Burger Mate

一個令人有「記憶點」嘅 BURGER !!!  一個令人愈食愈幸福感覺滿瀉嘅漢堡 !!!小店每日只會總共供應 200 個漢堡~ 一賣晒就無得食架啦~ 好在今日同友人去到都仲有機會食到佢! 真係果然無得頂 !!! MY PERFECT BURGER!餐牌上都有很多不同配搭的選擇~ 於是我問外藉老闆有什麼好推介他推介了我和牛漢堡及黑松露的mix & match~ 今次我揀左黑松露蘑菇安格斯牛漢堡，黑松露薯條，友人就選了香脆雞扒漢堡~ 老闆向我地說明，由麵包至到牛肉都係一手一腳自己揀料整同處理~ 保證日日都新鮮麵包包皮都係自己選粉再整出黎~ 所以呢間店食嘅漢堡包的包皮同坊間係完全唔同~佢地嘅牛肉係採用USDA PRIME嘅牛肉整成呢個漢堡扒~ 肉嫩USDA PRIME 牛肉是最高等級牛肉級別~ 而且油花、肉嫩度、多汁濃郁，所以呢度用呢款牛肉整嘅漢堡扒真係寧舍好食!!!黑松露方面，老闆曾經試過購入意大利的黑松露，但係佢覺得意大利的味道唔夠法國生產嘅咁出色所以小店採用法國出產嘅黑松露~  而製成之松露醬~黑松露蘑菇安格斯牛漢堡 HK$125- 絕對物超所值~ 根本係食到材料有幾咁新鮮~ 老闆一上菜見我係咁影相都提我快D食左先~ 凍左個肉味就會有唔同~!!! 所以我都拿拿臨食~ 一咬落口~ 真係FULLY SATISFY ~ 個肉味濃，多汁，不油膩，加上黑松露醬，配以蕃茄生菜芝士~ 就連我平日唔鐘意食嘅酸瓜都可以咁好食加埋呢個外皮~ 真係大癲~!!!!!!!!!黑松露薯條 HK$65- 呢個薯條~ 平日出面食個D最多比DD你點下~ 呢度又係大癲之作~ 根本就係瀑布或咁多醬~ 呢度嘅松露醬真係太好味~ 一條接一條~ 食唔停口~!!!香脆雞扒漢堡 HK$98- 呢個包入面嘅醬原來係配Gordon Ramsey 出品之醬汁~ 但雞扒方面就有點鞋口~ 友人說這個就有一丁點咸了~ 但麵包皮友人都好滿意~ 畢竟外面沒有人以呢款包皮製作漢堡!!!呢度真係有機會~ 我一定會再來吃! 所有野都太有記憶點! 太好食啦!!!📍Burger Mate尖沙咀金巴利道78號金輝閣地下A號舖…Read More

去開尖沙咀一定要試吓呢間burger,鋪頭唔算大,諗返好似有十個位左右,所以我食緊嗰陣出邊都有人要等位……咁啱外籍老闆喺現場幫我哋落order,佢除咗英文,講普通話都好叻,好易溝通到,仲同我哋介紹佢啲包都係自家製作嘅漢堡麵包(自己搓）,為咗保證新鮮,每日只會限量賣200個漢堡,所以好多時每晚9:00後就會賣曬,好彩今日我哋係晏晝嚟,排咗大概10分鐘就有位。📌黑松露蘑菇安格斯牛漢堡 酥脆的麵包,份量十足既安格斯牛肉加上豐盈的肉汁,黑松露醬帶出濃郁松露獨特香氣,提升整個漢堡層次感,不會搶過牛肉味,口味豐富但不膩,黑松露和牛肉融合得宜,感覺高級又有趣。📌頂級澳洲和牛漢堡 油花分布均勻牛味濃郁,肉質細嫩入口即化,口感Juicy 爆汁,搭配生菜、蕃茄、洋蔥、小酸瓜同埋自家醬汁,味道層次分明,難怪係最佳銷量之一。📌炸洋蔥圈 即叫即炸好香脆,炸皮又夠薄,加上洋蔥嘅甜味，真係好惹味,老闆都有推介佢啲薯條都係用心之作,我哋驚食唔曬留返下次再試。餐廳老闆真係好nice,見邊位客人差唔多食晒都會傾吓計,我好有被重視嘅感覺😆今餐手工漢堡真係令我好回味嘅一餐～ …Read More

.‼️❤️ 記得CLICK我PROFILE關注我呀 ❤️‼️.🍔 每日限量200個嘅美式漢堡包小店 @ 🌟 Burger Mate 🌟.💁‍♀️ 圖片展示美食為：黑松露蘑菇安格斯牛漢堡 HKD 125蘑菇安格斯牛漢堡 HKD 105雞翼 HKD 65香蕉奶昔 HKD 35.👽 呢間美式漢堡包店舖面細細，主打手工漢堡，每日只造200塊牛肉漢堡扒同麵包，賣晒就收工，成日九點半前就賣曬，想食要手快。.🍔 一啖咬落「黑松露蘑菇安格斯牛漢堡」即刻爆出松露香氣！安格斯牛肉JUICY到漏，炒蘑菇鮮香加倍，仲有爽脆生菜同番茄平衡油膩感。.🍄 另一款至愛係「蘑菇安格斯牛漢堡」，經典之選！牛肉漢堡扒煎到外焦內嫩，炒蘑菇滿瀉，酸青瓜特別釣出香味，大份好味。.🍗 口痕叫份雞翼就最好，炸到金黃脆皮鎖住肉汁，醃料香辣惹味，點埋自家製嘅醬食到停唔到口，吹水嘅時候送嘢飲一流！.🥤 嘢飲必叫奶昔，是漢堡包配奶昔係必須！「香蕉奶昔」如果可以再濃郁啲會更正，新鮮香蕉打成果泥，奶香順滑唔假甜，完美中和漢堡油膩感。.😇 好彩當日早到有位可以堂食，一過六點開始繁忙時間即刻排隊，有誠意而又有質素嘅小店，有機會記得試下。.📍 尖沙咀金巴利道78號金輝閣地下A號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…Read More

經常聽朋友講話依間漢堡包店 - Burger Mate 啲美式漢堡好食，一直都未有機會，呢日終於去咗品嚐一下啦～店內地方雖然唔係好大，但牆壁鋪上白色磚，營造美式風格。餐廳堅持每日新鮮製造食材包括Burger Meat，連麵包都係自己搓，自家製食品，而且美國傳統Burger超級足料同Juicy，每日限量發售200個。外藉店主服務態度很有善，他可以講流利國語及英文。黑松露蘑菇安格斯牛漢堡           $125最喜歡黑松露既我，當然要揀呢款黑松露蘑菇安格斯牛漢堡，Burger即叫即整，食材超多料，安格斯牛係USDA PRIME牛肉製成，牛肉味特別豐郁，食落亦好juicy，醬汁用上意大利黑松露醬，散發陣陣黑松露香氣，配搭新鮮蕃茄、生菜、洋蔥、醃製酸瓜，以及炒香嘅蘑菇，麵包壓平烘至外脆內軟，漢堡口感層次好豐富，太美味啦！瑞士芝士安格斯牛漢堡         $85依款漢堡口感亦好豐富，安格斯牛肉都好厚，帶濃郁牛肉味，煎得香脆，內裡充滿肉汁，而且非常嫩滑，瑞士芝士好creamy，加埋厚蕃茄、爽口生菜、洋蔥和酸瓜，漢堡好足料，十分滋味。日式炸雞粒               $68雞粒炸至金黃香脆，外脆內嫩，雞肉好juicy，粉漿唔會太厚，沾上特色醬汁，食到停唔到呢。黑松露薯條             $65食Burger鍾意揀埋薯條，呢款有埋黑松露味，睇見都想食，澎湃嘅意大利黑松露醬汁，睇見都想食，粗薯條炸到超香脆口感，薯味濃郁，沾上黑松露醬，香味獨特，好快就已經俾我哋食完了。香蕉奶昔           $35奶昔配Burger都幾特別，香蕉味濃，口感綿密細滑，味道微甜自然，香甜可口。汽水           $18另一款揀選Coke，冰凍清爽，配Burger亦都好夾。…Read More

這間人氣漢堡包位於尖沙咀的金輝閣，主打傳統美式漢堡包，小店由外國人親自主理，嚴選美國農業部認證的優質牛肉，所有漢堡包及牛肉漢堡均每日自家新鮮製作，每日限量200份漢堡，大約晚上十點前便會售罄。小店座位不多，繁忙時間需要等候入座，採用型格的黑色為主調，內裡裝潢工業風格，落地玻璃映入自然光。黑松露蘑菇安格斯牛漢堡 - $125厚度十足的漢堡採用優質的安格斯牛肉，牛肉油花分佈細緻且均勻，香煎鎖住豐富的肉汁，咬開有豐富的牛肉風味，濃郁的黑松露醬增添陣陣飄香，更有生菜、蕃茄、洋蔥、酸瓜及蘑菇等配料，層次好豐富。香脆雞扒漢堡 - $98大大塊炸雞扒外皮酥脆不油膩，咬開軟嫩多汁不乾柴，有生菜、蕃茄及酸瓜等平衡膩感。黑松露薯條 - $65金黃酥脆的薯條毫不油膩，淋滿香濃的松露醬，有陣陣飄香。日式炸雞粒 - $68一口大小的雞粒外脆內嫩滑多汁而不柴，可蘸上醬汁。汽水 - $18還有自家製奶昔及啤酒等選擇。…Read More

大隻仔今次覓食嘅店舖就係💥 Burger Mate 💥大隻仔今次介紹一間尖沙咀人氣手工漢堡包店，餐廳主打傳統美式漢堡包，麵包同埋手打牛肉漢堡都係自家製產品，所以數量有限，每日只可限量200個。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 黑松露蘑菇安格斯牛漢堡 $125爆瀉黑松露醬汁充滿整個漢堡包，安格斯牛肉漢堡充滿牛香味，而且非常多肉汁，每一啖都爆曬汁，非常Juicy，自家製麵包外脆內軟，中間夾住炒蘑菇、洋蔥、蕃茄片、生菜、小酸瓜，將味道提升到另一個層次。🔥 瑞士芝士安格斯牛漢堡 $85瑞士芝士安格斯牛漢堡一樣非常多汁美味，加上瑞士芝士獨有嘅香味，非常滋味。🔥 黑松露薯條 $65薯條即叫即炸熱辣辣，加上香味濃郁嘅黑松露醬，唔會太鹹，極之惹味。🔥 日式炸雞粒 $68份量不少，炸雞粒炸到剛剛好，外皮炸到金黃色，十分香脆，雞肉仍然多汁嫩滑，不會太乾太柴，點上自家醬汁，非常好味。…Read More

喺尖沙咀韓國街發現到呢間主打傳統美式漢堡嘅小店！呢到嘅手工漢堡係選用咗美國靚牛製作而成嘅，當然連用日式和牛整嘅手工漢堡都有啦！全部手工漢堡都係店內即煎即整，新鮮滾熱辣！聽店員講小店連麵包都係自家製嘅，每朝新鮮製作大約200個麵包，數量有限，通常每晚10點前就會賣晒，真係手快有手慢冇啊🙊～✨黑松露蘑菇安格斯牛漢堡安格斯牛漢堡扒帶有自然嘅牛肉香氣，淋上咗大量惹味嘅黑松露醬之後令到整體嘅味道更加豐富同埋奢華感🆙外層嘅麵包煎到微脆鬆軟 ，中間再夾住蘑菇、洋蔥、蕃茄、生菜同酸瓜等配料，提升咗整個漢堡嘅層次感～✨雙層安格斯牛芝士漢堡雙層嘅安格斯牛表面有大量嘅芝士醬同埋千島醬，比人一種啖啖肉嘅感覺！同樣都係有蕃茄、生菜、酸瓜同洋蔥等，份量十足～✨香蕉奶昔味道完全唔係好假嘅香蕉味，飲得出係用咗新鮮香蕉同埋牛奶製成嘅，底層仲有綿密嘅香蕉蓉～呢到嘅Burger賣相都好澎湃，一開頭以為食到最後一定會覺得好漏，點知食完之後一啲都唔覺得膩，真係好有驚喜啊👍🏻～…Read More

最近去咗尖沙咀嘅 Burger Mate，每個漢堡都係即叫即做，食到嘅時候都熱辣辣，佢哋嘅麵包每日新鮮製作，只賣150個，真係好有誠意，仲要超級好味，而家已經好想返去再食🤤.❥ 雙層安格斯牛芝士漢堡呢個漢堡真係超足料，拎上手都覺得好重😆 漢堡用嘅係安格斯牛，味道濃郁，超級juicy，咬下去肉汁即刻流出來，實在太過癮！加上啲芝士融化嘅香味，簡直係無法抗拒。.❥ 黑松露蘑菇安格斯牛漢堡佢哋會將麵包輕輕壓扁，燒到外脆內軟，口感非常好。黑松露同蘑菇嘅結合，帶來咗一種奢華嘅味道，真係好正！.❥ 黑松露薯條最後一定要提下佢哋嘅黑松露薯條，黑松露醬好似唔使錢咁，鋪滿全份薯條，食到最後都覺得意猶未盡！每一條薯條都吸滿咗香濃嘅黑松露味，簡直係完美搭配。…Read More

朋友介紹嘅呢間手工漢堡店真係好正，麵包同一般漢堡麵包唔同，扁身少少，食落好酥脆！牛肉用咗USDA Prime 認證嘅手打安格斯牛肉，煎嗰時完全冇落油，肉汁豐富，咬落勁juicy！原本想試頂級A5日本上州牛和牛漢堡，點知賣晒🥹 店長話呢款漢堡超搶手，建議想試嘅朋友可以早啲打電話訂定先！★̆̈ SIGNATURE DOUBLE BEEF CHEESE雙層安格斯牛芝士漢堡 $152 雙層牛肉配芝士，肉香味好突出，仲要勁juicy，加埋芝士同特製醬汁，食落好滿足！ ★̆̈ BLACK TRUFFLE MUSHROOM BEEF 黑松露蘑菇安格斯牛漢堡 $125 炒完嘅菇再撈黑松露醬，香氣十足，蘑菇配牛肉係絕配，再加埋特製醬汁，咬落層次好豐富！★̆̈ BLACK TRUFFLE FRIES 黑松露薯條 $65黑松露醬比得勁多，香到隔離枱都聞到，薯條亦都好香脆！ …Read More

媽咪知我中意食burger, 今晚帶我去咗尖沙咀呢間Burger小店試試, 果然令我一試愛上。餐廳製作Burger好有誠意, 跟一般快餐店質素真係不可比! 店方由外國人主理, 每日漢堡限量新鮮製, 更採用純天然安格斯牛肉製作。Burger大多設定為安格斯牛, 另有少量款式比唔食牛嘅朋友, 而質素同份量同樣足料。【黑松露蘑菇安格斯牛漢堡】HK$125賣相已經非常豐富同吸引, 安格斯牛肉生熟度控制得好好, 肉嫩多汁, 味道濃郁, 配上了新鮮生菜、多汁蕃茄、醃洋蔥、蘑菇, 再加上黑松露醬同埋千島醬, 每啖都流出大量汁醬同肉汁, 味道同層次同樣豐富, 大愛!!【日式天婦羅蝦漢堡】HK$105以多隻香脆天婦羅炸蝦取代傳統burger嘅牛肉, 同樣配搭生菜、蕃茄片、芝士, 再加上千島醬, 岩哂唔食牛嘅朋友, 同樣可以嘆到burger嘅美味。【黑松露薯條】HK$65即炸薯條香脆不油, 加咗大量黑松露醬, 美味非常。【Banana milkshake】HK$35口感香滑, 飲到少少香蕉果肉, 蕉味突出。…Read More

之前都好想去呢度 "Burger Mate" 食美式漢堡，但一直都未有機會，今日終於可以一嚐喇！入到店內，地方雖然唔係好大，但白色磚牆裝修，營造美式風格。餐廳主打美式傳統漢堡，用上美國靚牛肉整成嘅手工漢堡，麵包同牛肉都係日日新鮮製；漢堡平日售賣150個，假日會比較多啲，賣200個。雙層安格斯牛芝士漢堡 $152依款係店舖 signature 之一，亦係覺得口感超豐富嘅burger，實在好好味。兩塊安格斯牛係用上USDA PRIME，牛肉都好厚，口感超豐富，帶濃郁牛肉味，煎得香脆，內裡充滿肉汁，而且非常嫩滑，加埋兩片芝士，半溶質地，好creamy，配搭厚厚嘅蕃茄、爽口生菜、洋蔥同酸瓜，漢堡好足料，越食越滋味。黑松露蘑菇安格斯牛漢堡     $125另一個漢堡就試下呢個邪惡嘅黑松露蘑菇安格斯牛漢堡，漢堡即叫即整，食材超足料，主角安格斯牛係USDA PRIME牛肉製作而成，肉味特別濃厚，食落好juicy，醬汁用咗意大利黑松露醬，散發陣陣香氣，配合新鮮嘅蕃茄、生菜、洋蔥、酸瓜，以及炒香嘅蘑菇 ; 麵包壓平烘至外脆內軟，漢堡口感層次豐富，必食之選。黑松露薯條      $65去到見其他食客點漢堡都會揀埋黑松露薯條，賣相咁吸引，當然要試試啦！漢堡與黑松露薯條簡直係 perfect match ～ 澎湃嘅意大利黑松露醬汁，令人食欲大增！粗薯條炸到超香脆口感，薯味濃郁，沾上黑松露醬汁，香味獨特，咁好味，太快已經俾我地食完啦。香蕉奶昔 $35啤酒汽水都唔啱既我，都係選擇個人最愛嘅奶昔，特濃香蕉味，口感綿密細滑而味道微甜自然，香甜可口，真不錯。汽水        $18另一飲品朋友揀嘅罐裝汽水，配漢堡都幾夾。依餐真好味，大家都食得開心。…Read More

BURGER🍔一定要夠高身，一啖咬唔晒既就最滿足🥰餐廳主打美式傳統漢堡🍔，用料講究👍🏻Patty用靚牛製成🐃美國農業部認證🇺🇸USDA PRIME安格斯牛肉🥩加埋店家每日新鮮自家製手工漢堡😋~•~•~•~•~•~•~•~•~•~•~•~•~•~•~•~•~•~•~• ▪黑松露蘑菇安格斯牛漢堡 ($125)麵包表面煎時會壓扁少少，2面都煎至香脆，夾住🤲🏻美國安格斯肉餅🥩牛味濃，唔會實的的 • 滿滿肉汁好Juicy💦蘑菇🍄‍🟫 • 洋蔥🧅炒香再加黑松露，味出得黎又唔會過搶。加多左塊車打芝士(加+$12)半溶真係好正🧀配料仲有生菜🥬 • 蕃茄🍅 • 酸瓜🥒.BURGER🍔仲有日本和牛款式。(*唔食牛既朋友可揀) 天婦羅蝦🦐 / 素食🌱 / 雞扒🐔.▪黑松露薯條 ($65)BURGER🍔同薯條一定要同時出現粗薯條🍟表面既黑松露落得好重手🖤 再加埋瑞士芝士(加+$12)，邪惡但勁滿足😈.▪雞翼 ($65/8件)單骨雞翼，炸到脆卜卜💥配左個蜜糖芥末醬可以點埋🤍.▪香蕉奶昔 ($35)真香蕉！唔係假甜💛 蕉味勁濃郁🍌.~•~•~•~•~•~•~•~•~•~•~•~•~•~•~•~•~•~•~• 🔺Menu有素食選擇🌱~•~•~•~•~•~•~•~•~•~•~•~•~•~•~•~•~•~•~• …Read More

.行逛尖沙咀 TST 東 韓國🇰🇷街 盡頭突然大雨｜ 打算搵間小店 坐吓食吓靠窗 bench chair｜完全觀察👀到街外雨況餐牌簡單 1️⃣ 漢堡 2️⃣ 小食 兩大類｜ 選擇算多悶㷫下雨天 ☔️ ｜ 當然想試吓 重口味野.㊙️ 黑松露蘑菇安格斯牛漢堡BLACK TRUFFLE MUSHROOM BEEF BURGER 🍔 .㊙️ 雙層安格斯牛芝士漢堡SIGNATURE DOUBLE BEEF CHEESE BURGER 🍔 ▫️▫️▫️▫️▫️▫️選用 🇺🇸美國🇺🇸 🐂安格斯牛肉 🥩廚師👨🏻‍🍳 在煮食檯上 ⏬️ 不時擠壓 肉塊 是為了流出肉汁💦 燃燒🔥更多脂肪.但 擠壓 ⏬️ 手工漢堡｜卻第一次☝🏻看到感覺像 English muffins 🥪每日新鮮製作 ⬅️ 係老闆同我講煎成香脆麵包皮再加上 🔴 厚邊 鮮蕃茄 🍅🟢 波浪衝擊 鮮生菜 🥬🟡 半溶 邪惡 double cheese 🧀 🟤 洋蔥🧅 蘑菇 🍄‍🟫 ➕ 松露 ⚫️.大口 大塊 啖啖肉 ｜ 就係爽👍🏻最可惜 就係 Banana 🍌 milkshake 無貨🥹有汽泡即打啤酒🍻｜ 健康啲 要罐檸茶 .㊙️ 黑松露薯條 ➕ 車打芝士BLACK TRUFFLE FRIES ➕ CHEDDAR CHEESE 🧀▫️▫️▫️▫️▫️▫️雙重芝士 ｜ 即製薯條 🍟 再 配大匙黑松露 🥄⚫️⚫️⚫️非常香口 不斷拉絲 食唔停口 🤤.當然洋蔥圈 都好吸引｜ 希望下次嚟試吓.…Read More

😍Are you ready to get your hands dirty to enjoy the big juicy burger? 🍔😍之前路過呢個轉角位已經想試呢間小店手工漢堡🍔！今晚放工特登嚟食🤩🔸雙層安格斯牛芝士漢堡 🐮🐮🧀🍔男友手掌好大🤣 睇落好似一隻手掌放得晒嘅雙層牛肉芝士漢堡，其實份量十足好聚手😍餐廳用上有質素保證嘅USDA PRIME牛肉同半溶狀態嘅芝士層層雙間，兩塊肉餅都好厚而且超juicy!!😍 底層有新鮮蕃茄同爽脆生菜🥬 吱埋秘製醬汁，淨係外觀已經好誘人🥹麵包用牛油烘烤到金黃帶微微脆口，再細心睇係壓扁咗架🥹 對於貓奴嚟講我覺得餐廳好細心❤️🥹🫶🏻 令客人更方便入口。平時食size較大嘅burger我都會壓一壓，但組裝後壓嘅burger會同時壓晒啲肉汁出嚟材料又會散🥹 呢度組裝burger前廚師已經壓扁麵包真係好加分！😽👍🏻👍🏻🔸黑松露蘑菇安格斯牛漢堡 🐮🧀🍔🩶聞落已經滿滿黑松露香氣🤤 配埋炒香咗嘅蘑菇令人瞬間飢餓感🆙🤩 真係色香味俱全🤤❤️ 咬開漢堡同樣好多肉汁😋 USDA PRIME牛肉帶出嘅油脂配埋黑松露醬真係令人一口接一口好滿足🥹👍🏻兩款burger都有酸青瓜響入面，但食落唔會搶喉，連平時唔食酸青瓜嘅男友都食🤭 貓奴覺得爽脆得嚟酸酸地令人更開胃，係一個好好嘅配角😋餐廳當日只有老闆同一位廚師，所有食物都係即叫即整，聽住店內音樂，同老闆傾下計，約8-10分鐘到食物就熱辣辣上枱喇😋特登嚟當然要試埋啲小食😋 食完唔會後悔🤩🔸炸洋蔥圈 🧅洋蔥圈炸得好酥脆，秘製醬汁味道好溫和唔heavy，令人愈食愈開胃🤭🔸炸薯條(加芝士) 🧀🧀🍟炸薯條加瑞士芝士🧀️ 同車打芝士🧀️粗身薯條炸到外層脆內裡軟糯，食到最後一條都依然脆口，唔會油淋淋👍🏻 貓奴喜歡較軟身嘅瑞士芝士🧀️ 車打芝士味道則較濃厚😽餐牌選項主要有幾款漢堡，美國入口安格斯牛肉、蝦肉、雞肉或素食漢堡，款式唔多但餐廳證明到咩叫真材實料，專注做好幾樣就好足夠！😋同一個星期，貓奴同男友已經忍唔住再去食埋其他款嘅漢堡包🍔🤣 🔸香脆雞扒漢堡🍔 脆雞漢堡係原塊雞扒炸完切成件狀，方便入口唔洗原塊咬咁論盡🥰 薄薄一層炸衣包住嫩滑雞扒，咬落仲好juicy完全唔嚡😋🔸日式天婦羅蝦漢堡🍤 炸蝦手指嘅蝦堡脆卜卜但唔油膩，配埋秘製醬汁同新鮮生菜同蕃茄，好refreshing!😋🔸炸單骨雞翼 8隻脆炸單骨雞翼辣辣地，秘製醬汁非點不可🤣 做佐酒小食都一流🍻貓奴總覺得小店burger先夠地道，呢度果然無令貓奴失望😋 漢堡多數俾人感覺係快餐，求其填飽肚嘅印象，但呢度嘅手工漢堡絕對係令人食完會好滿足同回味嘅一餐！🤩餐廳內有音樂令用餐氣氛更輕鬆，老闆好nice會同你傾吓計🤣 貓奴嚟到有賓至如歸嘅感覺🤣👍🏻 難怪咁多街坊捧場客，果然係Real．Burger Mate🤩🤣呢度絕對係貓奴會再嚟，同推薦俾朋友嚟嘅餐廳😍👍🏻🐾貓奴足跡🐾🌐Burger Mate (尖沙咀)📍尖沙咀金巴利道78號金輝閣地下A號舖（響美麗華一條直路行去5分鐘快啲🤭）…Read More

今日又去搵靚漢堡包食🍔 嚟到尖沙咀金巴利道，平時去呢頭都係食韓國嘢多，竟然喺轉角位有間漢堡包店！老闆好熱情，知道我第1次嚟，所以特別向我介紹餐廳故事同埋漢堡包特色😃 餐廳靈感來自美國，所有嘅牛肉都係安格斯牛，再唔係仲有日本A5和牛漢堡選擇🤤 用餐期間，發現呢度店面雖然唔大，但每次一枱客人食完立即有另一枱客補上，可想而知幾受歡迎👍🏻黑松露蘑菇安格斯牛漢堡 ⭐️⭐️⭐️⭐️⭐️我冇諗過黑松露味道可以咁濃郁，後尾先知道原來店家親自去意大利揀黑松露，唔怪得一食難忘😳 首先個包係經餐廳特別處理過，個包睇落扁扁哋，之前未食過呢個質地，食落好特別！入面嘅安格斯牛勁juicy勁爆汁，可能店家都知道呢樣嘢，所以準備咗手套俾大家🤣 配料有大量炒洋蔥，生菜同蕃茄好新鮮，配埋店家特別調製嘅醬汁，就算個包咁大，我都忍唔住食晒，因為真係太好食👍🏻瑞士芝士安格斯牛漢堡 ⭐️⭐️⭐️⭐️⭐️芝士安格斯漢堡有瑞士芝士或者車打芝士選擇，我哋揀咗瑞士芝士因為食漢堡好似少有啲，另外貪心加多塊菠蘿，食漢堡有菠蘿真係好食好多😁一如所料，安格斯漢堡味道多汁又Juicy，瑞士芝士奶香味好重，配埋漢堡令到味道更加濃郁，更上一層次🔝 好開心加咗菠蘿，清新嘅味道balance返芝士，食嘅時候唔會覺得膩，越食越開胃✨炸洋蔥圈 ⭐️⭐️⭐️⭐️⭐️心大心細唔知揀薯條好定洋蔥圈好，最後洋蔥圈得勝！洋蔥圈雖然size細細唔係好大嗰種，但係佢炸得又脆又香，配埋秘製沙律醬，好開心揀咗佢，當然下次嚟到要試埋薯條😉香蕉奶昔 ⭐️⭐️⭐️⭐️⭐️見到枱枱客人都有叫香蕉milkshake，我又點可以執輸，當我嗌完之後即刻售罄，隔籬位遲過我入嚟就冇得飲了🍌 香蕉milkshake入口勁濃郁，懷疑佢用咗成抽香蕉🤣 飲落唔會係好厚身好飽嗰種，所以實飲得晒，建議一人嗌一杯唔好同人share🫢 …Read More