As You Like

尼間都食過好多次啦。今次同成班朋友黎食宵夜。之前成日都要排隊，現在開埋隔離店就唔使排啦。佢既麻辣雞煲必點呀，佢既麻辣湯底係濕既。唔似平時食雞煲甘係濃濃既醬汁底。佢既麻辣雞煲係自家制的，湯底既材料同煮法都係獨家既。所以係平時食唔到既味道。必點推薦。岩晒食得辣的朋友。另外，我都係第一次食個雜菌煲，都唔錯呀，岩唔食得辣的朋友。佢既配料就真係普通料。唔係雞煲甘出色，我都唔會過黎食。但佢既新鮮雞腸係推薦既。唔怕肥既朋友可以點尼個。因為個雞腸真係新鮮，絕不是冰鮮的。仲有個隨變粉，都好有特式，都要試，好qq的。由白色煮到透透地明就岩岩好啦。…Read More

去食之前無睇過食評係經過嘅時候聞到雞煲味就轉陣入左去發現平日晚上都幾多人食這間2人枱係4人枱中間加塊板枱面細細 增加左一點私隱度叫左麻辣雞煲 見其他瓦煲好大原來有個細隻d 既瓦煲半隻雞 肉量二人都夠佢同出面既唔同係佢一上就有湯小辣都幾辣 似乎比外面川菜中辣更辣好香口 我最後將配菜洋蔥西芹芫茜都食曬叫左一個皮蛋小食：好辣好好食 比雞煲辣辣到叫左個可樂飲 $12見餐單上食物有得揀一份/一碟一份係一碟嘅三份一 好適合二人用叫左牛柏葉/西洋菜餃/魷魚 煲咩特別 可以的叫左隨變粉 覺得好好食 煮起都幾多咁不過原來熟左會變透透地 一開始有些仍然白色但軟身我已經食左見打單寫左送兩塊牛肉 原來都有一碟仔 唔係話好靚但送架麻 都開心埋單260/2人 …Read More

又係宵夜時間以前都食過幾次,係得嗰湯底ok,食物就麻麻.朋友家姐話近期食物質素比前改善不少,所以,比多次機會佢.我地點左半份麻辣雞煲,原本點大辣,因我朋友比我還食得辣,但經理勸喻我地點中辣,佢話大辣比出面食店辣.話如果到時唔夠辣,可以幫我地再加.好彩有聽話,中辣都好辣,但辣中有麻,不似出面其他食店,通常越辣就越偏鹹.雖然我地點半份,但個雞煲乜都有,有雞翼,雞胸和雞腿等,而且隻雞食到尾都唔"鞋",keep住滑,仲無雪味.大部份食物都可點一碟和一份,一份手打墨魚丸和魚皮餃,每樣得三粒,好彩係宵夜.手打墨魚丸值得一試好彈牙而且墨魚味好重.崩沙腩,好林,好香牛味.因湯底夠味,所以不用再點生抽.…Read More

朕對雞煲可為情有獨鍾，一日朕既隨從幫朕Check到，佐敦有間隨變雞煲，隨左有雞煲仲有燒烤，可以一次過滿足哂兩個願望，放是朕就一行四人黎到試佢一試！一入到去，朕就當然揀左個冷氣當風位坐啦，個阿姐聽到之後就陰陰咀笑，然後同朕講邊度都一樣啦，吓！一樣，唔係化！朕當然無理會佢，繼續坐冷氣位啦！呢度用電爐，無火煮食，雞煲上枱睇落比較稀，唔似一品個汁咁杰，個味就係偏辣，唔夠麻，個雞煲啲雞唔夠味，食落似煲湯雞。而手切本地新鮮牛頸脊，因為牛頸脊郁動較多，肉質細緻，結實，肥瘦適中，咬落質感同埋味道都比普通手切肥牛好得多。另外崩沙腩，牛味香濃。珊瑚蚌新鮮爽口。響玲卷同埋炸魚皮就有啲過氣，冧冧地。而鮮魚卜就最緊要記得篤爆，如果唔係當你一口咬落去既時候，你唔篤爆佢，就佢爆你架啦！！！燒烤方面朕就叫左燒煙肉蕃茄，煙肉香脆可口，蕃茄仔燒熟後依然多汁，而多春魚加左麻辣，一口咬落香脆，入面既春子在口內一粒粒爆開，加埋個麻辣既辣在口裏由內而外咁擴散，辣HIHI！最終，同個阿姐既預言一樣，坐邊度都無用，成頭大汗，亦都証明左食雞煲係幾大冷氣都無用既！！！（況且呢度既冷氣根本就唔夠！！！）－－－－－完－－－－－…Read More

:) 其實之前已經同朋友食過，味道是不錯的，不過今次見佢服務唔錯，所以寫編食評讚賞下 。 環境：有2個鋪位，但地方唔算大，但都算乾淨 :) 。 服務：比之前兩次好，朋友說因為灣仔開了分店，而家呢度客人少左，所以店員服務也好了一些 :) 。 食 物：依然唔錯，我們點了個招牌雞煲 BB 辣，因為我本身唔食辣的，通常一大班人食時，會叫鴛鴦鍋，但今次忘記了，所以食食下都要過一過熱水，但D姐姐都比了個上湯我過食物，咁我都接受到個辣度， 除了叫雞煲，佢地個 小食 “ 涼拌秋耳 ＆涼拌青瓜 ” 個青瓜很爽脆，咬落凍凍地有些汁，中和到個辣味，相比下，秋耳較辣，但有些酸酸地，好易入口，雖然有些辣但非常惹味。  至於，雞煲依舊覺得都是那麼好食，味道夠香夠濃，雞肉夠滑，辣辣地又有些麻辣，仲可以放埋其他配料一齊煮個 “ 响鈴”“薯粉或者隨變粉” 味道好相近，都係 煙煙un un 咁，配合一路煲緊的雞煲，越來越入味，再加上一些蔥頭好香，但易由於個湯底越來越濃郁，辣度易都增加，一放菜落去，太辣，搞唔掂，就係呢個時候，店員送上 一碟醬汁，聲稱可以解辣的汁，係特別調劑的，有蒜有醋酸味咁還可以啦。之後見我們太辣，仲幫我們將餘下的菜攞入廚房整熟，比返碟油菜出嚟。所以今次食得好滿意，雖然食完由頭到腳都擁有麻辣味，但佢係我們食雞煲的首選。…Read More

等咗一陣終於有得食 一窩紅紅的,滿滿的麻辣雞煲終於出現係我面前. 佢係一窩十足料的雞煲,還有裹面有很多很多的麻子.一陣陣麻辣香味帶少少刺鼻, 真係令我無法再等.雖然店舖細, 但勝在好食. 價錢平, 一分錢一分貨.他的酸辣粉一定要食. 酸中帶一點點麻. 味道剛剛好. 在回如一口一口的麻辣雞, 真的今我回味無窮如果想食麻辣煲, 佢一定係我no.1choice for now. 他們有唔同辣級比你選. …Read More