Beans (Hoi Pa Street)

噚日(17-4-2021 Sat)去完銀行食個晏,由於呢喥可以用中電送嘅$100.00電子消息劵,咁就大大力嚟懲罰佢啦.我哋嚟到唔多人排隊,大約等咗10分鐘就有位,睇完menu,老公決定要$89.00嘅班尼廸蛋,黑魚子,煙三文魚嘅all day breakfast,要減$8.00,變成$40.00嘅自家製龍蝦海鮮濃湯.我要$58.00嘅Green Tea Waffles,有蜂蜜窩夫,蜜燴紅豆蘋果,吉士奶油,綠茶雪糕,香草忌廉同純乳酪同 $39.00一壺,免費refill嘅蘋果肉桂茶.落完單,店長話all day breakfast重有一杯嘢飲包,可遲啲決定落單.冇耐,蘋果肉桂茶同自家製龍蝦海鮮濃湯到嚟,特製嘅壺可以好安全咁放喺杯上面,好骨子.拎開自家製龍蝦海鮮濃湯睇,海鮮放咗喺杯喥,有蝦,帶子各一隻同兩隻蜆,龍蝦濃湯好深色,味道真係好濃郁,而且一壺斟到兩碗咁多,好抵飲.海鮮又新鮮,好正.蘋果肉桂茶係茶包嚟,肉桂味重啲但唔太濃,可接受.Green Tea Waffles到嚟,圓形嘅窩夫好鬆軟,味道清淡,要加綠茶漿同奶;蘋果紅豆都甜甜的,上面嘅珠珠有荔枝味.中間嗰撮應該係吉士奶油啩,味道唔錯.咁,純乳酪呢?邊啲係?班尼廸蛋,黑魚子,煙三文魚all day breakfast,賣相好靚,蛋黃全流心,配埋微鹹嘅煙三文魚食好夾;沙律菜同麵包粒都正常冇問題.然後後加$52.00嘅薑汁味半熟梳乎厘,呢個要用30分鐘做,淡淡嘅薑汁味,我覺得啱啱好;梳乎厘鬆軟,亦真係半遜,底係全熟但仍鬆軟.同一個甜品有兩種口感.老公最後要黑糖薑母茶,呢個味道亦啱啱好,唔錯.上次食評已經係上年5月23日刊登嘅呢篇: https://www.openrice.com/zh/hongkong/review/%E7%AC%AC3000%E7%AF%87%E9%A3%9F%E8%A9%95-%E6%84%9B%E5%BF%83%E9%BB%83%E5%BA%97-e3729967…Read More

荃灣出名多美食，價錢又親民，平日除了去貓之茶房玩玩貓外，附近而間beans cafe都十分之出名，整體而言，CP值算高。cafe位置大概分2邊，加埋約十幾張台，當日排隊都等了約20分鐘。見服務員都好努力翻台，所以有限時間用餐是正常的。黑松露軟殼蟹意大利粉 （$74）冇得輸組合，黑松露醬很多，混合意粉整體感覺很好，很香，炸軟殼蟹稍為有點油。手撕豬仔骨漢堡，太陽蛋，焦糖洋蔥，車打芝士，薯條（$86）一上到真係wow一聲，勁大件，材料多到放唔到一起，什至不能夠用手揸住食，手撕豬仔骨食落啖啖肉，但醬汁落得重手了，導致個包有點太濕，蕃茄片生菜新鮮，食完個包都冇咩位置食薯條 所以我覺得佢係cp 值最高。卷.山政小山園（主食+25）我本身唔太好抹茶，但眼見10台有8台都order而款甜品，跟風的我都試試，果然係王牌，味道甘香，牆上有塊大黑板仔細畫上有什麼成份，解剖圖似的🤣。…Read More

又去荃灣路德圍揾食啦！今日唔係掃街, 係去開業以來日日排長龍嘅Beans, 原來12點半前會易啲有枱(小tips), 但靠落地玻璃位會好曬好曬, 所以有兩枱食客都寧願轉去長Bar枱share table. •黑松露軟殼蟹意大利粉 (HKD78)原隻軟殼蟹新鮮炸起直教人食指大動呢. 整碟意粉佈滿唒香味四溢嘅菇片, 黑松露份量十足喺拎出黎已經聞到啦🤤, 同忌廉作汁底配合得勁好, 意粉淥得爽口彈牙, 軟殼蟹夠唒厚肉, 炸起後吸左多餘嘅油所以並無食到一口油淋淋👍🏻, 足料又飽肚.•夏威夷燒雞帕尼尼, 薯條 (HKD56)Menu寫住”NEW”嘅Panini好值得推介. 係大件夾抵食之選, d燒雞扒切成一粒粒沾滿蛋黃醬咬落好juicy, 加上蕃茄同沙律菜, 薯條則炸得時間剛好, 熱辣辣脆卜卜薯味十足.•黑糖姜母茶 (跟餐)黑糖嘅甜+微辣姜母, 養生之選…Read More

越南妹係日本🇯🇵返來喇！短暫兩星期當然要同熊妹見見面喇！咁岩瑪姫太太的A仔👶🏻要出世喇，就一次過黎荃灣區探探佢地👪。難得黎到荃灣揾好西，首選當然離不開只在新界有分店的《荳子》咖啡店。下午茶時間黎到，一定無傳聞中講到咁多人排隊的場面喇。荃灣總店的《荳子》有兩間連鋪，一間係擺放蛋糕凍櫃的，一間係連廚房的，坐邊間都無所謂，最緊要有位。熊妹其實一早睇定好食咩，3點幾呢個時段黎到可以食下午茶餐同午餐優惠，包埋飲品比正價抵少少。🍽越南妹食左晏奏過黎唔太肚餓，俾熊妹發板叫野食，熊妹揀左兩個輕食無咁飽肚的。蟹肉牛油果他他，$58底下鋪滿粒粒牛油果🥑，好熟好香，中間夾雜一堆沙律菜🥗，面頭鋪上一層沙律蟹肉層，係一份好精緻的小食。拌碟有三塊麵包薄餅，將蟹肉他他撈勻搽上軟綿的薄餅上面一併食，好健康又美味的輕食呀。流心抹茶吐司，$58熊妹係抹茶熊不在話下喇，呢款甜點一定捧場捧場。非常可觀的賣相，大大球抹茶雪糕襯托在一片厚厚黑黑的竹炭麵包吐司🍞，仲有兩粒藍莓，兩粒紅莓同幾粒棉花糖仔。一刀切下，嘩，澎湃的綠茶醬汁流哂出黎，質感比較水啲，吐司其實本身幾脆，不過浸沒係一大堆抹茶汁入面變成有啲啲淋，如果綠茶醬汁可以濃稠少少會更加好味！竹炭本身其實無咩味，夾埋甜甜的抹茶醬就變成一款好好味的甜品🍭，而且黑色配上綠色係好襯的顏色組口，整體係好靚好味好吸睛的！黑糖薑母茶，跟餐價$0越南妹有點熱氣，爆左唇瘡，所以飲啲滋潤茶🍵熱熱地補補下，個杯好靚，唔算好甜。3D熊熊奶泡Latte，跟餐價$0熊妹知道呢度有得叫3D奶泡，本身想點flat white加拉花，但店員指flat white奶泡唔夠厚，好難做到拉花效果，提議轉做latte,好窩心喎！慢功出細貨，都等左一段時間先整好。奶泡係熊熊🐻黎架，好打意呀！咖啡奶泡層真係好厚，latte咖啡☕️都幾重咖啡香味，同牛奶🥛比例夾，好易入口，讚讚讚！呢度啲餐碟餐杯都好靚靚，餐碟同餐巾都有印上自己餐廳品牌《Beans》的圖案，連盛水的水杯簡樸得黎又好優美，係一間好有心經營的咖啡店，難怪咁受歡迎，發展到咁多間分店，如果可以衝出新界係九龍或者香港區開分店，就無懈可擊嚕！…Read More

每次去荃灣經過都好想試，但經常都大排長龍，今次夜晚八點幾竟然唔使等位就即刻衝入去食。👏🏻-店舖分左兩邊，入左間唔駛等既，因為聽說兩邊餐牌係一樣。-舖位唔大，同隔離客人有啲近。-<蟹肉牛油果他他>🦀🥑 份量適中 薄餅夠熱又夠軟身 加埋他他一齊食 正👍🏻-<帆立貝菠菜意大利飯>有大概5-6粒細既帆立貝，沒什麼特別。菠菜意大利飯既忌廉汁夠濃 飯夠軟👍🏻<黑糖薑母茶>保身之選👍🏻 夠晒薑- 我地兩個人但唔係太肚餓，所以只嗌左兩樣野食 加杯野飲，大概每人$100 。見到隔離枱既蜜糖雞翼，賣相好吸引，下次去再試😋👍🏻值得再去的咖啡店🙆🏻‍♀️…Read More

每次經過，都多人排隊。米睇佢店細細，但食品都種類多。我地一行幾人，腳快快甘去排隊。好彩唔多人。因為出名，價錢都有番甘上下。但起碼份量同味道撘夠。黑糖薑母茶，濃濃薑味。飲完成身暖晒。全日早餐之一食晒係會飽嘅，放心。呢個好食。啖啖忌廉意粉配咸淡適中煙三文魚。呢杯。。忘了名字呢個班尼迪蛋睇落份量好似好少。但食晒又會覺得夠。整體，好食。只是人多感覺迫左啲。味道都夠，感到製作用心。另外見到甜品也很吸引，伴碟裝飾很用心。…Read More

位於荃灣眾安街的街角 之前得一間舖頭 宜家連隔離嘅舖位都係佢唔洗等位之餘 仲唔洗坐喺一個充滿人既地方食飯 正正正👍🏼入內氣氛不錯 燈光自然 天花很高 不會給人一種壓迫感👏🏼我叫了set lunch 大概有五至六款揀 配飲品的 再加錢可以有餐湯和甜點 蟹子蟹柳意粉很鮮 並不是那些雪藏蟹柳 而是拆肉的那種 因為我食到了蟹殻了😂 配蟹子也令口感豐富 特別黑糖薑母茶 味道很好 不過喝到最後才發現杯底原來有蜜糖🙈 下次喝的時間攪拌好 一定更好喝…Read More

難得每月來一次到荃灣開會, 完會後剛趕得上六時前供應午餐和茶餐時段, 加上此時段食客不多, 不用排隊等位就最岩我。看到有温泉蛋就不用多考慮, 就要一客蕃茄醬肉醬温泉蛋意大利長通粉配黑糖薑母茶($39)。先來一杯黑糖薑母茶, 相當適合我這個超級寒底人士飲用, 驅寒驅風, 點解成個阿婆咁?? 以一個闊而矮身的杯子盛載, 挺可愛趣緻, 再配上木小匙, 帶有和風色彩。已先將其攪拌多次, 但總是拌不勻, 起初味道較淡, 只嚐到微甜少辣, 薑味 並不突出, 當喝到差不多一半時, 甜度漸漸加強之餘, 薑辣味亦越來越濃烈, 啖啖辣喉, 但喝完真的感到全身温暖, 若然是冬天飲用則更滋味。******************************等了不久一碟蕃茄醬肉醬温泉蛋意大利長通粉便送到, 碟子雖大, 但放食物的中心位置郤不多, 所以整碟意粉的份量一般。外表奶白色的温泉蛋 放在意粉的正中, 輕輕把它刺穿, 鮮黃色的蛋黃汁緩緩流出, 半生熟的雞蛋質感滑溜, 充滿蛋香, 但不知為何每處所吃的温泉蛋都是凍而非暖? 難道它真是凍食? 但個人郤認為這是它美中不足之處。肉醬醬汁 的稀稠程度剛好, 稍稍黏在長通粉上, 雖內裏有粒粒鮮茄, 但蕃茄味不算濃郁, 味道偏淡, 而且長通粉 煮得過時, 稍為稔身和帶黏性, 失去了通粉的煙韌感, 有點失準。------------------------------知道荳子是人氣店子, 往往門外排了人龍, 希望下次又可那麼好彩, 再遇上「難得不用排隊」, 因很想一試這裏的甜品和咖啡。…Read More

位於荃灣的人氣小店 Beans 在去年年底擴充營業，將旁邊的舖位打做成 Beans The Corner之後，支持度繼續是有增無減，近來途經所看，門外一樣是排滿着人龍。小店雖然以甜品打出名堂，但其實意粉同樣做得出色，所以偶爾也會特別過來捧捧場。  黑糖姜母茶, 3.5/5套餐不包前菜但有餐飲一杯，當下選了熱的黑糖姜母茶。用膳當日正好是寒風凜冽，一杯熱的黑糖姜母茶就好像沙漠中的綠洲，立即感覺暖笠笠。特別喜歡濃郁的薑味，而且味道不會太甜，不錯。  凱撒沙律 ($15), 2.5/5最近剛從曼谷回來，在當地每天都是大吃大喝，加上多肉少菜，實在極之需要一點翠綠的蔬菜來幫助消脂，因此特別加了 $15 換一份迷你凱撒沙律。沙律菜的口感不算脆嫩，但簡簡單單放些芝士粉和橄欖油，感覺很有田園氣息，吃完心理上也健康了一點。  忌廉蟹肉蟹棒蟹籽意粉 ($55), 3.5/5幾款意粉和意大利飯當中，順利選出這款忌廉蟹肉蟹棒蟹籽意粉，單看賣相，感覺已經不錯。鮮蟹肉和蟹棒的份量都比預期中足料，意粉入口也有嚼勁，加上甜美和濃度適中的忌廉汁，味道自然不俗！吃完三道菜後，胃肚已不能再容納多一款甜品，否則必定要一試這裡精緻的分子甜品。…Read More

位於荃灣的小品式咖啡甜品店荳子自去年開業後，一直人氣大熱，除了是開飯十大餐廳的常客之外，據聞每天也有長長短短的人龍不停在門外等候，實在非常犀利。當荳子還在開業初期，也曾到來試過午市的意粉和甜品，大致的感覺不錯，今日再來，希望水準沒有下降吧。午市套餐一碟美味的意粉加一杯飲品都只是 $40-$50 元左右，的確十分抵食。加 $15 還可以來個健康沙律或者蟹餅一份，加 $20 則來換件蛋糕。 凱撒沙律, 2/5凱撒沙律欠缺了常見的嫩綠，口感也不夠脆，就連醬汁亦調校得酸了一點，莫非開業一段時間，食物開始走樣？ 忌廉汁蟹肉海鮮意粉, 4/5不過見過主菜的忌廉汁蟹肉海鮮意粉之後，心𥚃定了一定。意粉的材料上乘，蟹肉不是馬虎地給你幾條日式蟹柳，而是份量十足的鮮蟹肉。海鮮則有魷魚、蝦仁和大量魚籽，配上幼滑的忌廉汁特別味美。麵條也有嚼勁，普通一碟 $45 的意粉都如此用心製作，確實值得一讚。 黑糖姜母茶, 3/5餐飲點了熱的黑糖姜母茶，喝完後好像有股暖流直湧到心頭，感覺相當滿足。沙律雖然有些失準，但是有滋味的意粉搭夠，加上無限的誠意，當然要特別加加分。…Read More

下午2:30暴曬等位 (聰明點下次要自備傘子~)小咖啡室裝潢有格調，糖果色的餐具杯子很好看。女服務員笑容可加，很有禮貌我們兩個女生點了兩個午餐：(1) 自家製肉醬溫泉蛋意粉 + 炸蝦餅味道可以，不過不失， 兩款食物的份量比較小，不飽肚(2) 鮮茄豬肉腸拿破崙意粉份量適中，有媽媽煮的味道 － 即是好像沒有什麼味精，喜歡吃的，但沒有令人「吃過翻尋味」的感覺(3) 巧克力曲奇拿鐵朋友說這個咖啡不苦但很澀，把忌廉混和，還是很澀..(4) 黑糖姜母茶這個很好，姜的味道很重，帶甜，到喉嚨變辣，正! 如果有沖飲裝買的話，好想買回家。因為是上班午飯時間過來的，等位時間15分鐘左右，又曬又熱，平日應該不會考慮再來..不過如果是假日有空閒的話，還是可以過來坐一坐享受下午茶。 …Read More

今天是和老婆仔的紀念日約了老婆仔在荃灣看電影在看電影之前先填飽肚子很肚餓的老婆仔又想吃麵又想吃甜品而我則不算太餓所以最後點了48元的蟹肉忌廉意粉 配 黑糖薑母茶另外再加52元的玫瑰茉莉慕絲 配 熱泡沫鮮奶綠茶我試了一點的蟹肉忌廉意粉忌廉味很重但這份重是好吃的令整個意粉每一條都充滿味道而蟹肉雖然主要都是蟹柳但卻煮得很新鮮是焗過才有的質感這個外表看起來很吸引的玫瑰茉莉慕絲表面佈滿玫瑰甚至吃起來也感到一點點的玫瑰碎不過我認為玫瑰味道並不重或許是茉莉味太搶了味道是清幽的不過我認為慕絲應該是更冷的這個不夠冷凍吃起來滑得太過了老婆仔說想試一試的黑糖薑母茶薑味果然極重但我卻認為糖味少了點有點像是喝加了薑的茶不過換另一個角度看糖味少點或許更健康?與預期味道一樣的熱泡沫鮮奶綠茶沒有令我們失望奶味和綠茶味分配得很好兩者味道都很突出也很滑喝起來感覺很溫暖幸福清幽的茉莉溫暖的綠茶與慶祝紀念日的我們就出現在咖啡店的一個角落…Read More

繼續紀錄另一間輕食店，其實為食的甜魔媽媽已經很久沒有上網搜尋新餐廳了，會去新餐廳，除了試食邀約，就是食友提出的飯局；這間位於荃灣的Beans小局就是屬於後者。   店子雖然小小，裡面的甜品選擇卻非常齊全而陣容強大，加上由元朗搭西鐵去荃灣只需十分鐘，甜魔媽媽實在沒有推卻的道理!! 不過要講小店的電話非常難打，食友努力嘗試了幾晚都訂不到檯，還好早到的媽媽順利拿到六人大檯，因為之後小店都頗為滿座呢! 喜歡小店樓底夠高，頗有空間感，另外食物定價非常便宜，雖然不是很高水準，但所為一個輕鬆吃飯聚頭的地方，也不錯了。我們一來先點了四份晚餐 (其實也是全日套餐)，各包一杯飲品，這是老公的美式咖啡，沒問意見，但見他很快就飲光，應該不會太差。之後遲到的劉總又散點了Cappuccino($32)，更加是非常的精美吸引呢。套餐飲品選擇包括黑糖薑母茶，聽上去很健康，甜魔媽媽就點了來試試。這茶甜度不算太高，薑味也算濃，在開始微寒的夜，飲在胃裡幾舒服的。Ophelia應該是凍飲達人，選的是凍的蜂蜜綠茶；之後隔晚的甜品局又是這樣，有機會氣溫降破十度，我有興趣約她出來飲野，看看是不是繼續凍飲，哈!惠顧晚餐可加$15加一份凱撒沙律，成品份量、味道都正常，以此價位沒得投訴了；相比之下，同樣是加$15換的焦糖單骨雞翼香甜又juicy，一客共有六件，還附少量沙律菜上檯，頗為抵食呢。晚餐的主菜也上檯了，這份燒雞沙律配胡麻汁 ($49) 的沙律部份沒有問題，同上的胡麻汁甚至幾香幾吸引，但那幾件雞肉簡直是大災難，腥得令人想吐，我們一件都沒有留給遲來的劉總，完全是對他好!香草汁蜆肉意粉($58) 則比預期中好得多，那醬汁頗香口又濃郁，平均掛在頗有口感的意粉之上，加上份量不少的海鮮，令人吃得相當滿足，是全晚最好吃的一款咸食。自家製肉醬溫泉蛋意粉($49) 則比預期失色，因為那肉醬味道太淡了，竟給蕃茄醬的甜味蓋過了，與溫泉蛋也擦不出任何的火花。想吃的千島海鮮pizza($68) 沒貨，改點了夏威夷pizza($58) 也十分普通，質感與味道似是麵包舖的貨色出品，純是飽肚之作。來到甜品環節，當晚我們點了三款BEANS Dessert Combo，這是由蛋白焦糖燉蛋、雲尼拿雪糕、香蕉拖肥批組成的Milk Combo($78)，當中的雲尼拿雪糕因缺貨變了朱古力雪糕。香蕉拖肥批件頭不小，不過味道未夠香滑甜膩邪惡，餅底也可以再脆口些；蛋白焦糖燉蛋則算不錯，面層焦糖相當清脆，底下的蛋白燉蛋也非常香滑，而且比一般的燉蛋多份清甜感。接著是由綠茶紅豆奶凍、綠茶白朱古力流心朱古力蛋糕及綠茶雪糕組成的Green Tea Combo ($88)，看賣相是非常的吸引，不過吃來並非那一回事...首先綠茶雪糕色澤深邃，但綠茶味較淡；其後的奶凍更加充滿冰碎，口感與味道都慘不忍賭，為了不太浪費我吃掉雪糕及紅豆就收工了....至於最為期待的綠茶白朱古力流心朱古力蛋糕，看似流心，然而白朱古力蓋過了綠茶味，味道甜膩，而且蛋糕層焗得很厚，吃時還有一點不太熟透之感，相當麻麻。最後是由朱古力雪糕、朱古力慕絲及流心朱古力蛋糕組成的Chocolate Combo ($88)，朱古力味的心太軟算是香濃，味道可以，同時也有一定流心效果，味道OK，但其實朱古力心太軟與雲尼拿雪糕才是絕配呢! 反而最驚喜是朱古力慕絲，加了大量餅碎、棉花糖及脆糖的慕絲味道香甜、豐富、濃郁，甜魔媽媽吃得最多最乾淨就是這個。埋單$525，以此價位真的沒有投訴了。…Read More