World Trade Centre Club Hong Kong

今日同朋友食飯，好榮幸佢帶左我黎食好野！位置好大好寬敞，亦好華麗，絕對適合舉辦小型婚禮/公司party。電梯都好華麗!我地今日就食中式野，飲茶！有唔同既醬汁，當中我覺得XO醬就最好味！另外佢個花生好香脆，我都好鍾意食！我地叫左龍井，個茶好清香。仲會暖住個茶，好貼心！<香煎蘿蔔糕>呢個蘿蔔糕好好味，食得出係自己做既，有好多既白蘿蔔，而且味道適中，唔會太重味！<煎窩貼>煎窩貼亦都好值得讚，因為一咬有好多肉汁，超香超好味，又唔會好膩！<冬筍鮮蝦餃>蝦餃雖然比較細隻，不過入面隻蝦真係好鮮甜！而且個皮都好煙韌！<原籠粉絲蒜蓉蒸龍躉球>龍躉球好新鮮好甜，蒸既時間岩岩好，令好啲肉好滑！<菜苗千層竹>個千層竹好好食，平時唔好腐皮/豆腐既我都覺得幾好味！菜苗亦好新鮮！<鮮蝦雲吞麵>雲吞麵又係勁好食！麵條煙韌又好有蛋香，鮮蝦雲吞既鮮蝦好新鮮好甜！最後仲有個甜品，我好喜歡因為唔會太甜，而且椰汁糕好香滑。總括而言，我超級推介大家去食！餐廳食物質素好高，採用既材料都好新鮮。而且服務態度十分好，成餐飯都食得特別開心！…Read More

今天係Happy Friday, 有幸得到客戶的邀請, 中午全公司一起到世貿中心的世貿中心會品嚐大閘蟹。12點多到達會場, 環境真的不錯, 玻璃外都能盡覽海景。而且枱和枱相隔的位置也很闊, 坐得十分舒適。侍應們都十分友善~傾下偈, 影下相~等到1點多終於準備開始食大閘蟹!! 說真的, 小妹真係第一次食大閘蟹, 本身想食其他小菜便好了, 但在同事們的極力推篤下, 便決定便豁了出去!!客戶亦教授我們如何快速地拆蟹! 睇到哇哇聲, 對於小妹來說, 原來拆蟹都有咁多學問, 真係獲益良多!客戶所提供的大閘蟹介乎在5.5-6兩之間, 而且蟹腳側的毛是金啡色的! 所以算是一隻靚蟹。打開後看到金黃色的蟹膏, 首次品嚐後, 感覺十分鮮甜美味!! 意想不到連蟹腳的肉也這麼鮮甜! 大家都食到很雀躍!! 哈哈, 難為了正在懷孕的同事, 不能一同分享這美味的食物。不過由於大閘蟹屬於高膽固醇的食物, 還是食一隻夠了!! 品嚐完這次大閘蟹後, 小妹回想起便津津有味!食完大閘蟹用檸檬水洗洗手後就要飲返杯花雕酒或薑茶驅寒, 不過小妹兩種都覺好難頂, 兩隻都"咪咪"一口便算了!之後便陸續上菜, 先黎咕嚕肉, 食落外皮炸得香口可口, 啖啖肉, 配埋甜酸醬, 真係好好味!!上湯芥蘭, d菜好新鮮, 條條都食到"索索"聲, 以上湯烹調, 特別鮮味。 洋蔥炒牛柳, 此菜較遜色, 不過牛柳勝在唔多筋, 食落唔會太韌, 唔會食到牙骹軟。脆皮豉油雞, 雞皮部份皮薄, 能吃到雞皮位置脆脆的, 脂肪也是很薄的一層, 而且肉質細嫩, 不錯吃!每人一碗鮮蝦雲吞麵, 鮮蝦雲吞大大粒, 就黎滿瀉呢。雲吞麵麵條彈牙, 重點是鹼水味不重。而鮮蝦雲吞內裡亦有大大隻的鮮蝦, 爽口彈牙, 好吃。飯後當然又係甜品時間, 桂花糕、合桃酥和鮮果盤。桂花糕, 晶瑩剔透, 淡淡的桂花香食落很清新, 口感不會太硬實!合桃酥, 本身還以為會是微熱的所以有點失望 (因為通常飲宴的都是暖的)。但吃落原來也不錯, 十分鬆脆和有合桃香。鮮果盤, 食件生果清清飽滯感, 這餐中午足足吃了4小時, 但是十分滿足呢! …Read More