Iron Cow Taiwanese Beef Noodles (Hilton Towers)

突然掛住台灣味道，行過尖沙咀見到「鐵牛台灣牛肉麵」，店舖夠闊落，坐低完全冇壓迫感，就入去試下！ 必點招牌總鋪師私房牛肉麵（$88） ，一碗入面有金錢肚、牛肋條、牛筋同牛肚絲，每樣都夠晒入味！特別係塊牛筋，入口軟腍得嚟又帶少少嚼勁，膠原蛋白滿滿，女士食咗實鐘意！湯底濃郁唔會鹹膩，撈埋麵食簡直停唔到口。 鐘意辣嘅朋友，麻辣鴨血豆腐粉絲鍋（$58） 千祈唔好走漏！鴨血滑嘟嘟，完全冇腥味，麻辣汁滲透晒入面，咬落仲有汁爆出嚟；豆腐同粉絲吸晒啲精華，麻得過癮又夠香，但唔食得辣就記得避開啦～ 仲有鹽酥雞拼夜市小香腸（$48） ，簡直係台灣夜市還原！小香腸配埋蒜片夾住食，鹹香惹味；鹽酥雞外皮脆卜卜，入面肉質嫩滑，唔會乾柴。…查看更多

邊個話香港食唔到地道台味？ 「鐵牛台灣牛肉麵」有招牌牛肉麵同臭臭鍋！仲有以下犯規組合🤤～🔸雙重芝士牛奶鍋 $158濃郁牛奶湯底 x 邪惡雙重芝士💛 安格斯牛肉片嫩滑，仲有爆餡芝士丸同拉絲車打芝士！配料超豐富：芋頭貢丸、台味米血糕、新鮮時蔬🥬 芝士控一定唔可以錯過～🔸蜜汁芝麻雞脾乾拌麵 $82雞脾外皮香脆，蜜汁芝麻醬甜而不膩！麵質彈牙掛汁🍜，台灣夜市風味瞬間爆發🌙🔸鹽酥雞拼夜市小香腸 $48即炸鹽酥🍗雞椒鹽香十足，小香腸咬落爆汁！送啤酒一流🍻🔸木魚炸豆腐 $40外脆內嫩嘅炸豆腐+跳舞木魚片！台式小食必點～…查看更多

吃個台味晚餐，無論是牛肉麵、便當、一人臭臭鍋或夜市小食都一應俱全，而且味道和份量都交足功課。座落於尖東黃金地段，雖在地庫不算是最顯眼的位置，但質素搭夠。總鋪師私房牛肉麵 $88招牌牛肉麵，滿足了心大心細、想吃小量多款的友人。牛筋、金錢展、牛肋條、牛肚絲鋪滿整個碗面，份量大方。特別喜歡軟腍入味的牛筋，還有牛味濃郁又有油香的牛肋肉。呈深竭色的湯底沒有想像中的重口味，吃完不會口乾或有很重的味精感，可以加$3配刀削麵或新竹米粉。芋控友人還加$36要了一杯熱大甲椰椰芋香，超級香芋頭味，少糖的甜度恰到好處，抵讚！鐵牛臭臭鍋 $118西班牙豬肉片 | 臭豆腐 | 鴨血芋頭貢丸 | 米血糕 | 蜂巢豆腐蟹柳 | 燕餃 | 雪枝揚 | 響鈴 | 娃娃菜 金針菇 | 蔬菜 | 粉絲 | 冬菇 | 新竹米粉一進店就聞到陣陣的臭豆腐味，看到不少人都在吃鐵牛推介臭臭鍋，微辣程度是容易入口的惹味辣，不嗜辣的倆口子也很受落。差不多15種配料比韓國部隊鍋還要豐盛，每一款都吸盡濃郁的湯汁，特別是臭豆腐、米血糕、蜂巢豆腐、燕餃最夠台味。鴨血也是另一重點，滑溜溜，完全沒有腥味。這個一人鍋份量很足，吃完暖意滿滿。加$32配個冰感恩珍珠奶茶，建議選擇小甜，較適合香港人口味。鹽酥小拼盤 $56 | 鹽酥雞拼夜市小香腸 $48完全是在台灣夜市必吃的鹽酥系列，一次吃勻鹽酥雞、花枝丸、地瓜條和小香腸，熱辣辣又惹味，特別是粗壯的地瓜條，還灑上梅粉，完美還原台灣吃到的味道。…查看更多

最近小編在台生活嘅好友返咗香港探親昨夜相約佢食晚飯攪笑嘅係佢起台灣日日都食台灣野但返到香港佢又唔抗拒食台灣菜因為佢覺得有港味嘅台灣菜會啱口味啲既然係咁就揀左鐵牛一齊試吓啦 因為小編都未試過呢間台菜7:15PM到而家座無虛席等左一陣店員好好人安排左卡位俾我地坐見到鐵牛最hit推介就係台式小火鍋我地諗好晒叫咩就share食人氣首選台灣本味麻辣鴨血鍋配安格斯牛肉片另加錢轉左滷肉飯一黎到賣相已經好吸引店員幫忙點火之後好快就滾起來配料好豐富有成十幾款食物起個鍋麻辣湯底果然醒胃 雖辣但有麻香 味道濃郁同火鍋最夾鴨血切得厚厚地咬落好滑有口感朋友都讚不絕口話同起台灣食的一樣芋頭貢丸好厚實爽彈米血糕、蜂巢豆腐、響玲、蟹柳、粉絲、娃娃菜同金菇好入味好正仲有燕餃、雪枝揚、冬菇同生菜…兩個女仔食都好足夠麻辣擔擔牛肉乾拌麵呢個麻辣相對火鍋果種辣又好唔同因為佢嘅芝麻醬中和了麻辣嘅味道所以食到微辣嘅朋友都可以食呢個最驚豔小編嘅係舊牛肉同牛筋雖然係厚身但炆得好入味好淋軟個拌麵亦好彈牙有𡁻勁整體好好食 難怪係推介小食分別叫左鹽酥雞拼夜市小香腸和鹽酥小拼盤(鹽酥雞、蕃薯、花枝丸)因為我地都好喜歡食香口野其中小香腸真係必食每件配上一片生蒜入口兩種層次同口感出晒黎生蒜有助去走香腸的油脂蕃薯好甜好粉花枝丸有花枝粒又彈牙粒粒鹽酥雞香脆雞肉嫩滑 皮漿再薄身啲更完美飲品點了閨蜜紅豆珍珠奶茶和大甲椰椰芋香好欣賞個枝裝蓋掩packing好衛生兩款都好有台的甜味又好足料黃燈木系環境好溫暖舒適一個好好相聚分享美食的晚上鐵牛台灣牛肉麵 (希爾頓大廈)尖沙咀加連威老道96號希爾頓大廈LG樓28號舖#鐵牛台灣牛肉麵 #香港 #尖東 #台灣菜 #台式 #牛肉麵 #鴨血鍋 #台式火鍋 #鹽酥雞 #拌麵 #hk #hkfoodie #tst #taiwanstyle #taiwanfood #beefnoodles #taiwanhotpot #taromilktea #bubblestea #duckblood #maphk2021 #chickennuggets #yummy #dinner #eateateat #CHUZZZJOUNREY #gracechuma #fattygirl #iloveeating…查看更多

這次是我第2次光顧鐵牛，不是朋友帶領也沒留意到，一個不起眼的商場地牢竟有鐵牛分店，而這所分店裝潢更與其他截然不同店鋪走近年流行的輕簡約風，採用淺木色配亮白燈光，整體感覺舒服潔淨企理，3間分店2種風格，一種黑沉神秘感，一種文青小清新，個人較喜愛後者座位與座位之間空間十足，4人枱枱面亦十分寬敞，所以不但感覺舒服，連體驗上也十分舒適，餐牌印上不失台灣感的QQ卡通人物一人鍋份量十足，女孩子當然要分享食用，內裡有鴨血、芋頭貢丸、米血糕、蜂巢豆腐、蟹柳、燕餃、雪枝揚、響鈴、娃娃菜、金針菇、蔬菜、粉絲及冬菇，另追加臭豆腐、塊鴨血、魚皮餃，最後由一人吃不消變成二人也吃不消要打包，但絕無後悔，因為款款好食！特別出眾有以下數款： ✓ 鴨血：經醃製過帶鹵汁鹹，絕無腥味，浸過麻辣湯底更惹味✓ 響鈴、粉絲：只要湯底好味，便有存在價值✓ 芋頭貢丸：貢丸雖然冬菇味不突出，但食到粒粒芋頭蓉✓ 臭豆腐：臭臭鍋主角當然不能少，聞都聞到臭味，豆腐內裡仍保留到豆味，最後餘韻滲出一陣發酵味*由於安格斯牛肉及響鈴早已落鍋滾，悔恨鍋到沒有及時品嘗，以免過腍或老*湯底才是臭臭鍋精華所在，肉汁湯底帶小辣麻辣，辣度為鍋料提味而不會覆蓋原材料味道。醬汁為牛肉汁底帶小辣，流質狀容易撈勻麵條而不油，牛筋軟綿不失彈牙，牛肉如慢煮口感又不失牛肉絲絲感拼盤包含豬耳、豬大膠及鹵水蛋，3款都醃得入味，鹵水蛋不會過硬雞粒：即叫即炸香脆可口略嫌未夠酥，而且味粉較少相對街頭賣個啲清淡啲，如雞肉再嫩及多汁會更出眾小香腸：台灣腸來說算瘦不太油，蒜片乾與微辛辣連僅餘油份都抽走魚酥多能覆蓋豆腐皮蛋，鬆散而不潮濕，醬汁淡然鹹中帶小甜，配滑溜豆腐及皮蛋一流雲林縣蜂蜜檸檬：茶底蜂蜜度屬小甜，飲到新鮮真檸檬味非沖劑及精香台灣古早味仙草蜜茶：同樣清幽蜂蜜茶底，內有大大片涼凍QQ仙草，仙草也不會過甜，好清新無負擔-2人吃得捧著肚子回家也只是$250有找，還可打包回家往後品嘗，食物質素及環境整體體驗十分滿足，之後到尖沙咀平民之選又多一個選擇！…查看更多

今日突然好想食台灣野，個腦只出了鐵牛，好耐之前已吃過鐵牛，他們的＂牛＂真的做得不錯，咁耐冇去，水準依舊冇令我失望😆👍🏻小碗滷肉飯 - 滷肉一點也不肥膩，滷味十足和菜蒲一起吃囗感爽脆，真的有台灣風味👍🏻小碗麻辣擔擔麵 - 只有很小很小的辣，反而麻味夠很香，麵質彈牙有進步，沒有一嚿嚿了👌🏻牛三寶拼盤 - 牛三寶拼盤（大塊金錢𦟌，秘制牛腩，香滑牛筋) - 金錢𦟌，牛腩，牛筋都㦖得非常腍滑，入口柔軟特別是牛筋會黏著的很膠口，牛味濃郁入味。放在底下的菜也會吃光，吸曬牛腩汁的精華，冇得輸鹽酥雞拼夜市小香腸 - 鹽酥雞炸得很香口，但肉質較嚡，香腸肉質結實鮮味，好食到停唔到口😜魚酥皮蛋豆腐 - 豆腐嫰腍配上醬汁一起吃味道剛好，加上蔥花木魚絲很香口。焦糖珍珠奶茶 - 焦糖奶茶香滑，珍珠彈牙很QQ荔枝Q果蘇打 - 大大杯，蘇打夠汽，荔枝味清香很抵飲👍🏻…查看更多

五個人，第一次食台灣野，大概夜晚七點去到，啱啱好有位。環境有啲黑，點餐係係張紙到tick，然後交去櫃檯。每款野食都叫咗啲 ●招牌紅燒牛肉麵，不愧為招牌，雖然牛肉少咗啲，但係勝在厚得黎又好林，麵有彈性，湯係濃郁唔肥膩嘅腩汁，一啖牛肉一啖麵條一啖濃湯，簡直係絕配 ●奮起湖燒雞腿排肉燥麵，雞腿雖然有啲凍，但係夠大塊，冇急凍雞嘅味道，麵同牛肉麵係一樣，而湯就係清湯 ●滷肉香酥排骨便當，首先排骨雖然係大塊，不過有一兩條係肥膏，我想食多啲肉啊TAT，其次因為排骨係炸嘅，所以有啲乾同膩，好在有濕濕地嘅滷肉拌飯，令到碟野唔會同我嘅人生一樣咁dry ●鹽酥雞拼夜市小香腸，鹽酥雞夠大粒又唔會得堆炸粉，而且唔會太咸，小香腸嘅肥瘦比例適中，外皮脆脆地又唔油，碟野好啱叫黎送啤酒~(老爹舉杯贊成) ●香滷滑牛筋，真係同佢個名一樣，又香又滑，睇黎醃咗好耐，估唔到嘅係食落口之後個嘴好粘，證明夠哂骨膠原(貪靚嘅老媽講嘅) ●飲品有凍珍珠朱古力，朱古力味唔濃，好多珍珠，巨蜂葡萄梳打，唔會太甜，檸檬茶同台灣啤酒，好飲~…查看更多

一家人行完街經過呢度，咁啱見到又好想食台灣野，所以入咗嚟～ 冇諗過全部嘢食都咁好味同埋抵食，平均每人＄100，四個人食到超飽～首先叫咗個「主廚私房牛肉麵」＄69，大大碗，入邊已包括左大塊金錢𦟌，秘製牛腩同埋香滑牛筋，三種牛都好好味好香，超大碗面好滑～因為媽咪特別鍾意食牛筋，所以另外再叫多一碟「香滷滑牛筋」＄48，冇諗過咁抵有咁大碟，牛筋好彈牙，好好味，大家可以補充骨膠原～跟住仲叫咗啲小食拼盤，「鹽酥小拼盤」＄45，包括左鹽酥雞，脆薯同埋花枝丸，花枝丸好好味，細妹特別鍾意食脆薯，所以特登另外再叫多碟「黃金梅子脆薯」$ 32，配埋啲梅子粉真係好好味！！「鹽酥雞拼夜市小香腸」$ 39都好味～ 又再encore左個鹽酥雞＄32～熱愛台灣小食嘅我哋又點會咁快停得口啊，之後我哋仲叫埋「小街綜合滷味拼盤」$ 45，包括左滷水蛋，豬爽耳同埋大腸，超正！！飲品叫咗「巨峰葡萄梳打」，「荔枝Q果梳打」各＄35，好好飲～總括：價錢抵，質素高，份量多，全部都好好味，食唔停口，值得推介！！…查看更多