Mirror & Vegan Concept (Closed)

在限制晚市前去食間一直想試的素食西餐~以前一講素食就諗到中餐, 素生炒肉, 素肉呀~ 其實西餐都可以係素食, 仲可以好多元化, 完全唔覺"無啖好食"前菜叫左鮮果柚子醋沙律, 呢個沙律好繽紛, 因為有好多生果, 包括士多啤梨, 奇異果, 橙, 無花果等, 生果同沙律菜好新鮮, 配上柚子醋汁酸甜酸甜好開胃!薯條伴黑松露醬 - 薯條係厚身粗薯仔, 炸得好脆又唔油, 上面加左海鹽調味, 再加埋好多黑松露的黑松露醬, 好味道。白松露虎茸菌扁意粉- 有驚喜~虎茸菌好香, 本時好少食到, 淡淡的白松露香味配上口感一流的扁意粉, 配搭得好好, 值得一試。牛肝菌義大利飯 – 精髓在於牛肝菌, 呢隻菌係食素最好的選擇, 營養好高又好味道!

今日約咗一個好耐冇見嘅朋友，佢最近都有食素嘅習慣，於是佢就選擇了喺佢公司附近嘅一間西餐。呢間餐廳入口好隱蔽，喺橫街嚟嘅，上到去餐廳燈光暗暗地，好有氣氛。唔知係咪好耐冇見所以特別好胃口，我哩個朋友點左好多食物🤣🤣。薯條伴黑松露醬：薯條係用新鮮薯仔做的，會見到有少少薯皮，炸出嚟外脆內軟，配埋黑松露醬簡直一流。不過份量真係多到要打包🤭🤭鮮果柚子醋沙律：有好多新鮮水果，例如橙、奇異果、士多啤梨、藍莓，仲有番茄同新鮮沙律菜，配埋柚子醋，食落令人好開胃。白松露牛肝菌忌廉湯：好香白松露味，配埋多士，正👍🏻。青醬堅果長通粉：估唔到朋友會叫哩個通粉，本來我真係冇乜興趣，點知好意外哩個長通粉好好食，青醬冇乜草青味，配埋芝士同nuts 一齊食，口感豐富。白松露虎茸菌扁意粉：出面好少見有白松露意粉，所以我揀咗哩個。白松露汁加埋d菇同扁意粉，好味到成碟可以自己一個食晒😂😂fruit punch: 朋友竟然叫一jar，不過真係好抵飲，啱晒幾個朋友暢飲一番（不過今晚我得兩個人🤣🤣）

中環原來有這樣一家素食意大利餐廳，偶然發現，覺得挺新鮮的。今天想嚐一點新口味，晚上就來了這家餐廳。餐廳小小的空間但佈置雅緻，充滿意大利氛圍。餐牌上的菜式非常熟悉，跟大部分的意大利餐廳差不多。只是當你記得她提供的是素食，感覺上好像多了一份新奇。鮮果柚子醋沙律賣相別緻，好像一個放在餐盤上的花園。沙律菜和水果非常新鮮，配上柚子醋，十分開胃。同時兼有視覺和味覺的滿足。肉醬意大利粉調味濃郁，雖然是素食，味道卻十分豐富，口感還真像肉醬。吃起來感覺又美味又健康。牛肝菌意大利飯是今晚最令我回味的一道。店家做的意大利飯非常正宗，剛剛好的半熟，剛剛好的調味，最重要的是簡簡單單的牛肝菌，就已經在口腔留下難忘的香氣。今天的素食體驗非常新鮮，這是一家令人難忘的餐廳，除了食物出色，店員服務有禮，還令人感到健康。