WM Café & Bar (雅濤居購物商場)

馬鞍山呢間餐廳唔係火車站果個商場，係要過條馬路嘅一個小型屋苑商場地下。午餐餐牌都係大眾化嘅價錢，但係野食並唔輸蝕。個龍蝦湯份量係比較細，不過都證明佢係有用料，係新鮮好飲嘅， 配埋個蒜蓉包，正。叫左個牛扒配意粉，醬汁有得揀，揀左黑松露汁，黑松露味就真係唔係太重。佢意粉係偏硬嘅，呢個睇個人口味，我就最憎淋嘅意粉，佢呢個口感就好啱我。個牛扒都ok，唔算肥。野飲揀左西柚蜂蜜綠茶，呢個凍飲唔洗加錢，唔會好甜，唔差。整體黎講，性價比高，經過馬鞍山食可以試下行遠少少，食呢間啦。…Read More

馬鞍山好食的西餐廳不多，除咗Beans之外，我覺得Wm呢間算係幾有質素嘅。就算只係外賣，佢的意式巴馬薄餅都仲係香脆可口，Parma Ham 份量都唔少，加上薄薄嘅餅底，好好味。龍蝦湯超濃郁鮮味，用心製作。另外，煙三文魚忌廉意粉不普通，略嫌意粉太淋，外賣後的忌廉汁有點凍了，影響味道。反之，蒜片墨魚仔墨汁意粉相對好味，因為墨汁夠香，有蟹子溝埋一齊食有口感、有層次。而意式的香草炸雞翼都好入味香脆。不過價錢來說有點貴，其他區堂食嘅話應該有更好的選擇。順帶一提，之前試過紅酒牛柳和蒜蓉焗田螺配蒜蓉包好食，可惜當日餐牌所見沒此選擇。…Read More

點餐後，等了二十分鐘都沒有湯和麵包，眼看比我遲來的人都有餐湯和麵包了，追問下才知漏單，又再下單一次，龍蝦湯ok，配一塊小小的麵包， 但意粉十分鹹，也很酸，醬汁太稠，吃了一半真的吃不下去。…Read More

馬鞍山市中心區內西餐廳選擇唔算好多，呢間都算係人氣之選。我諗原因都去佢性價比算高。環境唔差、食物質素唔錯、價錢又親民。假日中午時間去，午餐平均$60-$70左右。都好多選擇下。特別推介係個龍蝦湯👍唔係好多西餐廳餐湯會比到龍蝦湯，仲要係香濃高質。今日叫咗個紐西蘭肉眼扒配飯，另外再加咗個小食意式炸雞翼。牛扒可以揀幾成熟，廚師到煎得啱啱好。電子落單都可以揀多汁少汁/牛扒幾成熟。不過個餐飲即磨咖啡就麻麻哋啦，可以揀其他嘢飲🤭各位想平平地食西餐既馬鞍山之友不妨一試👌…Read More

安格斯肉眼扒原本以為$288嘅二人套餐唔會食到太正嘅牛扒，但係上碟嘅時候，已經見到牛扒有網紋一樣嘅靚仔樣。切開嘅時候，裏面有真係有medium level 入口可以聞到有少少炭燒味道。牛扒係高質素嘅！另外，雖然我要承認，薯蓉的樣子不是太討好，但係其實就真係真材實料。一般餐廳嘅薯蓉都係開粉整，但呢度嘅薯蓉入口嘅感覺，同我喺屋企自己拎薯仔整嘅係一樣！白酒煮蜆意粉🍝雖然白酒會喺主嘅過程之中蒸發左，但都仲有少少餘香可以嗅到。意粉都算係彈牙嘅，蜆肉嘅份量就少啲，我都係配埋牛扒一齊食，感覺就會冇咁齋龍蝦🦞湯！好飲，龍蝦味足夠溫泉蛋沙律🥗算係簡單但係有正常質素，溫泉如果流心嘅話就更加好西柚紅茶其實入口感覺同檸檬茶冇乜大分別～ 但正常地好飲 😬…Read More

👍重點推介：龍蝦餐湯極之濃厚我哋今日分別試咗兩個唔同嘅Lunch set：1️⃣雙層檸檬烤雞配香辣炸雞漢堡一上菜便給那大份量嚇倒，檸檬烤雞香味十足，配上新鮮炸香辣炸雞， 滿足口感嘅享受。2️⃣香煎豬柳配檸檬海鹽烤雞，香味四溢，猶如吃鐵板餐一樣。豬柳和雞肉口感嫩滑，肉質新鮮餐廳地點方便，入面環境舒適，乾淨企理。午餐經濟實惠，人均$60左右另外，轉凍飲不用加錢，值得一讚🥰今日晏晝食到咁飽，晚餐應該又慳返。…Read More

屋企人附近呢間WM自開鋪以來都幫襯過幾次，感覺都唔錯，餐廳乾淨企理，服務都ok，近日發現佢轉咗餐牌，於是又揾個機會來試吓。新餐牌晚餐多咗好多選擇，A至V成22款，價錢有$69至$248不等，總有一款啱心水。晚餐依然附送餐湯和包，一樣可選蕃茄湯或龍蝦湯，味道同之前一樣咁濃烈。餐包就換咗脆多士，crack crack聲好脆！點湯都唔錯！主菜我哋要咗個「W M馬賽虎蝦海鮮湯燴意大利飯」（$158），估唔到幾多餸喎，除了一隻大虎蝦，仲有幾件魚柳、青口、蜆，和一粒大帶子，加上濃郁嘅蕃茄湯配意大利飯，好配合，又好好味！另外「燒紙包西京比目魚柳配焗雜菜」（$148），用焗爐紙包住原碟上，裡面除咗比目魚仲有一大片檸檬和西蘭花、雜菇，味道清新，魚肉軟身，由於用焗紙包住，好能保存到魚汁，原汁原味！新餐牌既晚餐可自選配啡茶或甜品，亦可以加錢轉其他，我哋就轉左一杯caffe mocha同一杯熱情果菠蘿梳打，兩杯都足料好味！…Read More

係Happy Friday🥳 #到底疫情幾時完!!😭辛苦咗成個星期決定去屋企附近嘅一間餐廳食吓好西。餐廳喺新港城附近，唔算難搵。一入去就係cashier/reception，已經即刻有人招呼。入座係卡位，夠哂闊，好難得喺香港會有餐廳坐得咁舒服，greeting吹水都唔會覺得太逼。叫咗兩個set dinner，包餐包、湯（蕃茄/龍蝦湯）、主菜同埋甜品，都幾豐富。冇幾耐已經上咗個熱辣辣嘅餐湯同埋餐包，一個係龍蝦湯，一個係蕃茄湯。平時喺出面飲湯好多時會比較稀，我個人就會偏好夠味啲嘅湯。呢度嘅龍蝦湯夠濃，飲落一啲都唔油；蕃茄湯好足蕃茄味，有小小蕃茄嘅酸味，湯入面有蕃茄蓉同埋切開咗嘅蕃茄。::主菜::•鵝肝鴨胸菠菜闊條麵($88)配菜夠，有椒、菇，可能因為係菠菜闊條麵，食起上黎唔會太油，岩岩好balance到鵝肝同鴨胸嗰種heavy嘅感覺。•WM burger ($78) - veggie用料: 牛油果、大啡菇、蕃茄、生菜用牛油烘咗個包，比較少見，亦都見餐廳喺細節位有花功夫。大啡菇落咗黑椒調味，菇唔會太dry，夠juicy，滿意！•薄荷青檸梳打 (set dinner +$18升級)清新feel，唔會太重味，可以refresh一下，亦唔會搶咗野食嘅味。最後係甜品，一餐圓滿嘅句號。•朱古力香蕉忌廉pancake (set dinner - free)甜品一上枱好香，係香蕉Pancake配朱古力漿，軟硬適中，香蕉夠熟，出到成個味，配埋classic嘅朱古力漿，perfect match。值得一提係waitress服務態度良好，上菜、清枱都幾爽手。價錢超級合理，整體感覺良好，會再黎…Read More

今晚約左朋友係馬鞍山食飯，想食下西餐於是就去左呢間wm cafe😛😛外面望以為係小店，但一入去就覺得間cafe好大，枱同枱之間又唔係話拍得好埋，所以整體感覺都好舒服😊😊我地order左兩個dinner set,佢既價錢都好貼地😛👍🏼 前菜係龍蝦湯同面包， 龍蝦湯有啲龍蝦絲都算足料，面包雖然冇烘但點啲湯食都幾夾😛👍🏼脆炸軟殼蟹墨汁意粉（8/10）：蟹整隻上夠足料，脆卜卜熱辣辣， 正！個意粉炒完比較乾身，唔係個啲creamy既墨魚汁意粉，但炒上黎都幾香口，係另一番風味😋鵝肝鴨肉意大利飯 （7/10）：鵝肝煎得都幾香，個意大利飯係creamy 既， 仲有好多芝士，不出黎會有拉絲既感覺😛🤪份量都好大👍🏼👍🏼整體黎講，食物都唔錯，坐得好舒服，小聚又多個選擇啦😉😉…Read More

今日在馬鞍山吃午飯，過了午市時間，不用排隊。雖然白天，餐廳環境依然比較暗，檯與檯有一段距離，乾淨企理，現在吃飯安心了很多。餐牌設有午餐和下午茶餐，奉送湯和餐包，價錢實惠。是日餐湯是蕃茄湯和龍蝦湯。餐包薄薄一塊，入口很脆。⭐️蕃茄湯蕃茄湯有番茄切粒，入口酸味突出，很開胃。⭐️龍蝦湯淡淡的龍蝦味，還有龍蝦肉粒。⭐️荷蘭明太子貝柱蟹籽$62份量適中，除了貝柱、蟹籽和野菌，中間還有一小撮明太子，入口鹹香可口。⭐️香煎魚柳配西西里茄蓉汁$60魚柳的尺寸很大，偏薄，炸得香脆，魚肉柔嫩，吃起來令人滿足。美中不足是意粉彈性不足，淋上醬料，跟碟頭飯無異。⭐️fruit juice$8橙汁香甜可口，解渴一流。…Read More

又到週末好去處嘅時候喇今日第一站就去咗馬鞍山先之後就去西貢咁呢馬鞍山呢就比較少去咁就周圍行啦，咁就見到有一間新開嘅西餐廳叫WM Cafe，佢萬聖節裝飾佈置得幾靚又唔太貴，於是就入咗去坐啦。入到去啲燈光有啲暗好似啲酒吧咁樣，都幾有氣氛。其實喺門口已經睇咗要食咩所以我哋都好快就叫啦，咁佢個lunch就由11:30就做到五點嘅都包埋下午茶。於是我哋一行二人就叫左鹿兒島黑豚西冷配北海道檸檬海鹽烤雞再配薯菜。另外就叫咗個安格斯牛肉芝士漢堡。咁佢有餐湯嘅，今日嘅餐湯就係羅宋湯同埋龍蝦湯，咁我哋就叫咗龍蝦湯啦。雖然係星期六，但係我哋嚟嗰陣，都差唔多已經坐滿晒人，好彩咁岩有一張枱比我地所以就唔使等。等左一陣，龍蝦湯同埋餐咁就嚟咗先我哋就叫咗凍檸茶。龍蝦湯好香，唔會濃或者太鹹個味道啱啱好。餐飲方面，基本上我每次食西餐廳或者Cafe都會叫凍檸茶，因為佢哋嘅茶底會清啲，好似西式嘅紅茶咁樣，唔會好似茶餐廳嗰啲咁濃會苦澀。呢杯冇令我失望，啱啱好，好好飲。跟住主菜都嚟咗啦，我就叫咗牛肉芝士漢堡，朋友就叫咗豬扒同雞扒，大家都係配薯條。咁我就試咗自己嗰個先啦，個burger面頭鋪滿晒芝麻。我個口比較大，當然係一啖咬落去啦，好在啱啱都咬得晒，唔會食到揦手唔成勢，佢塊牛肉唔會太乾，會見到有少少牛筋喺度，所以會有少少咬口，都幾好食，唔知係咪因為啲菜嘅影響關係，塊芝士就唔係好溶，我諗如果整熱少少啲菜，咁塊芝士可以完全溶晒咁樣就更加好味。而薯條呢都係即炸嘅，所以都係好香脆，點埋番茄汁就更加好味。朋友個餐都好快到埋豬扒同雞扒都10分好食，佢啲豬扒有少少粉紅色嘅質地，因為係靚嘅肉先至會白裏透紅，而且好有肉汁，唔會一味只係乾爭爭，好好食。而雞扒都係有少少粉紅色咁樣好嫩滑，有肉汁好好食。整體來講都幾抵食，而且氣氛環境都幾好。朋友話喺馬鞍山呢個美食沙漠有間咁唔錯嘅餐廳，住喺附近嘅朋友真係要嚟試吓。而且佢嚟緊仲有萬聖節嘅套餐望落都好吸引，有機會會黎試下。…Read More