Shum Shum Desserts

黑糖珍珠檸檬愛玉（$29）酸酸甜甜好開胃，愛玉清爽，珍珠煙韌，好啱天氣熱食。叁元豆花（$37）除咗豆腐花（有豆味），仲有芋圓（煙韌，但冇咩芋味）、地瓜圓（煙韌，但冇咩蕃薯味）、黑糖珍珠（煙韌，甜甜）、紫薯西米（有些少紫薯味），再加四選一愛玉（清爽）。…Read More

尋晚收工,突然想食d 甜野, 立即去深深買外賣,男人問我食乜,我話我淨係食家明....姐係熊仔糖XD,黑糖珍珠檸檬愛玉上面有粒熊仔糖嘛 ...檸檬愛玉就好似雪山,黑糖珍珠就好似石頭,熊仔糖就係等待被吃掉既家明啦.檸檬愛玉酸酸甜甜,只係好淡果種甜味,輕輕帶一浸淡淡既檸檬香,黑糖珍珠有咬口,仲有塊檸檬,KEEP 住滲出檸檬味,最後...一啖食左甜甜家明XD男人揀馬蹄露,佢話此馬蹄露不明彼馬蹄露,佢話,馬蹄爽口,味清甜,係微甜果種,腐竹有豆香,凍食感覺潤喉舒服,深深既糖水,係連我哩d 唔好食甜既人都可以食得開心既糖水.…Read More

由於某訂餐app做緊promotion，訂餐外送仲平過堂食🙈，所以喺熱辣辣嘅日子下，決定叫糖水降下溫。🥵🥵🔥🔥🔥我哋試咗叁元豆花同黑糖珍珠檸檬愛玉，唔知堂食幾大碗，但外送都幾足料。👍🏻👍🏻外送平均都係$3x-$4x碗，堂食應該更平。我覺得豆花果碗比較好食，因為多啲唔同配料😙😙，包括豆腐花、芋圓、地瓜圓、黑糖珍珠同紫薯西米，另外仲可揀選愛玉/芒果🥭/紅豆其中一款配料。黑糖珍珠比平日珍珠奶茶啲珍珠細粒，口感都幾得意，而紫薯西米好靚🥰，但紫薯味唔算突出。🤔愛玉果碗就真係幾重檸檬🍋味，但口感無咁多層次，只係感覺好大碗啫喱加啲黑珍珠🙈。另外加咗清心丸(圖中白色果啲)，但同平日食開嘅好似唔同咁，朋友都係咁話，哈哈，但唔難食嘅。有機會嘅都會去堂食食吓👍🏻。…Read More

呢間糖水舖新開嘅時候已經好想試但次次想食呢 一係撞正佢休息一係就正餐食得太飽已經食唔落😂但身為甜王點可以唔試下所以就算今晚趕住返屋企食飯都要買碗外賣返去😤本身想叫真可樂嗰個點知原來無得外賣最後叫咗黑糖珍珠檸檬愛玉 $28 (外賣加1蚊)返到屋企都成一個鐘後一開賣相就一般啦 叫做正常係有粒熊仔糖點綴一下食落去又估佢唔到喎黑糖味夠 好清甜 可能係因為加咗檸檬 所以好fresh 珍珠就好煙韌 放咗成個鐘都無翻生 愛玉就本身係d無乜味嘅嘢所以夾埋d糖水就啱啱好🤔好大兜食極都未食完如果覺得太甜可以篤下塊檸檬如果覺得唔夠甜又可以再浸下粒熊仔糖食完好滿足下次要試埋個真可樂同芋圓…Read More