蟹慶 (Closed)

又到聖誕了，今晚同朋友慶祝聖誕加生日， 去咗蟹慶好好慶祝一下，已經book咗好耐萬分期待。一坐低已經有蟹公仔歡迎我，首先自拍一番先。餐廳以木裝修為主，感覺溫馨，令人猶如置身日本。我哋叫咗海鮮料理會席，起筷了。時令沙律跟前菜兩點沙律主角是蟹籽，沙律菜非常新鮮同爽口，再配兩份前菜，一個為芥末八爪魚，另一碟係醃製蒜頭，非常醒胃。季節刺身有五款，中吞拿魚、油甘魚、赤蝦、拖羅、帶子，好厚身食材新鮮好爽口，帶子加咗黑松露，增添了層次感。海鮮寄世鍋店員預先放個鍋在餐枱上預熱，大約等10至15分鐘就食得，睇住個窩滾到熱辣辣，香噴噴好窩心。主要材料有大蝦．生蠔，帆立貝，冬菇、豆腐、粉絲菜，最啱凍冰冰的時候食。舞茸烏冬跟寄世鍋一起上，在鍋內煮大約5分鐘就食得，烏冬好彈牙爽口，再加上舞茸菇，味道香濃。鹽燒喜知次師傅將魚切成蝴蝶形，令到火力更均勻，外皮煎到脆脆，內裏魚肉嫩滑，魚味濃而鮮。跟柚子豉油，更能帶出鮮味。海鮮清湯同海鮮一齊煮，好鮮甜。極上天婦羅盛盒有大蝦、帶子、蟹棒、茄子同南瓜，新鮮即製，熱辣辣。特別一提，帶子跟紫蘇葉一起炸成的天婦羅好特別，第一次食。

二人套餐唔洗諗來諗去，就來個有鍋物、天婦羅、刺身等，座位比較特別兩人並排齊坐，但是枱面很闊，不會覺得空間不足。沙律的蟹子加蟹肉夾着清新沙律很開胃。季節刺身有四款赤貝、吞拿魚、赤蝦和油甘魚，鮮甜的赤貝和肥美吞拿魚最好吃。鹽燒豈知次魚肉細嫩得來又有種特別的魚香味。海鮮寄世鍋真是完美的大雜燴，海蝦和鮮蠔大隻又新鮮，其他蔬菜吸盡海鮮精華，而且蟹棒淥滾後鮮味更突出，另外扇貝結實鮮甜，啖啖肉。舞茸烏冬質地實淨又夠滑，掛湯得來唔會太淋。海鮮清湯足料又清澈！

門口的傳單員很熱情，一落車就主動同我和老公推薦這間餐廳，反正很久沒吃海鮮，入去吃個晚餐。【松葉蟹棒刺身】第一次吃蟹棒刺身，我就覺得浜燒應該更加重蟹肉味，老公卻喜歡這種鮮味。【沙律前菜】蟹肉份量很多，前菜麻油木耳好香又有雞肉粒配搭。【極上天婦羅盛盒】蟹棒和鮮蝦中間所起了肉汁，秋葵黏黏的外脆內軟。【鹽燒喜知次】在日本試過兩次喜知次，覺得他的魚肉味道很特別，軟熟得來配合鹽燒就散發一種鹹香的味道，這是日本很出名的品種。【海鮮寄世鍋】虎蝦、蟹棒、生蠔、寄貝，煲出來鮮味十足，蠔的肉飽滿，虎蝦都很鮮甜肥美，蔬菜就索滿湯汁。