Dim Sum Here (Temple Street)

餐廳為茶餐廳風格，上點心速度較慢，但整體味道好味1. 卡通流心芋蓉包味道: 8/10 ⭐️性價比: 8/10 ⭐️推薦: 8/10 ⭐️可愛造型的包，味道也很好味，芋蓉味重，包也十分軟熟2. 豉汁蒸鳳爪味道: 7/10性價比: 7/10推薦: 7/10呢度點心正常發揮，同平時茶樓食嘅差唔多3. 晶瑩鮮蝦餃味道: 7/10性價比: 7/10推薦: 7/10蝦餃的蝦好新鮮，而且好足料，啖啖蝦肉4. 金沙脆皮銀蘿腸味道: 8/10 ⭐️性價比: 7/10推薦: 8/10 ⭐️外觀望落普通，但軟熟的腸粉包裹着香脆的炸兩，令口感更有層次，推薦👍🏻 略嫌腸粉較少，如果多一條會比較開心🤣5. 燒汁釀虎皮椒味道: 6.5/10性價比: 7/10推薦: 6.5/10呢度點心令我諗起煎釀三寶😂 冇咩特別，但材料新鮮，味道正常6. 上海小籠包味道: 8/10 ⭐️性價比: 6/10推薦: 7/10小籠包皮薄，內有滿滿的湯汁，味道鮮甜，但一籠只有三個小籠包，令人有少少失望，性價比相對低。7. 黑松露菜苗餃味道: 8/10 ⭐️性價比: 8/10 ⭐️推薦: 8/10 ⭐️菜苗餃好足料，以上面的黑松露，也十分配搭，菜苗之中有淡淡的黑松露味👍🏻8. 黑金流沙包味道: 9/10 🌟性價比: 8/10 ⭐️推薦: 9/10 🌟流沙包軟熟，新鮮出爐，流沙奶黃餡，從包子裏爆出來，好好味🤤 十分推薦…Read More

超級抵食既點心店，食到飽飽都係$60左右。最正係黑金流沙包！點心款式都算多，午餐嗌個蒸飯就一定飽曬。鋪仔細細，枱同枱之間嘅距離就比較近。午市不設訂位，幾多人等位㗎。…Read More

小妹尋日中午12點到同屋企人去咗呢間點心到見到出面排晒長龍 超多人等位早知早啲嚟啦😓見到好多人都拖住個篋 好似大部分都系遊客生意🧐我哋等咗差唔多成粒鐘先有位坐低之後見到張枱勁污糟有啲飯粒喺度🥲最噁心嘅系小妹見到有鳳爪骨真系好disgusting🤢睇完都即刻冇咗一半胃口。。。-落單後等咗3個字左右第一籠嚟嘅系…☻︎ 黑金流沙包 $26流沙包系小妹食點心必點嘅item😜啱啱蒸起熱辣辣 熱到攞唔起😂包嘅size偏細 質感就幾鬆軟嘅可惜唔系好夠流心😗食落亦冇乜奶黃沙沙嘅口感甜度就適中嘅但就唔夠香 小小失望🤥味道: 6/10性價比: 8/10-☻︎ 晶瑩鮮蝦餃(4粒) $32人少嘅話可以嗌兩粒 除翻開價錢一樣🙌🏿蝦餃皮唔算太厚 不過口感唔夠煙韌而且好黏 黐住咗張紙 一夾起就爛😅入面嘅蝦肉都飽滿嘅而且爽口彈牙👍🏿不過略嫌佢比較乾身 算系不過不失啦味道: 7/10性價比: 8/10-㋡ 上海小籠包 $25*備註* 一籠系得3件架咋皮夠薄 系個尖尖位有啲厚有個好處就系唔會一夾就穿入面好多湯汁 好juicy😙呢個系唔錯嘅😚味道: 8.5/10性價比: 8/10-☻︎ 原隻蝦燒賣(4粒) $32賣相幾靚😆豬肉佔嘅比較多 同埋偏肥所以食落都比較油膩🤧小妹鐘意魚肉燒賣多啲呢個就麻麻地啦😅但Mami👩🏻就覺得唔錯 好食過蝦餃🤣味道: 6/10性價比: 8/10-☻︎ 金沙脆皮銀蘿腸 $29上面條菜芯好油😕腸粉皮厚薄適中包住嘅蘿蔔絲炸到好香脆👍🏿但食落油膩感偏重同埋中間有芫茜🌿芫茜呢家野我哋大家都唔太鍾意蔽除呢點嘅話整體都系一般般主要系因為偏油😗味道: 6.5/10性價比: 8/10-㋡ 懷舊混醬腸粉 $25份量幾足豬腸粉幾滑身口感軟糯😚上面淋咗花生醬同甜醬但竟然冇鼓油同辣醬😳不過唔緊要 我哋問咗店員佢都攞咗豉油比我哋辣醬對我哋嚟講就可有可無啦🙌🏿整體都可以嘅 不過小妹唔系咁鐘意花生醬所以扣咗啲分😗味道: 7.5/10性價比: 8/10-跟住我哋都仲嗌咗幾樣嘢 不過小妹冇食到就唔詳細評分啦🙇🏿‍♀️純粹比個價錢大家做個reference ↣ 薑蔥牛柏葉 $28小妹有食到舊蘿蔔😂夠淋 清甜冇渣 略嫌佢偏油不過Mami👩🏻話好食 牛柏葉同蘿蔔都系🤣↣ 欖仁馬拉糕 $22細佬幾鐘意食😂↣ 鮮竹牛肉球 $23佢哋話普普通通🙌🏿↣ 懷舊鵪鶉蛋燒賣 $28↣蜜汁叉燒包 $22↣ 籠仔鳳爪排骨飯 $35呢個份量幾足😳我哋本身想嗌鮑汁鳳爪同榴槤雪媚娘不過已經賣晒但食完其他嘢覺得整體一般般都冇話覺得特別可惜😂-茶芥系$5/位 唔收加一我哋6個人埋單$415 人均大概$70小妹之前見OpenRice咁多好評所以先特登走去佐敦試雖然未去到伏 不過食物質素普通冇網上講到咁好食 有啲失望😗店員服務態度就正正常常啦唔差但冇話特別好咁解不過佢唔收加一就可以理解🙌🏿衛生就真系比較惡劣冇錯我用惡劣形容😥因為佢哋抹咗枱等於冇抹見到啲咁噁心嘅嘢胃口都即刻減半😵‍💫價錢方面的確唔算貴 住附近嘅都可以一試小妹住得遠 應該就唔會再食😬整體評分：味道: 6/10環境: 5/10服務: 6/10衛生: 1/10抵食: 7/10回頭率: 0/10-…Read More

第一次晚餐時間食返一盅兩件，夜晚飲茶🫖別有一番風味，尤其係甘凍既夜晚飲返杯熱辣辣既茶，個胃真係舒服好多。我哋睇中呢間餐廳最大原因都係因為佢平民化既價錢真係好吸引，好多茶樓飲茶閑閑地都人均一兩百先埋到單，但係呢度飲茶人均70都食得好飽，仲要加埋茶位3蚊位都係70左右找到數，真係好抵食！黑金流沙包吾係間間都會有得食，點心到既黑金流沙包上臺時熱辣辣，我哋緊係趁熱吃返個啦！打開個包就流曬金沙出黎，香濃既味道，包又鬆軟。蜜汁叉燒腸皮薄餡靚，叉燒味道吾錯，吾會太柴太大塊，食落都有香甜既味道，夾埋豉油一齊食又咸甜中和返。沙律明蝦角炸的香脆可口，入面有一大隻蝦肉，沾上沙律醬一齊食，酸甜可口脆卜卜。原隻蝦燒賣睇落隻蝦真係都幾大隻，食落蝦同豬肉混合的剛剛好，油香十足，食落滿足，要贊的位除左味道之外，可以簡一籠兩件定四件既選擇好貼心，因為好似我哋得兩個人去食，食一籠四件就好快飽，試吾到更多其他點心。所以同樣可以簡兩件定四件既晶瑩鮮蝦餃都係值得讚既位置！味道也不遜色於燒賣，蝦味十足，餡料豐富，蝦餃一定要熱辣辣食個皮先吾會硬曬，所以熱辣辣上到檯既點心真係好重要！由此睇得出佢哋係蒸好無耐就立刻上檯！讚！籠仔鳳爪排骨飯份量十足，飯相對軟身一點，可見係蒸出黎既飯，而吾係電飯煲煲既飯，底部有塊荷葉，飯有少許荷葉香氣，鳳爪味道濃郁，排骨也好味😋總結黎講，呢餐真係好抵，人均一百吾洗，就可以食出呢種味道，媲美茶樓，美中不足既係茶只提供普洱茶，不過三蚊位茶真係好難見到，所以可以接受。…Read More

晶瑩鮮蝦餃（2粒）（$16）餃皮比坊間煙韌，蝦肉尚算爽口。原隻蝦燒賣（2粒）（$15）豬肉餡有咬口，唔似全肥肉，面嗰隻蝦彈牙。不錯。黑金流沙包（$25）包皮鬆軟，裡面嘅流沙咸蛋黃都多，而且唔太咸。金沙脆皮銀蘿腸（$28）腸粉皮好滑，裡面脆皮再包住粗條白蘿蔔絲，口感有層次。好搞笑有條菜芯係上面。籠仔臘味飯（$44）有臘腸、臘肉、臘鴨各三件，三款臘味都好味，尤其是臘肉，肥瘦各半，肥位唔油膩，瘦肉唔韌。飯底講明用金鳳米，粒粒分明又唔“削”，撈埋啲臘味蒸出嚟嘅油，香味提升。好味道。PS：茶錢$3@，不收加一。…Read More

老公今日要去佐敦做嘢，佢話可以陪我食個快lunch🤭即刻揀咗呢間，我見啲食評話上菜速度好快。入到去幾乎坐滿晒咁滯，都似係喺附近返工放lunch嘅人，一坐低我哋即刻點野食，呢度有啲兩件嘅點心可以揀，幾好喎，唔使兩個人食咁多，咁又可以試多幾樣🤭我哋total揀咗七樣嘢。晶瑩鮮蝦餃（兩件）原隻蝦燒賣（兩件）黑松露菜苗餃燒汁釀虎皮椒鮮竹牛肉球黑金流沙包上海小籠包真係上菜速度好快，我哋坐低叫嘢到埋單俾錢都係用咗40分鐘🙊好似未試過飲茶食點心可以咁快食完，平時好多都要等好耐，想講啲點心又唔似整定擺喺度㗎喎🤔因為上枱嘅時候仲出晒煙好熱，咁真係好高效率👍🏻食物質素OK，蝦餃同燒賣啲蝦都好彈牙，釀虎皮椒好味，少少辣同燒汁味道好夾，小籠包超多肉汁，好食👍🏻流沙包我覺得唔夠流沙，但味道就好食嘅，佢哋呢度茶介$3一位真係好平，我哋兩個人食咗七樣嘢先係150幾蚊，總括嚟講快靚正之選。…Read More

嚟到星期三又係對自己好𝗱既時候，今日就同食下點心一盅兩件先🍵#晶瑩鮮蝦餃（2粒）𝗵𝗸𝗱$𝟭𝟲原粒鮮蝦，沒有豬肉，皮薄煙韌，唔錯唔錯👍🏽🫖#原隻蝦燒賣（2粒）𝗵𝗸𝗱$𝟭𝟱原隻蝦做餡既燒賣，唔鍾意食肥豬肉嘅話呢，呢個有蝦嘅鮮味嘅係不錯嘅選擇🍵#黑金流沙包 𝗵𝗸𝗱$𝟮𝟱竹炭粉製成既包皮，掃上食用金粉，一搣開就流出濃郁奶黃餡👍🏽👍🏽👍🏽🫖#鮮蝦腐皮卷 𝗵𝗸𝗱$𝟮𝟴爽口彈牙，最鍾意就係佢有芫荽味😻啱晒茜友🍵#上海小籠包 𝗵𝗸𝗱$𝟮𝟰小籠包裏面充滿咗湯汁，皮薄，筷子🥢夾起都冇穿，呢一點非常之值得讚👍🏽好明顯師傅對搓皮功夫非常了得👍🏽🫖#皮蛋瘦肉粥𝗵𝗸𝗱$𝟮𝟰用咗非常之靚嘅雪花皮蛋，皮蛋份量同埋瘦肉都非常之十足，啱晒食煎炸野要下一下火🍵茶位$3/人呢個價錢非常之相宜，佐敦終於有一間叫做可以食得上嘅點心～不過好可惜啊，當日想食榴槤雪媚娘或者楊枝甘露，佢都冇貨如果大家中意俾個like支持下🤟🏽 𝗖𝗶𝗮𝗼~🫖點心到 (佐敦)🍵佐敦廟街286-298號華志大廈地下6-8號舖…Read More

過嚟廟街就唔一定要食煲仔飯同蠔餅嘅，今日就試咗一間點心舖 - 點心到。點心款式都有唔少選擇。覺得特別嘅係有啲點心可以淨係嗌兩件，唔使要四件，可以食多幾樣😛。📍 原隻蝦燒賣(2粒) (💰$15) 📍 晶瑩鮮蝦餃(2粒) (💰$15) 飲茶一定唔少得蝦餃燒賣。蝦餃個皮都算薄，啲蝦新鮮爽口，燒賣啲肉亦都夠彈牙。📍 黑金流沙包 (💰$25) 店主推介嘅黑金流沙包，食嘅時候真係要小心啲，因為入邊啲流沙夠晒多，而且夠晒熱，正！📍 金沙脆皮銀蘿腸 (💰$26) 第一次食呢種腸粉，入邊包住啲好似米紙嘅脆脆，加埋嫩滑嘅腸粉，咁有對比嘅口感真係好過癮！📍 沙律明蝦角 (💰$28) 即叫即炸，香脆可口，推介推介！📍 黑松露菜苗餃 (💰$26) 非常足料嘅菜苗餃，加咗黑松露，感覺即刻唔同晒，好高級。📍 濃湯鮮竹卷 (💰$19) 濃湯浸住嘅鮮竹卷，皮薄餡靚，連埋個濃湯一齊食，滿足。📍 燒汁釀虎皮椒 (💰$24) 一碟四件，非常之大件，隻碟都爭啲載唔晒。而且唔會好油膩，入口感覺一流。📍 豉汁蒸鳳爪 (💰$20) 呢個價錢有四隻幾入味既鳳爪，性價比高。最後要特別指出，個辣椒油好正！夠香夠辣，就算唔食辣嘅朋友都推介你試一試。見到鋪面感覺比傳統茶樓乾淨好多，都食得放心啲。而且店員都好有禮貌，有問必答，即叫即到，唔使好似傳統酒樓咁樣三催四請。———————————————點心到📍 佐敦廟街286-298號華志大廈地下6-8號舖📍 港鐵佐敦站 C2 出口, 步行約3分鐘📍 Tel 5423 7079…Read More

依家飲茶食點心梗喺無時間限制啦，梗一包晌屋企，再唔喺，便利店大把即食點心，當然，想有質素少少，梗喺去啲點心專門店啦，況且，依家真喺開到梗有一間晌左近。近來疫情叫緩和咗，但都未喺可以掉以輕心，故此約食飯都只喺約番啲相熟嘅老友。今回同友人嚟到「點心到」飲餐夜茶，仲揀早少少避咗晚市，快上快落食完就閃。餐廳裝修簡約，木地板、木枱椅，特色嘅吊燈，予人感覺光猛潔淨，主要都喺四人枱，不過放咗唔少隔板鎅為兩張二人枱。此時都喺兩、三乘客，所以，大家都各自走位，坐得隔開啲。枱上已放好餐具、洗碗兜、一大壺熱茶，自己招呼自己。而茶位收$3位，唔算貴，不過，點心紙顯示有飲品提供，不過，就唔知嗌咗飲品，茶位有無得豁免啫。一張點心紙底面兩版，就羅列晒所有點心款式，大部分會喺見慣見熟嘅款式，數數吓，原來都有成50款之多，睇落定價都算相宜。嚟點心專門店最划算喺唔收加一，慳番嘅加一真喺夠食多一款點心。晶瑩鮮蝦餃（2粒）$15蝦餃同燒賣最好喺可以嗌半份，蝦餃喺點心嘅經典，點都要叫番一客。外皮摺紋清晰，薄透晶瑩，而且，咬落唔黏牙，裡面塞滿蝦肉，重點喺啲蝦肉非常鮮爽彈牙，有水準。原隻蝦燒賣（2粒）$15仲記得以前燒賣嘅升級版喺加啲蟹籽上面，已經靚仔咗好多，依家仲加晒原隻蝦，又再升一級，兼且爽彈為整粒燒賣加分。而中間嘅豬肉餡打得爽身，亦食得出無溝粉，有豬肉嘅鮮味，真材實料。醬皇金錢肚 $24金錢肚又喺點心中另一經典，唔喺鳳爪就金錢肚架喇。金錢肚軟腍帶點點爽口，非常入味，充滿柱候醬香，下面就例牌墊咗少少蘿蔔，索晒汁，同樣惹味，而且，嫩滑無渣。黑金流沙包 $25無論叉燒包、奶皇包、抑或流沙包……熱焫焫嘅蒸包就特別好食。個流沙包拎上手已感受到非常軟熟，咬一口啲流沙餡已澎湃湧出嚟，帶點鹹鹹嘅蛋黃香，確喺好食，不愧喺推薦嘅點心之一。蜜汁叉燒腸 $25無嗌叉燒包，就嗌番碟叉燒腸。腸粉加多炷菜俾客，都幾搞嘢，雖然啲腸粉皮睇落就未至於話薄到透光，但拉得都算嫩滑，亦有米香，而裡面嘅叉燒就落得無手緊，件件都塞滿瘦叉，啱我口味。普遍上，點心嘅定價比去酒樓平，款式亦算多，雖然無話搞好多古靈精怪、好花巧嘅菜式，但師傅嘅功夫都算紮實，質素都叫穩定。服務亦唔錯，啲店員頗有禮貌，亦好勤快幫忙收籠收碟。…Read More

今日要同個朋友去上堂，上堂前當然要醫肚，佢話想食流沙包，我哋就揾到呢間係佐敦廟街既點心到。舖頭入面都好乾淨企理，有少量沙發位，都坐得算舒服！晶瑩鮮蝦餃（2粒）（$15）、原隻蝦燒賣（2粒）（$15）見到兩款點心都有2粒呢個選項真係覺得好窩心，因為有時真係淨係想食一粒同想食多啲其他點心。個人覺得燒賣比蝦餃出色，蝦餃內餡好彈牙較淡。濃湯鮮竹卷（$19）全素既鮮竹卷，內餡係蘿蔔同其他素茶，豆味香濃，湯底仲有杞子味，感覺好養生！黑金流沙包（$25）小小既黑色蒸包一搣開就會流出奶黃餡，非常邪惡又惹味，又唔會太甜太油，食三個都唔覺得膩！金沙脆皮銀蘿腸（$26）好難得見到羅漢齋同白腸粉以外嘅全素腸粉，內餡係蘿蔔絲外包香口脆皮，最外面係香軟腸粉皮，食落感覺幾清新！沙薑汁燴鮮淮山（$22）有西芹同木耳加鮮淮山，口感偏軟，好香沙薑味但唔會過鹹。籠仔鳳爪排骨飯（$34）用荷葉飯墊底，鋪上靚金鳯米同鳳爪排骨再蒸，入口有陣陣荷葉香氣，飯煮得好好，加埋甜豉油，真係一個人食晒成籠都得！總括嚟講，呢度既點心性價比好高，選擇都多，唔洗加一，所以都見到好多附近既街坊黎幫襯，同店員有傾有講，好家常既感覺！…Read More

聽朋友講佐敦呢間點心店好抵食，見今日去開附近，就打算試吓😝。其實之前我哋都有食過佢喺旺角嘅同集團分店（嗰間係食小菜為主），果次都覺得唔錯，所以今次經開佐敦諗都唔諗就決定去。餐廳地點離佐敦地鐵站約十分鐘路程，非常容易就搵到。我哋叫咗好多個點心，每個都好好味😋。👅金莎脆皮銀蘿腸（$26），雖然腸粉皮有啲厚，但個口感都好唔錯。🦐原隻蝦燒賣（$15），肉味香濃，蝦亦都好大隻，抵食！🍞 黑金流沙包（$25），個size比其他出邊嘅流沙包細少少，細少少反而更加好唔會太過濟。🍚籠仔金銀蒜海蝦飯($42)，蒜味唔會太勁，蝦味完完全全咁滲晒落去個飯度，非常之好味同抵食😝！總結來說，味道唔錯，價錢抵食，值得一試🤣！…Read More

飲茶唔一定要去酒樓既~ 點心專門店都係其中一個選擇😋🥢🔸卡通流心芋蓉包 ($22)個包好睇又好食🤣 有三個唔同表情, 勁搞笑😂😂芋蓉好香💜甜度岩岩好🤤 雖然無乜流心, 但都好味😁🔸黑金流沙包 ($25)個包超軟, 包住流沙奶黃餡💛 一meet開個包就流曬出來🤤鹹蛋味都好香, 有沙沙既口感, 好味👍🏻🔸原隻蝦燒賣 ($30)必點點心‼️蝦超大粒超爽口🍤 配埋粒粒手切半肥瘦豬肉, 超有口感😋絕對好食過酒樓既燒賣‼️🔸晶瑩鮮蝦餃 ($30)必點點心‼️皮薄餡靚, 蝦肉勁彈牙😙 同埋好大粒😍🔸金沙脆皮銀蘿腸 ($26)即係炸兩🤣 私心推介❤️真心好食過平時既炸兩好多‼️皮薄同埋超滑嫩, 入面條油炸鬼仲超超超脆😍真心好好味👍🏻👍🏻👍🏻🔸籠仔金銀蒜海蝦飯 ($42)一上檯已經好香🤤 海蝦份量都唔少, 落埋甜鼓油食, 好香好好味☺️略嫌飯硬左dd, 不過都好抵食😝茶錢只係$3一位, 點心又抵食又高質👍🏻 真心推介‼️評分: ⭐️⭐️⭐️⭐️…Read More

留意這間點心店好耐，終於開番堂食，就去試下。雖已三點幾，但客人不斷。座位算闊落，阿姐們也快手有禮。叫了幾樣點心，全部新鮮出籠，百分百香港製造，味道適中不過鹹，滿意。第一次試，叫的點心比較保守，它還有些較新潮的點心和甜點，下次再試。原隻蝦燒賣2粒（$15）蝦和豬肉都爽口彈牙。蜜汁叉燒包（$25）包皮鬆軟不痴牙，叉燒無肥膏，醬汁不會一擗擗。如果叉燒切得大粒些會更好，現在較碎。黑金流沙包（$25）賣相靚仔，包皮鬆軟，流沙夠香。香茜牛肉腸（$24）腸粉夠滑，牛肉足料夠厚，不過作為芫荽控的我不滿芫荽太少。鮑螺片滑雞粥（$26）粥底雖略淡，但是我喜歡的較稀粥底，加番分。雞肉大件醃得入味，份量又多；鮑螺片香濃煙韌。豐料糯米雞（$28）汁濃肉鮮，唔錯唔錯。濃湯杞子浸時蔬（$18）正常。…Read More

宜家夜晚冇堂食，唯有外賣自取點心再搵個地方食吓⋯⋯今次做咗”deliver food”專員，攞外賣自取去咗港島最東端初度遊，順道搵人食飯，有種另類picnic嘅感覺，咁都係第一次。·黑金流沙包🟡包面有層好似燙金咁嘅裝飾，係幾得意嘅～流沙包最重要梗係要流沙，咁佢個奶黃流沙餡係有喺度。隔咗咁耐食都仲暖，唔錯唔錯～·黑松露菜苗餃🟢見到又食到黑松露味，有鮮蝦有菜苗，仲有紅蘿蔔絲，感覺誠意十足，睇得又食得。·金沙脆皮銀蘿腸🟠其實就係好似油炸鬼加蘿蔔絲，全部釀晒入去腸粉入面。油炸鬼嘅脆同好軟身嘅蘿蔔絲又幾夾，加埋有少少🤏🏻油香嘅豉油去食，係幾好食嘅～·籠仔香辣排骨飯🍚籠仔就冇啦～外賣嘅關係變咗係個盒仔！😂但冇因為咁樣，影響到盒飯嘅味道，而佢保留咗嗰塊荷葉係好梗要～因為用荷葉蒸出嚟嘅飯係特別好食！！😋仲要有埋好惹味嘅香辣排骨～大家越食越開胃，亦都越食越辣～～🔥🔥·黑蒜螺片燉肉排🥣燉湯入面見到晒黑蒜螺片，有雞腳同肉排，算係一碗幾足料嘅湯。飲落味道亦都係幾濃，不過就令我哋諗起平時冬菇炆鵝掌嗰個芡汁嘅味道⋯⋯🙊 整體都係好飲同特別嘅。·Ummm…係一次幾得意嘅食飯體驗，由日頭食到夜晚嗰下幾過癮～😜🤣…Read More

最後衝刺去剪頭髮，同為c出口既呢間點心店係髮型師推薦，估唔到又幾抵食！舖頭位於廟街，附近好多餐廳好易搵餐廳裝修都好骨子點心種類都好多，仲有一d係皇牌點心我地叫左6樣野，2個人食都好夠飽，埋單唔使$150，抵食！ 點心大概十分鐘就上台啦！都算好快先後糯米雞，一個大概有手掌心✋🏼咁大，好香荷葉味，入面既餡都好足料，有肉碎、雞件、冬菇、叉燒等，味道有別於其他餐廳，因為佢唔係好咸，淡淡既蠔油味。朋友好鍾意食蝦餃，我地叫左4件裝$30，蝦餃中型size, 入面包住三隻蝦，皮薄煙un, 蝦又爽口彈牙！同埋佢唔會夾住好多豬肉，岩晒鮮蝦fans. 再來係黑金流沙包，欣賞佢既內餡唔會過份地爆出黎，唔會食到好狼狽。奶黃漿都係咸咸甜甜咁，三兩下食晒三個。呢個註明係原粒鮮蝦既燒賣都好足料好有份量。食得出佢入面既肥豬肉唔多，好實在，而且無乜味精加料，清新。牛肉球都好彈牙，而入面既芫茜係超級新鮮，食落去係爽口既。最後既係混醬腸粉，店員好貼心咁將豉油另上，唔會搞到水浸腸粉。腸粉係好軟林林，但又好有彈性，師傅好功夫。 配上甜醬麻醬，真係一流。喜歡點心既你，一定要試下呢間，價錢同質素都好高啊。…Read More