Yamataka Seafood Market

築地山貴水產市場已經開業咁長時間，期間亦都見過唔少朋友介紹，而我其實都同男朋友入黎見識過，哈哈，只係未試過坐低食飯。呢度面積十分大，分成幾個區域，今日我地選擇嘅係壽司呢邊，位置比想像中多，而且坐近窗邊，對面嘅大樓已經以聖誕燈飾佈置。位於灣仔碼頭，今晚唔知乜原因，坐船免費，偶然遇上呢種小確幸，心情特別好裝潢有日本感覺，樓底夠高，雖然冇對住師傳用餐，但對住海景一樣舒適。餐牌供應壽司、刺身、凍海鮮、生蠔、小菜等，另有數款壽司盛，定價$88-398。豐儉由人，我地點左一款壽司盛、炙燒壽司盛、極上壽司盛，追加一份海鮮泡飯。壽司盛C $88壽司盛有赤貝、北海道帆立貝、甜蝦、赤身、間八魚，整體不俗，以帆立貝、甜蝦最鮮味炙燒壽司盛 $198炙燒壽司盛一共10件：油甘魚、中吞拿魚腩、帆立貝、金線鯛、牡丹蝦、左口魚裙邊、太刀魚，再加3件季節精選。一向都鐘意炙燒壽司，燒過嘅魚少左黏性，但魚油特別豐富，特別香，左口魚邊油脂都算多，牡丹蝦柔軟中吞拿魚我就比較喜歡吃生的，另略嫌飯粒偏硬啲。佢地嘅壽司冇加芥茉，而醬油係用掃上的。極上壽司盛 $398極上壽司盛比較豐富，一共12件：帆立貝、牡丹蝦、鯖魚、左口魚、深海池魚、金目鯛、中吞拿魚腩、大吞拿魚腩、北海道海膽，同3件季節精選。雖然部份款式同上面重覆，不過冇所謂啦，反正我地係分著吃。魚生整體都係新鮮，而且都有啲冇咁一般嘅款式，例如金目鯛、池魚。海膽鮮甜，水準不俗；池魚魚味濃郁相對中吞拿魚腩，大吞拿魚腩確係另一層次，入口魚油滿滿，極肥美。龍蝦海鮮泡飯 $68友人話想有啲熱野入肚，於是點左份泡飯。裡面有4隻蠔、半隻龍蝦仔同幾隻蛤蜊。湯有菇菌嘅味道，夠熱，飯粒分明，都算唔錯，海鮮中規中矩啦。香橙可爾必思梳打 $42…Read More

數個月前帶兩老去東京旅行，其中一個景點當然少不了遊築地，仲邊逛邊食，站站立食竟然對兩老無難度，厲害！只安排了一個早上的時間，真的不足夠，本應想再加插多半天，但行程緊密，最終告吹⋯⋯回港後，老爸常常提起築地，看來他很....當然既無時間又無錢再飛轉日本，咁不如帶他去香港築地，看看他又會否樂而忘返，哈！單單門面的設計已經很有feel, 一大幅日式布簾高高掛, 垂掛着幾個閃亮亮的大燈泡, 在寧靜昏暗的碼頭中特別耀眼。走進內裏, 先看看牆上的版圖, 清楚畫出整個場地各個位置。除了有主力三大食肆外, 還有零售部、外賣食物部、龍蝦食品部、梅酒區、冰鎮海鮮區等等, 選擇都不少。講返主力三大食肆, 分別有海鮮丼、浜燒和立食刺身壽司, 而今晚就揀了立食刺身壽司。雖說時立食, 其實都有得坐, 只是全部高枱高櫈, 設有壽司吧枱、多張四至八人枱, 還有一排對着碼頭美景的單人枱。能對着美景吃美食, 當然是最佳位置, 就坐這裏吧!枱上已放有木筷、紙巾、牙韱、醬汁、餐簿和點餐紙, 都算齊備。翻開餐簿, 每版都附有相片, 還有鮪魚的解體圖, 設計精美。主打食品是刺身和壽司, 還有凍海鮮、生蠔、小菜, 另外還可走到大水缸區揀選心頭好, 每款都列明價錢, 可即點即割刺身及即燒海鮮, 更滋味!**************************先來梅酒list 內足足有十款選擇，可揀一支、一set五杯或一杯, 我倆就揀了梅酒 Set ($98/5杯)齊齊乾杯。在當中選了三款口味，一杯古城梅酒 Kojirou Umeshu、兩杯紫蘇梅酒 Red Shiso Umeshu 及兩杯草莓梅酒 Strawberry Umeshu。以一個五層梯級形的木架盛載上枱，木架上還刻有 "山貴"這名字，具代表性又有特色。還配備放有冰粒的酒杯，喝冰凍的酒更爽呀！先嚐最頂的古城梅酒，梅味最突出，酒味濃，味道又不會太甜，它最討我喜歡。下層是兩杯紫蘇梅酒，啖啖的紫蘇香，而梅味則較弱，味道比前者清新，反而吸引老爸。最底層就是兩杯草莓梅酒，酸酸甜甜，味道特別。**************************大家都想食海膽和香蔥吞拿魚腩蓉, 如一件分半, 又怎會夠喉, 還是要兩客壽司盛D Sushi Set D ($88), 吃得盡興。一set五件，每件大小中等，米飯粒粒圓潤，握得紮實而不鬆散。分別有香蔥吞拿魚腩蓉軍艦、海膽、三文魚子、三文魚和油甘魚。逐一品嚐之前，先跟指引滴下醬油，不要直接掃在壽司面，記住呀！先嚐來自挪威產的三文魚 Salmon- Norway，油脂分佈平均，肉質柔軟鮮嫩；來自鹿兒島油甘魚Yellowtail- Kagoshima 色澤亮麗，味道鮮美；來自北海道的三文魚子Salmon Roe-Hokkaido 粒粒圓潤飽滿，晶瑩剔透，爆出鹹鮮味，跟米飯吃一流。輪到最期待的兩款，香蔥吞拿魚腩蓉軍艦 Minced Tuna Belly With Spring Onion Gunkan 色澤粉紅亮麗，油潤肥美，介乎入口即溶，很鮮美！而海膽 Sea Urchin 色澤雖不金黃，但入口甘甜，油潤豐膄, 跟粒粒圓潤的壽司飯同吃，相當滋味。兩者都鮮味，唯獨是紫菜已不脆身，幸兒並不濕韌。**************************有壽司又怎能少了刺身, 揀了一客三件的間八魚刺身($68), 還伴上些清爽有益的海帶、昆布、海藻 等日式沙律菜。每件都相當"令"身，肉質透亮紅潤，看起來非常新鮮。全是厚切，口感一流，柔軟帶微爽，肥美油潤，充滿魚香，吃時配上少許山葵醬汁，令人吃得滿足。**************************是時候吃些熱食暖暖身, 龍蝦海鮮泡飯 Lobster and Seafood Rice In Soup ($68)熱辣辣上枱，分量亦不少，單單面頭大大件龍蝦已絕不欺場。舀幾舀，內裏還有一隻肥美的鮮蠔 和一隻鮮甜的蜆肉，兩者同樣很新鮮。而潔白的龍蝦肉 又彈牙又鮮味，質素不俗。再呷口熱湯，味道鮮甜，一點也不油膩，順喉暖身，而米飯 則索盡湯的精華，還夾雜少許蔬菜絲，美味得很。------------------------------前幾個月去完日本築地, 今晚就去了香港築地, 現在香港也有了, 還要是靚景美食美酒在當前, 老爸那麼盡興, 他應該不會再嚷着要去日本築地, 最多要我陪他再來這裏, 咁就無難度啦!…Read More

築地·山貴水產市場都開了一段時間，今日終於約到朋友黎到呢到食晚飯。我們選了市場最入面的壽司吧食壽司同刺身，沿途經過超級市場，有不同種類的產品售賣，亦有食海鮮丼、浜燒海鮮及其他美食的區域。壽司吧環境舒適，而且樓底高空間感強，望埋個靚靚夜境，夾啱時間仲可以睇到幻彩詠香江，真係 good feel。先叫了個龍蝦海鮮泡飯暖暖胃先。賣相靚，材料又豐富，主打的龍蝦，食落肉質爽口又有彈性，味道亦鮮甜。除了龍蝦，還有大大隻的蠔肉和蜆肉及其他配菜，而且湯好清甜，又熱辣辣，食落令人回味。想不到這個泡飯咁有驚喜！另外叫了 Set A 吞拿魚壽司盛和海膽手卷。一次過可以食到五款不同的吞拿魚壽司，由上至下有大及中吞拿魚腩，當然唔少得赤身啦，還有炙燒吞拿魚腩及香蔥吞拿魚腩蓉軍艦，件件都咁好食，令人食指大動呀！吞拿魚新鮮肥美，食落有口感，而且肉質嫩滑！而海膽手卷啲海膽好鮮甜，份量超多，每一口都食到美味的海膽！十分期待的山貴刺身盛、珍寶北海道牡丹蝦同三文魚腩，件件都厚切又閃令令，睇見都想食，好正。刺身盛有鮮甜的海膽、入口即化的吞拿魚腩及其他美味的刺身。不容忽視的牡丹蝦，味道甘甜又大隻，食落啖啖肉，令人想再encore！而三文魚腩新鮮美味，肉質嫩滑，食得好滋味！今餐有新鮮超正的刺身同壽司做晚餐，配上靚靚的夜景，加上餐廳環境寬敞恬靜，令人感到好滿足！…Read More

久聞其名, 一直沒有機會拜訪, 直至這個星期六, 同朋友約定去一次咁多啦, 鋪位分開入口部份是外賣檔及超市形式,內部則以乾濕貨填滿, 可惜各樣都要有得賣的情況下,通常會變得沒有哪一類型似主打可以突圍而出,價位亦做不出一個較具競爭力的價位, 如果硬要選一類產品作為有睇頭又較為有競爭力的? 可能會係包裝後嘅魚生/ 魚頭之類的產品, 因為保鮮期好有限,迫住店方要以20蚊左加右賣出一個魚頭,其實都係下欄野, 不過有時呢d下欄野都會被某些大型超市推至百幾二百一個魚頭, 所以這裡的魚頭算是划算的了, 講返食肆今次試咗入面嘅壽司店, 景觀唔差天花夠高, 不過我們坐高枱的枱底一條橫鐵條會頂腳, 只能盡量將櫈面較低避開那條鐵, 先叫了宇治抹茶, 鮮綠色望上格外清新, 但其實只是一個少少近似沙冰的綠茶味飲料, 成35蚊杯一點不平易, 綠茶味算有番咁上下嘅飲到底都不會是冰水, 還飲到係綠茶，再叫了餐牌上的set A $165 & D $98SET A是長崎產吞拿魚盛 , 計有大吞拿魚腩/ 中吞拿魚腩/ 赤身/ 炙燒吞拿魚腩/ 香蔥吞拿魚腩蓉軍艦, 總共五件, 不過我們並非吞拿魚專家, 分不出大吞拿魚腩同中吞拿魚腩的分別, 赤身只係赤多少少而已, 火炙同軍艦就一望而知啦, 食咗吞拿魚腩蓉軍艦無疑軍艦外層紫菜還有少少脆口, 但吞拿魚腩蓉並沒有落太多調味醬油之類的東西未感覺太震撼亦是正 常, 仍舊是比較淡白嘅魚味, 唔覺太多魚油或者魚的鮮甜味!SET D 係油甘魚/ 三文魚/ 海膽/ 三文魚籽/香蔥吞拿魚腩蓉軍艦, 總共五件, 這裡吃了海膽, 味道係新鮮嘅, 甘味並沒有太突出, 跟住走到海鮮檔落柯打, 赤貝(刺身)兩隻$118非常之鮮味同爽脆, 沾一沾醬油甚至免沾醬油一樣咁”正”!清酒牛油燒東南亞帆立貝兩隻$100同樣精彩, 雖然帆立貝燒後縮水尺寸較細但還是大於彎月形的白色生殖噐的1/3左右, 貝肉緊緊熟沒有唔新鮮嘅腥味,\配合酒香同牛酒香, 淡淡嘅清香配上海鮮味, 無須太多花巧或者技術只要食材新鮮足以用最少嘅工藝做出上佳的料理, 當日其實有另一隻北海道帶子(刺身用)但要$150/隻, 貴得有點過分, 還好點了這個東南亞帆立貝一樣精彩, 今次在這海鮮檔發現有鬼爪螺一份賣$280, 這種在歐洲被吹捧得厲害但外型完全是醜陋到不行的螺類, 在本港大部份小島沿岸礁石邊經常有見到佢地嘅踪影, 一般都是一堆堆大大小小生活在礁石隙縫內, 在外只見到她那爪子, 身軀部份則是包裹着恐龍皮那樣的外層, 睇到都唔係幾想同佢有接觸, 原來撕開外層後內裡只是一條吸管狀的軟組織, 相對蜆肉這絕對屬於少肉, 這條小飲筒口感有點橡膠但也有點海鮮味嘅, 反而一搣開外皮時那泡汁液更有鮮味, 吃這東西是一次有趣的體驗但應該唔會太有興趣食第二次了, 跟住我們去咗另一檔食燒物的檔口, 我們吃了燒南非五頭鮮飽魚, 口感夠彈牙亦有鮮飽味, 呢個鮑魚係有人請食的, 但其實原價都係98/隻, 呢種地方係賣呢個價啦! 海螺5隻$65喺呢度算最平的一品了, 又是對路的, 雞泡魚干$50 沒有什麼驚喜吧, 龍蝦海鮮泡飯$75 有一小截龍蝦尾,份量是一個人份量, 始終龍蝦也只是一小截龍蝦尾出不了多少龍蝦味道吧, 野菜烏冬$42 也是一個人份量,比較清淡口味但亦配合主題, 野菜嘛不能太濃味吧! 野菜是旺菜,紫菜,蔥白千絲,燒雞軟骨串$18/串, 價錢雖然貴但好好手勢, 燒得恰到好處又唔會灑太多塩, 整體滿意嘅, 如果每樣食物大多1/3的話更加滿意添…Read More