深深甜品

Open Now

Now Closed

糖水吸引！比較多台式糖水。紫薯雪糕好特別，入面有啲粒粒野，有咬感。椰子糊勁香椰子味有芋圓嗰幾款糖水，非常足料，食完好飽肚。店舖冷氣非常大，食埋個雪糕覺得好凍。價錢平宜，$30幾蚊-$40蚊，大大份。值得推介

同朋友食完晚飯，行下行下發現有間糖水舖，就入左去試下，餐牌到搵到個幾特別的糖水，名叫阿華田中草，其實即係阿華田粉加珍珠奶茶底，配個香草雪糕加仙草底，食落去無想像中咁濃，但口味的確幾夾，如果路過可以一試😁

雖然冬天，但食完晚飯都好想食返碗糖水。同埋食完飽飽，想食碗無咁膩既糖水。而深深甜品主打芋圓發黑糖珍珠，所以我點了芒果檸檬愛玉黑珍珠，非常開胃又唔會太過酸。另外朋友點了涼粉雪糕加檸檬愛玉，碗糖水係滿滿既，所以檸檬愛玉就on side上。總括呢黎講呢個價錢可接受～

之前喺九龍城食過清心丸一直念念不忘，但搵唔到間喺左近，又唔多鋪有直至我 search 到呢間，即刻泥試失策地冇 check 開鋪時間就衝去結果行行企企咗 45分鐘準時到，點知已經有條小隊同友人咁啱都揀咗店主推介嘅款式一致認為份量滿足，對得著個價錢，有良心！啲清心丸勁大粒咬半粒再加埋個糖水食，簡直人間享受木瓜雪耳嗰款感覺好滋潤，質感好順滑好有膠質，足料啊！我決定咗以後泥得深水埗就一定要泥食！深深甜品腐竹馬蹄清心丸 $32木瓜雪耳燉桃膠 $34📍深水埗

好多年無去過深水埗食飽飯無野做心思思又去左食糖水估唔到咁多年後仲見到佢經過咁多次都係第一次行入去環境幾好夠乾淨唔係痴笠笠個種都幾有心思夠懷舊 我幾鍾意雖然環境復古但有啲糖水都幾新式叫左個紫薯花園無要到紫薯雪糕，轉左做玄米茶味有少少驚喜 唔係好濟愛玉勁多 芋圓真係有芋味😂有幾份蜜桃🍑$40蚊黎講相當扺食另一份傳統少少🤏不過不失 無特別驚喜但都好食😋同朋友食完見無人排隊坐低仲傾左陣職員都幾nice 無趕人走

呢個係米芝蓮推介嘅甜品店，所以我專登行去深水埗試吓佢。佢哋都好晏先開門，要下晝三點之後。咁我哋今次有五個人去，所以可以點好多唔同嘅嘢。喺嗰度返工嘅後生女都好好禮貌又好好笑容。由於我哋四點幾去，所以係冇乜人，咁我哋點咗幾樣經典嘅嘢。第一陳皮紅豆沙，食落幾滑，亦都好有陳皮味！第二馬蹄露清心丸，而家清心丸唔係好多地方食到，難得呢度都幾好食！清心丸有啲𡁻頭第三樣波霸芋圓配雪糕，凍冰冰係我個friend先食得到，我就冇乜興趣！第四樣木瓜雪耳燉桃膠，滋潤嘅，味道正常啦，同好多糖水舖都差唔多。

食完飯，幾個女人一定要食下糖水嘅係附近見到呢間深深甜品裝修幾特別以昔日港式為主題都有幾多選擇我叫左烤紫薯雪糕系列配仙草蜜豆黑鑽水晶同芋圓芋圓都幾好食煙煙韌韌個隻但就唔夠凍紫薯雪糕好出色勁濃味食完好飽CP值高

冇諗過深秋都咁熱，要食返d凍甜品🍮，參觀完美荷樓，行返深水埗站途中入去米芝連甜品深深補充下體力。都9成滿座，menu都多選擇，要叫人落單，陳皮妹見到雪糕🍦就話要揀叁元豆花$39，有豆花底，加芋圓、紫薯西米同珍珠，仲可以😌四揀一，揀咗香草🌿雪糕🍦。另一個甜品🍮叫咗凍木瓜雪耳燉桃膠$34，凍既燉品皓新鮮。等咗5分鐘就有嘢食，叁元豆花皓足料，可惜唔夠凍，皓彩有雪糕🍦降下溫，第一☝️次食紫薯西米，幾吸睛，豆花喺底，夠滑。燉品舊木瓜皓大舊，雪耳爽口，桃膠有咬口。臨走都係坐滿。收現金💰、八達通或支付寶

晚飯後在深水埗這區有很多甜品店的選擇，今天選的是深深甜品。甜點的種類很多，而且都是時下流行的糖水和配料，推薦新奇好吃的玄米茶雪糕！仙草紫草園配玄米茶雪糕，配料有：黑糖水晶、蜜紅豆、芋圓和仙草凍，原本配的紫薯雪糕，可以改要玄米或者雲呢拿味，我選了玄米的，Creamy而且香濃的玄米茶香，推薦。黑糖薑茶配包心芋圓(熱)，黑糖薑茶底很夠薑！薑味濃，配上用糖煮開的紅豆。芋圓的皮有一點彈性，裡面的內餡用的芋泥甜度適中，一碗吃下來不會過膩，很滿意～

紅假前夕約朋友去深水埗食飯，食完大定都想食甜品，轉角見到呢間有少少人排隊，望一望個餐牌，見到好多野選，價錢又好OK，於是即刻拍板入去。我地要左有相片show出黎嘅豆花紫花園仲有熱芝麻糊。豆花紫花園$40都真係好大碗，兩個人食可以開心share！舊雪糕真係好重紫薯味，啲芋圓好大粒好有咬口同勁飽！第一次食黑糖水晶，好清新的味道，唔會話死甜！熱芝麻糊$24話就話石磨，應該唔係店內石磨掛！味道無特別，夠大碗。呢個店都幾受年青人歡迎，雖然冇乜服務，但裝飾同碗碟幾有特色，一定會再介紹朋友黎。

在深水埗有多間甜品店, 今次試下哩間 食物 : 仙草紫草園黑糖水晶蜜紅豆冰烤紫薯雪糕 $40 ~ 個名好長, 最緊要係大大碗又足料, 價錢又平, 整體好好味, 芋圓煙韌, 紫薯雪糕香濃好味, 下次會再嚟試其他 環境 : 裝修普普通通 服務 : 職員有禮貌 價錢 : HK$40 (無加一服務費)

深深甜品深水埗桂林街46號恆安樓地下C號舖Score 分數：A/75講真，食過幾次唔同嘅糖水，我又唔覺得佢地真係咁好好好好好特別好食。雖然都真係好食，但未致於 好好好食囉。推薦返佢地嘅 “龍珠”，真心唔錯，特別係佢地嘅綠茶啫喱。佢個味好有 “清新”感，少少少苦苦地，但又同d糖水夾到，真係值回票價。而我就鐘意傳統糖水嘅，所以都試過不少傳統野，例如紅豆綠豆芝麻等。講真，唔太甜，適合大人細路無糖尿病的人食，幾好。又講下哲學，甜唔甜，就係睇同邊個去食姐。如果有朝一日去食糖水，真係食到唔甜甚至苦酸，咁應該就真係變壞左。😂

同朋友喺深水埗食完飯後，有啲意猶未盡想食個糖水😆其實深水埗嘅甜品店選擇都幾多，今次就揀咗連續兩年入選米芝蓮推薦街頭小食嘅深深甜品😋比佢嘅紫薯同埋芋圓吸引咗😍😍🍠冰烤紫薯雪糕系列-仙草紫草園 ($39) 一見到幅圖已經好想食🤤紫薯雪糕入面食到一粒粒嘅紫薯肉，好出色😍😍😍仲有我最愛嘅芋圓，煙靭有咬口😋下層係仙草配黑糖水晶、蜜紅豆🤤成個甜品都好出色，但糖水可能落得有啲多🤔對我來講有啲太甜🫣所以最後淨係揀哂啲料嚟食就算😂😂🍨叁元豆花 ($38）叁元係豆腐花配芋圓、地瓜圓、黑糖珍珠、紫薯西米同香草雪糕🤗好多配料😮豆腐花好好好滑，芋圓同地瓜圓都好煙靭好食😋黑糖珍珠同埋香草雪糕就正常發揮，而紫薯西米唔太食到有紫薯味😂😂

呢間甜品都幫襯咗6、7年，佢地嘅招牌三元豆花加雪糕係幾好食嘅，由$30頭食到而家嘅$39，而鋪頭都轉個幾次人手，不過一直都幾好禮貌，但今日下晝入到佢，見到個奇貌不揚嘅女仔，招呼冇打唔緊要，到我地講聲“唔該”時，佢一直低頭整緊野講“要咩啊，講啦”，全程都黑哂面，唔知佢因咩事咁樣，亦唔知佢係太子女定係打工嘅，只係知咁嘅態度，唔怪得越嚟越多香港人北上食野啦！

好耐無來深水埗食飯我地早食完飯，就揾個地方食下甜品，行下行下就見到呢間甜品店同對面既糖水佬之後發現呢間多好評，所以入左去我叫左個阿華田仙草有仙草，珍珠，雪糕同阿華田粉，份量多，珍珠好多，qq 的食完好滿足朋友叫杏仁茶加湯丸她話幾好食，但杏仁茶唔夠熱，加9蚊有兩粒芝士湯丸，朋友話湯丸好食環境不錯，坐得都舒服，我地坐係度講左好耐，職員都唔會趕我地走所以我埋單時，就見到有人係出面等。性價比高，下次有機會再試。