Taiwanese Hot Pot (Cameron Road)

難得放假，梗係帶屋企人去食好西，尖沙咀呢間台式老鍋裝潢俾人第一印象係好有中國古風既感覺😌老饕酸菜白肉鍋 $158醃製左既自家酸菜令湯底更入味，寛粉條煮耐左食就吸晒d湯底既精華，仲有一片片極品豬王花腩，個湯底係超值～手工丸同餃子都絕對好味，特別係梅菜豬肉丸 $48、魚皮餃$48 一碟過擺成九方格咁十分奪人眼球～夜市炸臭豆腐 $48炸得好靚仔，完全唔覺得臭，仲有獨家醬汁同泡菜一齊撈住黎睇，多重滋味😋同台灣食到既一樣好味！鴨血 $68口感勁綿滑，而且唔會腥，師傅切既厚度亦都適中。冰山茶王烏龍茶 $26台灣支裝茶，獨立包裝衛生又好飲，解去火鍋既油膩同解渴～…Read More

做完 facial 宜進補，還以為跟珀慧撐檯腳，誰知預埋卡地齊齊打邊爐，三人行當然無所謂啦，來個久違的合照，轉眼十六年 ﹗珀慧指定要到老鍋烚烚，最主要因為有室外座位可以邊食火鍋邊煲煙，聽到都覺得爽喎。我鍾情本地手切牛尤其牛頸脊，其他不值一提。羊肉片太羶，要考慮一下﹗如果有羊腩就更好啦。跟 openrice 食評舊相比，好多海鮮已經不再發售，減少食材可以減低成本可以減低損耗，明白的。日本廣島金蠔、珊瑚蚌、桂花蚌、四寶手打包心丸、鴨血、美國特級牛肋肉、羽衣甘藍、黃帝菜，點住少少菜色，唔夠才添。我這麵怪任何麵都想一試呢。還有大量台式傳統小吃。試試另類手工啤都不錯，極具排挑戰性。玫瑰啤酒鍋？有緣試試吧。北台灣烏梅啤酒，手工生啤已經停止供應，換來是樽裝的呢，能夠保存更長時間，明白的。好梅味，微微地酸，覺得好甜啊，不適合我！麒麟生啤，先濕濕口，再黎朝日樽裝，試完烏梅汁實在太甜，還有荔枝及芭樂籽未試，思前想後都係算喇，預計都係太甜，飲返普通啤酒更好，繼續唔好停！我較喜歡日本生啤，朝日、麒麟、札幌，樣樣都好。招牌滷水併盤，奇怪地何解等咁耐，心諗切切切應該好快架麻，是否妹妹忘記幫我落單呢？過多幾分鐘送到咯，竟然係熱食，可喜可賀有驚喜﹗大多都係冷盤室溫，誠意可加，值得一讚。暖笠笠濃郁清香滷水汁，金錢肚軟棉棉少少爽，大腸頭彈彈彈，牛腱嚥嚥韌韌。美人鍋，美人鍋跟半隻烏雞，估不到湯料居然甜美彈牙，不霉不散，每啖雞肉已吸盡湯汁，好好食！湯底散發濃郁香甜藥材味，不苦不澀，精神爽利。麻辣鍋，台式麻辣香料味道突出，中辣微麻，有清甜的餘韻。麻辣鍋中辣，原來麻辣鍋不包鴨血架喎，只有海棉冰豆腐。菜牌表明辣度低，讓食客們能食到原材料鮮味，我都贊同既，中辣剛剛好喇，香辣中帶清甜，麻就完全感覺不到。養生鍋大大條生蔘在乳白色湯汁中浮沉，肉湯甜美勁足料，蔘味甘味均濃烈可口，我鍾意。生蔘成條啪，補補身先！先脆後粉，甘味濃厚超強，蔘味非常特出，味道十分霸道咬兩口夠喇。日本廣島金蠔，點解會叫金蠔呢？一般形容蠔豉，仲以為用蠔豉打邊爐如此有創意。我對雪藏廣島蠔非常有陰影，試過幾次都有腥嗅的異味，真的猶有餘悸啊！膽粗粗初嚐老鍋的金蠔。肥美鮮甜，儲存良好，蠔汁輕射，食得安心暢快，thanks god！太平洋桶蠔，洗到爛晒，穿晒肚喇！一路烚一路漏汁，先黎一隻勁腥有異味，格硬吞落肚。再試第二隻咬一啖依舊腥味強烈，餘下的都咬一啖試試，有問題。為安全起見，全部立即掉棄。鴛鴦雙蚌，最緊要夠新鮮就好難會唔好食既。桂花蚌嫩滑脆卜卜，珊瑚蚌爽爽索湯汁，兩者鮮味非凡出眾，陣陣海鮮甜甜餘韻。精選海鮮併盤，還以為會有扇貝食，用上貴妃蚌代替，洗得不夠徹底不夠乾淨，還有腸衣及薄膜黏附著喎，好采我眼利見到啫。超肥美脹卜卜，肉香甜甜回味再回味。九孔鮑充滿彈性，不膠韌，鮮鮑味突出美味。北海道帶子，純天然甜味軟棉新鮮。海中蝦，彈爽鮮甜爆汁蝦膏甘香。伴碟沙律菜火箭菜都唔放過，用養生湯拖一拖，爽甜甘香品嚐。四寶手打包心丸，浸完麻辣湯後，全部丸都染得紅卜卜好搞笑，抽到什麼就食什麼啦。黑松露蝦丸，釀入大量墨松露醬，絕無手軟，極濃郁黑松露清香夾著鮮蝦味道。芝士牛肉丸，芝心完全溶化，咸香芝士跟牛味係絕佳組合。鵝肝墨魚丸，熟透的鵝肝醬不太食得到味道，反而墨魚鮮味更嗆。梅菜豬肉丸，中國幾千年的傅統菜色，爽甜的甜梅菜還有濃濃豬肉香，十分有家鄉風味，阿爺阿嫲我返黎喇！每粒手功了得，全部優質無投訴，彈力十足亦不乏肉汁香甜，美味穩陣之選，實力無甩拖。鴨血，麻辣鍋已附送少量鴨血，那會夠我地分呢？梗係要另外叫多一板啦。滑溜如蛋白的質地一跣入口，滾燙燙好熱啊！外彈脆一咬爆開，湯汁水潤飛射，散發麻香辣香，滋味無窮，好好食要嘆多兩件。如不配清湯會有著奇怪羶味，必須配麻辣湯，味道才發揮極致。可口甜美既麻且辣，刺激開胃，熱燙燙入口，越食越想食，停不了。涮鍋小羊肉片，不羶那會是羊，涮 5 秒得左。羶香突出不嗆不過火，搭配麻辣宇宙最強，嫩嫩超彈有韌性，合格既。手切安格斯牛小排，淡淡然低調的牛甜味，嫩滑油脂感強，乳味甜美，溫柔輕撫您的舌頭。美國特級牛肋肉，豐富牛脂的薄片，拖一拖滑嘟嘟甘甜出眾，有著淡淡然的牛肉香，如切厚一點會更加多汁更有趙頭。皇室魚肚，高檔次質素，巨形厚厚，沒渣沒硬沒腥沒油溢，發得出色好功夫。半落麻辣湯，半落養生湯。海棉體爽爽軟軟索盡麻辣湯，辛辣可口津津有味。另邊廂吸收甘甜蔘雞湯，回味無窮，盡嘆兩種風味。新鮮脆骨腩，不過不失，不夠肥美，魚脂不足，微弱的甜味，爽爽脆脆。羽衣甘藍，第一次相遇貌似沙律菜，微灼即食，厚厚質感帶芳香甘味，味道獨特而，好野黎喎，我鍾意！皇帝菜，麻辣湯良伴，爽嫩甜美多汁，索辣特強。我以前都食不到皇帝菜獨特辛味，由麻辣火鍋開始流行，我都漸漸接受到，依家直頭非常愛食添喇。麻辣湯皇帝菜，飲完麻辣啡湯難免有少許副作用。關廟麵，名字怎來呢？估不到份量超多，足足兩大個麵底呢，抵食！麻辣湯撞養生湯做底，濃濃厚厚帶黏湯汁，麻味辣味蔘味雞味肉味百感交集，色香味美，越食越起勁！讓麵條帶著兇猛麻辣蔘雞湯，大啖地吸啜，塞得嘴仔脹卜卜，無比滿足幸福。麵條拖 10 秒結實堅廷十分，有咬口。拖 30 秒好爽好滑同樣高質好味道，捲著魚肚搭載鴨紅混在一齊品嚐，色香味增進不少，無得頂！感覺十分車仔麵，好得意啊﹗全晚只係食剩幾舊魚肚、鴨紅、皇帝菜，實在太飽，雖然好食到不得了，但已經塞唔落喇。戰績輝煌，鴛鴦鍋、小食 1 款、食材 9 款、幾支啤酒加埋一，多謝 $2000 蚊落樓，收費真係有點高昂。火鍋一餐食左兩日份量，超標超標。…Read More

和女閏蜜們出來傾心事，點可以有時間限制？！「老鍋台式火鍋」除了可以讓我們慢慢食、慢慢傾，又唔怕食物會食到最後攤凍之外，這兒還有一個「美人鍋」，啱晒我們一班貪靚又養生的閏蜜。這兒的坐位是一個一個室，感覺私人，很適合傾心事。多款醬汁自己調較。湯底方面，我們選了麻辣拼美人鍋總覺得食台式火鍋一定要有麻辣，但我們三都不是太辣得之人，所以選了「最小的辣」，最小的辣都有濃濃的花椒香、又真係唔太辣，啱晒唔辣得之人過過癮（但當湯越滾越濃時就開始好辣，小心）而美人鍋就清清地，內裡有很多桃膠，充滿骨膠原打邊爐一定無牛不歡，點了這款「美國特級牛肋肉」有牛味，脂肪同肉的比例剛好，好味！！「西班牙黑毛豬梅肉」，切得不太薄，咁先有口感，有脂肪又不太漏，很滑，好味！台式火鍋「鴨血」亦是必食，這兒的鴨血都幾彈牙！！但略欠鴨血味，所以都係落落麻辣鍋較野味！！雲吞沒太大驚喜但墨魚丸同蝦丸就好好味，好彈牙，必點！！響鈴是朋友至愛，這兒的響鈴即炸，都幾夠脆！！「羽衣甘藍」好新鮮，好脆口萵筍都好新鮮總括來說，「老鍋台式火鍋店」真係很適合幾位女friend子來吹下吹，滾下的好地方地方乾淨唔麻甩，又有私人空間！！但埋單三個人$1309，就有少少貴啦！我相信我下次糧頭都會再約其他女閏蜜們幫襯的…Read More

Book左7:30，有同事提早到左都未入得，真係幾旺場！室內設計古色古香，有點陰暗，睇唔到有幾大。不過座位都幾寬闊，坐得舒服。每張枱都有個鐘仔，方便叫侍應。我地點左#鴛鴦鍋#酸菜鍋好夠味，唔使用醬料都得。入面有肉，酸菜，粉條。粉條好好食，吸晒啲湯汁同事呃我話麻辣鍋唔係好辣，我用老油條試左一嚿，辣到我呢（我唔食得辣）火鍋底的材料都好足，而且真材實料。不過同事食完，話好口渴點左兩碟豬肉# 美國梅花豬肉#比較鞋，唔係咁好食。#黑毛豬梅肉#呢款烚得耐都仲係咁好食。油脂分佈得宜#老油條#雖然無影，但推介唔好睇佢幹憎憎，硬掘掘。但放左入湯後，等佢吸一陣再食，脆軟參半，#鴨血#好似之前無食過。我會形容佢的質地好似脆皮腸咁，一咬落去，有“啵”一聲的感覺。食唔出佢有自身的味道，都係靠啲湯，俾啲味佢。#鮮炸響鈴#好新鮮，但無乜口感。我一放入湯就拎上來，但都淋晒#雲吞拼水餃#兩樣都一般般，水餃無木耳。雲吞又唔係好鮮。花甲雖然又係無影，但又係推介之選好鮮甜，無沙仲叫左#蔬菜拼盤#同#黑木耳#用料新鮮，粟米超甜無限時，你鍾意坐幾耐都得。下次要食早啲，8半前離座有7折…Read More

原來火鍋也可以romantic,因為燈光暗暗的,椅子及裝飾特別，情調都幾好！以下是我一個月來了3次綜合的圖片，每次只有2人進餐，不能叫太多野食，唯有分幾次來。3次都是自己比＄來，我又唔識老闆，無任何著數，只有貪早埋單有優惠！ 因為想試哂所有湯底至🉐️，所以來了3⃣️次呢！香港人在任何天氣也可以食火鍋湯底足料，可以當湯飲的美人窩湯底，無花無假，可見窩內有半隻烏鷄，另一湯底：酸菜白肉湯內有足夠2至3人份量QQ寛粉條。另一湯底養生窩，我個人應為因有多種藥材不太適合火鍋，如果喜歡台灣麻辣湯底，呢度口味可以改微辣，口味適合香港人，雖然是半窩湯底也有10多片爽甜的正宗台灣鴨血，昨晚不知為何免費追加10多片，食5哂添！所有手工丸又爽又足料！牛肉芝士丸,松露蝦丸丶花枝丸只有最差的是沒有韭菜味的韭菜餃，因韭菜份量少到差點以為是蔥花，職員説他們的韭菜餃是肉比較多😓，好在水餃及雲吞好味，內𥚃的蝦又大隻又新鮮。羊肉沒有味，賣相唔靚，無影相，羊肉又太肥溫馨提示：兩個人初段唔好叫太多食物因為湯底內已好多料！8:30pm 前埋單7折…Read More

上個月在台北吃過台式火鍋，一試難忘，恰巧早前電視飲食節目介紹位於尖沙咀的老鍋台式火鍋，我和友人便訂了枱子，在週末享受一下台灣的情懷。餐廳環境充滿著傳統中式風格佈置，紅燈籠、流水、竹菊梅植物、餐桌餐椅都別具古色古香的風格，寧靜舒適的環境讓我們都可以好好享用午膳。火鍋可點單湯或鴛鴦鍋，共有四款湯底可選：麻辣鍋（大／中／小辣）、酸菜白肉鍋、美人鍋、和養生鍋。我們當然要點鴛鴦鍋，各湯底都很吸引，我們最後選了店員為我們推介麻辣鍋（大辣）及美人鍋。餐單上的配料選擇繁多，有：海鮮、丸類、小食、餃類、豆品類、肉類、蔬菜類、飲品，我們二人點了六款配料，十分豐富呢。鴛鴦鍋上枱滾五至十分鐘後，濃烈麻辣味飄香，麻辣鍋的顏色呈鮮艷的赤紅，配以多種的香料和藥材，十分惹味，此湯底附上台灣生產的鴨血和凍豆腐，鴨血厚身而質感帶有彈性，嫩滑得入口即溶，不腥不羶，含豐富鐵質，非常補血。凍豆腐外皮完全汲收了麻辣湯的精華，咬下去更有湯汁濺出，麻而不辣，即使我和友人平時不吃辣，點了大辣的湯底也能接受，味道可口香濃，重口味者必欣賞。若連小辣也受不了，可讓店員為我們加入雞湯，平衡一下當中的香辣味和油脂。與旁邊的濃烈麻辣湯相反，美人湯如一股清泉，湯色比較透徹，味道比較清甜，湯底有原隻烏烏雞，非常滋陰、補虛勞。湯中亦加入了不少桃膠，含有豐富的膠原蛋白，為女士養顏至寶。愛美的我們都喝了不少美人湯，也把湯料都吃下來補身單單湯料已是那麼豐富，但吃火鍋又怎感單吃湯料？當然要點些配料來品嚐，配料放入不同的湯底去淆製，吃起來也會有不同的風味這次我們點了特級美國安格斯雪花肥牛、炸豆皮、鮮做極品水餃半份、鮮做鮮蝦雲舌半份、雜錦蔬菜盤、和炸芋頭。特級美國安格斯雪花肥牛的雪花紋細緻，口感嫩滑，沒有筋的靭感炸豆皮的豆香味誘人，適合在較早的階段下湯，讓豆皮汲盡湯底的味道精華，變得軟腍且帶點煙靭。鮮做極品水餃半份和鮮做鮮蝦雲舌半份的用料也十分充足，肉汁繞舌，蝦香味新解而不腥，外皮沾了湯汁，吃起來便更香口。雜錦蔬菜盤內附有四、五款新鮮蔬菜，正好中和一下吃太多肉類的油膩感。蔬菜泡在美人湯中比較適宜，清新感較佳。炸芋頭外層微脆，是個香口的小食，份量頗多，大約有十多件。若覺得口感有點乾，把它沾一沾麻辣湯，香味也能刺激我們的味蕾。吃火鍋當然少不了喝凍飲，這次我們點了一壺沖繩黑糖鳥梅汁，甜酸味解渴一流，亦令我們更開胃，除去膩感。一壺鳥梅汁大將可倒出八至十杯，算是十分抵食。…Read More

幾年前在台北食過麻辣火鍋和酸菜白肉鍋，一試難忘，回味無窮最近發現了這間台式火鍋，一於來試試，以解相思之苦。一入到餐廳，發現佈置得古色古香的風格，很美很特別今晚叫了麻辣/酸菜白肉鴛鴦鍋，可以一次過滿足我兩個願望麻辣湯底，第一次來先試小辣，不是太辣，下次可以試試中辣，麻辣香氣撲鼻，食後咀唇有痲痺的感覺酸菜白肉湯底，微酸湯青甜，對兩款湯底也很滿意吃火鍋一定要吃牛肉，牛肉不過不失，合格另外叫了一些特別手工丸類，有芝士牛肉丸，鵝肝墨魚丸，黑松露蝦丸。本人覺得最好食最匹配的是芝士牛肉丸另外也試了自家製水餃及雲吞，兩款也是皮薄餡靚麻辣湯底內已經有鴨血，但我們幾個朋友也是吸血鬼，所以要追加了兩碟才滿足我們追加第一碟是有浸過麻辣湯的，第二碟就沒有。強烈建議追加浸過的，因為入味得多另外叫了老油條，名付其實，是一條非常堅硬的老傢伙。日本大根，吸收了湯底的味道仍吃到蘿蔔的甜味大腸頭，保留了騒味但又沒有臭味，處理得非常之好最後加了一份寛粉條，吸收兩款湯汁，連汁都撈埋，為這餐美味的台式火鍋畫上完美句號。…Read More

台式的麻辣火鍋，真的令人又愛又恨，愛它的麻香叫人一試難忘，恨它的辣不是人人可以接受，而這間位於尖沙咀金馬倫道的「老鍋台式火鍋」試後就給我留下深刻的印象，裝修古式古香很有中國風而且部分食材是來自台灣和自家製作，真的誠意可加👍🏻麻辣、酸菜白肉鴛鴦鍋 麻辣鍋 - 麻辣味道出色麻香令人胃口大增，夠麻而且不太辣，再加上湯底中由台灣直送的鴨血，簡直人間極品😋酸菜白肉鍋 - 材料十足有大白菜、番茄，豬王花腩、寛粉條。湯底微酸加上豬王花腩的油香，令QQ的寛粉條吸收了湯汁後，好食都停唔到口😬一酸一麻辣真的無法抵擋。特級美國安格斯雪花肥牛 - 厚身質量不錯，夠牛味芝士牛肉丸 - 自家製的，一口咬下爆芝士，小心燙到嘴😆😆自家鮮做極品水餃 - 內有鮮蝦非常彈口新鮮👍🏻就是這片鴨血，配上麻辣湯後令我愛上台式火鍋鮮炸響鈴 -即叫即炸，熱辣辣不用浸湯也非常可口台灣A菜 - 台灣A菜真的和我們本地很不同，非常爽脆清甜😋唐生菜 - 浸入麻辣湯底美味非常…Read More

去過台灣旅遊多次，但從來都沒有嚐過台式麻辣火鍋，皆因以為它與四川的差不多，胃納有限，只好留位給其他更好的了。想不到，今晚竟然在香港吃到，一家名叫老鍋的新店，主打台式火鍋，尤其知道它的湯頭內含鴨血及凍豆腐這兩款台灣地道名物，已經足以吸引我來。果然台風濃郁，木屏風間格，裝潢與港式火鍋店大大不同。用銅鍋，感覺懷舊，怪不得店名亦叫老鍋。設有少量醬料可以自調，基本的鼓汁、紅辣椒、芫茜、青蔥，而特別一些的是有蒜汁反白醋汁。我們選了鴛鴦鍋，美人鍋配麻辣鍋。招牌台式麻辣鍋果然不負眾望，味道討好，原來台式的麻辣比較溫和，同樣見到份量不少的花椒八角在湯內，但可能被其他香料中和了，一點也不霸氣，嘴巴舌頭無需受罪，湯頭可喝，不膩，而且真的有大大件的鴨血，台灣直送上，口感滑溜而又黏黏的，用台灣形容詞來說是Q彈！千層凍腐口感不俗，泡久亦不覺老。湯頭味道足，食物吸收了湯汁，不必蘸汁，已經可口。美人鍋湯頭主要以膠原豐富的桃膠及滋補的烏雞煲成，亦有南棗、杞子及淮山，養顏至寶，可惜我們忘記了先喝多一些湯才開始灼肉，只喝了的兩口，味清但頗醇厚。可能是新開張才兩個星期的關係，材料未齊全，餐單上有X的表示無貨，基本上沒有魚及兩款牛。本來估計有特色的七星鱸魚及活鯛魚皆無，只好選擇蟶子皇，新鮮大只，甜美肉有彈性，是皇非假。留意到此店只供應美國安格斯牛肉，欠缺本地手切肥牛有些失色，明白到貨源有限，反正大家來這店為的是台式麻辣鍋，不成問題！美國安格斯雪花肥牛外表對辦，紅潤及有雪花紋，可惜口感過度軟腍，完全欠缺牛肉質感，真的並非這店的強項。涮鍋小羊肉片 相比牛肉好得多，鬆軟美味，與麻辣湯頭非常合襯。嘉美農場雞肉 本地上乘材料，新鮮軟滑，在美人鍋內灼，味道昇華。我們亦嚐了韮菜餃、魚皮餃、山水滑豆腐及蔬菜籃，皆新鮮不俗。寬粉條 配一個筲箕仔，自己澱粉，有專業感覺，可以玩吓！其實亦有實際用途，因為質感幼滑易斷，如果直接放進鍋內煮，也許散了大半也難取得。鹽酥蚵仔漏了單，最後才到，但意想不到的有水凖，炸至非常酥香，炸漿薄，蚵仔肥美爆汁，口感外脆內嫩，極佳，調味適中並無過鹹，非常美味。這晚最欣賞的是麻辣鍋及鹽酥蚵仔，蟶子新鮮但頗貴，除了牛肉令人失望之外，其他材料皆對辦，環境有特色，服務良好，總括來說，是一家值得回味的店。…Read More