Dim Sum Here Mix Seafood

陪朋友到 #旺角 買護膚品順便醫肚去左 #金雞 食 #點心到 晚餐環境乾淨，燈光明亮座位舒適，服務員勤快點了必食✅#黑金流沙包（$10x2) 奶皇餡 甜甜咸咸 真的是燙口點了個 ✅#麻辣雞煲（$88） 雞件入味， 無碎骨， 洋蔥配菜， 香氣撲鼻， 十分惹味。點了個新菜式 ✅蝦。通。魷全名係蝦醬通菜抄鮮魷（$89）份量足，魷魚大隻爽口好滑有咬口蝦醬通菜唔過咸，好配飯。飲茶好處就係可以談天不限時五蚊位茗茶，無限提供 唔怕講到口乾 下次試埋個 #榴槤雪妃 心靈好滿足的一夜。…查看更多

今日初嘗點心到mix. 大排檔，點咗：(1) 麻辣雞煲 $88熱辣辣好野味，雞煮得夠入味，濃烈嘅咸味混合辣味，變成重厚雞煲醬，可以撈飯食。(2) 黑松露炒魷魚 $98淡淡松露味，細細咀嚼才可以分辨出來，魷魚有鮮味，未有被松露味掩蓋。(3) 黃金桂花蝦球 $108淡淡桂花味，咸旦黃的野味，爽口彈牙的蝦球，絕對係最好味嘅餸菜。(4) 白飯x 2 @$12下次要去試吓冰鎭咕嚕肉同乳鴿先得，因為見到隔離枱叫咗，望落去好似幾唔錯！…查看更多

天氣涼涼地就心郁郁想食大排檔熱辣辣嘅小炒或者煲仔菜🥘 位於旺角嘅點心到 唔單止有我哋想食嘅大排檔食物 又近地鐵站 環境仲坐得舒服 於是專程黎試下😚我地星期四晚食 餐廳門口都有幾枱排隊 可見質素吾錯👍🏻 好彩都係等左5-10分鐘就入到🐾🐷冰鎮咕嚕肉 $88第一次食冰鎮咕嚕肉😂賣相相當打卡 色彩繽紛外皮炸醬非常薄 一啲都吾厚粉 食落脆口 配埋甜酸醬 好開胃👍🏻外表微凍入面熱焫焫 冰火交融 好特別🐥麻辣雞煲 $88 一埋枱已經聞到個陣雞煲麻香味 雞件嫩滑 入味 辣度小辣🌶 配埋洋蔥 三色椒 秀珍菇好惹味份量吾錯 夠2個人食👯‍♂️🥬飛天通菜煲 $82 店員埋枱先打開蓋 熱焫焫 出曬煙 好有鍋氣😋醬汁喊喊香香 最岩送飯🍚💭餐廳食物水準高 價錢合理 食到大排檔風味 又嘆到冷氣 店內環境好坐得舒服 CP值相當高 難怪平日都咁多人排隊🥇…查看更多

食了兩次，每次叫嘅餸都好夠鑊氣，份量又多，而且味道又好味！個酸菜魚三個人食都飽到食唔到其他嘢，原來裡面仲有粉絲㗎！避風塘炒蟹就夠大碟又香口。最特別佢哋嘅小炒王同我係外面食有少少唔同，佢會加入芋頭絲炸脆炒好脆口。唔想食晚餐小菜仲有點心可以點嚟食都幾好，又可以多一個選擇。另外叫了佢地嘅冰鎮咕嚕肉，差不多每枱都有叫，啲肉汁係冰鎖緊咗特別有口感！佢哋環境座位都寬敞，有寬鬆梳化坐幾個一齊食叫餸都夠擺，幾好。全晚啲服務員都好勤力保持清潔同執枱，呢方面都好。所以唔想嗰日煮飯可以唸下去呢到食…查看更多

之前曾經喺度食過點心午餐疫情期間也試過外賣回家點心真是做得不錯今次星期五的Happy Friday試吓這裡晚上大排檔的風味6:30左右去到不用排隊，但是等齊人才一起入座，要限時用餐個半鐘差不多食完開始見到有幾個人在門口等位椒鹽鮮魷：炸粉漿薄身，新鮮熱辣出來好味麻辣雞煲：相對其他食訐啲麻辣雞煲，感覺太普通蒸魚：蒸的時間剛剛好，肉身很嫩滑，還叫咗碗飯伴來吃豉椒炒蜆：殼多個肉通菜：不夠嘢味乳鴿：bb鴿好嫩，很夠味XO醬炒腸粉：吃到日間撚手點心的味總括來說日間點心出色很多…查看更多

之前食過佐敦果間點心店 今日行開旺角得知呢到有分店過嚟試下佢既小炒Menu選擇超多同埋好細心分左類：牛肉、豬肉、煲仔、菜，每款煮法都有十種口味，多元化。坐位舒適，仲有新鮮海鮮櫃我地兩個人叫左2個餸，一個主食同一杯野飲。麻辣雞煲 - $88見佢係推薦菜式，價錢都好抵食，一百蚊樓下，姐姐話可以揀小辣，落完單大概十分鐘內都上到枱。個煲真係熱辣辣，啫啫聲。 個煲辣得黎唔攻鼻，雞有十幾件，醃得入味，配菜亦都有洋蔥、黃椒、紅椒、芫茜，非常野味👍🏻 叫個白飯就送飯一流！椒絲腐乳炒通菜- $66呢個菜其實可以改做其他菜，姐姐講左5-6款菜，後尾我地都係揀左最classic既通菜。菜好新鮮，好大碟，唔會太咸，食得出落左酒，味道唔會好單調干炒牛河 - $72要試間餐廳既野夠唔夠火候，一定要叫炒野。呢到既牛河好夠鑊氣，又唔會太油，咸咸既河粉加埋洋蔥甜甜地，味道好有層次。都係好大既一碟。仲好貼心比埋辣椒醬。卡通芋蓉包 - $10呢個係甜點黎，但可以就咁叫一個包真係好好呀！包個樣都好得意，入面餡係有粒粒既芋泥，清甜唔假。凍檸茶-$18好大的一杯，唔知點解覺得佢好好飲，味道夠，又解渴🤣🤣…查看更多

之前食過呢間野點心覺得幾好食，原來旺角都開左間不過呢間晚市就冇點心食，得小炒，見佢咁多選擇，所以都決定一試～😋叫左個麻辣雞煲，熱辣辣～店員會幫手揭開再搞拌一下～ 呢個雞煲望落幾吸引🥰食落都幾入味～又唔會太咸～同埋有好多配菜可以食，有菇，三色椒～如果有朋友唔食得太辣都可以叫少辣🥰之後叫左個啫啫芥蘭煲～都係一個炒得好有鑊氣既菜～打開煲蓋啲鑊氣飛晒出黎好香～呢個芥蘭炒得好好～爽脆同入味😋呢間點心做得好，估唔到小炒都好有水準～而家價錢公道～會再黎食～…查看更多

同FD喺金雞廣場睇電腦，行咗好耐，睇到哩間鋪頭都算就腳，咁試試啦。哩間晚市都差唔多full哂，座位都算闊落，坐得好舒服。晚市提供啲點心唔算多，大部分喺炒菜，今日叫咗紅燒乳鴿，手拍青瓜，麻辣雞煲，沙參玉竹燉土雞湯同卡通芋蓉包。哩間嘢食可以根據人數叫點心，唔哂驚唔夠件數，都幾貼心喎。沙參玉竹燉土雞湯好足料，雞大大件仲有3件，成碗都喺枸杞沙參玉竹，感覺好健康。湯好鮮甜，飲落真喺飲得出喺足料老火湯，正！紅燒乳鴿好快來咗，乳鴿已經切咗4件，細細件食落好方便，仲搭配咗鹽同豉油汁。皮真喺燒得好香脆，肉又好juice好幼滑，食落好滿足。乳鴿預先處理過，唔哂點醬汁已經好夠味，好食！手拍青瓜同出面差唔多，不過哩間加咗好多蒜蓉，食落好重蒜味同埋酸酸甜甜好清爽，食到停唔落口。麻辣雞煲好大一份，雞肉預先炸過，皮喺有少少焦香，唔會好肥膩。雞肉索哂麻辣醬汁，好惹味。啲洋蔥和青椒都好香口，仲有蔬菜啲甜味，配飯吃一流。最後啲甜品喺卡通芋蓉包，哩個卡通芋蓉包好得意啊，上面表情都唔同，好cute。芋蓉好足料，又未算好甜，OK。行出去埋單，台台都叫咗咕咾肉，好似好好味咁，下次一定要黎試試佢啦。…查看更多