Chop Chop 食神叉燒 (宏安道)

一直有聽聞這間食肆，見評價一半半，但叫得食神，都應該對自家出品有信心啩。今日放工先黎落雨，屋企又冇飯開，即時諗起這裡，即管自己來評選一下，口味嘅野人人不同，都係靠自己試好啲😉梗係來個“黯然銷魂”飯，套餐有埋湯，個木瓜湯唔錯，非例水😅，蛋輕微燶邊至於主角‘’叉燒‘’，Mmm....🤔🤔個樣似樣嘅，我只可以形容它唔韌唔柴皮囉，質地都算鬆軟，但冇乜肉味，亦冇叉燒嘅靈魂 - 香甜“蜜汁”味，果然令人黯然。如果在附近住，又想食叉燒又唔想行太遠，都可以頂下肚嘅。我就會另覓寶藏😛…Read More

今天中午在炮台山辦點事，就腳來了這家Chop Chop 食神叉燒吃晚餐。環境有別一般的燒味店，有一個巨型的霓虹燈招牌，裝潢有花心思，乾淨企理。餐牌選擇十分之多，有各式燒味飯，步入冬季更有時令的煲仔飯，亦有外賣優惠。黯然銷魂飯先點一客招牌的黯然銷魂飯，其實就是半肥瘦叉燒加太陽蛋，但半肥瘦叉燒的確是一絕，肥瘦相間的腩肉，蜜汁焦香腴美芳縈齒頰，肉汁豐盈，甘腴可口，加上半熟太陽蛋，蛋黃滑溜澄黃，亦呈半生熟，入口夠嫩滑，亦富蛋香，拌入粒粒分明飽滿的米飯，層次豐富。日本肥牛窩蛋煲仔飯煲仔飯即叫即做，所以要等大約二十分鐘，原個瓦煲熱辣辣上枱，火喉拿捏恰到好處，米飯甘香口感偏硬，加入微甜的煲仔飯豉油，將雞蛋與日本肥牛粒和米飯攪拌後，每一粒飯都充滿醬味蛋香。日本肥牛粒脂爽肉軟，油香豐富而牛肉味亦濃郁。凍奶茶/凍檸水最後來一杯凍奶茶，能品嚐到茶香及奶滑，十分不錯。…Read More

香港電影<食神>中有三個師傅真有其人，而黯然銷魂飯的原型來自「炒王」戴龍師傅，為了嘗試史提芬周當年食到的黯然銷魂飯，筆者特登慕名而來，只係<食神>情節越入腦，個黯然銷魂飯越同想像有出入...1. 用外賣碗? 外賣杯?咁遠水路過海前來堂食，結果只係用一個冷冰冰的外賣碗，好似無誠意左D啊(2020年10月05日的食評都有個靚靚大碗載住，對比之下觀感成個CHEAP晒...)「作為一個廚師，應該考慮到食客最細微嘅心理，等於三級片嘅女星，都要去隆胸嚟取悅觀眾」2. 用外賣碗可以接受，但成碗飯真係唔夠熱，感覺係午飯時賣剩的...叉飯真係好食，但其他配菜扣晒分... 「凍曬嘞！零分！收工！」3. 筆者好明白疫情對飲食有打擊，但既然貴店將個飯賣$85，咁就要俾返相應的質素，可惜今次真係感受唔到「你老醒你！叉飯呀叉飯啦！加多只荷包蛋畀盡你咪廿二蚊碗！黯咩然銷咩魂飯呀？咪賴有型啦！」總結而言，呢一次體驗係失望的，全港至尊名廚大賽都係得一次機會分勝負，客人同樣只會俾一次機會餐廳，希望好好珍惜每位食神的機會「其實煮食之道，最緊要系一個字——（劃咗個「心」字出嚟）冇錯，只有用心，先可以做到最好嘅菜！」…Read More

上次黎食過一次玫瑰叉燒飯，因為啲叉燒實在太硬，所以有啲失望。今次特登黎試多次個黯然銷魂飯，啲半肥瘦叉燒食落真係好唔同，配埋個醬汁簡直係無得頂。不過，有讚都有彈，隻蛋煎得太熟，另外唔知係咪就黎收工既關係，啲湯唔熱既，黎到飲兩啖已經凍左。總括黎講都好既，唔好怕肥黎食一次黯然銷魂飯，唔會失望。😀（係貴左啲啲😅）…Read More

食神叉燒一間在種草清單存在已久的餐廳門口有“叉燒出爐”時間黯然銷魂飯有自己的餐盤，呢件事我真係印象深刻燒肉叉燒雙拼飯配一包芥辣燒味飯的豆豉醬好好吃，回味無窮桌上那瓶經過調味的是叉燒汁還是豉油？慕“鹹檸檬“的名而來，要了鹹檸七檸檬🍋那麼大顆，欣賞你！平常本人對鹹檸七真係冇咩興趣燒味見仁見智，有人鐘意肥叉，有人鐘意燒腩肉有比較瘦依然軟嫩的叉燒和幾乎不肥超級脆皮的燒肉對我來講都很好吃，咁先叫視燒味為真愛呱？唯一希望飯🍚可以熱辣辣那樣就算燒味唔算辣口的，都更加好味啦💰156，兩人餐，有叉燒的晚飯，非常滿意(最後補充下，湯都好好飲)…Read More

■食神黯然銷魂飯🍳🍚■■BBQ Pork Belly & Egg w/ Rice.🍳🍚■.Finally got time to travel all the way to Fortress Hill to try out this 黯然銷魂飯🍳🍚 signature dish from Chop Chop.😲🥢.To some of those who might not know, 黯然銷魂飯 is a dish from a movie called 《食神》(God of Cookery) in 1996, and it's literally just some barbecued pork🐽 with a sunny-side-up egg🍳 on top of some rice🍚, and with some vegetables and soy sauce.😋.To be honest, I think I had way too much expectations on this, since this char siu rice is a signature dish from Chop Chop.😂 But it turns out to be quite disappointing though.The barbecued pork🐽 in my dish was quite on the chewy side as you can see from the pic, wasn't that tender at all.😕 But still, you couldn't deny that it was pretty fragrant and savory with the slightly sweetness on the outside though.🔥🥢Other than that, the sunny-side-up egg was so unsatisfying.🍳🤨 Feel like the egg was overcooked and it isn't much of a runny-yolk to mix up with my rice.😢Anyway, the sauce was actually pretty good and flavorful, it went pretty well with char siu and every scoop of rice.😋🍚 The meal also comes with a soup, it was made with wax gourd🥒 and meat and other ingredients; and the meat was unexpectedly more tender than the char siu😂😂 lol.Overall, the meal does look pretty appetizing. But I just don't think it was worthy enough for price here.🧐…Read More

來到炮台山這間新式燒味飯店，當然要吃它的黯然銷魂飯，連湯及熱飲盛惠八十元，是否值得就見仁見智。店內設計很現代，有亮麗的店名燈，座位簡樸。看見店內有鹹檸樂特飲供應，飲品轉配另加$10，我二話不說就決定要一杯。畢竟，能找到這些飲品的地方不多了。食神中的黯然銷魂飯，說到底是义燒煎蛋飯。它的賣相精緻，飯面只淋上豉油，用上最基本、原始的調味。如果不夠味可加上微甜的醬汁，店員介紹醬汁可用來伴飯吃。煎蛋有脆邊及流心，用上體積較小的初生蛋。义燒採用腩肉部分，外邊焦香，裏面肉質有咬口也不會太硬。雙拼燒味（燒腩仔及燒鵝）（$108）燒腩仔皮脆，可惜嫩滑度只是一般。難得燒鵝雙併不用額外加錢、當然要點來看看。燒鵝的份量合乎預期，皮脆肉滑。…Read More

「叉飯就叉飯啦，加隻荷包蛋俾盡你咪廿二蚊碗，黯咩然銷咩魂飯呀？」，相信大家對這句對白一點也不會陌生，周星馳的戲對於90年代的香港人來說，可算是耳熟能詳，就算現時偶爾翻看，也絲毫沒有感覺脫節，星爺的成功某程度上在於能將小市民日常生活的細節，又或是一些經典畫面，加上爆笑抵死的金句在戲內重新演繹出來，令觀眾留下深刻的印象，而其中在食神裏邊的爆漿瀨尿牛丸和黯然銷魂飯，就更是深入民心，飲食界更曾幾度將黯然銷魂飯在現實中呈現出來，均引起了一時熱話。最近在北角就有一間以食神叉燒為主打的餐廳，而該店的顧問大廚正正就是當年為食神電影擔任顧問、入廚經驗達四十多年的戴龍師傅，亦是黯然銷魂飯的始創者之一，實在大有來頭。小店位於城市花園附近，店家以霓虹光管製作簡約搶眼的招牌，加上店內沿用了舊式大排檔的裝潢作為設計概念，一列列不銹鋼的枱面配上摺櫈，餐具用上了雞公碗碟，還有舊日快餐店的黑底白字貼牆餐牌，裡裡外外都充滿着香港的懷舊本土色彩，但論到座位舒適度就真的欠奉，一來座位相對擁擠空間感較小，二來一列列的長枱變相就是要和其他客人搭枱同吃，完全沒有私人空間，但當然這也正正是舊日香港用餐的實況，要體驗還是要享受，大家就要取捨一下了。這裡主打的叉燒分為兩種，分别為製作黯然銷魂飯的半肥瘦腩叉燒和以梅頭肉燒製的玫瑰叉燒，其他的燒味還有燒腩、燒鵝、油雞和貴妃雞，種類算是貴精不貴多。先點來一客黯然銷魂飯套餐，包括了明火例湯，黯然銷魂飯和一杯特飲。套餐以特製木盆盛載，賣相整潔專業，明火例湯湯色清澈不會太油，清甜滋潤，很有在家老火湯的味道。腩叉燒選用了本地豬肉入饌，不含味精、色素和添加劑，肥瘦相間邊位燒得焦脆，色澤深紅，油潤光亮，單看賣相已感受到其濃香美味，而且一口size方便進食，一啖咬下去醬香鬆軟，肉汁脂香徐徐滲出，跟一般叉燒相比確有其獨特之處，雖未算超級美味但亦不遠矣！至於太陽蛋則用上了營養價值較高的初生蛋，煎得外圍脆邊中間蛋黃流心；米飯也講究的選用了韌性較强的黑龍江五常米，還加入了野米和油葱同煮，粒粒清香分明，撈上蛋汁和自家以紅蔥頭調製的醬油，口感粘稠，蛋香味濃，完全將平民簡單的叉燒煎蛋飯提升到另一層次，果然貼題！除了主角黯然銷魂飯外，這店的其他燒味相信也會不俗，筆者點來了燒腩仔一試，一端上來份量十足，腩仔外皮燒得金黃香脆，肥瘦相間不會過肥，充滿光澤，單看賣相已知是一道出色的燒腩仔，唯一挑剔是外皮有點偏硬脆，,令咬落感覺帶點乾身，但其實尚算化皮，加上肉質鬆軟入味，肉香滿滿，令人停不了口，不其然吃完一件接一件。而在燒味之外，這裏的飲品選擇不算太多，大都是地道茶餐廳提供的款式，除了咖啡奶茶檸茶之外，還有支裝汽水維他奶，較特別的反而是另類港產地道飲料~~鹹檸七和鹹檸樂，將支裝可樂倒入已預先篤碎了的鹹檸檬當中，飲落夠氣冰爽，鹹酸中帶甜，十分醒神！今次試過這道算是原著版的黯然銷魂飯(雖然跟電影內的做法有點區別，但起碼是出自同一位師傅的手筆)，果然沒有令人失望，質素頗高令人回味，定價八十多元一客的叉蛋飯雖然未必人人接受得到，但試想想現時在某幾間知名連鎖茶餐廳，隨便點來一碗粉麵或是客飯也都要付上近百元，而這裏收費相若卻有著一定的保證，難怪用餐當天見到店家其門如市，當中不乏慕名而來的外國客人，可謂客如輪轉，應接不暇！除了因為食物質素出眾之外，星爺的魅力也真的不容小窺，大家來到北角附近，不妨也朝聖一下，細味一番這個大衆的集體回憶。…Read More

友人談論一間新開嘅食神燒味店，以黯然銷魂飯為主打，都幾有趣。既然係主打，每人就叫左一份黯然銷魂飯試下。其實黯然銷魂飯即係叉燒飯加一隻流心蛋，配埋湯同一杯熱飲。叉燒唔錯，唔肥，蜜糖烤到有少少脆，份量都算多，略甜但岩撈飯。蛋正常，可以再流心啲。如果可以加蛋更好。湯ok，可以一試，有唔少蓮藕。特別要提一提個醬。佢鹹鹹地配叉燒加飯都幾夾。友人話有少少似豆豉嘅味道，幾特別。下次我會試番平3成嘅叉燒飯，或者可以配瀨粉，唔容易搵到。…Read More

星期日都要返工，經開炮台山，一於去try下食神叉燒慰勞自己！講起「食神」2個字，好自然就會聯想到黯然銷魂飯！説穿了不過就係叉燒、荷包蛋和白飯。雖然材料簡單，但一碗叉蛋飯加上電影的情懷，變成了我們香港人的情意結。店舖裝修簡約，坐得舒服，吊扇、霓虹燈、吊燈，帶來了一點工業風，打破平時燒味店舊有形象。黯然銷魂飯賣相就滿分啦！至於味道呢？米飯粒粒分明，荷包蛋就一般沒特別，至於主角叉燒，烤至焦香，食落肉質鬆軟，不過肥肉部份比較多，食完充滿罪疚感。＄80來説，的確有點貴，如果價錢可以再親民點就好喇。…Read More

今日冇乜人返工，襯「山竹」未走仲係3號波，預o岩2點幾呢個鐘數，今次終於俾我試到傳說中既「食神叉燒」喇！店舖不大，一入到黎伙記有禮地招呼，見牆上「食神叉燒」個霓虹光管招牌好搶FO又懷舊，裝潢係有點刻意地道感，最正當然係七大武器之首既摺凳啦。我地兩個人黎Lunch，本人望餐牌只一秒，毫不猶豫咁揀左【黯然銷魂飯】，同事揀左【玫瑰叉燒飯】。【黯然銷魂飯】喺電影中幾乎係人間最高美食，當然令人期待。不過電影同現實始終係唔同，呢碗飯證明左呢點。一個【黯然銷魂飯】套餐包一碗叉燒蛋飯(有三條菜心伴碟)，一碗湯及一碟醬汁。飯聽說係東北米夾雜日本米，但口感同尋常泰國米相差不遠，米飯中溝左極少量類似五穀米，質感比正常五穀米來得軟身點，但份量極少，唔知加黎做嘜；太陽蛋亦正常過正常，係有少少脆邊；至於主角中既主角，叉燒色靚不會太人造Feel，一碗只幾片薄切，剛好切到「真‧半肥瘦」(半邊係瘦肉半邊脂肪)，瘦肉半邊好乾身下，所以一定要連肥肉個半一啖咁咬，感覺就完全唔同，肥油既油香彌補左肉味既不足，而叉燒外面果層亦幾乎不見焦燶，整體只是合格。不過加分點喺個祕製醬汁度！鹹鮮參半，味道好特別，將叉燒既質素提升左一個Grade，即使用來拌飯亦無不可。問醬汁係咩名堂，侍應笑而不語，只透露香蔥係重要材料之一。同事既【玫瑰叉燒飯】就更普通，叉燒明顯同我碗【黯然銷魂飯】既唔同，外表似一般燒味店既叉燒，有玫瑰露既芳香，但同樣欠缺肉味，沒有五穀米、也沒提供湯同醬汁。就係一碗很普通既叉燒飯。如果沒有期望就唔會失望。我承認期望過高，唔知係戴師父冇將真傳悉數授徒，定係本身功力只是如此？明明係有心做好既，希望下次來到會有改進吧。…Read More