Big Boils Club

港島原來都開左宮廷火鍋，門口有張龍椅可以換衫打卡，食物選擇更岩香港人胃口，每枱一份九宮格醬料自己揀，乾淨衛生。♡椰子藏雞湯鍋湯 $338呢度好多特色湯底，款式有誠意，唔係出面常見嘅行貨。今次試左椰子藏雞湯鍋，上鍋超有氣勢，用一大塊腐竹包住椰子雞湯料，一睇個形狀就知腐皮有幾結實，煲軟左腐皮會剪開，入面材料好豐富，個湯比起大陸椰子雞湯咸，唔係甜湯，但椰子味好夠。♡黃金雙拼(即炸響鈴及炸魚皮) $98平時響鈴魚皮都係浸湯食，呢度係新鮮炸，加左勁多咸蛋黃，超級邪惡😈真係唔係度度有，仲要咁足料，必食！♡ 手切本地騸牯牛頸脊(細) $338擺盤真係好靚，配合主題仲有去御膳房牌，品質有保證。細份其實都好多，仲有朵牛頸脊玫瑰花，肉嘅紋路一睇就知靚肉，同埋唔係預切冰鮮肉，有油香得黎又唔會太肥。♡ 豬頸肉 $78豬頸肉彈牙偏肥♡滾得囍宮廷餃子拼盤 $148餃子有5款，每款2粒，芋泥豬肉餃、馬蹄冬菇豬肉餃、韭菜豬肉餃、新鮮菜苗帶子餃、和牛芝士一口餃，每款都好特別♡滾得囍豐盛雜菜拼盤 $128拼盤兜都係生菜樣，好得意，雜菜拼盤好紮實，有粟米、蕃茄、木耳、金針菇、生菜、菜心、娃娃菜等等，款式又多又新鮮♡竹蔗茅根 $78港式打邊爐標配👍🏼打完邊爐下下火…Read More

武漢肺炎之後都會盡量避免一D 不必要既飯局, 但係有D 飯都係要食既~ 我地首選緊係打邊爐啦~ 我地本來揀咗呢間, 但係佢FULL 咗, 冇得食, 我地已經諗定PLAN B.... 點知surprisingly 食嗰日打黎, 話有位~ YEAH!!!! 我地可以食返PLAN A 喇!  呢間都係FRIEND 介紹, 佢話食過好好食, 尤其是佢個響鈴~我地去到, 見到佢裝修都幾特別, 好宮廷FEEL, 我地坐卡位, 都夠位, 幾舒服~ 我地叫咗佢個椰子藏雞濃湯鍋, 上枱既時候, 真係好啱打卡, 好似有乾冰咁既效果, 好正~ 影相一流~   我地仲叫咗好多嘢食, 當然唔少得FRIEND 推介既黃金響鈴啦~ 我地仲叫咗黃金炸魚皮, 細既手切頂級安格斯牛肉, 鹿兒島日本黑豚肉, 黃沙靚豬潤, 手打珍珠帶子墨魚丸,  新鮮手打鳳尾鮮蝦丸, 日本廣島蠔, 脆肉鯇魚, 海鮮拼盤, 蓮藕片, 竹笙, 鮮淮山, 南京鴨血, 皇帝菜~ 真係好多嘢食..... 難得出黎打邊爐, 緊係想食乜就叫乜啦~佢個海鮮拼盤真係好抵食, 398 都有幾多海鮮, 又好新鮮喎, 佢個黃金炸魚皮超級好食~ 其實佢全部嘢都好好食, 真係正~ 個FRIEND 冇介紹錯~佢仲有得JOIN 埋MEMBER, SCAN QR CODE 入資料, 好簡單, 咁就有85折, 仲有個黃金響鈴送, 真係正~ 佢唔係好平既打邊爐, 但係論食材黎講, 佢真係高質, 有85 折, 都慳唔少~ 下次BOOK 到都可以再黎~ …Read More

好想打邊爐 上網見到呢間唔錯 裝潢特別 就黎試下 建寧公主麻辣卜卜蜆火鍋價錢: $198食後感: 點左中辣 辣妹子覺得下次可以試大辣 wa 驚喜之處係 真係有好多蜆吖 粒粒飽滿 辣得黎帶 鮮 鮮得黎帶 甜 好味清酒鮮牛肉價錢: $ 148食後感: 牛肉好嫩滑 食得岀唔係用鬆肉粉 油脂同肉比例分明 食落有層次 淥完仲keep到有酒味 唔錯白鱔片價錢: $ 128食後感: 口感札實 爽脆黃金響鈴價錢: $ 78食後感: 每條響鈴都包含 滿滿的咸蛋黃 上枱時 見到好似濕濕地 以為係淋嘅 但原來超脆 每一啖都食到好脆嘅響鈴 同 好香嘅咸蛋黃 超邪惡 建議 就咁食 不要淥花雕雞件 例 價錢: $78食後感: 上菜時 已經聞到好香酒香 雞肉淥完仲有酒的幽香 唔錯土豆片 娃娃菜價錢: $38食後感: 呢2款都係打邊爐 必備食品 吸哂湯底味道食 好好食宮廷醬芥 價錢$28@1呢到環境不錯 地方夠大 別具一格的裝修 仿如置身宮廷中 連個煱都有龍頭裝飾 好特別…Read More

今天朋友同我慶祝生日去到北角滾得起打邊爐，因為又想食卜卜蜆鍋，又想食花膠雞煲，所以最後決定兩個叫晒。首先卜卜蜆鍋係我每次都會食，顯非常大隻亦非常多，用了十足。佢唔似其他火鍋一樣油膩，卜卜蜆鍋湯底非常清甜帶有少許辣味，湯底亦沒有什麼油。另一個花膠雞煲，之前試過一次一試難忘記。花膠和雞聆賞，店員會在你面前剪開花膠放在湯來。湯底味道濃郁，除了雞味很重外，亦充滿着骨膠原。因為生日會員會送上一份牛肉拼盤或海鮮拼盤，今次我們選擇了牛肉拼盤，原價$398 ，超值。不過牛肉太薄，質素一般。配料方面特別推介菜苗帶子水餃，自家製又大粒又足料，可吃到原粒帶子，配搭上菜苗味道清新，超好味，強烈推介。另外這裏最有名的黃金響鈴也是必點的，即炸黃金響鈴脆卜卜，鹹蛋黃味亦10分出色。不過吃過幾次後，會覺得有點油膩消化不濟。但如果從未食過，也是會一試難忘的。最後埋單1100左右，平均每人大約$300 ，非常抵食。加入會員亦有積分制，可作現金使用。…Read More

養生火鍋店愈開愈多而款式亦係五花八門.然而一個高質嘅火鍋我覺得要做好以下兩點💕湯底夠香夠濃配料夠精夠多夠新鮮當然，餐廳環境同氣氛都係加分點🙆‍♀️.呢間「滾得囍宮廷火鍋小炒」吾止做到以上兩點環境同氣氛位都加左吾少分添😎.一踏入店內就感受到宮廷皇室嘅氣派裝潢以木為主，古色古香嘅木枱木椅仲有雕花屏風同吊燈好似真係置身於古代宮廷中而門口位放置左一張皇帝椅供客人影相打卡📸.🔸宮廷醬芥 ($28/位）每張枱都會附上四碟小食有拍青瓜，花生，酸菜同雲耳而醬汁方面有醬油，辣椒碎，蒜蓉，莞茜同香蔥.🔸火鍋湯底 ($198)共有十四種湯底，仲要款款都好特別如魏佳皇貴妃胡椒蟹湯鍋，道光四川麻辣湯底我地就揀左建寧公主麻辣卜卜蜆鍋麻辣鍋用咗唔同嘅辣椒同花椒炒煮而成湯底呈瘀紅色，香辣勁中帶麻且愈煮愈辣鍋中嘅卜卜蜆真係超級大份量😱粒粒都大大隻，肥美肉厚係麻辣湯底中煮至全熟，極之入味😍.🔸火鍋配料配料款式吾算多，但以精細為主共有十四款類別，仲要好大一份😚而我中意嘅餃類同丸類都勁多款❗️丸類魚滑都係自家手打而成而餃類亦係即叫即包💕牛肉類更係非常高貴如手切澳洲極級和牛，本地手頸脊騙牯牛肉醉香花雕鮮牛脹等等.🔸滾得囍餃子拼盤。十粒 ($128)由於餃子有成7款咁多，仲要好幾款口味都未見過嗌拼盤就最著數，樣樣都可以食下🙈拼盤有5款餃子黃金沙葛餃：粒粒沙葛同咸蛋黃相拌爽口帶點微甜，好有口感，鹹蛋味濃郁👍黑松露野菌餃：獨特嘅黑松露味圍繞著整個餃子配上粒狀嘅野菌，口感倍增韭菜豬肉餃：多菜少肉，入口濃郁韭菜香可見韭菜非常新鮮新鮮菜苗帶子餃：估吾到菜苗同帶子都幾MATCH~裡面真係有一粒粒嘅帶子架😱和牛芝士一口餃：牛肉味重，輕輕一咬，中間嘅芝士就爆出黎，好JUICY.🔸黃金響鈴 ($78)普通響鈴，紫菜響鈴，芝士響鈴，紫菜芝士響鈴我都食過就係未食過黃金響鈴🙈其實係沾滿左蛋黃汁嘅響鈴即叫即炸，入口極之酥脆，蛋黃味非常香濃！.🔸手打黃金流心蝦丸。半份 （$62）以人手打成嘅蝦丸入口彈牙，一咬即爆出金黃色嘅醬汁蝦丸仲夾住粒粒蝦肉，口感豐富～.🔸厚切午餐肉 ($45)午餐肉一定要厚切再炸至微酥口感先會外脆內軟，一流呀❗️.🔸蜂巢豆腐 ($48)係豆腐類入面，我只食蜂巢豆腐🙈除左因為佢嘅吸湯力強仲有綿綿口感，充滿咀嚼感😋而呢碟蜂巢豆腐份量又十足厚身大份，有8塊咁多🥰.🔸花雕雞件 ($68)以花雕酒去醃製雞肉，非常入味即使係麻辣火鍋煮熟都掩蓋吾到淡淡嘅酒香，入口嫩滑，不錯🥰.🔸薯粉 ($30）薯粉入口煙煙韌韌富彈性呢種薯粉係比較薄身正正因為咁，掛湯力一流🥰.🔸滾得囍蔬菜拼盤 ($68)打邊爐又點可以少得蔬菜呢？蔬菜拼盤大大盤，翠綠又新鮮👍.以價錢角度黎睇「滾得囍」係行中高價位但相對上配料較精細份量夠大份，食物亦好高質相信下次帶埋呀媽黎，佢一定會好滿足姐☺️…Read More

火鍋要出奇制勝就要有心思今夜我們就當一晚皇帝甫入座就送上聖旨作介紹點算崇德芫茜皮蛋豆腐馬蹄鍋底湯底愈清愈能吃到食材的鮮味牛肉當然要本地牛頸脊牛肉味超濃郁肥瘦相間脂香味在口腔中大爆發再點鹿兒島日本黑豚肉 肉片以懸掛的方式呈現大塊厚切入口極有口感手打墨汁墨魚丸真材實料新鮮菜苗帶子餃是純手工包制黃金拼盤有黃金響鈴和黃金炸魚皮熱辣辣鹹蛋味極香濃什麼膽固醇都被我拋諸腦後配上一個稻庭烏冬才稱得上完滿呷一口特濃冰凍洛神花茶大吃大喝後也能感覺健康…Read More

上網見到呢間火鍋好有特色，就約左好友黎慶祝生日🎂餐廳裝修得非常有中國宮廷特色，比較少見檯面仲有聖旨，非常有gimmick小菜有四碟，有薯仔絲、鹹菜頭、青瓜同花生，味道都唔錯湯底方面我地叫左個順治特色卜卜蜆鍋，黎到既時候中間有煙霧噴出，非常浮誇重點係味道都好好，用左非常大量既卜卜蜆，湯底一定非常鮮甜啦！蜆肉隻隻都好新鮮飽滿，食到我地好滿足！我地叫左個海鮮拼盤，有蝦有聖子有鮑魚有帶子有青口有蜆肉，足足六款海鮮咁多！其中最好食係聖子，真係勁鮮甜大隻！！另外叫海鮮拼盤係會送4卷黃金響鈴架加左鹹蛋黃醬既黃金響鈴雖然邪惡但真係好好食，如何我地叫左麻辣湯底應該更正！最後仲叫左個滾得囍餃子併盤，總共有5種不同口味，有和牛芝士、黃金沙葛、菜苗帶子......款款都好美味同各據特色！！用和牛來做的餃子，真係特別juicy！加埋芝士更加特別菜苗帶子餃的菜苗很新鮮，打成蓉既帶子口感彈牙黃金沙葛餃內裡有鹹蛋和沙葛，鹹蛋非常香，沙葛的口感爽脆，係好新鮮既配搭韭菜餃子雖然好食但係不太特別…Read More

天氣稍稍一凍， 女朋友(貴妃)就話要食火鍋。因為坊間太多劣食火鍋，決心尋找有d驚喜既地方。事關熱底，所以就打算叫個冬瓜鍋。呢個鍋叫做吳三桂冬瓜鍋，叫得吳三桂，唔通特別二五？!除左乾冰漂亮，一揭開個吳三蓋，都幾驚訝個冬瓜咁靚。餐廳咁有心機值得一讚。鬼馬油炸鬼，噫？油炸鬼係邊？原來收埋左響入面!好有趣既原創菜式。再黎爽口彈牙既魚肚！而全晚更勁既就係呢個海鮮拼盤！呢四隻唔係普通size既蝦。比起大人手掌都仲要長！而且好新鮮，蝦味濃郁，仲有海既鮮味，vely good.而一向重秤既聖子都有包埋， 抵食！拼盤當然有本皇成日食既鮑魚啦～而且清潔得好乾淨， 非常好。而叫海鮮拼盤係會送你4卷黃金響鈴。黃金響鈴唔係炸到黃金色，而係加左鹹蛋黃醬，太邪惡了。第一次食完火鍋有飽而不膩既感覺。由於餐廳裝修，食物，去到職員服務都好好。本皇覺得呢度算係世界級既火鍋店。不錯，請繼續努力。…Read More

雖然火鍋店開到，區區都有，但要突圍而出，都要花一點心思。這裏主打宮廷火鍋，更小炒作晚飯選擇都幾特別。宮廷風格為店鋪主題，不只裝修、碗筷，餐牌令客人有令一番體驗。難得約返舊同事叙一叙，相隔兩年再次返到令人懷念既北角站，基本上沒有太大改變，除了多了好多類型的新食肆。今次由舊同事介紹黎到呢間係於馬寶學林既【滾得囍宮廷火鍋小炒】估唔到係呢棟以教育中心、補習社為主既馬寶學林入面會有一間高質火鍋店而且離北角A2岀口行2分鐘就到達，非常方便就腳。整間餐廳以宮廷風格為但偏向感受到中國傳統精緻，大門前堂既呢張龍椅夠氣勢吧!金黃色既主色，造工精緻，唔自拍一張點對得住自己。帝王級享受啊入面裝潢以木材雕花鏤空設計爐餐具更用了景泰藍!!!!店員將我地帶到一張兩人小桌，每張坐椅上都有用紅色既絲綢坐墊包着，感覺古色古香之餘，仲好舒服添。檯面上面有一卷.....「聖旨」呢到可以選擇既湯底大大話有成15種咁多, 而且每款都係特色湯底, 最受女仕歡迎, 必定係花膠雞湯鍋!但我選擇了慈禧酒香香麻油雞鍋湯底。因為「酒香香麻油」這些字眼很特別呢！每張飯桌上都有一個小小既獨立調味架，包括紅椒、芫荽、蒜蓉、蔥，選擇不多，但已經好足夠。因為心想有好既湯底，調味品就變得不重要了。仲有前菜有成4款添！很快地, 湯底、火鍋食材都已經上檯了。慈禧酒香香麻油雞鍋湯底(半隻)  $188淨係聽個名已經夠高貴，雙龍頭湯鍋，簡直氣派逼人，雞件分開上而且已煮熟，雞既顏色澤鮮嫩, 不會肥膩, 雞肉已預先熟左8成左右, 稍為放入湯底滾一下就可以食得！店員將花雕加入麻油雞點火將雞肉燒香，視覺效果一流，由最初既酒香味慢滲岀陣陣既麻油香，香氣迫人。麻油雞湯底真係好吸引啊！之後再加入高湯慢慢煮熟就大功告成，由麻油湯鍋煮熟左既雞肉，滲岀點點既酒香麻油香！雞件也夠肉質幼滑，雞肉帶微微既鮮甜肉味，大讚👍先飲一啖湯試試,味道濃郁而且麻油酒味好重！正！火鍋配料方面更加係誇張有很多是自家出品，有超過100多款既選擇，簡直係皇帝式享受。我們旁邊有張Poster Promotion 既滾得囍海鮮拼盤...見佢平平地又幾吸引就深深忍唔住點了。滾得囍海鮮拼盤  $368拼盤由貴妃蚌、沙白蜆、聖子皇、新鮮海蝦、青口及扇貝組成，海鮮新鮮色擇靚，而且肉厚豐滿。尤其係聖子皇，外殼包住滿滿既聖子肉，望到是都流晒口水，最利害既係煮熟後依然多肉，天然鹹鹹地既海鮮味加上彈牙既口感，真係非同小可。另外新鮮海蝦都唔輸蝕，珍寶級既海蝦，肉厚新鮮，而且鮮甜，足夠塞滿整個口既蝦肉，感覺就是大滿足。沙白蜆肉細細，但加上醬油食下食下又幾過癮。其他既扇貝、貴妃蚌、青口當然同樣咁好食，整體黎講新鮮，清甜，爽滑彈牙。其實呢個海鮮拼盤$368真係好抵食！黃金響鈴另外海鮮拼盤仲送上一碟黃金響鈴，即叫即炸既響鈴上到枱仲熱辣辣，滿口鹹蛋黃鹹香，食到停唔到口！食過返尋味。店員說可以不用淥，就這樣直接吃一樣好味！除左海鮮之外，今晚焦點莫過於呢份手切飛驒和牛。手切飛驒和牛(180g)  $388飛驒和牛價錢唔平不過裝修別致但作為和牛絕對物超所值！花心思去令到呢樣日式點的肉類變為中式感覺加上伴碟既擺設既華麗又幽美，飛驒牛源自日本岐阜縣，係合乎標準既和牛種，而且可以生食，近兩年最為活躍，絕不輸比神户牛。我建議原味吃，不要蘸豉油或其他配料！牛肉既油花分佈平均，輕輕煮過6,7秒，和牛肉質柔軟，入口即溶，味道鮮甜，牛脂亦較多簡直係極品。牛味仍然可以係口中慢慢散發講究健康，所以我哋都有叫蔬菜拼盤，平衡一下滾得囍蔬菜拼盤  $68蔬菜有益健康，又可以消濟，清清口入面既油膩感，選擇多自然心多多！蔬菜拼盤最適合選擇困難既我，入面有齊所有既菜種，包括唐生菜、皇帝菜、油麥菜、娃娃菜、菜心苗，每種都新鮮又顏色夠鮮！食得招積，滾得出色啊！最後最後加埋呢兩碗起沙既紅豆沙同綠豆沙，甜甜蜜蜜既感覺為整個晚餐畫上一個完美句號。總結而言, 呢間係香港好少可有咁舒適又質素高既火鍋餐廳。店員話老闆係設計師所以好有個人諗法想客人吃得舒服點，呢間店既裝潢都是由他設計的！很棒啊！環境舒服、食物質素好、員工服務又到位、價錢比平時費點點，但款式外面又吃不到的！所以今餐令生活品格提昇了。…Read More

最近宮廷劇大熱, 大家都煲劇煲到如火如荼, 友人在OPENRICE達人見到呢間以宮廷為題既餐廳, 即時訂枱話要去體驗下宮廷氣氛喎! 餐廳裝潢為中式設計, 設有龍座俾客人坐, Menu 係一道聖旨, 火鍋湯底既名都係以人物為題, 例如: 建寧公主麻辣卜卜蜆鍋、康熙花膠雞湯錮, 好搞笑. 我地揀左”愛新覺羅特色椰子雞鍋” (半隻)本黎我地揀左一隻雞鍋, 之後店經理話一隻好多, 我地4個人的話, 半隻都夠食. 於是我地聽佢講，叫左半隻. 黎到時先知原來半隻都好多 ^^呢個椰子雞鍋有好濃既椰子味, 因為店員將一個新鮮椰子即場開左, 將椰子汁倒入鍋內, 先飲左啖湯, 好清, 好清新, 真係唔錯! 滾得囍海鮮併盤 海鮮併盤包括海蝦、聖子、扇貝、花甲、珊瑚蚌等, 都好新鮮. 海蝦&聖子同樣爽口, 珊瑚蚌好鮮甜, 扇貝好大隻, 肉夠厚身. 黃金響鈴叫一個滾得囍海鮮併盤, 送一碟黃金響鈴! 黃金響鈴超級鬆化, 仲好香咸蛋黃味道, 雖然好邪惡, 但真係好好味. 滾得囍餃子併盤包括有黑松露野菌餃、韭菜豬肉餃、新鮮菜苗帶子餃、黃金沙葛餃、和牛芝士一口餃共五款, 各具特色! 黑松露野菌餃及黃金沙葛餃最為特別, 黑松露野菌餃一咬落去已經好香味道, 味道豐富. 黃金沙葛餃口感爽口, 配上蛋黃味道好好食. 魚肚放落鍋度, 吸收晒椰子雞湯既味道, 好正! 口感軟綿綿咁, 每一啖都有椰子同雞湯既味道 ^^鴨血同平時食到既鴨血, 口感有點分別, 呢度既鴨血好爽口彈牙, 唔會鬆軟. 滾得囍五色併盤五色併盤包括有土豆片、南瓜片、鮮淮山、萵筍、蓮藕片! 每樣都新鮮爽脆, 配以雞湯底, 係一個唔錯既選擇. 總括黎講，餐廳食物質素高，服務又好，值得推介！…Read More

皇上～臣妾今天想吃火鍋🍲這家是走中國古代宮廷風的火鍋店，很特別。音樂非常出色。推薦：🌟康熙花膠雞湯鍋 $388一隻 $288半隻料足！花膠超級多！雞很嫩滑！當然是喝一碗熱呼呼的湯先啦！🌟牛肉宮廷拼盤 $488印象中有和牛、牛舌、牛肉粒、牛爽肉等等。在隨便單點一份牛都要$98-$3xx的情況下，這個拼盤就十分抵食啦！一次試曬7種牛肉～🥩🌟海鮮拼盤 $368 又是一個十分抵食的拼盤。有海中蝦（十分大），聖子皇，珊瑚蚌還是桂花蚌，沙白蜆共6種海鮮。還送迷你黃金響鈴（4件）喔！🌟黑松露墨魚滑 $78可以試下不點醬油吃，非常香的黑松露味～讚👍🏿🌟厚切午餐肉 $38不同於以往的午餐肉，外面炸了一圈可以直接吃也可以放進去煮。🌟黃金響鈴 $68十分推薦！又是和外面的火鍋店不一樣！外面包了一層鹹蛋黃！十分好味！❤️總結的說這是一家味覺，視覺和聽覺都得到享受的火鍋店👍🏿👍🏿…Read More

今日終於黎到我想試好耐既滾得囍,一入門口已經感受到果種氣派，終於可以坐上呢張龍椅😎。室內充滿宮廷味，當然唔少得極具特色既"聖旨" menu~~✨未點餐先有小食送口，份量都唔小啊✨調味雖然只有四款，不過其實湯底已經好夠味，今餐都無乜點過豉油，所以簡簡單單就好了✨花膠雞湯鍋/半隻（$288): 金黃色既雞湯，見到個心已經蠢蠢蠢欲動～～😍✨花膠有幾大塊，影完相之後店員就會剪開細細塊，落左花膠滾好就可以先品嚐下個湯喇✨個湯真係超級正，甜得黎雞味好濃郁。花膠個人唔鍾意太爽，所以留到打邊爐最後一刻先食，軟滑得黎好通透，滾到出晒膠質夠入味先最好食😍✨其實半隻雞都幾多，兩個人都食唔晒。雞件本身七成熟，淥番幾分鐘就食得。個雞都算滑，滾完啖湯仲正，好後悔剩係飲左半碗，因為之後加湯唔係加雞湯，無晒d 精華～✨竹蔗茅根（$38/一渣）： 打邊爐一定要叫個竹蔗茅根清下熱，樽底一睇果然好足料，味道仲好清甜，好過飲汽水。✨鹿兒島日本黑豚肉（$88): 賣相一流，睇落好少，但係呢8塊肉都真係份量十足，好飽肚。肉味都ok, 肥瘦適中，點埋豉油好食～✨日本廣島蠔（$88): 估唔到都幾大隻，淥完出黎都無乜點縮水，而且蠔味幾鮮，一咬落去超多汁。✨桂花蚌（$108): 非常爽口～～而且索晒湯底既味道，好入味。✨黃金響鈴（$68): 真係超級無敵勁鬆化，仲好香咸蛋黃味，極邪惡～～✨手打丸拼盤（$118): 一碟有五款，兩個人可以試多d, 一讚佢d 丸幾彈口👍🏻除左鯪魚球，另外四款都幾特別✨珍珠帶子墨魚丸： 一咬咇左d 汁出黎， 原來裏面有粒帶子仔勁cute, 呢個墨魚味幾濃，幾高水準。✨芝心牛肉丸： 本身對牛丸興趣不大，但加左芝士立即加分，好香啊。✨黑松露蝦丸： 聞落已經好香黑松露味，好食～✨菠菜豬肉丸：呢款係唯一無咁彈口，其實唔係好食得到豬肉味，但係個菠菜味幾突出，感覺幾過癮~我又幾鍾意。✨雜菜拼盤（$68): 粟米好甜，木耳勁大塊，爽口入味，仲有生菜，娃娃菜，油麥菜同唐蒿，兩個人叫一盤份量啱啱好~非常豐富。✨臨走仲有雪梨雪耳糖水食潤一潤，真係超級飽。呢度d 野雖然價錢唔算平，但質素非常高，真心正👍🏻…Read More

呢一日屋企人話好想食火鍋, 心諗熱辣辣食乜鬼火鍋~不過好, 我搵~ 俾我搵到呢間滾得囍~黎到八成滿到啦～估唔到都咁full, 香港人就係中意開大冷氣打邊爐~吹咩一入到去, 裝修又幾有心思, 古代裝修, 餐牌係聖旨黎, 又幾盞鬼😹😹打開邊爐一黎到, 梗係知道乜都唔好理, 嗌左湯底先, 我地揀左花膠雞鍋, 餐廳侍應哥哥係我地面前將兩塊面膜咁大既花膠慢慢剪落去。。, 叫我地滾左飲啖湯 食塊花膠 熱左身先轉入直路。佢岩, 花膠雞湯係正既, 濃濃湯底, 醒一醒神。劈頭黎既係~~~海鮮拼盤!!賣相非常吸引, 有鮑魚, 蜆, 青口, 元貝, 貴妃蚌海鮮乾唔乾淨 最睇到餐廳功夫有冇做足! 呢到非常好, 首先個殼洗得乾淨, 唔係都唔知擺唔擺落去好, 而且食落無沙。再講食落非常有鮮味非常好!跟住要上牛啦～~脂肪分布平均, 半肥瘦, 正啦, 無得彈。跟住黃金兩寶係有心思! 響鈴同炸魚皮都有沾左蛋黃醬, 皇上都大叫邪惡!跟住散叫左d 蔬菜類同墨魚滑。墨魚滑係有加黑松露係面頭, 估唔到兩者咁夾喎~蔬菜同雜菇拼盤都幾抵嗌, 一盤食齊晒咁多種類, 最岩揀飲擇食既香港人~~最後黎左碗雪耳雪梨糖水潤一潤, 4個人飽到滯。總結黎講, 火鍋配料一定要講究, 呢度食物唔錯, 新鮮乾淨都頗有心思。有機會再黎~…Read More

陪完屋企人新光睇完大戲，轉個灣就黎呢左間宮廷式既火鍋餐廳，門口仲有龍椅俾你拎住聖旨影相打卡，仲可以印埋張相出黎架！湯底我地揀左麻油雞，黎到時，會灑上酒再燃點火，非常壯觀又有睇頭，最後再加入麻油湯，等10分鐘左右就可以起筷啦海鮮拼盤都好抵食$368 海鮮新鮮又靚，隻隻都大大隻架仲送左四件黃金響鈴，個響鈴第一口食真係食到我哇一聲係喊蛋黃既響鈴啊！仲要熱騰騰即食真係好好好好好食呀再黎個牛肉拼盤，一盤真係好多，牛有牛味鮮嫩多汁，牛肉就咁卓一卓就食得啦，唔洗滾好耐，有唔同部位有唔同既口感，我唔識分部位只覺得每一款都好食過出面既牛多多聲手打丸拼盤：賣相好靚，食落彈牙爽口，五款口味，芝士流心牛肉丸，係我既最愛鴨血打邊爐非常好食，佢仲要係厚切，厚切，厚切好有口感滾我耐仲好入味呀！半熟五花腩都係滾一陣就食得，唔太肥，爽口的！豬潤係我既至愛呀⋯⋯睇佢幾靚！流得乾淨無異味乾貝滑都好正，面頭鋪滿瑤柱，滾起浮面就食得，又彈牙又鮮味餃子拼盤十粒，亦都有五款口味，有黑松露口味，好特別，但我鐘意，每次拎上黎時，餃子內都充滿哂麻油雞既湯汁，等佢凍小小連埋湯汁一齊食，真係好刺激味蕾成餐食得好滿足好幸福啊餐廳成個氣氛都好好，環境中國風好吸晴，員工風趣又有禮，個個笑容滿面…Read More

返工咁辛苦為咩？都係為左可以食好野。最近好想打邊爐，所以兩星期前已經約左朋友一齊打邊爐。朋友介紹「滾得囍宮廷火鍋小炒」，話服務好味道好，所以今次試下先。一入去真係有宮廷氣派，門口右邊有張金色龍椅，店內裝潢都有宮廷感覺。其中一張點餐紙都有特色，係一張聖旨哦！點了牛骨鍋，有幾條大大條既牛肋條呀。味道係濃濃既蕃茄牛肉味。一場黎到，當然要食最高級既飛驒牛。每片飛驒牛油脂分佈平均，而且擺放華麗。最特別係佢可以生食或者煮熟食架！個人認為生食口感不錯，不過牛味就無熟食咁濃，而半生熟都係一個好選擇！另一重頭戲係海鮮拼盤，蝦大大隻好彈牙。蜆亦都好鮮甜。青口就有待改進。原本想點蠔，以為海鮮拼盤會有，點知無呢⋯⋯不過海鮮已經好多，下次再點啦！點海鮮拼盤會送四卷響鈴，呢間響鈴好特別，係有鹹蛋碎在内架，所以好香口！之後仲點左手打丸同乾貝滑，都好彈牙呀！配埋啤酒就好滿足！仲要係手工啤，有少少薄荷味。…Read More