全感受到韓風滋味。炸物有蝦多士、炸南瓜、炸蝦、燒墨魚波、炸芋泥球、網燒春卷等，鬆脆可口，好吃。燒過的香腸，味道香濃。蔬菜、菇菌和沙律，翠綠鮮蔬，鮮嫩可爽。自助區有多款飲品、雪糕、雪條，冰冰涼涼，清爽解膩。亦可以點日式甜品，香甜幼滑，美味可口。…查看更多