Dim Sum Here Mix Seafood

同FD喺金雞廣場睇電腦，行咗好耐，睇到哩間鋪頭都算就腳，咁試試啦。哩間晚市都差唔多full哂，座位都算闊落，坐得好舒服。晚市提供啲點心唔算多，大部分喺炒菜，今日叫咗紅燒乳鴿，手拍青瓜，麻辣雞煲，沙參玉竹燉土雞湯同卡通芋蓉包。哩間嘢食可以根據人數叫點心，唔哂驚唔夠件數，都幾貼心喎。

沙參玉竹燉土雞湯好足料，雞大大件仲有3件，成碗都喺枸杞沙參玉竹，感覺好健康。湯好鮮甜，飲落真喺飲得出喺足料老火湯，正！

沙參玉竹燉土雞湯

紅燒乳鴿好快來咗，乳鴿已經切咗4件，細細件食落好方便，仲搭配咗鹽同豉油汁。皮真喺燒得好香脆，肉又好juice好幼滑，食落好滿足。乳鴿預先處理過，唔哂點醬汁已經好夠味，好食！

紅燒乳鴿

手拍青瓜同出面差唔多，不過哩間加咗好多蒜蓉，食落好重蒜味同埋酸酸甜甜好清爽，食到停唔落口。

手拍青瓜

麻辣雞煲好大一份，雞肉預先炸過，皮喺有少少焦香，唔會好肥膩。雞肉索哂麻辣醬汁，好惹味。啲洋蔥和青椒都好香口，仲有蔬菜啲甜味，配飯吃一流。

麻辣雞煲

最後啲甜品喺卡通芋蓉包，哩個卡通芋蓉包好得意啊，上面表情都唔同，好cute。芋蓉好足料，又未算好甜，OK。

卡通芋蓉包

行出去埋單，台台都叫咗咕咾肉，好似好好味咁，下次一定要黎試試佢啦。