鮨一 (厚福街)

Open Now

Now Closed

放工同朋友去左一間日式居酒屋，全場滿座，好彩預早book定位。池魚王薄切池魚王切成薄片，晶凝通透，魚肉口感清爽柔嫩，配搭辣椒蘿蔔蓉酸汁一齊食。鮨一千層海膽飯海膽份量多到好似一座山咁，今次升級日本海膽，色澤橙金，散發出自然鮮甜香氣，口感綿滑濃郁，底層仲有吞拿魚蓉。北海道仙鳳趾鳯凰蠔蠔肉肥美多汁，口感綿滑，超級新鮮，加咗酸汁啫喱。海葡萄番茄沙律海葡萄口感微微爆漿，番茄脆爽，搭配得恰到好處。滿滿甜蝦杯甜蝦晶瑩剔透，入口滑嫩，配搭蛋黃蛋漿。串燒鹽燒白鱔：外皮微微帶焦，肉質軟嫩。煙肉串茄：煙肉包住甜美車厘茄，煙肉嘅鹹香味結合多汁嘅車厘茄。豬肉露筍卷：豬肉柔嫩，露筍爽脆，中和豬肉油脂感。味噌煮牛舌牛舌煮得好入味，厚身有嚼勁，味噌湯底濃郁。

今日同男朋友行完山，決定食日本菜慰勞自己。鮨一沙律無論係蔬菜番茄定魚生都好新鮮，魚生有好多種類：三文魚、吞拿魚、八爪魚等等，作為開胃菜相當唔錯。日本真蠔兩隻大大隻，上面既配料辣辣地，但一齊食都唔會蓋過生蠔既鮮甜肥美。白子刺身第一次食，係時令食品，口感軟綿綿，帶魚生味道，好新奇。池魚王切成薄薄一片，好考刀功，亦食到佢既鮮味。鹽燒白鱔燒到魚皮好脆，肉質肥美。免治雞肉(自家製) 沾蛋黄一齊食，增添滑溜感。清酒煮蜆好有水準，蜆大大隻得黎又好鮮甜，配埋個湯一齊飲，好正。入面仲有幾舊白蘿蔔，所以個湯飲到蘿蔔味。燒子持香魚好多卵子，鍾意食卵子既人會好鍾意。

經過左一個好辛勞嘅禮拜，放假要食好dd!記得上次食鮨一嘅時候，門口大排長龍。所以我哋今日特意好早就去到，接近六點前已經去到門口。店未開，師傅仲喺度準備緊食材，一個人都冇🤣我哋亦都好順利咁入座吧枱。睇完一輪Menu，同埋當日廚師推介，我哋已經有咗心水。呢晚我哋邊食邊點。我哋叫咗雞泡魚乾、劍魚腩壽司、池魚壽司、中拖羅壽司、左口魚壽司、鹽燒白鱔。汁燒雞泡魚干燒得好，唔會燒得好乾。送酒係一流呀！ 燒白鱔我就覺得一般，調味不足，白鱔皮不香脆。中拖羅壽司，顏色怪怪，係暗紅嘅顏色。少咗大拖羅嘅肥美，中拖羅覺得一般。池魚壽司甘甜，幾好食。劍魚腩真係wooo! 魚油10分充足，好香好肥美，食得好滿足。食食吓我又發現原來有左口魚，咁我就即刻點一客，左口魚係輕輕燒過，入口即溶，好正！