G One Sushi Japanese Restaurant (Hau Fook Street)

今晚同朋友試咗間幾有驚喜嘅日本餐廳「特上錦繡刺身」拼盤，一共8款，每款兩切，賣相夠晒大方真鯛肉質爽甜，吞拿魚三重奏包括大拖羅、中拖羅同赤身，大拖羅油脂甘香入口即化，中拖羅平衡咗油香同魚味，赤身就紮實啲但唔會韌。油甘魚魚油豐富，海膽鮮甜唔腥，帶子同赤蝦都夠晒鮮味，整體嚟講刺身質素對得住價錢，新鮮度夠高。  前菜:海葡萄番茄沙律幾開胃，海葡萄咬落卜卜聲，番茄清甜，酸酸哋幾醒胃。什錦天婦羅炸得唔錯，粉漿薄脆，蝦同蔬菜都保持到水分，唔會油淋淋。辣酒煮廣島蠔味道濃郁，蠔肉飽滿，辣酒湯底唔會嗆，辣味好溫和，最驚喜反而係配角蘿白炆得又淋又入味吸曬蠔肉及湯底的精華，暖身又夠味。鹽燒油甘魚鮫係驚喜之作，外皮燒得香脆，魚肉嫩滑又多汁，蘸少少酸汁更惹味。整體嚟講，呢餐飯幾高質，份量適中，適合同三五知己慢慢歎。如果鍾意食刺身同埋日式小菜，呢度值得一試。…Read More

千層海膽飯（大）😋😍🤩.日本醋飯上面加左吞拿魚蓉，之後上面就係有足足8格大海膽🤩上枱時小編真係嘩左好多聲🤭食完成口都係海膽既鮮甜味😍無得去日本，去食呢個當去左啦😊.強油烈建議因為苦甘而唔食海膽既朋友仔，可以去一嚐，包你會對海膽改觀👍👍同埋一定係叫大，因為細同大碗飯係一樣size,但細既得4格海膽，其實價錢唔差好遠，大既有8格海膽會開心好多🤭另外要特別介紹既就係鹽燒油甘魚鮫🐟因為真係燒等好香，每啖都食到好香既油脂😋有唔會燒到乾晒，啲肉仲係好juice2個人食得唔太多野，但就好多野都仲想試，有機會會再去試埋其他，應該都會有驚喜👍…Read More

日本A5和牛刺身丼 $398 第一次食和牛刺身，賣相好靚，油脂分佈都幾平均，好似啱啱解凍肥牛咁，食落係凍凍地，有少少嚼勁，牛味唔算好濃，但係幾特別。丼飯係啡色既，唔知係咪加左醬油既壽司飯，唔係好食得出個分別。甲羅燒 $98 蟹膏加半熟蛋，撈匀配脆卜卜烘多士好正！如果撈飯應該更加正！哈特上十貫目 $348 十件壽司有海膽，拖羅，帶子各一，其他七件係師傅拍板，唔係好知係咩魚，但都好食既。見到師傅逐件手握壽司，感覺幾治愈（係咪有啲變態...）鮨一沙律 $128 好食！每啖都食到粒粒海鮮，有三文魚，八爪魚同油甘魚，個蕃茄好鮮甜，撈匀蟹籽同沙律醬微微帶酸好開胃！鹽燒油甘魚鮫 $98 皮脆肉嫩，無三文魚餃咁油，唔錯。免治雞肉 $35 好食，入面有雞軟骨，口感豐富，點蛋食真係好正！煙肉荔枝卷 $28 呢仲配搭又係好正，荔枝又甜又多汁，中和返煙肉既肥膩。鹽燒牛脷 $38 好食，少少嚼勁但唔係韌到咬唔開，黑椒味幾濃。大蔥雞肉 $28 無咩特別，醬味濃，雞肉嫩滑，大蔥唔太乾身。梅酒 $58 本身我就唔大興趣飲酒，生日高興就飲少少啦，呢杯梅酒又好易入口，幾香醇。不過睇粒梅個質感應該浸左唔係好多年。餐廳食物質素幾高，但價錢都好高！多謝友人請食生日飯。…Read More

今次黎到厚福街的鮨一，18/F-20/F都屬於鮨一，先上20/F攞位。我們6:30到已經差不多滿座。坐了吧枱，可以看師傅準備食物。除了omakasa，還可以散叫。日本真蠔 $98/隻真蠔有成隻手掌咁大隻，入口鮮甜，重海水味。推薦！秋刀魚刺身 $168提到秋天，當然是秋刀魚，油脂豐富肥美，口感嫩滑，帶魚油的甘香。白子刺身 $138白子不是很常見，剛好餐廳有，當然要叫來試試。白子是魚的睾丸，冬天是當造期，口感柔滑含豐富營養，加上柚子醋提升鮮味。鹽燒油甘魚鮫 $98魚鮫是頭部後面，連接著魚腩與魚身的位置，因魚鰭活動周邊肌肉而令肉質較結實。魚肉嫩滑甘香，而且有很多魚肉。牛油果軟殼蟹飯卷 $78會見到卷物的飯是赤色，原來師傅用了江戶前傳統壽司製法，用酒粕發烤的赤醋打壽司飯，味道更濃郁有層次。雞泡魚干$75雞泡魚是河豚的俗稱，雞泡魚醃製後烘乾切成一條條，加上蛋黃醬，下酒一流。清酒煮蜆$68清酒加上蘿蔔同芫荽，入口甘甜完全唔苦。蜆肉不會食到有沙而蘿蔔整得剛剛好，入味得黎又不會太硬或太腍。串燒雞軟骨串$15鹽燒牛脷$38外邊爽脆，內裏多汁。再加上大量蒜蓉粒，令牛脷的味很出。豚肉蘆筍卷$35蘆筍鮮甜爽脆加上豚肉，呢個組合冇得輸。…Read More

同朋友食生日飯，朋友鐘意食日本野，就簡左依間餐廳。我地雖然有bk枱，但去到都幾full ，得番bar枱，所以就坐左係bar枱我地嗌左千層海膽飯三文魚腩手卷牛油軟殼蟹反卷鹽燒牛小排串豚肉蘆筍卷鹽燒油甘魚鮫清酒煮蜆鯛魚奶湯稻庭烏冬千層海膽飯我哋叫咗細，但感覺海膽唔係咁新鮮，但海膽數量都幾多，都係純粹過吓口癮。鹽燒牛小排串及豚肉蘆筍卷，覺得豚肉卷好食過牛小排，雖然兩個都好香但係豚肉卷mix蘆筍好似冇咁油膩。牛油軟殼蟹反卷，出其不意地好食，係咁多食物中，個人覺得最好食嘅一樣清酒煮蜆，一開始我以為成碗都係蜆，勁吸引，但原來下面係一啲白蘿蔔，但總括嚟講成碗都係好好食因為啲蜆夠大，而且蘿蔔都可好甜好淋，但係唔夠清酒味未夠濃。鹽燒油甘魚鮫，都燒得比較香口而且燒到啱啱好都吾錯。三文魚腩手卷同鯛魚奶湯稻庭烏冬其實都ok，烏冬好有魚湯味，而且好滑身，可以一試。…Read More