Wing Wah Southeast Asia Cafe

趁天氣幾舒服，難得同姐姐一齊放假就去行下中上環，感受一下附近的文青氣息🤭沿途經過一間冰室，外圍是一幅我最愛的湖水綠顏色的牆壁，一於係冰室醫下肚仔先再行啦🤭我和姐姐點了兩份餐👍🏻💛南洋特式常餐：選了豬扒米粉，配特飲龍眼冰👍🏻常餐跟炒蛋、香腸，火腿及多士。份量非常足夠，最欣賞就係湯底，味道是餐廳特別調配，清湯都有種東南亞風味😋💛冬陰功湯海鮮金邊粉：估唔到冰室都有冬陰功湯飲，而且湯底媲美外間的泰色餐廳，配上多款海鮮及金邊粉，實在令人回味🤭😋💛不得不提龍眼冰，配泰國梳打水，而且加上新鮮龍眼肉滋潤得黎又夠Fresh👍🏻餐廳📍上環差館上街1A號地下📍榮華南洋冰室 *價錢抵食😆*味道👍🏻😋…Read More

已經很久沒有去泰國，記得朋友早前介紹這間位於上環的榮華南洋冰室，今晚和太太就來試一試水準。餐廳裝潢十分醒目，用上復古南洋風格作為主題，座位亦寬敞舒適。餐廳主打泰式湯粉飯類，有多種不同的配撘，亦有提供小食及特色飲品等。海南雞脾油飯雞脾完全去骨，雞肉嫩滑而味道豐厚濃郁，澆上的醬汁味道溫和，為雞肉增添一道鮮味，而顆顆如珠的油飯還帶點雞香鮮韻，包著一層雞油，發出光彩，潤而不油，方能稱上美味。配上自家秘製的辣醬，惹味非常，令味道更上一層樓。冬蔭功湯海鮮金邊粉原個鐵鍋熱辣辣上枱，香氣十足，先呷一口湯底，味道酸辣刺激但不嗆喉，檸檬葉、香茅、青檸、紅辣椒味道層次分明，只是比泰國地道的少了一分辣度，海鮮份量亦不少，有青口、魷魚、蝦等。龍眼冰亦點了一客龍眼冰，原支梳打水送上，一吸入口，頓然遍體生涼，暑氣全消，龍眼味道清甜可喜，同時腴而不膩，是夏日佳饌。…Read More

陪媽媽番工前食個lunch, 媽媽帶左我去呢間冰室, 裝修簡約但頗有特色。是日天氣有啲炎熱，叫左杯冰凍既龍眼冰，真係有好多冰，叫少冰會比較好，比較特別既係龍眼冰加入左梳打水，更加有冰涼既感覺惟龍眼味不足，只有甜味。主食點左海南雞脾飯，媽媽點左冬陰公扎肉金邊粉配豬扒。海南雞脾飯配以黃黃既油飯，飯粉分明香口，雞脾都比較多肉同嫩滑，份量頗足另一道主菜既冬陰公湯底都頗為濃郁，酸酸甜甜很開胃。整體來說餐廳食物水準不俗，待應生亦相當有禮貌…Read More

最近，在上環行街，有個女生派傳單，原來是新店 <榮華南洋冰室>！ 小店位於上環差館上街中間，對面是 Upper Modern Bistro！店子有兩個門口，分別是差館上街及一條小橫巷！供應：港式、泰式、南洋...等...美食！早餐 8:00~11:00/ 下午茶 2:30~5:00 由 $26~$42另可選 $38 的福麵餐送熱飲/ 凍飲+$3/ 特飲、支裝雪碧、忌廉+10/支裝可樂+15/ 椰青+20星期六早上，這裡寧靜舒適！:)紙皮石地板、掛上方形掛畫，簡約的冰室裝潢！播放電視打破沉悶氣氛， 桌上已備有調味料、餐具及牙簽..等。略嫌叉子生銹！特色南洋早餐：蜜味粟米杯 $15、南洋烤多士 配㗎吔 $26、龍眼冰 (特飲+$10)=$51蜜味粟米杯 $15恐怕不夠飽，點了一個粟米杯！ 雖然粟米細細粒，但是很甜美！南洋烤多士 配㗎吔 $26多士烤至表面金黃香脆！㗎吔味道甜美，跟蓮蓉有幾分相似！龍眼冰 "少冰"(特飲+$10)男店員提醒我先攪拌才飲，否則會好甜！加入梳打水，就算叫少冰依然有不少冰，冰涼透心，粒粒龍眼肉爽清甜！ 拌勻後，甜度恰到好處！…Read More