Chatterbox Café (K11 Musea)

Open Now

Now Closed

新加坡文華大酒店出品品牌，過江龍品質果然有保證，食過更發現性價比高，難怪每次經過都見到有人排隊等入座。黑醬油炒鮮蝦蘿蔔糕特製醬油味道甜甜的，蘿蔔糕都索滿醬油汁，熱辣辣好好食!沙嗲串燒併盤（雞豬牛.各2串） 併盤有雞豬牛串燒.每款2串，燒到好香配沙嗲醬汁非常惹味。參巴辣椒炒豆角 豆角配上洋蔥、蒜粒，加埋辣椒炒，一上枱已經聞到香噴噴，味道小小辣，辣度啱啱好。文華海南雞飯推介必食海南雞飯，特別點雞胸肉，但肉質非常嫩滑，一啲都唔“鞋”，而且肉味濃郁。油食亦都又香又軟綿，水準之作!

👩🏻‍❤️‍👨🏻：⭐️⭐️⭐️⭐️👰🏻‍♀️原來咁大個人未去過太空館，今日🤵🏻‍♂️特登帶佢去玩，仲安排埋第一次睇天象廳節目。去太空館泊車最方便都係K11 Musea B3 Zone A，一上地面出lift就係太空館隔離。玩完一輪，👰🏻‍♀️想食海南雞飯，直接去Chatterbox 。提提大家，如果你哋有K11會員，可以用app攞飛，因為呢間長期好受歡迎，門口最少都10個8個人排隊。👰🏻‍♀️🤵🏻‍♂️文華海南雞飯 $123招牌菜，唔使多講，每一檯都必叫，海南雞香嫩幼滑，油飯香口。👰🏻‍♀️🤵🏻‍♂️鹹蛋雞翼（六隻）$83稍嫌遜色。新加坡東南亞菜館通常都有鹹蛋菜式，一般將鹹蛋黃擺喺炸粉入邊，炸完出嚟仲濕濕地，鹹蛋黃嘅鹹香會充滿口腔。呢度嘅鹹蛋雞翼炸粉較薄，有少少似喺炸好嘅雞翼上邊灑上鹹蛋黃碎，感覺較乾，都唔係太黐雞翼表面，兩者並無融合，入口味道較輕，下次唔會再嗌。👰🏻‍♀️🤵🏻‍♂️黑醬油炒鮮蝦蘿蔔糕 $82Surprise！味道蛟龍，喜歡食甜嘅朋友一定鍾意，蘿蔔糕、鮮蝦、少少蛋花、加上少少臘肉等細粒配料，配合得恰到好處，送飯一流。👰🏻‍♀️🤵🏻‍♂️醬油西生菜 $45極度抵食，出街$45一碟菜本來已經好難搵，仲要好

呢間新加坡既海南雞飯專門店係新加坡食過好多次但香港店就一直都未試過,今次經過k11 musea見到突然又勾起去旅行既回憶就入去回憶下新加坡既味道.文華海南雞飯今次加左$10轉雞脾肉,令整體口感更滑溜.海南雞去骨後啖啖肉,肉質滑嫩再配上特製醬汁入口香甜惹味.另配上三款醬汁沾海南雞肉食令雞肉帶出三款不同層次感既口味.海南雞飯帶清香既雞香味及淡淡香茅味,入口唔會過油膩而且米粒分明口感相當好.馬來特色炸豆腐豆腐炸得乾身又香脆,豆腐上加上蔬菜絲配合一齊食充分減輕油膩感.豆腐香滑帶淡淡豆香,加上特色花生醬帶微微辣香味道更濃郁.黑醬油炒鮮蝦蘿蔔糕帶甜味又濃稠既黑醬油配上鮮蝦蘿蔔糕更能帶出蝦肉及蘿蔔自身既鮮甜味.蝦肉爽彈配上綿密既蘿蔔糕令口感無咁單調.蘿蔔糕好足料帶有一絲絲粗身白蘿蔔之餘質感又唔會過水汪汪及鬆散.荔枝刨冰配雪糕咁熱既天氣食返杯刨冰更清涼又清新口腔.味道香甜得黎又唔會過份甜膩.內裏黑色珠咬開係提子汁,帶出一陣酸酸甜甜口味刺激味蕾.整體作為飯後甜品都唔會覺得好膩.美綠恐龍香甜又充滿麥芽香,濃郁香甜.