New Forest Restaurant

今晚由湾仔行路去銅鑼灣，打算往鵝頸橋熟食檔開餐，但走到近利景酒店，見到石鍋饭和焗飯專門店，7点未夠店內差不多坐滿6成，似乎是人氣之店。 看見poster的石鍋飯 很吸引，二話不說就入去試。 餐牌都有好幾張食物選擇唔只焗飯咁簡單， 石鍋烏冬，追加小食，特飲，甜品等等。 我選擇了"鯛魚濃湯海鮮石鍋 ($72)"，因為很久沒有飲魚湯，石鍋上台熱騰騰的海鮮湯，載滿海鮮 :有海蝦 ~大大隻新鮮貨色，青口，帶子，魷魚，配上濃濃的鯛魚湯 ，極道鮮甜美味，再加上自選的烏冬(可選擇飯或者烏冬)加進魚湯裏, 和吃湯飯的感覺又截然不同。 豪華得來又有家庭feel的魚湯烏冬。老公選了"軟殼蟹芝士石鍋飯"， 賣相很靚紫菜上鋪滿蟹子，還有剛炸起的軟殼蟹， 香口得嚟軟殼蟹中仍juicy。 飯也煱得剛剛好， 雖然在熱石鍋中，但飯仍保持軟熟，沒有結成硬飯焦得來也很甘香可口，實在難得。 吃到最後飯仍然是熱的!另外我們追加了"芝士焗龍蝦"和"蒜蓉焗龍蝦"。 因為即叫即焗需時一會。 蒜蓉焗那款很惹味，龍蝦鮮甜，开边烤也掌握到剛剛熟， 芝士焗那款也鋪滿芝士和混入海鮮醬汁， 味道豐富又不失海鮮的原味。 這款焗龍蝦會連同2個吉列紫薯，炸得鬆脆 ，內裏的紫薯蓉甜甜的非常美味， 切勿錯過這配角!特飲賣相方面 很似cocktail 但當然沒有酒精成份。 "荔枝"和"巨峰藍蝶梳打"哪款泛着水彩般的藍色， 很神秘。 梳打夠凍之餘亦充滿氣， 非一般甜椰椰的特飲。補充一下，雖然店內有不少鐵板和石鍋歺進進出出，冷氣仍非常充足。…Read More

草根一向勁中意食焗飯，一直都知新森林最出名食焗飯，但居所同工作地點附近冇分店，所以一直都未食過😕知道最近灣仔利東有個大月亮展覽，一於呢晚去灣仔分店食完晚飯，再去影個相😌✌🏻星期5晚大約8:00去到都幾多人，岩岩好去到有位唔洗等，下一張枱開始就要係出面企陣先有位啦，人流keep住都幾多坐低見到其實餐牌都幾多選擇，除左大熱焗飯，仲有鐵板、燒雞、小食同甜品。另外仲有d素食餐，呢點真係估佢唔到，始終香港都好少特別標榜有素食。今次草根就冇揀焗飯，反而揀左石鍋系列。叫左一個飯，一個烏冬，2款小食，同2杯野飲。奶醬脆豬（$7）草根最愛花生醬😍呢到用脆豬代替多士，食落更好味，奶醬多真係冇得輸嫁👍👍👅豚皇菜肉餃子（$9）一客3件，熱辣辣味道都唔錯，不過明明係淥熟，但係底部又見到煎左，口感仍然係一般淥餃子軟腍腍，有d搞唔明個用意係咩😂龍蝦芝士海鮮石鍋飯（$83）Bibimmap with cheese lobster and seafood龍蝦上面放左極大量蒜蓉去焗，食落好香蒜味❤️。其實識食緊係要將d蒜蓉撈落個飯到一齊食，真係超級香呀😍😍飯中間原本已經有好多海鮮，有帆立貝🐚、帶子、蟹柳🦀、魷魚🦑，海鮮足料到令人嘩然🤤加上個飯落左紫菜、芝士🧀同蟹籽，有咸香之餘加左份口感👅👍份量夠一個女仔食飽，不過因為太好食仲要同屋企人分，平日唔中意食飯嘅草根食完都覺得唔夠喉，所以即使有龍蝦相比，但係個飯其實先係重點🍚草根超級推介！鯛魚濃湯海鮮石鍋（配手打烏冬/泡飯）（$72）Seafood jeongol with snapper soup (handmade udon / rice)另一個石鍋叫左鯛魚濃湯，可以配泡飯/烏冬。草根揀左烏冬，嚟到見到個石鍋仲冒晒煙，好吸引😍要讚下由於烏冬同個湯分開上，所以唔會整腍晒，石鍋內放滿海鮮🦀🐟🦑🐙有蝦、青口、帆立貝、魷魚......好似草根一樣嘅海鮮迷一定好滿意❤️鯛魚濃湯個名冇改錯，味道好濃，超級鮮味，調味好正👍烏冬有韌度，食咁d海鮮後可以直接加落去個湯到，熱辣辣加上烏冬吸左d湯好吃無誤！不過烏冬份量唔係好多，男士食就未必夠飽啦😝烏冬同個飯都配有熱飲，凍飲加$3，草根就叫左一杯熱啡，一杯特飲。熱啡唔錯，可惜用紙杯上，唔係咁環保，而且好細杯🙈。特飲叫左韓式柚子肉梳打（跟餐+$8），顏色有漸層幾靚嫁，一定要攪勻先好飲，味道較淡，一般般啦～今次食完發現原來新森林原來都真係幾好食，難服得待嘅草根爸媽都讚食得飽又好味😋，唔怪得晚夜keep住咁爆啦！而且仲可以加d錢叫小食，滿足到貪心又食得唔多嘅多心怪！😜下次諗唔到食咩又多個選擇。…Read More