To promote a new salt and sugar reduction (RSS) dietary culture and living style to the people of Hong Kong, the Environment and Ecology Bureau, the Committee on Reduction of Salt and Sugar in Food and the Centre for Food Safety of the Food and Environmental Hygiene Department have launched the "Less-Salt-and-Sugar Restaurants Scheme" ("Scheme"). Restaurants participated in the Scheme will offer less salt or sugar options to the consumer or even tailor-make less salt or sugar dishes in designated restaurants. Participating restaurants will be granted with the Scheme Labels for displaying in the premises for public identification. For details, please click here: https://www.eeb.gov.hk/food/en/committees/crss/restaurants.html
是日餐湯係雜菜湯，雜菜湯味道濃郁而且足料。是日沙律係薯仔沙律，有紅菜頭汁伴碟，幾有心思。主菜揀咗經典雪梨酒 燴 和牛面頰，慢煮和牛面頰非常軟腍，食落帶點骨膠原。薯蓉細滑充滿牛油香
伴碟雜菜炒得香口
另一個主菜揀咗香煎大西洋鱈魚柳 檸檬牛油汁，魚柳表皮煎得脆身，魚肉結實帶鮮味。但係檸檬牛油汁檸檬味唔夠突出。慢煮creme brulee表面焦糖糖衣香脆，custard蛋味濃郁口感軟滑，帶點雲尼拿香，果然係好好味，難怪係呢度嘅招牌甜品！芝士蛋糕細滑香濃，配埋偏酸嘅藍莓醬好好味椰子雪糕係gelato，口感清新唔會太甜跟餐可以加錢轉飲咖啡同特飲，上次喺享慢煮泰飲過白桃芝味特飲覺得好好味，所以今次試下荔枝玫瑰紅茶芝味特飲，芝士奶蓋好好味，荔枝紅茶有茶香甜度適中，而latte味道不過不失。總括嚟講食物質素唔錯，午餐價錢合理。餐廳環境幾好坐得舒服…Read More
牛角包好熱，非常新鮮，好香好脆口，呢個配搭有d似食緊酥皮龍蝦湯，怪唔知得當前菜。主菜：龍蝦汁蟹肉伊麵鍾意龍蝦汁ge人一定鍾意呢個麵，個汁好濃好香，食完想再食。冬陰公蝦意大利飯蝦連殻，好大隻有蝦味,不過我哋d懶人平時都唔識剝殻，好彩幾大隻，容易剝。 意大利飯都好濃味，辣辣地，都不錯。 甜品：真空慢煮芝士蛋糕
十個like, 外表平平無奇，睇落份量不多，以為普通布甸質地，一食發現cheesecake 非常rich, 密度很高，離奇地幼滑，比想像飽肚， 好濃郁，好好味👍🏻 後來男侍應（店主？） 提及原來另一款甜品真空焦糖燉蛋更多人叫，下次有機會試下。咖啡流心牛角包流心很重咖啡味，牛角包十分脆口，不過我個人喜歡甜些，可能比較啱一d 不太愛甜ge人。 旁邊有爆炸糖粉，幾得意。飲品：Lunch set 果汁唔駛額加錢叫了橙汁，蘋果汁少冰，解渴同份量都夠服務：侍應們態度有禮，亦快手，成餐感覺不錯。值得推介👍🏻…Read More
。其實，中環食晏時間確實有好多人，故此，今次專登揀遠少少，就晌「元創坊」對下嘅「善慶街」，有間主打慢煮美食嘅餐廳「享慢煮意」，雖然位置喺有少少僻，勝在靜侷啲。鋪面以鮮黃為主調，非常醒目搶眼，而走進餐廳，裝修簡約，一室黑白黃為主調，黑色雲石餐枱，配舒服嘅梳化椅，最鍾意喺周圍都擺設咗唔少植物作點綴，令環境睇起嚟舒服好多:)。此外，都好欣賞牆上一大幅以粉筆畫成嘅食物彩繪，每種食材圖案都畫得栩栩如生，絕對喺畫功了得。午市提供嘅套餐主要喺主菜配飲品模式，視乎所揀嘅主菜款式，定價為$88-$158，而前菜及甜品為需額外加錢嘅選擇性選項，而飲品亦有升級優惠。
龍蝦湯流心牛角包 +$28老友睇過店家嘅食評，睇到差唔多枱枱客都會點，所以，佢都好想試一試。成品嚟到跟一般牛角包無咩分別，但一切開就真喺不得了，裡面嘅龍蝦湯真喺澎湃咁湧出嚟，老友就大讚個牛角酥好酥脆，甚富牛油香，而啲龍蝦湯亦好有質素，濃香而充滿蝦鮮味，老友講笑咁講，變咗個酥皮龍蝦湯。小弟就好奇做法喺點啫，點樣做到外層仲喺酥脆，而唔會被啲湯浸濕而變腍！西班牙黑毛豬腩配南瓜蓉及法式蘋果醬 $128以豬腩做主菜咁大膽都比較少有，所以，即管試試質素會喺點。賣相就非常之立體，加上餐碟本身嘅圖案，整體非常有藝術感，先試肥瘦相間嘅豬腩，雖然明顯都睇到一層層肥膏，但咬落唔會一口油咁肥，沾上酸活嘅蘋果醬，更加去除剩餘嘅油膩感，而南瓜蓉好清甜綿滑，嗰一片巴馬火腿亦鹹香好食，喺覺得得兩件豬腩份量上少咗啲。 招牌龍蝦汁蟹肉伊麵 $138老友就喜歡海鮮多啲，所以，就點咗招牌嘅龍蝦汁蟹肉伊麵。外觀已經覺得好吸引，除咗見到有唔少蟹肉，仲加咗好多蟹籽。伊麵質感比較軟身，但就好掛汁，老友話單喺伊麵撈汁已經可以清晒去，再者，個汁底確喺好濃郁，加埋啲蟹肉又好鮮甜，蟹籽卜卜脆，真不愧為招牌菜。 真空慢煮法式焦糖燉蛋 +$28平時提到慢煮，主要都喺處理啲魚類、肉類，連法式焦糖燉蛋都可以慢煮？其實小弟就唔喺好知個原理，但老友就讚啲燉蛋好滑溜，滑到一放入口就瀡咗落喉嚨，此外，蛋香味濃郁，面層嘅焦糖夠脆口，整體喺有水準嘅。 海鹽焦糖咖啡流心牛角包 +$28小弟就試個甜味嘅流心牛角包作甜點，皆因有焦糖同咖啡元素，喺小弟「飛弗」嚟。牛角包果然好酥脆，而裡面嘅流心餡好澎湃，一切開就湧晒出嚟，帶濃濃咖啡香，嗒落又確喺有陣陣鹹味，以牛角包沾嚟食，又幾得意啫。凍即磨咖啡 +$15、朱古力咖啡 +$25餐飲方面，我哋都加錢轉凍飲，小弟就簡簡單單要杯即磨咖啡，因為今日出面真喺好熱，真喺要搵杯凍飲涼一涼吓；老友嘅朱古力咖啡幾靚仔喎，佢話朱古力味同咖啡味都幾平衡，感覺唔錯。兩個食吓、傾吓都搞到小弟超晒時，所以，一埋單就飊返公司，但不時趁食晏咁樣聚一聚又幾好，最緊要老友請就我啫。…Read More
