黑門水產すいさん (Fashion Walk)

位於銅鑼灣的「黑門水產」主要提供黑門市場的地道特色小食、和牛、海鮮、壽司刺身及各種時令食材。全部食材採自日本，新鮮空運到港！餐廳用餐環境舒適寬敞，裝修充滿日本風情🎋🎏最近餐廳轉左新餐牌，就過來試一試新餐牌❤️黑門三文魚加州反卷 三文魚包著加州反卷，加州反卷內餡有蟹柳、牛油果、青瓜及玉子等，食落好清新，味道好豐富。黑門令蟹味噌甲羅燒 必食！松葉蟹蟹蓋裡滿滿都是蟹膏🦀，蟹膏中還帶有鮮甜的蟹肉、生鵪鶉蛋及蟹籽，店員會幫忙即席在烤爐上燒熟，味道鮮甜濃郁，口感軟滑綿綿，配餅乾一齊食，非常滋味！章魚小丸子 (6粒) 章魚小丸子粒粒飽滿🐙，外皮燒得香脆金黃，內裡的粉漿口感頗軟熟，章魚粒好彈牙，椰菜爽口，面頭嘅醬汁富醬油香，令味道更有層次，而木魚花灑係最面，增添口感。燒雞頸肉雞頸肉雞味濃郁而且爽口，雞肉嫩滑，油脂分佈均勻。燒雞腎 雞腎燒得一點也不乾身，燒出來沒半點腥味，食落口感爽爽脆脆👍🏻同朋友食完飯，都係約$200/人左右👍🏻👍🏻…Read More

喺睇戲之前，嚟銅鑼灣嘅黑門水產食日本菜，餐廳同尖沙咀分店嘅裝修一樣充滿日本居酒屋嘅風格，環境舒適簡約～睇完餐牌用 qrcode點菜之後，店員仲同我哋講可以等師傅教完之後自己燒甲羅燒，不過烹調食材都係等專業嘅師傅負責啦 😚✨北海道蜜柑鯛薄切刺身薄切嘅蜜柑鯛刺身，晶瑩剔透，好考師傅嘅刀工呢～配埋特製嘅醬汁，味道鮮甜清新。✨黑門令蟹味噌甲羅燒嚟到緊係要食黑門令蟹味噌甲羅燒，啖啖蟹膏、蟹肉嘅鮮味，撈好加埋梳打餅一齊食，味道豐富！✨鐵板燒海鮮雜菌鐵板燒海鮮雜菌有鮑魚、海老、魷魚同雜菌，材料好豐富。上菜嘅時候已經聞到香噴噴，魷魚同鮑魚鮮甜又彈牙，鍾意海鮮嘅記得試試～✨黑門令彩虹丼丼飯食材新鮮，而且刺身足料，有海膽、吞拿魚、吞拿魚蓉、蟹子同蟹膏等等，海膽同吞拿魚刺身甘香鮮甜，口感軟滑，好滿足呀😋😋✨炭燒北海道阿波尾雞翼用咗炭燒嘅雞翼，唔單止鎖住雞翼嘅肉汁，仲充滿炭燒香氣，入口香脆鮮嫩！…Read More

小妹爸係一位非常鍾意食魚料理既人，不論煎、炒、煮、炸、燒或刺身，平時又好喜歡睇去街市買魚既Youtube片，今晚襯飛東京前，帶老父去間位於銅鑼灣Fashion Walk既日本餐廳撐枱腳，亦係小妹口袋名單店之一，就係《黑門水產すいさん》❣️未入黑門水產すいさん前，已經被Fashion Walk內既餐廳吸引🤩，嘩！好多唔同種類嘅美食吖，小妹早前去既「Burgeroom」就係其中一間啦😄行到黑門水產すいさん，發現好有特色，戶外區嘅座位係黑色凳配紅色咕𠱸，正門係大魚既門前簾，同餐廳名好搭🤭入到去被成間餐廳既設計震撼咗，小妹覺得呢度好靚吖🩷🩷🩷仿如置身於船上般⛴️⛴️打開餐牌，咩都有得食，係會令人有選擇困難「幾經辛苦」先揀到6-7款料理：1️⃣ 黑門令蟹味噌甲羅燒蟹膏好香甜濃味，入口有啲辣辣地，冇咁膩；搭配炸蒜同梳打餅，令其口感提升👍🏻👍🏻👍🏻2️⃣ 黑門令大漁魚子醬脆脆包脆脆包上配料豐富💖 海膽、魚子醬、蟹籽、三文魚子、蝦刺身、蟹肉、拖羅茸、蔥花，味道同口感都十分好食，睇住呢件脆脆包，令小妹覺得佢充滿香港特色「建築面積咁細，都可以擺咁多嘢」3️⃣ 豚肉湯牛肉稻庭烏冬豚肉湯底乳白色，一睇就知幾過長時間熬製而成，飲落香甜美味，再配好味嘅牛肉同煙韌的稻庭烏冬，簡直完美😍4️⃣ 什錦天婦羅熱辣辣，炸得好靚，皮薄番薯、南瓜、茄子甜，蝦天婦羅又厚肉，青椒仔唔辣架😍成日覺得外表好辣但食落唔辣嘅，都好有驚喜🥰🥰5️⃣ 北海道秋刀魚刺身小妹父對於呢款秋刀魚刺身高度讚揚啊🥳🥳秋刀魚肉嫩滑，本身已經好好味，沾醬後更加惹味，而且市面比較少有，好開心起呢度食到咁好食既刺身😚😚😚6️⃣ 豆腐魚頭湯秋刀魚魚身被我地食完，剩低既魚頭又唔想浪費喎，店員姐姐推介不如加錢來碗魚頭湯🤓，炸過既魚煮湯，一啲都唔腥仲好鮮甜，湯碗同碟係一套令成碗湯更為加分😊7️⃣ 赤魚一夜干（半條）通常一夜干都係一整條嘛，居然見到可以叫半條😍😍有啲激動，終於可以滿足到兩個人又可以試下又唔怕食唔晒！魚肉有咬口又夠味，味道啱啱好唔會過咸，愛吃魚既小妹爸再次高度評價「彈彈口，好正😊好少燒得咁好食」🍹白桃汁諗住食一夜干，配杯飲品又唔想飲酒，於是乎叫杯白桃汁，點知❣️ 好似原個桃肉榨汁而成咁，又濃郁又好味😋整體來講，呢度既價錢對得住食物質素同服務，小妹父食得好滿意同開心，小妹已經覺得好夠👍🏻👍🏻👍🏻👍🏻因為實在太滿意，今次分享比較長篇。…Read More

黎到銅鑼灣 都唔駛愁搵唔到野食😋今次黎到Fashion Walk食街 揀咗呢間門面好吸引我既日本野🍤講到黑門呢個名 大家都應該即時諗起大阪個個🫢香港呢個黑門都唔失禮 食物既選擇亦都夠晒豐富未去到日本 就一於試吓呢個小黑門喇🤣 ➷🪐 梭子魚刺身踏入秋天 又到咗食梭子魚既季節🐟梭子魚既油份比較少 油脂大部分都係魚皮度 口感一樣豐富😌炙燒過既魚皮會令到油脂香更加突出👍🏼亦係其中一個賣點§🪐 極上壽司盛合呢個壽司盛所包括既款式較多同埋大路 偏向大眾化啲😋有成12款唔同既壽司 魚生厚身壽司飯size岩岩好食得到魚生既新鮮 要魚味重 要爽口既 都一樣帶到俾你😆§🪐 鱈魚白子對於第一次食鱈魚白子 都幾有新鮮感🫢口感入口即溶輕輕火炙之後 配上柚子汁食 可以減輕當中既膩唔覺唔覺 其實食起上黎都幾佔空間🤣§🪐 赤鬼海老天反卷壽司飯包住好大隻厚肉既海老🦐外層沾滿飛魚籽同場仲有三文魚籽做配搭 增加咗整個反卷既口感醬汁可以建議用另一種 味道似千島醬既醬汁未係最夾🤔️§🪐 黑門令蟹味噌甲羅燒一整個蟹殼內裡都佈滿蟹膏😍岩岩燒起會聞到濃厚香味味噌既加入令到味道豐富起黎 咸香味十足👍🏼將燒好混合後既蟹膏𢳂到滿滿放上梳打餅 真係一種享受🤤 §🪐 海膽燒帆立貝🪐 牛油燒帆立貝帆立貝本身夠晒大粒厚肉🤩新鮮度夠唔會有腥味👍🏼燒起後肉質依然細滑唔會過火喉 味道滲埋入肉裡😋➷地方闊落 都幾岩一大班人黎食野 氣氛會幾好同埋佢內裡既佈置亦都夠晒地道 真係飛咗一轉咁款呀🤣➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼7️⃣🌟…Read More

⌇黑 門 水 產 す い さ ん“ 🦀 “ 黑門令蟹味噌甲羅燒 ( $ 9 8 )燒之前會先比你影相睇下啲料 然後先至燒 海膽、蟹肉、蟹膏、蟹籽、葱同鵪鶉蛋撈埋一齊 鮮味十足非常鮮甜 配埋餅乾一齊食 口感層次豐富 味道都非常正 食完兩塊餅想配碗飯撈埋食淨既蟹膏😋“ 🍣 “ 平目魚薄切刺身 ( $ 2 3 8 ) 刺身滑嫩 新鮮 配上柚子醋豉油 非常開胃“ 🐚 “ 極上大漁貝燒 ( $ 1 3 8 )燒漁貝包括有蝦、海膽、帶子、生蠔 聞落去已經有鮮甜既海鮮味 加上清酒煮 酒味都幾 好滿足“ 🧈 “ 牛油燒帆立貝 ( $ 8 8 )帆立貝肉質鮮嫩 大大隻 非常有份量 “ 🐟 “ 西京燒銀鱈魚 ( $ 1 9 8 )銀鱈魚既肉質非常細嫩 油脂豐富狗曬juicy 配上七味粉沙律醬 味道豐富“ 🍔 “ 黑門令鰻魚漢堡 ( $ 1 1 8 )厚厚既黑門令鰻魚漢堡 大大件既燒鰻魚 配埋大大份玉子燒 香口又夠滿足 包住紫菜食口感好豐富“ 🐚 “ 磯燒刀貝4本 ( $ 1 0 8 )“ 🍑 “ 白桃雪葩 ( $ 1 1 8 )餐廳主打海鮮磯燒 而食材係由日本黑門市場直送香港 用料絕對夠新鮮 裝修雅致 木系主調既日本風 擺滿日式裝飾 蠔殼作為吊飾 都有啲似去左日本居酒屋 環境坐位舒適 非常闊落 員工服務態度幾好非常主動斟茶 而且有露天座位黑門水產すいさん🦀銅鑼灣加寧街5-7號Fashion Walk地下C及D號舖🍞#foodraah_cwb …Read More

估唔到銅鑼灣都食到正宗日本居酒屋😍 門口裝修已經係正宗日本居酒屋嘅感覺，有置身日本嘅感覺🥰 飾物嗰度更加出色，特別大力推介甲羅燒🤩🔎 黑門令蟹味噌甲羅燒 $98甲羅燒除咗有滿滿嘅蟹肉之外，佢仲加咗啲飛魚籽，配埋蔥粒咁樣去整，食落去蟹肉個鮮味更加突出，配上梳打餅係個絕佳嘅前菜，令人食指大動😆🔎 黑門角切海鮮沙律 $108酸酸甜甜嘅沙律，再配咗唔同嘅刺身，例如三文魚，吞拿魚等等，係一個好好嘅開胃前菜🫶🏻🔎 期間限定 — 北海道飛魚 $338期間限定！！除咗擺盤打卡好靚之外，食落去個刺身都好新鮮，一啲腥味都冇，除咗Wasabi之外，仲有蔥花同埋薑蓉去做配搭，令到刺身食落去個層次更加豐富，大大推薦🥰🔎 明太子大魚炒飯 $188爽口嘅炒飯配上鬆脆嘅魚乾，再加上明太子同埋少少七味粉嘅配搭，令到個飯辣辣地都黎都好好食，呢個份量足夠兩至三個人share🤪🔎 黑門三文魚加州反卷 $138三文魚既味道好鮮甜，居酒屋必叫嘅反卷之一😃 沙律醬嘅比例唔會太多，唔會太肥膩🤓🔎 黑門鰻魚玉子燒 $98將鰻魚融入去玉子燒入面比較新穎，同時間亦都冇令我失望，食落去熱辣辣唔會有魚骨，而且味道配埋鰻魚醬咁樣甜甜地好好食😋🔎 海底之心 $78呢杯 cocktail 係由Vodka，白桃梳打，菠蘿汁，同埋藍色嘅糖水組成，杯嘢飲落去好清新，基本上飲唔太到vodka個味，隻色飲落去一啲藥水味都冇，高質推介嘅 cocktail 🍹 -📍 黑門水產すいさん (Fashion Walk) (銅鑼灣)銅鑼灣加寧街5-7號Fashion Walk地下C及D號舖…Read More

繼尖沙咀分店之後，「黑門水產」進駐埋銅鑼灣fashion walk附近，收工過黎想飲返杯，夠哂方便。而居酒屋設計氣氛十足，食材出哂名以新鮮，簡單調味配搭甲羅燒、活貝盛、浜燒已經帶出成個鮮味。平時做野又辛苦，飲返兩杯在所難免啦。👇🏻📌先 付 -▪️ 蜜糖芥末火炙·安格斯牛肉沙律 - $138▫️ 先黎個前菜「蜜糖芥末·火炙安格斯牛肉沙律」開開胃先，牛肉燒到岩岩好，唔會過熟，食落肉質鬆軟，牛味濃郁，加埋底部沙律菜，夠哂清新。📌黑 門 推 介 - ▪️ 黑門令·極黑鮑海鮮太卷 - $198▪️ 黑 門 大 阪 燒 - $98▫️ 跟住就試埋招牌推介「黑門令·極黑鮑海鮮太卷」，用紫菜包住魷魚、三文魚、吞拿魚、赤蝦、玉子，再連埋赤醋飯一齊食，面頭滲上三文魚籽，成個口感非常豐富，好好食；另外呢個「黑門大阪燒」用左日式醬汁同埋海鮮醬完美融合，面頭既木魚碎好有動感，而裡面餡料用左高麗菜、月非常爽彈，正！📌食 事 - ▪️ 蒲 燒 鰻 魚 飯 - $168▪️ 豚肉湯牛肉·稻庭烏冬 - $98▫️ 食事方面我點左個「蒲燒鰻魚飯」，鰻魚食落厚肉嫩滑，加上濃厚醬汁，唔會太鹹岩岩好，加上大量蛋花，唔錯；「豚肉湯牛肉稻庭烏冬」牛肉肉質軟腍入味，用上扁身既稻庭烏冬，入口夠哂滑溜，好好食。📌燒 物 -▪️ 海苔酒盜燒帆立貝 - $98▪️ 黑門令蟹味噌甲羅燒 - $98▫️ 輪到最精彩海鮮環節，第一個「海苔酒盜燒帆立貝」帶子非常肥厚，有staff幫我地處理好，食落爽甜彈牙，濃而不膩，高質；「黑門令蟹味噌甲羅燒」同樣由staff將蟹膏醬混入蟹肉同埋蟹籽，攪勻再燒，再配上梳打餅一齊食，一入口果種鹹鮮味係味蕾揮之不發，完美。…Read More