ISAKICHI

提到九龍城自然會想起泰國菜，不過今次朋友帶我來品嘗海鮮丼。裝潢以淺木色為主，牆有一幅漁夫捕捉海鮮的壁畫，意味著餐廳用料新鮮。 名為海鮮丼專門店，開宗明義主打海鮮丼，供應十款以上的丼，客人亦可因應自己的食量去選擇飯量，相當貼心。亦有小食和刺身提供。龍王丸 ($238)原隻熟龍蝦外觀非常霸氣，視覺看起來超澎湃，裡面還有三文魚、帆立貝、左口魚裙邊、三文魚籽和蟹籽，滿滿一大碗，賣相非常吸引。三文魚厚身肥美，蟹籽份量極多，與醋飯一起吃，更添口感。龍蝦肉質彈牙扎實，肉味道濃郁。帆立貝經火炙後，入口帶有一陣燒烤的味道，口感先紮實而後柔軟。漁吉特選丼 ($198)一碗有齊多款魚生，包括三文魚、油甘魚、產地直送鮮魚、星鰻、帆立貝、三文魚籽、櫻花魷魚、赤蝦、蟹籽、左口魚邊，相當豐富，最適合心大心細或有選擇困難症的朋友。各種魚生鋪滿了整個飯上面，讓人食指大動。左口魚邊輕輕火炙過逼出油脂，香口滑嫩。 櫻花魷魚爽口有嚼頭，口感豐富有層次。燒鱈魚片 ($38)每一口咬下去都會發出脆口的聲音，香脆可口。…查看更多

我一直以為九龍城淨係得泰菜出名😂原來仲隱藏住咁浮誇咁美味嘅日式料理小店！佢地主打足料丼飯 用料唔止新鮮 仲好捨得首先不得不提既係佢哋嘅麵豉湯真係好好飲！絕對唔係開粉飲到成口怪味個種 飲得出佢係煲出黎重點係佢仲係自助任飲！我未開始食就飲左2碗😚我地叫左2個前菜蒜香厚切牛舌 好香淋嫩滑 配埋炸蒜好香口另外仲叫左漁吉蒸蛋除咗外表優秀佢仲好有內涵上面舖滿左海膽同三文魚子食到裡面仲有 松葉蟹肉，雞肉，冬菇，銀杏同埋鳴門卷每一啖食落去都有驚喜😋講到主角 我食嘅丼飯係龍王丸龍蝦超浮誇😂好特別！上面有舖滿滿嘅蟹子裡面嘅三文魚仲好肥美 入口溶化三文魚子同帆立貝亦都好鮮甜肥仔食嘅期間限定 蟹三味 都好吸引裡面有香箱蟹肉，松葉蟹肉同埋蟹腳我對蟹其實一般般 但係了咗肥仔一啖蟹肉 好鮮甜！而且蟹肉嘅份量超多！了到好深都仲有絕對唔係大碗飯少少餸塞飽你個種呢個對我真係好surprise 即刻決定我要再黎挑戰😂因為我自己好怕腥 所以我對魚生同海產嘅味道好敏感但佢地呢度所有食材都好新鮮 味道鮮甜☺感覺太幸福…查看更多

/漁吉🇭🇰/#sa九龍城篇 #sa良心小店篇➖➖➖成就解鎖🔓終於去九龍城食野九龍城一向好出名食泰國菜除咗泰國菜其實都有好多唔同嘅菜式今次就去咗食日本丼飯佢哋嘅丼飯足料 麵豉湯可以無限refill➖➖➖1️⃣龍王丸（少飯) $238 材料有:熟龍蝦、三文魚、左口魚裙邊、帆立貝三文魚籽、蟹籽▪️▪️▪️龍蝦肉爽口彈牙 三文魚厚切肥美最鍾意就係左口魚裙邊有炙燒嘅香味蟹籽嘅份量頗多 將近啖啖都係 爽口三文魚籽充滿鹹香 頗新鮮👻帆立貝嘅味反而冇咁突出 口感較腍最後仲有印咗舖名嘅厚蛋玉子燒💕壽司飯同醋比例剛好 就算少飯 份量幾多下➖➖➖分數: 7.8/10➖➖➖2️⃣期間限定: 天丼 $168 餸係天婦羅多種唔同嘅餸🙆🏻‍♀️每樣嘅存在感都幾突出唔會好厚粉有蝦、日本番薯、茄子、冬菇釀蝦日本番薯鮮甜 蝦肉有嚼口感覺幾新鮮冬菇同樣充滿鮮味但入面嘅蝦膠稍為冧咗啲而size相對冇龍王丸咁大🤔➖➖➖分數:7.5/10➖➖➖3️⃣漁吉蒸蛋 $48蒸蛋超足料 係我食過最豐富嘅蒸蛋每一啖蒸蛋配一款餸 好滿足▪️▪️▪️有海膽、鳴門卷三文魚籽、松葉蟹、銀杏、雞肉同冬菇▪️▪️▪️海膽唔會好苦 但稍為焗熟咗少少三文魚籽同樣充滿鹹香雞肉嫩滑 冬菇鮮甜 白果幾有咬口但松葉蟹嘅存在感反而冇咁高蛋充滿蛋香但用個蓋焗耐左所以稍為老咗啲🙈即到即食會好啲➖➖➖分數: 8/10➖➖➖📍漁吉(九龍城本店)九龍城衙前圍道84號地下A舖…查看更多

係附近返學想試，對學生黨嚟講好貴，梗係引誘一樣中意飯魚生又捨得飯嘅爸爸去，俾咗斷間餐廳佢揀佢一嘢就指住呢間話好正咁🤣漁吉特選丼($198)選擇困難症的人選這個就對了，有十一種海鮮，刺身則每種有一塊。丼飯一到就已經覺得這個價錢值了，外面的單點壽司價錢都不便宜，十一件很多都不止這個價錢了。每款刺身都很新鮮👍🏻而且厚度十足，蟹籽份量多，櫻花魷魚口感爽口，有鹹鮮味，挺特別。海膽鮮甜不腥，帆立貝和左口魚輕輕炙過，有焦香。除了刺身，每碗都有一塊印有店名「漁吉」的玉子燒，厚實微甜，配飯好吃。還有一塊青檸，吃到中段可以擠在刺身上解膩。醋飯味道剛好，夠酸不會蓋過刺身的味道。另外每桌都有一壺味增湯，可以自己倒，記得先搖勻。丼飯的份量比較大🍚而且都有配蔥，有需要少飯或走蔥的記得在點單紙上寫，不要浪費食物。我是能吃完的😗爸爸要少飯龍王丸🦞 ($238)外表已經夠霸氣，龍蝦肉的份量夠多，而且有很多蟹籽魚子，爸爸🧔🏻表示很滿意。…查看更多

高質丼物 鮮味味美兼食得安心這家餐廳位於九龍城一帶，位於因工程醜聞而無法順利通車的沙中線宋皇臺站其中一個出口附近，即使是平日夜晚又位於老區，人流卻不斷，到訪當日餐廳幾乎滿座，等了一回方能就坐。店子一面牆上的漫畫風壁畫，以日本漁夫捕魚為題材，色彩鮮明亮麗，如此氣氛在了無生氣的老區中可謂十分突出。黃金伊勢海老丼 ($238)一送到已感感受到海老的份量，原隻送到，大大隻視覺效果已經一流，而且散化着陣陣的海鮮香味，龍蝦肉配上滑蛋，增添了口感，既嫩滑又爽口，真正精華在龍蝦頭中，釀入了飯，加上龍蝦膏和海鮮的香氣，完美！龍王丸 ($238)另一款就是龍王丸，由龍蝦肉，帶子，三文魚等組成，相比之下，較伊勢海老細份，不過食材花款更多，主要由各色刺身取代大份龍蝦，刺身常見的類型，質素不俗，但不算特別，當然，龍蝦才是主角，爽口，還略帶海鮮的鮮感。清酒煮大蜆 ($42)勁足料蜆多到滿哂，蜆肉鮮味，也較坊間的大隻，另外伴有粉絲，盡吸湯底和蜆的精華，非常入味，值得推薦，我湯和粉絲都無放過，一啖不留，必食！餐廳三款食品質素均好，而且作為良心小店，We connect協助學生，食得開心又食得安心，何不一去再去，難怪人流不斷！！…查看更多

之前已經係ig留意到呢間漁吉海鮮丼既刺身丼飯非常吸引 所以今日就特登去左試😊 呢到丼飯既選擇都唔少 每款都好似好豐富 仲有期間限定 真係睇到花多眼亂😍 落完order記得要飲番碗漁吉味噌湯 每枱都有一個暖壺係枱面 任飲架熱辣辣好香濃😋丼飯方面我地就揀左龍王丸同期間限定嘅蟹三味🤤 龍王丸超誇張 有成6款配料 包括原隻熟龍蝦 三文魚 帆立貝 左口魚裙邊 三文魚籽同蟹籽 丼飯原隻龍蝦頭上 吸引到不得了😍 龍蝦肉煎香 肉味香濃好新鮮 龍蝦頭仲有好多膏架👅 每款刺身都食得出好新鮮 特別鐘意佢地每碗丼飯都有半個青檸 加上青檸汁既魚生飯格外清新 好好味👍🏻蟹三味分別有撈左蟹膏同無膏既蟹肉 松葉蟹腳同海量蟹籽組成 好誇張 每啖飯都可以食到啖啖蟹籽同蟹肉 非常鮮甜好味🤤 2碗飯既份量都超大 女仔可以考慮叫少飯😉另外我哋仲叫咗個小食 明太子雞翼 香脆可口 雞翼入邊內藏滿滿既明太子 好惹味抵食🌟…查看更多

去到九龍城搵食，今日唔想食泰國菜，於是睇下有咩其他選擇，成日喺九龍城街市附近行黎行去，喺街口轉角位見到有間裝修幾搶眼同大間嘅日本舖頭，同附近九龍城舊區嘅傳統泰國舖頭好唔同風格，所以俾佢吸引咗睇下食咩先～原來食日本野，以丼飯為主，醒起之前成日見人Po ig有個蟹王丼幾正，所以衝咗入去試下，可能都仲係6點幾，唔算多人，2個人入去仲可以揀位坐✌️一坐低侍應即刻介紹每枱都有用魚頭煲嘅麵豉湯任斟，佢全間舖頭得一部ipad俾人睇下啲丼飯相，然後就一人一張丼飯紙俾你落單，每款丼飯都可以揀少飯同走葱，夠細心👍我地揀咗頭兩個亦都係最貴嗰兩個丼飯—龍王丸同蟹王丼一黎到俾隻龍蝦同個碗嚇親，好巨型，個碗好大，啲飯好多，心諗：早知叫少飯，上面鋪滿龍蝦肉、火炙帆立貝同左口魚各一、兩片三文魚同蟹子，龍蝦肉鮮甜彈牙，蝦頭多膏，食得出新鮮，火炙左口魚油甘肥美，只有薄薄一片略嫌唔夠喉，其餘配料不過不失而已！另外一個蟹王丼係令我期待嘅一款，雖然個碗比龍王丼細，但整個飯碗都俾松葉蟹肉同三文魚子鋪滿哂，震憾程度絕對不比龍王丼輸蝕，無限嘅蟹肉鮮甜，三文魚子爆汁，加上兩片甜到漏又冇鯹味嘅火炙海膽襯托，層次豐富，我個人覺得依個比龍王丸意想不到的出色！但同樣地，都係飯好多，食唔哂！最後侍應等我地食到差不多再送每人兩粒嘅炸芝士年糕丸，竟然幾好食，啱啱炸起，薄薄嘅糯米皮包住忌廉芝士唔太漏，甜甜地又有芝士咸香，都幾驚喜！…查看更多

今日放工去左九龍城探朋友, 佢知我喜歡食刺身, 於是就帶左我去一間九龍城人氣幾高既丼飯專門店潮聖。餐廳內面積不大, 地方企理, 每檯有一壺味噌湯, 可以無限自行添加, 倒前要搖勻, 不過搖勻後依然覺得味道過鹹, 只飲了一啖就放棄了。目光轉移至MENU上既丼飯, 每款丼飯都有列明刺身款式, 我地就揀左全場最貴的兩款, 看似最吸引!【蟹王丼】HK$238賣相非常豐富, 已拆殼蟹肉、海膽、魚籽, 同埋大量三文魚籽, 整整覆蓋了丼飯, 主角蟹肉超鮮甜, keep到蟹原汁原味, 份量十足, 每啖飯都可以食到梳梳蟹肉, 海膽大大粒, 甘甜唔腥, 加上大量三文魚籽, 令口感層次豐富, 兼有魚油香, 正!!【龍王丸】HK$238原隻龍蝦非常吸晴, 龍蝦已被預先拆肉, 切成一小段, 質地爽彈鮮甜, 三文魚厚切帶魚油, 帆立貝表面經火灸, 香口得黎又食到刺身口感, 左口魚裙邊同樣被火灸過, 迫出了魚油, 同樣都有三文魚籽、蟹籽, 但份量比起蟹王丼少, 食落層次相對下冇咁豐富【海虎蝦天婦羅(3隻)】HK$88即叫即炸, 表皮唔算好脆, 入面隻蝦略帶爽口, 除左平時點開既天婦羅汁, 仲有少少梅子粉, 甜中帶少少鹹。 入夜後, 果然門外開始出現等位潮, 餐廳整體質素唔錯, 刺身都很新鮮, 飯量亦可自選330g/200g, 滿足到唔同人既胃口, 同時亦唔會浪費食物。 …查看更多

之前聽朋友講依度嘅龍蝦丼好正！好吸引！就特登過黎食！依度好特別嘅係無茶比你 係每枱有一大壺麵鼓湯！平時啲餐廳都係得一碗，依家可以飲好多碗🤣依日嘅重點 龍王丸！有好大隻龍蝦！好多膏！仲有帆立貝、三文魚、三文魚籽、蟹籽同玉子，好足料！入面勁多飯，1個人應該食唔晒！赤城金栗可樂餅 炸得好香脆！外脆內軟 栗子好甜😋…查看更多

去到九龍城泰國餐廳多就係人都知，上星期五行行下俾我見到間新開日本餐廳，所以就走左入去試試門口光猛，位置優越，係正十字路口，衙前圍道 南角道交界龍王丸材料有：原隻龍蝦、帆立貝、左口邊、蟹籽、玉子、三文魚樣樣食品都好新鮮清酒煮蜆：蜆肉肥美，清酒夠白，最緊要真正平民價$38真係邊度都搵唔到蒜香厚切牛舌 雖然厚切但肉質很（林）身，美味可口，食唔停口$38超值關西雪姬（冷豆腐）豆腐好滑，上面加左一隻隻櫻花蝦加上胡痳醬有另一番風味，口感唔錯$38邪惡之雞翅：點解會叫邪惡呢，我諗就係因為佢外面炸得好脆同樣係$38仲有免費任飲味噌湯蟹王丼材料包括：熟蟹肉、海膽、三文魚籽、蟹籽、玉子豪快海鮮丼其實即係用平民價錢食到什錦刺身飯$128…查看更多

好多年都無入過黎九龍城搵食，不過今次我係為龍王丸而黎，賣相吸引之餘個名又夠霸氣，一向鍾意食海鮮既我見到都為之心動😍。由於係每日限定，所以今日六點幾已經黎霸定個靚位，估唔到咁早已經有唔少人了。餐廳環境唔算好大，一入到去就見到大大幅好搶眼又可愛既釣魚畫作，加埋天花上既魚網效果，幾match幾別緻。餐牌一覽，龍王丸我黎喇！！！！✨漁吉味噌湯：已經預先裝好一大壺，仲可以任飲嫁，飲水飲茶飲得多，食日本野任飲湯都係第一次。本身仲以為唔會好熱，但倒出黎係熱到出煙。呢個湯味道非常鮮甜，唔係平時得個咸字既味噌湯。真係飲完一碗要再添。見到日本產地直送既飲品都好想試，由於店員話一批批來貨，所以唔係款款都有。✨最後試左山梨葡萄同靜岡哈蜜瓜汽水（各$28),兩款都果味濃郁唔會太甜，我自己就鍾意山梨葡萄多d, 味道有d 巨峰提子feel, 酸酸甜甜very nice.晏晝留定肚，就係等今晚瘋狂叫小食😂✨汁煮豬軟骨（$42): 呢個煮得非常入味，入口都算淋，不過因為有d 部位偏瘦所以食落會痴牙。但係味道其實唔錯的，係食食下有d 偏咸，原來店員話平時有芽菜鋪底的可以中和咸味，不過今日咁啱無晒，可惜可惜。✨關西雪姬（$38)👍🏻: 呢個我最鍾意，凍冰冰既冷豆腐同胡麻醬真係絕配，豆腐夠晒滑嘟嘟。面頭仲勁多櫻花蝦同蔥花😍雖然櫻花蝦味道唔係好濃，但脆脆地又帶點咸香，菜式簡單得黎，食落感覺好清新。作為前菜，係唔錯既選擇。✨蒜香厚切牛舌（$38): 其實我平時都好少食牛舌，不過見男朋友叫左，就試一舊。佢個肉質非常淋，仲淋過豬軟骨，唔似平時燒牛舌果種爽爽韌韌既質感，唔講都唔知係牛舌以為係一塊肉黎😳。就咁食其實就無咩咸味，但個牛味算濃唔會膻。所以要配埋側邊個柚子胡椒，呢個醬點小小已經好夠咸，咸得黎個辣味好嗆，點小小已經成個口充滿果種胡椒辣勁。加埋牛舌上既脆卜卜蒜粒，食落感覺又幾過癮。終於嚟到期待以久既魚生飯環節✨蟹王丼（限定價＄198)👍🏻: 貴為限定一定要試下，蟹肉，蟹籽，三文魚籽都非常之多，實在邪惡。蟹肉鮮甜，三文魚籽雖然唔算好大粒，但咬落咸鮮味立即湧出黎。兩者加埋，蟹肉鮮味更加提升，即使唔使點豉油，個飯其實已經好咸香，好好味。我好鍾意佢個飯，超級多蟹籽同三文魚籽，食落啖啖都" b le bob 咯" 聲，味覺同聽覺既享受。佢個海膽輕輕灸燒過， 食落更加creamy, 入口即溶！味道幾鮮甜，真係唔多夠喉😭另外我都好like 佢 d 飯有大量蔥，好香。同埋佢個wasabi 係新鮮磨蓉，小小已經好攻鼻好嗆。如果個飯有埋蟹膏就更加不得了😍壓軸出場當然係引頸以待嘅龍王丸！！！✨龍王丸（限定價 $198): 原隻龍蝦，賣相唔使講霸氣十足😍要影番緝靚相先開始食！龍蝦都唔少，食落鮮甜啖啖肉，肉質爽口彈牙，記得要食埋蝦頭d 膏啊。 入邊仲有帆立貝，不過呢個我覺得比較淡味。反而火炙左口魚有驚喜，肥美程度非常高，入口爆滿油香。 另外三文魚都幾鮮甜，卷花入邊仲有爆多蟹籽，非常正。呢碗飯份量都幾大，最後食剩左好多。呢度d 爆丼真係幾新鮮幾好味又足料，最鍾意佢每啖飯都充滿住蟹籽卜卜脆既口感，同埋夠多蔥。今餐真係好好好好飽好滿足。 叫得太多野食張枱都有點迫，食得有d 狼狽。如果櫈底有個籃放下袋就更加好。我好貪心，雖然有湯有汽水飲但食日本野點都仲係想飲番啖熱茶😂，好彩問店員拎都有既。近期食過幾間爆丼，最鍾意都係呢間👍🏻…查看更多

自從中學畢業以來甚少踏足九龍城，聽說九龍城開了新刺身飯，有招牌原隻龍蝦飯和新鮮蟹膏蟹肉丼，為了一嚐人氣龍蝦丼鮮味，特地來九龍城搵食。餐廳門面很有日式簡約風格，招牌不算很起眼。裝修有漁村風情味道，座位不多，但位置充足舒適牆上鮮豔奪目的壁畫很可愛，漁夫在釣魚，旁邊還有招牌龍蝦和巨蟹，細心一看右下角簽署是手繪作品，非一般的印刷品呢！餐廳主打刺身飯，連限定款共16款之多！（新張期內暫未提供限定款）另有茶碗蒸、湯、小食及多款飲品提供。原本跟朋友想點餐廳招牌龍王丸及蟹王丼各一，再額外點一份茶碗蒸，經店主提醒後，決定只點一款，幸好有聽建議，因為這裡的刺身飯份量很多！兩個人Share倬倬有餘呢！不愧是招牌之一！不論是份量或是食材都當之無愧！龍王丸採用的龍蝦是原隻伊波龍青龍蝦跟坊間一般酒樓餐廳提供的冷藏波士頓龍蝦很不一樣！這份龍蝦肉質鮮美多汁，明顯是新鮮貨，沒有雪藏味，龍蝦肉彈牙爽口，紋理分明而且絕對是一整隻無花無假！愛吃龍蝦膏的絕不能放過龍蝦頭龍蝦頭內膏黃甘香，把金黃色蝦膏刮起用來沾飯吃一流連蝦腳內也有豐富龍蝦肉，不要浪費除了滿滿龍蝦肉，還有我最愛的火炙左口魚、火炙帶子和肥美甘甜的三文魚刺身，食材新鮮又豐富，極滿足食物跟宣傳海報的相片完全一致蒜香厚切牛舌份量十足，$38/碟有6-7片厚切牛舌，上面灑滿香蒜粒、蔥花，還有柚子胡椒放碟邊供調味。別看牛舌有差不多0.5公分厚，但煮得很稔很入味，沾點柚子胡椒更惹味而我和朋友倆都酷愛茶碗蒸，就各點了一份海膽蒸蛋和漁吉蒸蛋。海膽蒸蛋上有一片海膽、蔥花和少量蟹籽。元X 或是一般日本餐廳因為要遷就香港人口味（就是重口味）都會加雞湯蒸（坊間食譜也建議用高湯），而這裡的蒸碗蒸則是沿用日本傳統煮法，以木魚熬湯蒸蛋所以少了味精味，可吃到雞蛋的食物原味相對味道也較淡。建議吃蒸蛋前可以先喝口水或茶清清味蕾，把海膽和蟹籽攪拌一下跟蛋一起吃，海膽鮮味增加雞蛋鮮甜味，生色不少！而漁吉蒸蛋表面則鋪了海膽、蔥花和三文魚籽飲品方面也不馬虎，是產地直送的果汁梳打，坊間絕少有供應，絕對值得一試！配飯吃特別開心而餐廳更貼心的提供味噌湯任飲，每檯都放置了一壺熱騰騰的味噌湯雖然是免費供應，味道卻很好，濃淡適中冬天來吃飯先喝一碗熱騰騰的湯一定有股濃濃的暖意呢*後記：大半年前曾吃過類似刺身飯，賣相一流但味道不似預期。很久沒遇到很有心的食店，今天完全感受到店主對食物品質的堅持，還有細心的介紹，食物質素也肯定對得起這價格，期待下次光臨再來吃蟹王丼…查看更多

最近又要返學返工真係好辛苦同好攰，當然唔可以待薄自己喇！今日難得我同男朋友都唔使返學，放工後join埋佢既朋友一齊黎到九龍城，今晚由男朋友發板，佢一向都特別多鬼主意，有別一般人思維，相信有好多人如果特登來到九龍城必定會食既當然一定係泰國菜。今次真係估唔到佢！今晚食既並非係泰國菜而係食日本野🇯🇵 😳😳😳黎到九龍城唔係食泰國菜？不是吧！原來男朋友一早已經上網搵過呢間鋪頭已經有人介紹過，專門食新鮮而且超級多份量嘅龍蝦丼 & 海鮮丼，當晚大概七點來到店子已經有八成客滿，估唔到都幾多人黎呢度食飯播~~~~~不久滿座之餘門外亦都有人排隊啦！Menu上都有好多選擇，最後我哋3個人叫咗兩個丼以及幾款小食，先來了一個關西雪姬，冷豆腐除了沾上芝麻醬外，仲配上大量嘅櫻花蝦乾以及蔥花，廚師對於食材真係一D都唔手軟，櫻花蝦乾放滿整個冷豆腐面，配上櫻花蝦乾食除咗口感有層次外仲食到蝦乾嘅香味，芝麻醬同冷豆腐已經係個好正既配搭，加埋櫻花蝦口感更佳，不錯啊！👍🏻👍🏻👍🏻厚切牛舌沒有用上太多醃製工序，就是用上簡單的胡椒及鹽醃製，牛舌不會有過份牛蘇味，而且煮製的時間恰當，好軟熟。😻❤️三款小食當中大家最喜歡係呢個汁煮豬軟骨，外貌可能有d唔起眼，不過呢個豬軟骨煮製時間較長，入味之餘又不失口感，食落不廢氣力豬肉已經自自然鬆開，推介之選！🤤❤️❤️終於黎到今晚既主角喇，一放上枱真係有點嘩然，份量超級超級多！😍😍😍😍  之前仲心大心細叫邊個，最後挑選了兩個餐廳的主打海鮮丼 - 龍王丸 & 蟹肉丼，龍王丸用上原隻新鮮龍蝦，而蟹肉丼就是滿滿的蟹肉以及大量三文魚子，兩個賣相也相當吸引！先講講龍王丸既龍蝦先，有10舊嘅龍蝦肉，每啖都充滿口感，真你超新鮮既龍蝦!!!!!  左口魚口感感覺似油脂，好似入口即化既感覺，仲有片大大塊既帆立貝，除此之外仲有好多嘅食材可以用嚟撈飯，好味！兩者之中男朋友比較鍾意食前者，而我比較愛後者，因為我係個愛蟹之人，如果你都係一個愛蟹之人呢個蟹肉丼真係不二之選! 海鮮丼嘅食材份量真係好多，將所有嘅材料同飯融合埋一齊，每一啖飯都沾滿晒所有嘅材料，每啖都食到蟹肉同三文魚子 & 蟹子。因為當中有大量嘅三文魚子，所以食起上嚟多了一份鹹香，不知不覺就食咗大半碗飯😂🙈🙈🙈 真係好味又滿足！🤤❤️重要一提嘅係呢個蟹肉丼當中嘅海膽，海膽嘅味道沒有任何腥味，唔知係咪因為佢燒過嘅關係食落去嘅味道同我平時食開新鮮嘅海膽味都有些微分別，提鮮味十足！正🤤🤤🤤🤤👍🏻整體而言真係好新鮮，喺九龍城同區真係冇乜日本餐廳可以做到呢個質素！廚師用上新鮮食材，全部都好鮮甜好味道🤤🤤🤤 最重要分量超多，如果胃口唔算十分太大嘅人，個人建議兩個人叫一個飯再加幾個小食咁就最好不過！…查看更多

第二次食龍王丸，但今次碗飯同龍蝦都細左好多，之前兩個人食都覺得食唔曬，但今次就感覺細左好多，唔知係唔係第一次食嘅時候未有媒體報導，宜家報導出左，多左人食所以用料都無之前咁好呢⋯味道其實依然係唔錯，只係份量細左所以感覺無之前咁抵食⋯希望佢可以keep返應有水準，畢竟九龍城好食嘅日本野唔多！…查看更多