B+BC Cafe (TKO Plaza)

這天晚上去了吃桂花小幸，餐廳名字很美唷～是一間吃台灣菜的餐廳，還有售賣多款珍珠奶茶等的台式飲品。用上木系的裝潢，櫃上有一些書本，帶一點休閒的感覺。我們二人就各點了一個主食，另外點了一個小食和兩杯飲品。♡三盛台灣牛肉麵$88 🥢必點🥢有腱心牛肉、牛腩、牛筋，還有幾款湯底可以選擇，我們就選了養生清燉牛肉湯，味道帶點藥膳味道。還有微辣的紅燒牛肉湯和清雞湯等可供選擇。♡鹽酥雞排滷肉飯64雞排已經貼心切好一件件，方便客人進食，而且啖啖肉很大塊，再配上滷肉飯十分香口。♡台式小食拼盤$68拼盤有炸花枝丸、桂花雞翼、炸餃子、地瓜薯條，不過當日地瓜薯條賣完了，餐廳就幫我轉了做甜不辣。拼盤類我最喜歡雞翼，炸得很香脆，炸花枝丸也不錯，很大粒。·🧋飲品都可以除個人口味調教甜度，兩杯飲品我都點了少甜少冰。♡黑糖珍珠鮮奶$23黑糖的甜味配上珍珠可以當是晚餐後的一道甜品。♡雲頂紅霞$24由伯爵紅茶、厚奶、堅果雲頂調製而成，我喜歡堅果雲頂的口感綿密，還有堅果碎帶來的口感，整杯都帶有伯爵紅茶的香味。✖️餐廳不設加一服務費…Read More

今天看戲後, 計劃去超市入貨，順便在將廣午餐。發現這家台式餐館只需等候1-2張枱, 所以選這家。在等候期間， 我倆已選定喜歡的套餐了!   前台付款後, 慢慢等待美食來到。 台式麻油雞湯飯        天氣寒冷, 就想來一鍋熱辣辣的食物. 麻油雞又補又暖身, 真是寒冬恩物。 湯底: 芝麻油，啡色的薑片，杞子，紅棗，面層黃油，不知是芝麻油還是雞油了。 聽說是先冷油冷鑊以芝麻油把薑片炒至捲曲，倒入雞件翻炒，再加入酒煮熟，然後加水加菜就變成滋補的麻油雞了! 湯身:酒味不太濃，易下嚥。雞肉: 雞胸滑溜,  肉質合格。因為飯粒較煙韌，不想變湯飯，於是一口雞一口飯。 麻辣牛腩雞翼米線套餐      這是新品, 加上小米喜歡辣, 就選擇有雞有牛的米線, 中辣。米線上枱時, 鼻子就感到那辣油的香氣。   古早味滷水牛肚      是金錢肚和毛肚       牛肚煮得軟綿綿容易咬, 很喜歡這口感。由於牙齒問題, 不喜歡太硬或太韌的食物。而牛肚煮得很入味, 但不會死鹹. 没有搶走麻油雞的味道。 黑糖珍珠鮮奶       上月台灣之旅,  狂飲MIZUHO。 偏偏忘了黑糖珍珠鮮奶, 現在就要補償一下。 冬天就要點熱飲, 雖熱飲杯看不見黑糖虎紋, 但溫暖的牛奶中帶著甜甜黑糖,  爽!  發現表面浮著牛奶皮, 是真 - 牛奶中蛋白質和脂質的証明呢! 十勝紅豆奶茶   小米覺得這個似紅荳冰, 奈何小米想要凍飲. 奈何今丌竹67唯有改熱飲!    果然把所有紅豆都消滅了! BODY REPORT :第二日，好以太陽咁溫暖!…Read More

周三吉日有特價, 特地到這邊來入貨. 入貨前, 要先食飽. 來到熟悉的台式餐館就座, 點菜付款, 就要和小米商量TAKE THAT目標.           秘罈酸菜魚米線     看到新品上市, 小米就想試試.  大大碗米線上層有彎彎的魚肉和大量酸菜. 其實湯底以薑的辣和酸菜的酸為主調, 没有花椒=没有麻辣. 不過看到小米把魚肉掃光後就狂吮米線, 很快手就把整碗都消滅了.           煲仔塔香三杯雞定食    一早知道三杯雞是醬油米酒&麻油三種調味料烹調而成, 可是自己不會煮. 而多次光顧, 也未曾嚐過三杯雞. 最後在牛和雞定食之中, 選擇三杯雞. 先夾出雞胸! 雞胸肉肉質滑滑, 這個雞合格了! 而帶著九層塔香的雞件很惹味, 好下飯.          滷水蛋  有雞肉, 又想要雞蛋.  而滷水蛋的小碟子, 用來做骨碟吧!          鹽酥花枝丸  花枝丸有粒粒花枝肉     日式紅豆抺茶 小米對奶類敏感, 而剛好小米又喜抺茶, 所以點了這款.     黑糖珍珠鮮奶   台灣名物, 就想要來一杯. 無奈自己了告訴職員要熱飲, 現在就變成凍飲了! 反正間中會來廣, 下次一定會講明<熱>黑糖珍珠鮮奶.  大家食飽飽, 要向吉之島出發了! …Read More

妹妺帶小妹妹入將軍澳拜年, 順便賀小米生日.而妹妹想到這家台菜, 大家就在此午餐了. 間中會光顧這家台式餐館, 知道其份量如何, 4大1小共點了4份套餐, 再配几款小食, 應該足夠吧! 在前台付款後, 我們就在這角落裡, 慢慢等待美食來到.   2款小食  涼拌貓耳朵  滷水豆腐   散點小食肯定貴, 所以跟餐加配更化算.  妹妹想要滷水豆腐和貓耳朵. 18個大洋有2款, 抵! 自己最喜歡這個滷水豆腐, 軟綿綿, 很入味.    滷水蛋滷肉飯套餐    配涼菜, 蔥油時菜及紫菜魚丸湯       新年大魚大肉, 所以剔除豬排或炸雞, 又心思思想要軟綿綿滷肉飯.   單點滷肉飯是45個大洋; 而粉麵飯套餐加18蚊可選小食魚丸湯和時菜.   現在這套餐包湯和菜, 還有3款涼菜呢!  抵!  45+18+18=81 > 套餐63   雖然都是素食系列, 在健康角度來看, 足以對沖滷肉的肥膩.     手拍小青瓜&涼拌黑醋茄子&涼拌貓耳朵, 本來就在小食LIST裡. 套餐卻奉送這3款小食, 份量很適合一人獨享.          手拍小青瓜有微微酸味, 是開胃的前菜.     涼拌黑醋茄子酸中帶點辣, 可能是豆瓣醬吧! 都是軟綿綿容易咀嚼.  先由滷水蛋開始, 然後就是蔥花拌滷肉飯.        食呀食, 很快就把滷肉飯消滅了! 再以多纖的青菜來消除滷肉的肥膩, 然後到水頭充足的紫菜魚丸湯作結.     鹽酥雞排麵 紅燒牛肉湯底  小米喜歡此店的炸雞排, 每次光顧都會點鹽酥雞排. 麵身配微微辣的紅燒牛肉湯底, 但小米連湯底也不放過呢!       酥炸排骨滷肉飯  妹妹點排骨滷肉飯.  因為小妹妺喜歡口感軟綿綿的滷肉飯, 妹妹卻想要炸豬扒.  妹妹表示附送的芥未醬很美味, 有點似芥末溝沙律醬.     紅燒腱心牛肉麵 母親大人點的牛肉麵, 配養生清燉牛肉湯底.        牛肉濃湯水餃8隻  另外加配水餃8件. 其實是椰菜豬肉水餃浸在紅燒牛肉湯.         黑糖珍珠鮮奶  妹妹想念台北之旅, 所以向其推介黑糖珍珠鮮奶. 無奈如今天寒地凍, 改為熱飲. 自己和妹妹一人一杯<黑糖珍奶>黑糖特有的甜味, 配熱鮮奶, 是完美的句號.       日式紅豆抹茶     小米點的. 紅豆為火, 抹茶為木, 很適合寒冬出生的小米飲用.....      母親大人則點熱檸茶.       完成美味的台式午餐後, 就要去街市買餸, 預備是日晚餐. …Read More

忙了一整天放工係時候要叉電， 將軍澳廣場嘅「桂花小幸」 是首選， 坐吓傾吓飲杯台式飲品又一個晚上。餐廳主要提供臺式麵食，小吃， 滷肉飯套餐等。特盛紅燒四寶麵 $78 （紅燒牛肉湯底）湯底清澈味道濃郁， 充滿牛肉湯和少許藥材嘅味道。 材料也挺豐富～ 鹵水蛋，花枝丸， 兩大件豬手， 腱心牛肉（牛展），紅蘿蔔，白蘿蔔。 豬手又腍又入味最出色， 牛展厚切肉味香濃， 花之丸較普通。 麵條幼滑爽口， 整體美味又夠份量！Drink list 有很多選擇，加配隔壁「茶研社飲品」減$5, ， 有得坐低飲～本想喝珍珠奶茶， 不過晚飯好少飲茶類怕瞓唔著，改飲黑糖珍珠鮮奶 （少冰少珍珠）鮮奶香滑，小冰效果感覺濃郁， 配襯甘香嘅黑糖 味道好夾， 加上黑糖嘅虎紋，賣相吸引又回味。另加了前菜： 涼拌貓耳朵，涼拌黑醋茄子。雖然標示有辣椒，但感覺 一啲都唔辣 ，酸度恰到好處茄子尤其惹味， 但感覺油份多了點。桂花雞翼雞翼熱辣辣炸起外皮超酥脆保持肉汁很美味。桂花蜜另上，用嚟蘸雞翼也是很特別的味道， 好像自製蜜糖炸雞～…Read More

今晚去將軍澳探朋友, 近近地係附近食埋飯先返屋企, 經過見到呢間餐廳門外有唔少人等位, 見價錢亦不貴, 就禁飛等位啦, 還好輪候時間都幾快。店員先安排入座, 揀好食咩就自行到cashier落單比錢, 返埋位等店員協助送餐。【椒鹽花枝丸】HK$26表面炸至金黃微脆, 花枝丸入面仲有魷魚粒, 幾爽【台式烤香腸】HK$28台式香腸切成薄片, 皮脆, 甜甜地 【三盛紅燒牛肉麵】HK$69湯底清甜甘香, 牛丸幾彈牙, 其中一粒好似比錯左豬肉丸, 牛腱很滑很林, 索左d湯汁, 牛腩更有肉香【蕃茄酥炸排骨米線】HK$63蕃茄湯底甜中帶微酸, 米線很滑, 索左個湯底, 食落幾開胃。炸排骨為吉列薄切豬扒, 炸皮薄而香脆, 點蛋黃醬食, 味道更加正! 另外加左HK$15 追加兩客小食, 同樣揀左紫菜魚蛋湯, 開邊魚蛋幾鮮甜, 個湯有大量紫菜, 啖啖濃郁紫菜味【黑糖珍珠鮮奶】HK$29香滑鮮奶加入左黑糖, 味道唔會太甜, 珍珠煙韌, 而且份量多, 啖啖都啜到珍珠晚市繁忙時段排隊落單時候較長, 要比少少耐性等待。餐廳全日冇加一, 份量都幾大碟, 抵食!…Read More

今日行開將軍澳，就諗住搵埋野食先番去，係將軍澳廣場中銀禁完錢一岀黎，就見到左邊依間「桂花小幸」排哂隊，就諗住係番openrice睇下佢啲食評再決定等唔等位，一睇就見到好評佔大半數，就即刻拎飛，拎飛其間睇完食咩好就手痕係Openrice search埋將軍澳，先發現依間原來排第二名，佢啲價錢又好平，唔怪得咁多人食喇！😯😯.我8點鐘拎飛，要等7個號，見佢叫一個號都成8分鐘先一個，就去行下先，點知8點20分番到黎就過左3個號😂，飛到有寫「如超過五個號碼，需要重新拎票」，好彩未過5個號，同番普通職員講，佢下個就比我地入喇。.服務方面，普通侍應全部都好好態度同禮貌👍🏻，而職位同年齡較高個啲就不是太好態度👎🏿，有一人説話和行為有點沒有禮貌，但當時是繁忙時間，所以能理解，但繁忙時間過後，另一人甚至沒有眼神接觸(就算冇其他事要忙，她也只看前面)，打發了我後，她把身邊轉向另一邊（另一邊廚房都是沒有發生仼何事），表示得不想理會人。😢...我就叫咗個 「番茄鹽酥雞排麵」($61)，不得不讚既就係佢個番茄湯底無敵濃味🍅，淡淡都係蕃茄味，一啲都唔似係溝左好多水，蕃茄迷必叫！而個麵係台灣麵，唔會偏軟同硬身，口感適中，有咬口！😋😋😋雞排好夠鹽味，又唔會好鹹，炸粉唔會過厚，就算係怕肥嘅，都會接受到會連皮照食埋🤣入面都唔會乾身，好juicy!💦.我朋友就叫左個「蕃茄酥炸排骨麵」($61)，酥炸排骨麵原本係$58，但加左$3轉番茄湯，相比起我嗰個雞排，呢個排骨就冇咁出色，比較乾身，咬入去有啲硬又冇味，個沙律醬就救番佢小小，但係食到一半都會有種感覺唔想再食落去🌚.我哋小食分別叫咗「桂花雞翼」$23、「台灣烤香腸」$28、「鹽酥花枝丸」$23.「桂花雞翼」，雞翼係用炸粉炸過，但係佢入邊都會有啲汁一咬就岀黎，再點個桂花汁，好特別，估唔到都幾好食，唔係將個汁夾硬配埋一齊，又襯番個名「桂花小幸」以桂花做主題。🌸🌸.「台灣烤香腸」，我開頭以為係岀面買十蚊條個啲台灣腸黎，但食得岀係用蒜烤過，好多陣蒜香味，比岀面個啲更重味道👍🏻.「鹽酥花枝丸」，就只係普通炸過既墨魚丸，一食就覺得冇台灣咁好食，但都可以接受.飲品我地就叫左「黑糖珍珠鮮奶」$29、「芝士奶蓋白桃烏龍茶」$28「黑糖珍珠鮮奶」🥛，我係岀面排隊個陣都見到有人唔入去食野，只係買依杯黎飲，一睇落就深深吸引左我，好似同xx堂個啲有得揮咁，就叫左！但係一飲落去好小黑糖味，我連個杯有黑糖既地方都搞到冇，都只係飲得岀係鮮奶，珍珠就幾有咬口既，唔會爛哂「芝士奶蓋白桃烏龍茶」🍑，我一向鍾情於白桃，一有白桃既野我就會試，加上我又好中意奶蓋，飲落依杯又係搞極都冇味，奶蓋又唔係飲開個種重芝士味既奶蓋，似係飲緊cream同綠茶好味指數:8/10回頭率:7/10服務:6/10…Read More

話說美食廣場裝修，所以午餐要轉移陣地，到將軍澳廣場那邊。無奈，各個快餐店都很多人。剛好在粥麵快餐店旁，發現有家新店。新店的定義：未曾光顧的！　加上有職員安排座位，無需自行找座位，就可以解決一人用餐最大的煩惱。一於馬上取票，等了十分鐘左右便可以入座。原來此店是先付後食！付款後，聽著餐廳播放那些年的台灣歌，不久職員即呈上餐盤！　養生清燉牛腩麵　　　　視覺：這個牛腩麵的外表跟平常的牛腩麵無異。方形的麵身，有几件牛腩，多了青菜和蘿蔔。　可是名字註明是＜養生＞，哪一點才可體現＜養生＞。　養生＝有藥材味的湯底　　　　嗅覺：鼻子感到淡淡肉骨茶的藥材味／藥膳排骨那香味。　　手感：因湯碗有足夠深度，湯底亦份量十足，有足夠的浮力讓麵條浮起，所輕易以筷子夾出一箸完整的麵條。　註：曾經遇過某麵店使用淺身湯碗，湯底不足以浮起麵條，要很用力才可夾出麵條，同時很容易拉斷麵條，賣相即刻降格。　　口感＆味道：鬆化的牛腩，當然有牛肉味和牛脂味！麵有麵味，不算太煙韌，易咬斷，鹼水味不重。不過蘿蔔很入味。鹵水豆腐　不是預先包裝＆可長期存放的百Ｘ豆腐，没有滑滑口感，其硬度是包仔豆腐和硬豆腐之間。豆腐外圍有鹵水的色澤，但芯位仍是白色，豆味尚算ＯＫ。　　　青菜　　為了健康，加配一份青菜，只是６個大洋，抵食！不過喜歡把青菜浸在鹵水中，再享用。　　　黑糖珍珠鮮奶　　去年台北之旅，嚐過這個老虎紋潮飲。這次就來一杯吧！應該都是奶，珍珠，黑糖和冰粒混在一起。　　當日台北之旅，飲品到手即可馬上享用，爽！　可是這次是放在最後才享用這個潮飲！杯內原本的冰冰，早已溶化了！冰水跟杯內的黑糖和奶混在一起＝溝淡左！　假如可以少冰／走冰就好了！　　　這個午餐感覺還不錯，之後帶同母親大人來光顧，來嘆養生清燉牛腩麵。…Read More

今天來到將軍澳廣場, 已經過了午膳時間， 順理成章就去吃下午茶。小店有台灣文青feel， 裝修雅緻。先到收銀處付款選食物。花枝丸水餃麵 $65（ 清燉牛肉湯底）花之丸裏面好多墨魚粒， 彈牙煙韌， 足有乒乓波咁大粒。 水餃亦大大粒，豬肉餡料豐富， 有肉汁 而且鮮味。 麵底選了上海的粗麵。湯底睇落好清澈， 但味道相當唔錯， 牛肉味頗濃， 易滲出淡淡嘅藥材味。上湯浸時菜 加配小食$6菜心好大棵，但係非常老， 完全咬唔開。手拍小黃瓜 $12青瓜爽脆清新， 有蒜味， 冇醋味，調味較單調。黑糖珍珠鮮奶 $29人氣之選。 鮮奶唔會太甜但唔濃厚， 珍珠好重黑糖味。小店下午時分也有不少人， 可見下午茶餐時段經濟實惠。…Read More

晚上在家附近吃飯，晚上八時多，餐廳門外還有不少人排隊等候。餐廳走文青路線，有一排相片牆，另一邊有一堵以紅磚頭砌成的牆，還有很多小擺設。餐廳勝在沒有加一服務費，有自助茶水間，不過茶水間應該用不著，因為這裏的飲料很抵飲。⭐️酥炸排骨米線$58湯頭甜甜的，米線彈牙，排骨炸得很香脆，可能調味料下的不是很多，所以排骨是沒什麼味道。⭐️特濃蕃茄雞排米線$61我較喜歡特濃蕃茄米線，湯底有新鮮蕃茄，喝起來很酸溜溜的很清甜。雞排同樣沒什麼滋味。沾了沙律醬味道會比較突出。⭐️現做煎餃子$28 （四隻）其實是炸餃子，外脆內熱，內餡是椰菜豬肉，味道就像家裏現做的餃子。⭐️黑糖珍珠鮮奶$29我點了少糖少冰，所以花紋不算很明顯，是絕對是平價版的黑糖珍珠鮮牛奶。喝起來奶味比較淡，不算很香濃，不過可以接受。搖均勻後味道剛剛好，有香甜的黑糖味，珍珠吃起來很軟，味道不錯。⭐️黑白配珍珠豆乳$20熱的珍珠豆奶，豆奶味道淡淡的，沒有下很多糖，但喝起來很不方便，因為珍珠全部在底下，幾乎要喝光才能吃得到珍珠…Read More

將軍澳廣場翻新之後開左好多間新食店, 當中我地最鍾意就係桂花小幸呢間台式食店, 因為呢度除左有老婆鍾意食嘅台灣菜之外, 仲有我愛嘅台式特飲, 所以我地好多時周末都會行過黎開餐。😙今日我地大概兩點鐘到餐廳, 雖然已經過左午市繁忙時間, 不過都仲係好多人, 需要攞籌等位。餐廳裝修簡約之餘富有台灣文青風格, 食物款式都幾多, 我地點左一客定食, 一碗排骨麵, 一客餃子同菜share食, 兩個人一定夠食。😁黑糖珍珠鮮奶 $29食台灣菜一定要配台式特飲, 餐廳有提供近期大熱嘅黑糖珍珠鮮奶, 味道香甜, 黑糖味濃, 珍珠彈牙, 大大杯, 兩個人share都夠飲。😍滷水豬手飯定食 $65豬手好入味而且非常軟腍, 配上白飯同上湯浸菜, 非常豐富。酥炸排骨麵(紅燒牛肉湯底) $58酥炸排骨外層好香脆, 肉質嫩滑, 麵質富有彈性, 配上濃郁嘅紅燒牛肉湯底, $58非常抵食。👍煎餃子 $28餃子皮脆口, 餡料飽滿, 沾上醬油食非常惹味。😋紅豆豆乳 +$10上湯浸時菜 +$6埋單每位$100有找, 性價比唔錯。👍餐牌…Read More